外賣等左90分鐘，pizza 2個都係燶，要挑起哂燶左D配料先敢食，個pizza烘到又凍又硬，仲要未完全切開哂⋯薯條淋哂，雞翼同飯凍哂，汽水係室溫⋯以後唔會再叫。

平日5點幾到，叫左個椰子螺頭烏雞湯，店員一開始話賣晒，之後又話入去問下，出嚟又話有。我一打開⋯盅湯好濁，D湯料竟然係個烏雞頭同雞腳，加一細片椰子咁大把，湯係完全冇味的！見人地D食評話好足料，仲話有一大片螺頭，唔係呀嘛？你賣哂咪照直話冇，唔好咁寒酸溝水得唔得，仲好意思放個雞頭入去⋯ 本身想搵個店員，但counter長期冇人，even我買湯時都企左幾分鐘。唯一要讚嘅係環境幾好，為左等人由5:30坐到差唔多7點，一個客都冇 $60⋯一定一定唔會有下次

五位朋友相約到青衣公園拍紅葉湊熱鬧，拍照前先到青衣城吃點東西。星期日已經接近下午茶時段，到處還是人山人海，好不容易在Mr. Steak找到位，也坐得好舒服。
看看set lunch menu，也不便宜，價錢由$108到$198也有，而每個餐包自助沙律吧、餐湯、主菜和甜品，加$48可以要個鵝肝拼蘋果批，本來大家打算share，因為女仔吃不下太多東西，但服務員提醒如果不每人order一個set lunch，沒叫餐的食客便要每人加$98叫自助沙律，衡量過最便宜的意粉餐$108，差價才$10，那按人頭叫餐好了。
自助沙律吧選擇很多，大約有二十種配料，材料也新鮮，但大家都盛太多，之後吃得好勉強……餐湯是南瓜湯，味道不錯，南瓜味好重好甜，可惜一點也不熱，跟湯的蕃茄包還要超硬，最後大家都放棄了。
主菜有雞扒拼肉腸、豬扒、大蝦拼魚柳、蕃茄海蝦意粉和羊架，值得推薦的是大蝦拼魚柳的大蝦，是真的很大一隻，也很入味，而魚柳可能放耐了，出油嚴重，且十分鬆散，一夾就散。雞扒和豬扒味道普通，不是特別難吃，但的而且確沒有驚喜，老實說跟茶餐廳的水準差不多，而且可能人客太多，等了超過廿分鐘才上桌。甜品紅莓mousse酸酸甜甜，可惜mousse不夠滑身，而餐茶凍檸茶完全失敗，分開上的糖水完全無味，而杯茶本身完全無茶味，後來問店員，竟然說糖水不夠，所以被開稀了……一間大餐廳，糖水都無？而且應該有不少人點凍奶茶和凍檸茶，那之後怎辦？如果一開始跟我們說糖水不夠，叫我們轉點熱飲，我們反而好受一點，現在…唉……還要不停漏單，三催四請……埋單每人$150，午餐來說算貴，但勝在坐得舒服，在青衣城也算是容易等位的一家。但下次如非其他餐廳無晒位，否則就不會再來了……

記得每次到信德中心找朋友食lunch，都會被那條超長的人龍嚇怕…今日經過尖沙咀，難得無人排隊，馬上就衝入去了！

七點幾，入到去只得小貓三、四隻，揀了一個卡位坐。看看餐牌，也有不少選擇，扒餐、中餐、西餐，好多好多……最後我們點了加喱牛腩飯和雜扒，可能因為無人，不消十分鐘就上菜了。

加喱牛腩飯超級難食，飯好硬、汁好稀，有種沒有加喱味的辣味，牛腩似牛筋多ｄ，全部都係筋，想點……

雜扒也不見得太好，肉質有點假，像用粉「拿」過；黑椒汁不辣，勝在配菜足料，薯條炸得很脆，不錯！
凍檸茶差不多有一半是冰，檸檬砌得又厚又薄，味道苦澀得恐怖。
最後食左一半唔夠，決定轉場……

無下次。

公司Annual Dinner，提早半個月book位，PR相當細心，E-mail幾張meun給我們選擇，最後我們揀了$198，不包飲品的set。對方還細心幫我們安排shuttle bus，服務態度一流！

六時多到達，開揚靚景一望無際，在場大部份都是外國人，PR走過來做Welcoming，給我們講解收費和安排shuttle離開，好細心。
對方為我們安排了兩張長枱，廿幾人好難傾偈，但見餐廳內的setting都是這樣的，那就沒有辦法。一坐低，見到枱上的menu印有我們公司名和日期，而且是用全英文的，感覺專業，又再加分。
炭燒沙嗲(雞)：沙嗲汁很甜，超惹味，肉質很嫩，好食！
大蝦柚子沙律：這個最讚！酸酸甜甜，大蝦十分爽口，全晚最喜歡的菜色。
甜酸魚柳：這味也是酸酸甜甜的，很開胃，魚柳足料，肉質很嫩，唯一可以挑剔的是肉質比較鬆散，一夾就散。
炸蝦餅：蝦餅脹卜卜，粉薄，啖啖蝦肉，配上甜酸汁，一流！
泰式奶茶：可能飲慣港式的，覺得這個味道有點怪怪的……不過不要緊，試試都好！
水果拼盤：很少餐廳的水果拼盤會有士多啤梨，因為價錢貴，可見Erawan的誠意！
食完飯，還有一點時間才有shuttle，再周圍走走影下相，很滿足的一餐！

入石澳燒野食，散band後意猶未盡，大家決定再戰糖水舖！多得Openrice有個iphone apps，我地好快就鎖定糖百府！無計，太掛住雪花冰啦

幾個朋友諗都唔諗就叫店裡幫你配好的set，唔洗煩嘛！我ｏ係日本宇治食過宇治金時，好回味…本想再叫的，但心諗…始終係香港，應該有點距離…為免失望，都係叫返我的第二最愛，牛奶冰加栗米片配香蕉！比人笑好似食早餐，哈哈。

味道和旺角店的沒有多大分別，牛奶味香濃，份量也足，其實兩個人都夠吃，雖然畢來畢去好像有點核突……但眼見好多情侶都是share的。

試了朋友的牛奶冰朱古力加彩針，好colorful，朱古力味也很香，但好像太甜了，食晒成個應該會好肥！彩針……我也沒有什麼好感，不過見朋友食得津津有味，應該不錯吧！
總括來說，滿意的糖水宵夜

早在十二月頭已經見到聖安娜Cupcakes的強勢宣傳，可愛聖誕樹架加精緻cupcakes！個個女仔都一定會鐘意！所以諗都無諗，就為公司的Xmas Party訂了一set，廿一號朝早7:30am取貨。

準時去到，但可能店員是新來的，完全唔知頭唔知路，搞了超過十分鐘才拎到。聖誕樹架要自己砌的，有說明書，不過不看也懂，不用擔心。十八個蛋糕仔要分兩個西餅盒，但一個人都可以拎到，好方便！

蛋糕仔好colorful，分開幾個不同造型，在外國有時也會吃cupcakes，所以潛意識覺得cupcakes一定超甜超肥，但這幾款也不算過甜，味道ok！朱古力味最多人搶！聖誕樹和禮物糖膠造型也的確很讚！連男同事都大叫「kawaii」！只是…$288一set，其實一點都不便宜…但應節嘛，無所謂啦！

每一次來奧海城睇戲都想來這裡食飯…

今次兩個人點了醬爆蝦丸、牛油薄餅、鹹魚炒芥蘭、豬頸肉、燒魷魚、海鮮炒粉和兩杯益力多特飲。

個人來說覺得好好味，看到下面的評語麻麻，更批評是Localized的口味，但我想說呢，如果想吃地道泰國人做的菜，你去九龍城就是啦，來到這裡也不必太奢望可以非常正宗吧！有時要就一就香港人口味也是情有可原的。

醬爆蝦丸好惹味，就咁食會比較淡，一定要配那些甜甜酸酸的醬汁，粒粒都好大舊，食完已經飽飽地。

鹹魚炒芥蘭算幾大碟，真係有好多鹹魚無偷工減料！但比較油…

豬頸肉非常軟身，就算放了大半個小時變涼後仍不覺得硬，而且不油膩！很好！

我最喜歡是牛油薄餅，雖然是比較普通的東西…但牛油味超香！份量亦足！

益力多特飲幾貴，但真係好好飲！

總括來說，其實我都幾鐘意依度，會繼續支持！不得不提，那裡的Waiter非常helpful！我地倒瀉野他們是幾個人衝過來清潔的，飲品濺到隔離枱還幫我們道歉，好專業！

不過事實上，又真係貴貴地既…

愈來愈多人喜歡素食，素食店亦愈開愈多，我們食過幾間，還是覺得質素一般。

第二次來青亭，依舊要等，不過店員禮貌周周也無所謂啦，但地方的確淺窄，坐低都隨時會碰到隔離枱那一種。

叫了一個叉燒飯，雖然明知不可能跟真叉燒一樣味，但事實上完全不覺得那是一塊叉燒…朋友叫了鰻魚和雞肉，我們都覺得其實三種食物味道一樣，只是汁唔同。

那杯水蜜桃特飲更恐怖…用糖水溝的，成杯淡到以為飲緊水！杯身還要痴立立，搞一搞杯底的「果肉」依舊無味，跟店員要求換一罐可樂最穩陣，他們肯換…但之後拎著杯野跟我們說：「其實你地未搞喎，ｄ味o係晒下面」，真好笑，不過我們也懶得理了…

總之，無下次…

本來想去糖百府食雪花冰，點知拎張飛，仲有三十幾張先到，唯有過對面石磨坊，唔洗五分鐘有位！

叫了個朱古力雪花冰，賣相好一般，只得些火龍果、棉花糖、香蕉和椰果伴碟，價錢亦貴，完全唔值…味道沒有什麼驚喜，好普通的朱古力味，算合格，但份量真的算少…唔抵食！

無下次！