天天海南雞飯 (ELEMENTS圓方)

营业中

休息中

提早和媽媽慶祝母親節，媽媽最愛吃雞，一於約她來吃新加坡過江龍—— 天天海南雞飯。爽脆海蜇想不到海蜇配上芥蘭亦很配，再加上馬蹄粒，真的爽爽脆脆，絕對開胃。天天海南雞（例牌）媽媽最注重雞肉的嫩滑，幸好天天的海南雞肉皮薄、雞肉嫩嫩👍🏼配上醬油、酸辣醬和姜蓉等等，更能提鮮。個人喜歡酸辣醬，味道有層次之餘亦見有不少香料，有心思。椰子八寶打卡必點！湯的材料很豐富，有圓肉、豬肉、紅棗、雞肉等等。除了鮮甜外，店家更選用了老椰子來燉湯，Level Up !💪🏼💪🏼酸菜石斑石斑炸起，鎖汁之餘配上酸菜、花椒、辣椒等等，好惹味👍🏼原味小籠包想不到小籠包也是打卡位，媽媽對於店家插在小籠包上的醋汁，表現有興趣。我最欣賞的是醋汁和湯汁能夠一滴不漏的滲在小籠包內，值得一讚。小籠包內的肉汁滿滿，皮夠薄，喜歡。

圓方原來開咗天天海南雞，佢係去新加坡牛車水MAXWELL 的排長龍名物，見暫時無得去旅行，就去呢搵返新加坡味道。呢間天天係由四間新加坡的品牌一齊合作的，有超好面、老街坊、五十年代，所以食品選擇很多元化。店員好有耐性咁介紹咗好多當店人氣的菜式，以下四款都係店員的誠意推介。雙果沙律 ($98)雙果有新鮮的無花果同牛油果，加上店鋪自己調制的紅菜頭汁，生菜上面配咗幾種乾果，同一般沙律唔同係帶甜的，非常清新，減少肉類滯的感覺。松露蝦多士 ($108)小食有呢個香濃的松露蝦多士，蝦非常爽口，兩塊麵包中間夾咗用墨魚汁整成的墨魚滑，炸咗的多士上面淋上松露醬，鬆脆野味，唯一的缺點係油咗啲，3個人SHARE的話，一人一件就PERFECT啦!天天海南雞(中份) ($158)當店主打，去咗骨的雞肉未食就知好嫩滑，一層厚厚的雞汁淋上肉面，雞皮超薄肥膏少，食多幾件都唔覺滯，店員響上菜時有教各種醬汁的配搭方法，中間的係店鋪自己調教的酸辣汁，我自己最鐘意呢個! 食的時候可以放少少芫茜響面，豐富酸辣汁的味道，另外有來自新加坡的黑醬油，比普通的醬油"杰"身的，帶甜味，還有店鋪每日新鮮磨的薑蓉，係食切雞的最好配搭。中份係例

呢間餐廳裝修同味道都一流，連餐具都好靚，唯一缺點係價錢太貴。當日叫左招牌海南雞同一個油飯雞好滑嫩，有「啫喱」，雞皮又唔會太厚太韌，好好味。油飯好香好大碗，用一個石鍋裝住，但係因為太大碗，我地2個人都食唔曬，而且同雞係分開收費，盛惠38。個人覺得其實太多會造成浪費，倒不如一人一個碟頭飯size，會好好多。仲有叫左一個和牛肉粒，味道其實都不錯，個醬汁好好味，和牛黎唔會太韌，而且都係嫩滑的，只不過真係太貴，一百五十幾得幾粒，雖然下面用乾冰整左啲白眼，打卡係好靚既，但係就真係唔抵食，埋單每個人都要2百幾。總括而言，呢間可以encore海南雞，下次都可以試下喇沙同甜品，不過應該都會隔好耐先會有下次。

天天海南雞是獲米芝蓮推介的新加坡過江龍海南雞飯餐廳，同事們好喜歡去食嘢。今日去圓方見完客，大家又一齊去食雞啦！天天海南雞，餐廳的海南雞選用新加坡總店一樣的雞隻農場養殖，雞皮薄而肉滑，冇乜肥膏，肉質鮮美，入囗幼潤，彈牙軟腍，難怪獲米芝蓮推介。可沾上自家製雞醬，更加惹味。雞油飯夠香夠味，粒粒分明，軟硬適中，用石鍋並蓋上蓋子上檯，以保持熱度。古法骨茶，餐牌寫住煨足六小時，上枱時用火熱住食，骨茶用料豐富，有大大條豬肋條、豬肚、枝竹、豆卜等，湯底香甜，豬肋條林滑，枝竹豆卜索左啲湯汁鮮味十足又有口感。海味豆腐，用海味剁碎做餡料讓落豆腐，煎香之後再用特製醬汁炆煮，用火熱住食，豆腐滑嫩，海味和醬汁惹味，送飯一流！

週末由天際 100下來，就近解決午飯。之前一直喜歡去星加坡玩，雖然星加坡的天天也並非十分出色，但心中有期待希望可以借一餐飯找到去星加坡旅遊的感覺，亦是疫情下的少少安慰。事與願違，出品與星加坡完全是兩回事。雞的質感，口味，連同澆上的芡汁都十分奇怪，我無法認同這是好食的海南雞，唯一是油飯味道及格，米質地偏軟，我更喜歡米帶少少咬口。建議各位還是等疫情緩和，通過旅遊氣泡去解饞。若就在香港，這個價錢不如付多少少，去君悅好過。最後，慶幸自己沒有再點多一份肉骨茶。

呢間人氣餐廳，今次終於有機會試到😚🔖​芥末和牛💰138呢個強烈推介大家一定要嗌😍用乾冰上打卡一流啊📸重點係個和牛粒好香，肥美肉嫩，口感鬆化🤤加埋芥末嘅微辣，將和牛嘅味道再提升🥰超好食！💯💫推薦指數: 10/10​🔖​天天海南雞 (中份)💰158標榜跟足新加坡最正宗嘅做法~雞隻無激素，相對平時食到嘅會比較淡味🐣所以就加咗新加坡嘅蠔油，幾特別☺️雞皮油香十足，雞肉肉質嫩滑😇食海南雞當然唔少得有黑醬油、辣椒醬同薑蓉！當中嘅黑醬油同辣椒醬都係由新加坡送到香港😆誠意滿滿！💫推薦指數: 8/10🔖​雞油飯 (1-2人份)💰38雞油飯份量十足🍚絕對唔止2人份🤣用石鍋上可以保持住飯嘅温度😙由頭食到尾都係暖笠笠😋飯粒粒粒分明，仲充滿油香添🥳💫推薦指數: 7.5/10🔖​松露蝦多💰108呢個集合哂我好鐘意嘅嘢食🤩即叫即炸，所以要等耐啲，不過咁好食就真係完全無所謂🥳超濃嘅黑松露味🥰因為面頭有黑松露醬，入面又有黑松露夾心❤️原隻嘅海大蝦好彈牙😆而且大隻到啖啖都食到蝦肉😋多士係炸過，但係絕對唔油膩😇💫推薦指數: 10/10​🔖​椰子八寶💰88一上枱，店員就會即刻淋酒再點火🔥因為新鮮椰青會有草青味，點火就可以消除呢陣

最近轉工，搵到工就同fd一齊食餐好慶祝。朋友係佐敦放工於是約左喺圓方等，行經呢間聽過好耐一直都未有機會試既天天海南雞，決定會一會佢，結果幾有驚喜。餐廳幾寬敞舒適，裝修以至MENU都好有心機設計，牆上既漫畫有一種親切感打開餐牌同想像中既好唔同，除左招牌既海南雞外，有好多別有特色既精緻小菜選擇。好彩經理主動向我地介紹幾樣菜式，否則花多眼亂之下，落單都可能要幾個字。叫左個辣子金玉做前菜，炸蒜和辣椒配上粟米，香辣甜味道很平衡，食完一件接一件，很開胃。 接住黎係高質黑毛豬叉燒，肉質的確比普通叉燒好，成舊叉燒肥瘦適中，唔會一忽肥騰騰一忽就乾爭爭，而個蜜汁甜度非常討好，最特別係叉燒上碟會用蘋果木作少許煙燻，為叉燒添上獨特既香氣，很值一試。招牌海南雞就係穩陣之選，嫩滑多汁，同喺新加坡食既一樣，除左蒜蓉辣醬，最正既係黑醬油，撈飯一流。鍾意食雞味濃啲既職員就話可以試下文昌雞。最後加點左呢個女士精選，性價比極高。花膠又多，海蔘又厚，仲有勁多羊肚菌做個底味，味道濃郁。最欣賞係瓦煲底下會keep住有小火座熱，唔怕花膠海參凍左而變腥。食左咁多野都好夠飽，但見呢到飲品選擇好多，就試左杯豆花恐龍，即係豆腐花碎加上美祿

疫情開始好返少少🤏甘岩SKY100做優惠。1張飛可以3個人入場。媽媽又未去過，更係去下啦！順便係圓方食埋生日飯！揀左天天海南雞。n耐之前喺銅鑼灣食過2次！幾好食，所以同屋企人開心share! 文昌雞半隻: 其實呢間出名就係雞，但食完無所謂既好好好食既感覺。只係一般，仲有啲鞋tim!脆爽海蜇: 呢個ok，仲有啲馬蹄添。蜜瓜螺頭湯: 有一舊木瓜同螺頭。ok。無映相。木瓜花膠湯: 鐘意杏汁既人，會好鐘意！極之＂杏＂！奶白色。老公話似藥水味。但我覺得ok，有感覺食咗皮膚會好左🤣雞油飯: 分2至3人同4人以上。我哋叫左個細。媽咪話啲飯偏硬。但個味道唔錯。浴火凰皇(海鮮椰香炒飯): 呢個要拍片。openrice無upload片功能。影相一流。味道都有陣椰子飄香。夠料！酸菜石班腩: 呢個好食！唔腥！石班彈牙無雪味！食落啲辣後勁凌厲！黑松露蝦多士: 脆👍好食。騰雲駕霧(咕嚕肉): 有啲乾冰下面，好仙境。同佢個名好貼切，味道都唔錯。筋腩相逢: 牛筋同腩份量唔算多。但好腍好入味。個煲下面會有個火慶住。防止佢凍左結油。軟骨大根: 其實同筋腩相逢差唔多既野。雙果沙律: 呢個好食。酸酸甜甜甘。但食唔出紅色嘅係

咁耐冇得飛東南亞，真係好想食下海南雞，呢間天天海南雞，如果唔係套餐價嘅話買單囉要咁上下。咁啱推出二人套餐，就梗係要去試吓佢個湯非常之足料，有苦瓜黃豆瘦肉，非常清甜芥蘭頭配海蜇，海蜇同平日酒樓食嘅唔同，非常之爽脆，配合麻油仲有馬蹄，非常開胃佢嘅海南雞份量都幾夠，絕對夠兩個人食，而且黃油飯用石鍋裝住，慢慢食都唔怕凍哂如果四個人嘅話可以選擇嗌多兩個主菜都非常夠食最尾嘅甜品豆腐花，阿媽都話豆味非常之濃而且好滑，絕對唔係行貨

味道很棒~分量超大晚市5:30开始，周末提前10分钟已有少数人在排队，还有很多预定小份油饭都已很大很大一碗，足够两人食半份海南鸡 最爱搭配中间红色的甜辣酱一起吃~~要蘸足酱，否则鸡肉的土腥味有点大。黄瓜却少的可怜，只有短短4条Laksa是和(油)面一起serve的，又是很大一碗。。Laksa的青口很新鲜，豆包非常吸汁，非常好吃同时，我们注意到隔壁半开放式包间环境都不错，服务周倒即时，是个聚餐的不错选择

提起新加坡米芝蓮指南推薦小販美食，必定諗起海南雞飯！疫情關係被困咗喺香港一段時間，我真係好懷念新加坡呢個美食。其實「天天海南雞」已經登陸香港好幾年，今日就嚟ELEMENTS分店以解相思之苦。一入座，店員就奉上熱茶，仲向我哋逐一介紹呢度嘅signature⋯Manu上嘅菜式選擇都頗多，而且佢所介紹嘅signature都唔少，真係花多眼亂！食物我哋就揀咗雙果沙拉、黃金軟骨、芥末花螺、牛肉中嘅Hermes（芥末和牛）同埋呢度嘅人氣爆棚招牌菜（天天海南雞）。雙果沙拉喺沙律嘅基礎上加上牛油果同無花果，配上紅菜頭汁⋯用料新鮮，酸甜醒胃，而且仲加入果仁，口感層次非常豐富，啖啖都有果仁香，真係非常好食！黃金軟骨呢個小食都好有驚喜！軟骨炸得酥脆，外層由香濃嘅咸蛋黃包裹住，每一啖都juicy無比。佢個份量都唔少，我哋兩個人食略嫌有啲膩，四個人一齊share就perfect喇！雖然膩，但真係好好食😋芥末花螺為增加視覺效果，廚師以乾冰營造煙霧，仙氣十足，賣相💯！花螺味道鮮甜爽脆，拌上芥末同醬油，好fresh好好味！食完花螺，千祈唔好漏咗墊底嘅青瓜，青瓜清新爽口，蘸上芥末醬油，清新無比，亦可一解之前黃金軟骨嘅膩

每次想要品嘗高水準的新加坡海南雞，便會讓我想起來自新加坡，並獲得米芝蓮推薦的餐廳<天天海南雞飯>，佢哋能夠將海南雞這種平民化的美食，做到非常優秀的水平，實在令我一試難忘，再三回味。今晚來到Element的分店，再次品嘗佢哋嘅誠意之作。走進餐廳，感覺既時尚又高雅，環境感覺十分寬敞舒適。餐廳供應既餐具，設計非常別緻，感覺優雅。細看餐牌，除了海南雞飯，還有林林種種嘅食物供應，如燒雞、和牛、龍蝦、松露蝦多士、醉蝦、花螺、肉骨茶、串燒、豆腐、素菜類、燉湯、粉麵飯都有，而且價格亦非常合理，不得不讚。<天天海南雞 $158>先來一客招牌菜天天海南雞，雖然是例牌，但份量絕對不少，足足有一整碟。餐廳供應嘅係無激素，比黃油雞更健康嘅鮮雞肉，而佢哋供應嘅雞肉部位，亦有不少雞髀肉的位置，而且是完全去骨的雞肉，單是眼看賣相，未吃已經口水直流。雞肉入口啖啖肉，有鮮甜雞肉和雞汁的味道，而且雞肉和雞皮都極為嫰滑，沒有一點根同肥膏，配合埋三款秘製醬汁同薑蓉，非常美味，絕對係必食之選。<西班牙黑毛豬叉燒 $148>天天海南雞嘅黑毛豬叉燒，用上極品高水準西班牙黑毛豬來製成，單

媽咪生日一於帶佢去試吓呢間新加坡好出名嘅天天海南雞☺️四人座位非常之闊落，而且枱與枱之間距離十足點左個開胃前菜辣子金玉，粟米好甜，配上 脆炸蒜同乾辣椒，非常惹味唔會太咸再點左呢個黃金大蝦🍤 除咗啲蝦好彈牙之外，佢仲有翠玉瓜咬落外脆內juicy,可以話係100分跟住就點左個天天海南雞2-3個人share食嘅話中份都可以佢嘅牛筋腩都非常抵食，冇用到白蘿蔔沖撐場面，只係$108四個人買單都係六百幾蚊，呢個地段呢個服務可以encore

餐廳名副其實主打新加坡名產海南雞，仲有唔同肉、海鮮、菜、豆腐類餸菜，所以食肉或食素既人去都冇問題。餐廳色調好靚，用上古典藍，連餐具都係近色。晚市7點半左右入座，已經好full，去食訂定位就最安全。叫左天天海南雞(細$158)，雞油石鍋飯($38)，椰子八寶($88)，芥末花螺($78)，軟骨大根($108)，西柚雪梨($32)，豆花恐龍美祿($28)。海南雞標榜冇激素冇骨冇添加，肉嫩皮爽。淋上秘製雞汁，一試果然食唔停口，件件都係啖啖肉，水準一流。配搭新加坡秘製辣醬，真係辣得黎好惹味。唔食辣，仲可以配薑蓉或黑醬油。雞油飯以石鍋送上，熱力keep到。米飯粒粒分明，沾滿雞油，陣陣油香味但唔會膩。份量雖然寫係1-2人，但好多，絕對食到好飽滿。大推椰子八寶，侍應會先加酒後用火槍燒熱椰子，可以去除椰子腥味，仲好吸睛打卡一流夠gimmick。尼個湯，係我個人飲過最濃最香椰子味既燉湯。用上原個厚肉椰子，加入大量食材如紅棗、百合、桂圓、淮山等，超級足料，個湯完全係結合哂藥材同食材既精華，邊食邊飲，個湯仲keep到暖笠笠。無論夏天冬天飲都好滋補。花螺同樣係gimmick菜，乾冰冒煙，成個環境好似仙境。花螺

周末在element覓食的時候發現在角落竟有天天海南雞，它是米芝連車輪先生推薦的餐廳啊😆馬上嘗一嘗！雖然是Michelin但裝潢不是那種高檔style，沒有距離感！.我們二人點了 天天海南雞：沒有肥膏卻做到連雞胸也不會有在吃硬硬的死肉的感覺🐥嫩滑！而且沾海南三寶醬汁和青瓜條帶給這初夏一份清新🥒天天石鍋雞油飯: 吃海南雞的重點，曾經試過配白飯就是差了些什麼，以石鍋上保持溫度，份量很足夠古法骨茶：不是說不好，但不像一貫飲的呈深啡色中藥味較濃的肉骨茶，它是用豬肚、一字骨、豆卜熬成的，較像豬肚酸菜湯(可添飲)📝Overall味道不錯但未到「嘩超好吃的level」價格略貴可能周末要單點