天天海南雞飯 (ELEMENTS圓方)

营业中

休息中

今日想食海南雞，2個人就來呢度試下，星期日中午，疫情關係吾駛等可即入去座，入面坐咗八成左右。跟住咁就點天天海南雞(＄158)，雞油飯(＄38) 和筋腩相逢(＄108) 。海南雞皮滑肉嫩跟雞油飯，配料美味，唔錯。另外筋腩相逢。即是炆牛肋腩，石鍋上枱熱辣辣，牛腩肉汁濃郁牛肋又夠腍，鍾意食牛嘅要叫呢個。鍾意海南雞嘅朋友要來試， 其他仲有好多其他菜式，會再來。

聽講話係米芝蓮，試下。今日一個人食飯所以糾結咗好耐食咩好，佢有我心愛嘅麻辣水煮牛同佢好出名嘅海南雞，我最後都係揀咗水煮牛。海南雞下次先食。水煮牛用安格斯牛肉片，食得出係靚牛，份量都幾多！下次再試下其他嘢。

米芝蓮推介的天天海南雞飯，我終於來朝聖，究竟有無傳聞的好食？還是伏？等jo來搵下答案先🍚輕量版天天海南雞飯套餐 $88其實味道也ok，無傳聞中好難食，有新加坡街頭的質素，醬汁比想像的辣，我覺得滿不錯的好味指數:😋😋😋😋🦐松露蝦多士 $108呢個真係食第一啖就嘩一聲，超驚喜，脆而不膩，啖啖蝦肉，咬落去夾心是厚厚的黑松露醬，好足料，真心推介！好味指數: 😋😋😋😋😋.☕️熱奶茶 $15上一次去新加坡已經是幾年前，是否正宗我也不敢肯定，但奶茶都幾滑，同南洋口味偏甜和偏奶味，其實ok的，雖然我還是喜歡港式奶茶好味指數: 😋😋😋🦪黃金蠔烙 $108第一次食新加坡style的蠔餅，它比港式的厚身，但食落又無好厚粉的感覺，粉同蠔的比例不錯，很脆口好味指數: 😋😋😋😋😋.整體來說，雖然價錢偏貴，但環境不錯坐得舒服，而家疫情又不能出國，如果好想念新加坡的味道可以一試，炸物做得好出色是意外驚喜

📍#天天海南雞飯 📍Tian Tian Hainanese Chicken Rice .🇭🇰香港尖沙咀柯士甸道西1號圓方1樓1050A號舖🇭🇰Shop 1050A, 1/F, Elements, 1 Austin Road West, Tsim Sha Tsui.#尖沙咀 #新加坡菜 #MFJ尖沙咀 #MFJ新加坡菜#TsimShaTsui #SingaporeFood #MFJTsimShaTsui #MFJSingaporrFood.人均消費: HKD88.味道: 👅賣相: 👀👀👀價格: 💰💰環境: 🌹🌹🌹服務: 性價比: ⭐️⭐️回頭率: .難得外出午餐，今日又食下天天海南雞飯啦🐔.無咗遊客，的確人流少咗唔洗排隊，入去前都有量體溫👌🏻.👎🏻#天天海南雞飯 (輕量版) HKD88海南雞飯有分輕量版同正常版，唔想浪費唯有點個輕量版，真係好輕下😅一個女仔食完都唔會飽🙈之前食過一次佢嘅海南雞覺得無乜特別，今次直頭覺得差🤦🏻‍♀️雞唔滑，一入口滿口雪味，有點霉，雞肉一夾就散，亦無味，只要蘸個辣醬幫補下😅.👍🏻#糖心蛋 跟餐有一份糖心蛋，我覺得係好食的🤤蛋白滷得好入味，蛋黃好黏好香，佢加咗啲鹽粒係

今日好似去左新加坡一轉咁。疫症期間，一坐下就送一支窩心搓手液，又俾紙袋放口罩，都係少數餐廳咁做。例牌天天海南雞跟有三個醬汁雞肉一定無新加坡的滑，不過個汁係好味，同新加坡一樣！新加坡肉骨茶胡椒味湯底，有四大條肉骨，好冧又唔稱骨，仲有豆卜、腐竹、豬肚做配料，入哂味，熱鍋咁上，要小心！3-4人份量的雞油飯，雞油夠香又唔油膩！

最近無得去旅行，但想食海南雞飯，於是嚟到香港嘅天天海南雞飯。新加坡嘅天天海南雞飯雖然位處喺街市入面，但算係當地中上價錢嘅雞飯。嚟到香港，價錢當然再貴啲，最平嘅set lunch都已經88蚊加一。雞依然係非常鮮嫩，下面放有幾塊青瓜，而油飯亦有淡淡嘅椰香味。比較有趣嘅係，隨餐會附送半熟蛋，同新加坡嘅雞飯唔同。仲有一碗橙色嘅醬送飯，非常辣。餐廳裝修得幾靚，地方闊落而舒適，仲有幾部電視循環播片。整體而言，都做到新加坡雞飯水準，只係份量少、價錢貴。作為一個女仔，我食完都未必飽~

*追寫食評回憶系列*-去食天天都已經係差唔多2個月前嘅事😝我同老公本身都好鐘意食雞喺新加坡都有食過天天天天嚟到香港緊係要去試吓嗰日個餐牌有啲濕濕地...邊個食客咁唔生性倒瀉水= =成間鋪個裝修格調都行型格路線連啲餐具都係襯返晒又幾好睇介紹返個主角雞！我哋叫咗例牌嘅天天海南雞水準拍得住新加坡本店！雞肉好爽口天天嘅雞有個特色就係佢特登唔會整到有嗰層啫喱(資訊由老公提供😂)平時我食雞唔食邪惡雞皮因為咁樣卡路里可以減半🙉但今次都忍唔到啦成嚿雞咁擺入口🤤三款醬我最鍾意薑蓉 超香更加帶到雞嘅肉味出嚟食海南雞緊係要配油飯！(減肥?咩嚟㗎?😂)個油飯份量都幾足我哋叫48蚊 每人都分到2碗食落口好香會令人好想添飯另外再叫咗個筋腩相逢價錢$108 如果以咁嘅份量嚟講有少少貴但個味道係好食嘅上枱仲要係滾緊 起泡泡嗰種滾啲牛筋嘅軟腍度啱啱好夠腍但仲有咬口啲腩都係靚位肥瘦適中貴精不貴多可以食吓至於個海南印象就有少少伏本來諗住成晚全肉宴想食啲菜減輕罪惡感點知收88蚊咁細兜😂仲要食落有少少油溢味但無其他味😩不如拎啲錢叫隻大雞好過🤣-總括而言食物質素係不錯叫做收得呢個價又交到貨但個服務就可能有少少改進空間例如茶壺無晒

日日都留係屋企無病都鬱到病所以今日要放下自己不過又真係擔心個疫情唯有去少人D既地方啦揸車到圓方行下街食飯本來圓方都唔多人而家少到同其他人至少有10米距離🤣🤣見到有天天海南雞即刻諗起係新加坡既回憶入到去探完熱坐低服務員就送左枝搓手液仲俾左個紙袋我都放口罩好體貼😘同隔離枱都好有距離👍🏻我好鐘意隻碟啊😻😻仲有熱茶或者水選擇so sweet!一定要食海南雞仲一定一定要配雞油飯千祈唔好叫白飯難得食餐好唔好怕肥就錯過好野😹😹😹呢個脆腩就弄出一個笑話我地一開始以為係牛腩一食就騷騷既味道仲以為變左定點問服務員先知原來上年年中就已經由牛腩變左羊腩🤣🤣🤣🤣🤣唔。。。我就麻麻地甘騷既東西啦不過只怪自己無睇清楚啦😂😂😂😩😩😩😩😩😩😩😵總括來講呢度就變左高擋版天天食物保持水準環境又靚服務又體貼甘當然價錢都有返甘上下Ps: 食完飯keep單泊車就免費了！

今日同屋企人食飯，已經預早book 佐。去到餐廳門口已經見到人山人海。侍應告之未有枱，我地只好等，等，等。終於我地等佐成半個鐘先可以入座。我唔明白點解我地有訂位都要等咁耐，咁訂位既意義何在？坐低點野食，海南雞飯，鮑魚，味道算唔錯，出菜都算快。但係明明book 佐位都要等咁耐，真係扣佐好多分。

新加坡米之蓮人氣 - 天天海南雞 終於在新界開分店了😆 媽媽的朋友說好吃 所以星期五晚放工後便相約媽媽早早到達餐廳 免去排隊😌.🐥天天海南雞 (例) $158雞肉太滑 請大力夾緊😆 今次的目標當然是天天招牌的海南雞😍😍 說真賣相真的是有點小失望🌚 感覺有點亂擺... 雞肉算滑 但比較偏瘦 而雞皮同雞肉間有層啫哩🤩 三款秘制醬中辣椒醬和姜蓉醬是不錯的👍🏻 但平時我最喜歡的黑醬油就太杰了🤦🏻‍♀️ 喜歡不起來.🌿拌脆玉樹 $88這個一出場超有仙氣💗 店員會幫忙淋上秘制的蒜汁在脆玉瓜絲上😋 清甜的脆玉瓜加上惹味蒜汁👍🏻正啊！.🍶酒糟三寶 $88酒糟三寶分別是雞翼 雞腳 雞腎🤗 酒味勁濃郁 吃起來能嘗到花雕酒的味道👍🏻 作為前菜真不錯.🥣木瓜花膠 $78媽咪說要趁熱飲 所以我只拍了story 忘了拍照片😂😂 用料足 滿滿的骨膠原😍.🍵茶位 $18清淡的茉莉花茶能幫助解油膩😝..後記： 清費滿$150 就送酒精捽手液🤩 基本上吃一份天天海南雞已經能達標😘 今餐真係又食又拎🤣🤣🤣

海南雞控出沒😈 天天海南雞飯Rating: 6/10HK$ 80 (lunch)因工作到了圓方，同事說這間海南雞飯在新加坡非常出名，所以就進去嘗一嘗。當天其實很想吃麵,但來到專門食海南雞飯嘅餐廳,怎可以不吃海南雞飯?海南雞係冇骨嘅，肉質尚算嫩滑，雞油飯亦非常香。竟然仲附上我最鍾意食嘅溏心蛋，可是蛋就不及日本餐廳所做嘅糖心蛋入味。飯上面本來已淋上一個醬汁，我自己口味就覺得醬汁有點咸，有點奇怪。唔知道呢個係咪新加坡風味🤔性價比有啲低,$80我expect食到更高質素嘅海南雞飯。

2 星期前我在圓方的天天海南雞飯，一入店右手邊是水吧，個侍應竟然在水吧內剪指甲...... 如果彈左入d 飲品裡或工具裡咁點....現在呢個疫情，竟然仲犯呢d 低級衛生問題！大家小心！

去過新加坡嘅有邊個唔識天天海南雞飯？天天登陸香港咁耐終於要去試一試，等位真係要等好耐先可以入座，因為實在太受歡迎！當然要試一試招牌海南雞，雞皮薄薄不肥膩，雞肉味香濃，而且非常亂嫩滑，價錢都幾貴，不過有佢價值！另外，油雞飯不會太油，但散發香香的雞味，出色的米飯🍚！串燒也是非常出色，雞肉牛肉都是肉味濃郁，即叫即燒不但鎖住肉汁，秘製醬汁也提升肉的鮮味，推介！

見到佢個牌面咁高傲我就知道一定要叫隻雞食下軟飯王就聽得多 雞飯王真係第一次可以自稱為雞飯王我當然要點佢個招牌菜(天天海南雞)唔食由自可 一食就停唔到雞髀配上嘅雞汁鮮嫩無比雞胸冇咁滑 但配上缺秘製三小碟嘅醬汁刺激味蕾無械可擊 薑蓉夠香 佢哋嘅酸辣汁又夠酸又夠辣跟住點一個叫做筋腩相逢牛筋牛腩炆得好冧佢個汁亦都好香不過相比隻雞就冇乜特別再來一個黃金蠔烙炸粉同蠔嘅比例剛剛好脆得嚟唔覺熱氣 蠔仔亦都唔太濕亦唔太乾跟住清清地點個人氣之選(冰鎮白玉)幾條切開咗粟米加冰 唔知點解係人氣之選不過都幾清甜總結真係一分錢一分貨米芝蓮餐廳果然名不虛傳

因為見客去左圓方商場，大約2點左右用餐，唔使等位，裝修唔錯、坐位都闊落。我點咗個例牌海車雞，同事點咗個set lunch係牛肉黎嘅。上菜嗰陣侍應俾左兩隻圓碟我哋，但係我地無用到。先講野食，個海南雞完全唔好食，啲肉好鞋又唔香，雞皮白過白切雞（我食開好食嘅海南雞啲皮係黃嘅，皮同肉之間係有層啫喱咁，啲肉好嫩滑），淋咗啲鮑汁上去完全無加分效果。食食下想飲啖水，問個男侍應拎杯水，然後佢就唔太好語氣咁話：「水呀？每位9蚊喎，仲要唔要？」然後呢間野有收加一服務費，請問水都唔提供，又用咁嘅語氣同食客講嘢，憑咩收服務費？假設你哋提供咩法國高級有氣礦泉水要收錢，都應該解釋一下，而唔係咁樣嘅態度。最後俾錢準備離開，有位女侍應黎執枱，就係呢位女侍應一開頭俾兩隻碟我哋，咁佢見兩隻碟好乾淨無用過咁，問我哋：「兩隻碟你地無用過丫嘛？」我地點一點頭，佢就直接放返去個架度。衛生程度好有問題，首先我地無放過野食上去，但唔代表夾嘢無彈到啲汁、講嘢無飛到啲口水落去，仲有唔打算洗你都唔係問個食客有無用到，無用到就放返上架，環保都應該要講衛生（雖然我唔覺得佢哋係為咗慳水同洗潔精）。間餐廳仲要咁近高鐵站，咁多內地人出入，我完全唔會