妹記大排檔 (已搬遷) 新店位置

今次係第三次來, 食物都ok. 點了:例湯 ($12/碗) : 今次係葛菜湯, 第一次飲. 初初唔sure 好唔好飲, 唔夠胆叫兩碗, 先點咗一碗試試. 第一啖飲, 嘩, 唔錯喎, 好似菜乾湯咁, 但再甜d. 唔錯. 鋼鍋雞 ($68 ) : 呢個之前都食過, 有好多唔同的香料, 覺得好正, 今次再食. 雞都幾滑, 但唔知係咪雪雞呢? 呢排應該無新鮮雞喎.椒鹽魷魚鬚 ($42) : 呢個麻麻, 脆漿唔夠脆. 也沒有很香的椒鹽味. 總括來講, 呢度d味道都幾唔錯, 但炸野有少少失望, 希望下次好d啦.

尋晚一行三人去尖沙咀妹記食飯，叫咗五個餸：1.黄金蝦($52)-----多咸蛋黄，好味。蝦稍為細隻啲。2.鴛鴦蒸烏頭魚($48)-----鴛鴦為豉汁同咸檸檬,蒸得好惹味，正！3.咸魚茸飛天通菜煲($48)-----好香咸魚味，通菜炒得清脆。4.鬼馬油炸鬼($58)-----外脆內爽。5.鋼鍋雞($68)-----味道夠濃郁，友人都話好味。三人中只係我無嚟食過，試過後我認為妹記喺尖沙咀區嚟講，可以話係平、靚、正呀！

30/5 同事食飯, 提議去妹記- 咸魚茸飛天通菜煲 ----- 好香~ 本身唔鐘意咸魚都覺得幾好食- 鬼馬油炸鬼 ----- 成日都聽到~~ 不過無機會試, 佢個油炸鬼硬左 d .... - 薑蔥蠔煲 --- 蠔 .. 大隻 .... 正~ ( 完 )- 黃金蝦 ---- 唔好食~ 同我諗既唔同, 仲有 d 蝦好梅 ==- 籠仔蒸雞 ---- 想食個陣都無人掃晒- 炸乳鴒 ----- 香口 !!!! 一言難盡- 砵仔魚腸蒸蛋 ----- 第一次食~~ 唔錯, 不過不愛莞茜者勿試- 豆腐生根竹笙煲 ----- 生根好食 .... 係油左 d d 衰在無開 2 支啤酒 ... 如果唔係仲 prefect !!!

23-05-08 Friday Night一日無意看一下自己的二百多個食評發現原來自己兩年多前吃過妹記大排檔卻沒有吃特色的小菜剛巧一位友人約我吃飯於是決定再戰妹記八時多, 排隊十分鐘有位分配的是有椅背的一邊, 那邊地方較整潔兩人點了:1)咸魚茸飛天通菜煲 $482)鋼窩雞 $683)鬼馬油炸鬼 $584)哈爾濱啤酒 x3 沒記價錢5)白飯 x3 沒記價錢1)咸魚茸飛天通菜煲: 香噴噴的, 咸魚茸沒有過份咸, 味道剛好, 沒有蓋過通菜本身的味道2)鋼窩雞: 菜單上寫着是特色的醬料去炒才放進煲內, 就是這樣, 吃起來會比一般用煲煲出來的香口一大堆香葱, 韮王散發着青蔥的氣味, 雞肉雖輕輕的靭了一點, 但少少的辣使人不禁一口一口的吃3)油炸鬼吃得多, 但鬼馬油炸鬼真的沒吃過. 油炸鬼外層還有脆皮, 油炸鬼內是墨魚膠.配以酸醋, 正可惜的是哈爾濱啤酒的戰鬥碗全給其他食客用了, 只得普通的碗心裡不是味兒!

晚上八時多已經無焗魚腸,咁快?結果叫了南乳酥炸骨$42:好肥的排骨,味道像椒鹽骨,好惹味;南乳醬另上,溝得好稀涼瓜雞煲$48:獻汁幾甜,令苦瓜一點都不覺苦;雞就麻麻,肉質鞋,除了一隻雞中翼外,全部都是雞胸

以為柳暗花明,點知明月照溝渠!黃金蝦-個醬汁都還可以,但係d蝦真係隻隻都係'梅'o既哩...椒鹽炸蠔-叫錯左,本身諗住叫薑蔥爆蠔.算...個椒鹽一d都食唔出有味,不過係d蠔夠大隻.炸得都乾身炸墨魚咀-哇..個jaw攰d都唔好食..咬成分鐘先咬得難...又無咩味道海鮮雜菜煲-呢個ok啦..都唔可以難食得去邊...海鮮係帶子仔,魷魚,蝦仔.菜有西蘭花,生菜等,仲有粉絲!

和朋友們看過餐牌上的推介後, 一口氣點了八碟小菜; 但想不到第一碟小菜竟在四五分鐘之後立即送上!!第一碟送到的是推介的"鬼馬油炸鬼", 其實是油炸鬼包了墨魚肉去炸~ 味道還算不錯~~而且很大碟~之後上的幾個煲仔菜- 有雞, 蠔和牛腩~ 雖然好像雞最出名, 但我卻覺得蠔最好味!! =P 哈...不過每個窩都有很多葱!而這裏另一推介的黃金蝦我没有試呢~ 因為它的賣相比我想像中的差很遠, 但朋友們說味道不錯~這裏每碟的份量不是太多, 而且有很多都是適合佐酒吃的~ (間中會有人問你是否需要點些啤酒!)* 是抽氣系統不太好的關係嗎? 整晚場內都好像煙霧彌漫似的...

今日同女友行尖咀，正唔知去邊度食之際。向諾士佛台附近見到有間妹記大排檔。之前聽同事講話幾好，所以擇日不知撞日，就去試下。我地點左：鬼馬油炸鬼－幾好！一Ｄ都唔油，唔錯！黃金蝦：都幾香，不過唔夠鑊氣南瓜海鮮盅：有創意，Ｄ海鮮汁滲入南瓜肉度，幾好味！不過帶子得兩粒，多兩粒就好Ｄ侍應好有禮貌，反應快，服務好。

上星期，跟長輩逛完TST，便吃晚餐。提議到妹記大排檔一嘗，聽長輩說很多人前來都是慕名而來，報紙、雜誌介紹過。經過這一餐，食物質素普通而已，真是慕名而來，與普通大排檔的食物水準一樣，沒驚喜，沒失望。普普通通！這一晚餐，叫了以下食物：1) 鋼鍋雞2) 海棠豆腐3) 炸芥末墨魚丸4) 豆豉蒸排骨5) 小堂菜XXX (個名太長，忘了)不詳細評了：整體水準如普通大排檔一般。慕名而來，來了一次，不會再來！# 由於長輩付$$$，不知價錢&消費如何~~

行完新世界, 過左馬路入黎加連威老道一帶食飯, 由緬甸臺開始, 經過赫德道, 一路在橫街找食, 行到厚福街, 被一間北方小館吸引了, 幸好只是停一停, 看了走, 再由信義街直行至金巴利街, 發現了我多次找不著的韓國街, 再找到這聞名已久的妹記.安排了位子坐低, 想食東又想食西, 看見隔離檯叫了一個炒辣椒. 問了伙記, 是豉汁少虎椒, 另外想了很久才想到上湯豆腐墨魚滑煲, 南乳香酥骨, 再炒多碟清菜.個辣椒, 豉汁一流, 辣椒又不算太辣, 味道送飯, 一流. 豆腐墨魚滑煲, 非常清淡, 墨魚滑內有馬蹄, 食得出是是自制的. 香酥骨, 細細粒, 加埋個南乳汁, 香口異常.地方是大排檔, 找到一個卡位, 比圓檯摺凳舒適, 伙記亦好有心機解釋介紹有乜好食. 有位印巴籍傳菜, 有時唔知佢是普通伙記與否, 叫佢埋單. 佢都好落力, 同我地走左去Cashier叫姐仔來收錢, 亦遠遠打眼色話已經叫了Cashier, 非常盡職.埋單$180 抵食!!

第一次嚟呢間大排檔, 地方都算寬敞, 可能是閒日, 都算少人。因為得兩個人, 所以只叫了兩個小菜。1)鋼鍋雞　－　好似有種炭味，除咗雞，仲有好多雲耳，冬菇等加上唔知咩嘅香料炒埋一齊，有ｄ辣，但係幾惹味。2)黑椒羊鞍煲　－　黑椒味好夠，所以唔會唔好味，但係就有晒ｄ羊味同埋ｄ羊係碎濕濕，咁樣嘅一煲嘢要$68就覺得好唔抵。

第一次比喊臉, 竟然係間咁出名的店鋪, 應否比多次機會佢呢? 話說星期六專登過海, 來到依度開飯, 食左: 沙拉骨, 炒聖子炒豆苗一白飯, 2支汽水碟炒聖子落左order無耐就上來, , 但送上來時只係微暖 而唔係熱辣辣的, 可能因為依個原因, 味道亦因此而差左, 變左好似d醬汁撈埋d聖子沙拉骨-- 用腩位, 醬汁亦唔係一般的白色沙拉醬而係橙色的; 但個人認為味道只是介乎中等至中上, 因為d肉唔夠乾身, 混d醬汁時無咁好食; 個人始終較喜歡越華會同金山的沙拉骨炒豆苗-- 好多油, 食到底好似油浸菜咁一碟OK但有兩碟唔得= 喊臉為公平論, 純以大排檔來講, 論環境同乾淨都比跑馬地或者北角渣華道差, 星期六去果時, 地下有食物同垃圾, 當時只係7點左右, 部份膠坐椅又有d積係到, 好心就換過佢la 為一可讚的係夠平, 餐牌上唔少小炒都係$50蚊樓下依餐兩人食, total $179 埋單; 係通脹之下再加上係尖沙咀, 無得唔俾5分抵食; 但要食一碟微暖的聖子, 真係離譜當然, 唔排除佢只係一時失策, 不過短期內都唔會再有下次

昨天放工後電聯兩位老友飯聚，因為其中一位友人有事要到尖沙咀處理，想想後决定再去妹記食，朋友先到他在近入口左面，铺上枱布那邊找到吉枱，下單後很快便有得食。今天叫了1. 每次必飲哈啤兩枝+戰鬥碗2. 南乳蕀香骨($42)3. 薑葱焗生蠔煲($68)4. 八珍豆腐煲($48)5. 豉汁蒸烏頭($48)薑葱焗生蠔煲味道不错，成煲薑片及香葱段，但生蠔數量不多，如果人多可能要加大才夠食；今天的南乳蕀香骨的水準不及以往，這次的排骨不夠肉厚，只有香蘇味口感不足；八珍豆腐煲味道可以，但今時今日健康掛帥，朋友都少吃內臟，其實一人只是吃一點，也不怕胆固醇呀，間中食吓都無妨。豉汁蒸鳥頭肉質不夠實，但味道而言算合格之作。

和友人到尖沙咀取hkiff的資料, 順便走來這裡吃飯.這裡飲啤酒是用一隻寫住“戰鬥碗”既碗飲既, 好有特色.小菜點了:1)鬼馬油炸鬼: 好大碟! 不過太greasy, 吃剩了一半2)黃金蝦: 既係金沙蝦, 用咸蛋黃炒既, 蝦肉唔係好新鮮, 又greasy, 吃剩了一半3)海棠豆腐: 其實這道菜沒有豆腐, 是用蛋白整既, 上面有d蝦/ 魷魚/ 帶子, 幾好食4)炒豆苗: ok雖然食物麻麻, 不過好彩d哈爾濱啤酒好好飲, 個啤酒妹又成個model咁, old chan feel! 補返數!

再次尋羊，來到妹記。尋羊之心越來越熾熱。朋友一早到達，先為我點了羊腩煲，以防我又再次失望；我甫到看見一人一煲，真的很感動；二話不說，白飯一碗，羊腩豈可無飯？羊腩入味，份量亦足，味道略淡了一點，本來配腐乳醬剛好，惜腐乳醬略欠香味，未能為羊腩湊點睛之效。不過有一大碟唐生菜，加上腐竹和馬蹄，也慰了我的相思之苦。再點了鬼馬油炸鬼，很鬆脆，但略苦，可能炸得過火了。加一味油浸荀殼魚，朋友說不錯，肉多，頗嫩，很抵食。尋羊總算有結果，最難忘的是那一人一煲的身影和那一份心意。