天天海南雞飯 (ELEMENTS圓方)

营业中

休息中

位於圓方入面既米芝蓮推介餐廳，緊係要試試佢！裝修同餐具都好grand好靚，但價錢相對上又唔算特別貴。木瓜花膠超濃郁，超足料，好好味既燉湯😋入口順滑，又夠香。除左有木瓜同花膠之外，入面仲有唔少竹笙。燉湯同湯料既份量剛剛好，飲完有滿足既感覺❤️海蜇豆芽海蜇唔係用平時常見一條條既海蜇，呢款比較薄同更加脆身，幾特別。原味小籠包平時都幾鐘意食小籠包，見到有就叫左黎試下。佢有個膠泵，比你直接將醬汁吱入去小籠包入面。呢款小籠包唔係好多湯汁，但係外皮做得彈牙，內餡味道都幾好，可以一試。天天海南雞店員介紹指佢地既醬油同醬汁都係來自新加坡，我地將薑蓉同醬油醬汁一齊加落海南雞到食，真係好正😋而且佢地既雞真係皮薄肉滑，完全無肥膏，好健康！！而且只帶雞肉既香味，不帶腥味👍筋腩相逢我最愛既牛腩牛筋😋呢個我超鐘意😍煮得夠淋身之餘，仲保留彈牙既口感。牛筋食落就係滿滿既骨膠原感覺，好漿口😂牛腩亦都煮得夠透，咬落彈牙又唔會柴。煮得好入味之餘份量都好足！香水檸檬好大杯～唔算太甜，有檸檬既酸味之餘帶d清新既香味。