天天海南雞飯 (ELEMENTS圓方)

营业中

休息中

今晚去開圓方行街，夜晚去食新加坡過江龍天天海南雞。環境裝修好闊落，好有空間感，岩哂朋友聚會，坐得好舒服下。見佢有優惠做緊二人餐，好抵食，有六樣野都係388，但份量足夠三人食，推介必點！首先有前菜，冷盤海哲配有馬蹄加芥蘭，每樣口感都好爽脆清新。辣子金玉好香口惹味，其實係椒鹽粟米，煮法創新有驚喜，佈滿炸蒜，十分惹味。二人餐都會附送燉湯，個湯都好足料，涼瓜排骨湯夠哂清熱下火，食完熱氣野岩哂！泥到主打菜式天天海南雞同石鍋雞油飯，上菜超大驚喜，整體賣相好靚，雖然話係半份雞，但份量一啲都唔少，特別選用文昌雞，同平時食開既白切雞好唔同，雞肉超級嫩滑，一啲都唔肥膩，再沾上新加坡傳統既黑油、薑蓉同辣椒，超級惹味！佢個石鍋飯份量都好驚人，三個人share都夠，用上石鍋令到個飯保持餘溫，採用雞油，好香又惹味，令人食完一碗又一碗。最後有白滑荳花作結，好滿足！