影片
更多
2021-05-26
42 浏览
松露蝦多🦐多士最面頭係黑松露沙律醬，跟住係爽口嘅原隻大蝦，多士中間釀咗一層墨魚滑，多士炸得透徹香脆，層次豐富👍天天海南雞🐔嚟到冇理由唔食依個最出名嘅菜式，依度標榜用同新加坡總店一樣雞種嘅鮮肉雞，雖然唔似平時食開嘅海南雞咁肥美，但係就比較有雞味，肉質唔會好嚡雞肉煮熟後亦都有冰鎮過，我平時食雞好少食雞皮，今次都破例食咗啲，因為冇平時嗰啲雞皮嘅肥膩感，雞皮較薄，食落去嘅感覺輕盈一啲👌天天石窩雞油飯🍚嚟之前望過食評，見到有人話雞油飯好大份，果然係真㗎！餐牌寫係1-2人份，但係如果有叫到其他野食嘅話，相信2-3人一齊食都好夠飽！雞油飯一打開蓋就聞到香味，而且粒粒分明，唔錯👍古法肉骨茶🥢餐牌話個肉骨茶煨足六個鐘，排骨已經煨得好腍身，連軟骨都可以食到，而且加咗豬肚，湯底肉味較濃～
多士最面頭係黑松露沙律醬，跟住係爽口嘅原隻大蝦，多士中間釀咗一層墨魚滑，多士炸得透徹香脆，層次豐富👍天天海南雞🐔
嚟到冇理由唔食依個最出名嘅菜式，依度標榜用同新加坡總店一樣雞種嘅鮮肉雞，雖然唔似平時食開嘅海南雞咁肥美，但係就比較有雞味，肉質唔會好嚡
雞肉煮熟後亦都有冰鎮過，我平時食雞好少食雞皮，今次都破例食咗啲，因為冇平時嗰啲雞皮嘅肥膩感，雞皮較薄，食落去嘅感覺輕盈一啲👌天天石窩雞油飯🍚
嚟之前望過食評，見到有人話雞油飯好大份，果然係真㗎！餐牌寫係1-2人份，但係如果有叫到其他野食嘅話，相信2-3人一齊食都好夠飽！
雞油飯一打開蓋就聞到香味，而且粒粒分明，唔錯👍古法肉骨茶🥢
餐牌話個肉骨茶煨足六個鐘，排骨已經煨得好腍身，連軟骨都可以食到，而且加咗豬肚，湯底肉味較濃～
张贴
