天吉屋 (已結業)

出街食飯嘅人少咗，連等金賞天丼嘅時間都少咗，上次我去食咗個all star丼，今次決定食個天丼御饍，一嚐茶泡飯🤟🏻🤟🏻沙律菜配酸酸瞇瞇嘅柚子醬汁，菜絲任添，均衡飲食。大曬冷，飯桶勁別緻，而且個飯好好食，唔會太乾或者太濕，咬落去粒粒分明又飽滿，仲有好香嘅米香。本身我同朋友都比較細食，都忍唔住食咗大半（份量本身都多嘅），加上個汁係一啖一啖咁送入口。天婦羅最中意一定係蝦，大隻又彈牙，另外紫菜、茄子都好好味。魚就大大塊，結實嘅口感。什錦炸物超級飽肚，每一件都好香，皮又脆又唔會太油，每一種食法都好滿足。最後就加湯食，清一清個熱氣，加上漬物，口感同口味都好豐富。

旺角朗豪坊有一間專門食天婦羅嘅餐廳，咁啱最近都想食下日本野，朋友就約我一齊去食飯。如好彩我哋食得早，走嘅時候都見到出面排晒長龍。裏面餐牌總共有四款食品為主，我哋就選擇咗一個睇落好豐富，另外一款比較便宜的。天幕御膳（黑虎蝦、海紅鯛配紫蘇葉、軟殼蟹、洋蔥魷魚、茄子、南瓜、四季豆、炸紫菜）$148朋友叫嘅呢個見到已經好壯觀，有多款食法可以選擇。我都試咗少少，各有各口味，建議可以三款都試哂！而且呢個飯仲有埋湯，白飯任裝，所以係好抵食！天婦羅有多款海鮮同埋素材，女仔夠飽，男仔加啲飯都一定夠飽。天吉雙品(讚岐烏冬配冷柚子皮，乾海草，蔥心，芝麻+雜錦炸物（洋蔥及櫻花蝦），黑虎蝦，茄子，四季豆，溫泉蛋）$108我想食烏冬就揀咗呢個熱烏冬，估唔到原來天婦羅下面都係有啲飯，搞到好似好多澱粉質咁！烏冬好彈呀，加埋柚子幾清新，第一次食咁fresh～天婦羅溫泉蛋好得意，撈埋啲飯一齊食最正，海鮮都係好鍾意食黑虎蝦，炸得香脆又唔太厚，兩隻蝦一齊炸好滋味。值得一提嘅佢係有茶同埋沙律係可以任食任飲，百幾蚊係一定食到飽為止。

終於開到嚟香港啦 當然要去朝聖下啦🤩🤩來自東京丼飯店天吉丼獲得日本天丼金賞獎 試下係咪真係咁好食先✌🏻主餐嚟前有 椰菜絲沙律 配柚子salad dressing 係任食既可以減少油膩感！😌主餐叫咗天幕御膳 有3種食法先係天婦羅食法 將炸蝦同炸紫菜沾天婦羅汁 炸蝦粉皮好薄 油膩感唔算好多炸紫菜好好食好似小老闆嗰種感覺🤣🤣之後嘅食法係天丼食法將天婦羅炸蝦同埋紅鯛魚放喺白米飯上面均勻地淋上醬汁好鍾意佢哋嘅醬汁甜甜地好好味💗💗🥰最鍾意第二種嘅食法最後一種食法係天茶泡飯餐廳會比堅魚湯淋喺米飯上面！之後再加芥末同埋紫菜將雜錦炸物放入泡飯裏面食口感比較濕潤☺️☺️都幾好味！男朋友叫咗香港🇭🇰限定嘅軟殼蟹丼炸物好豐富呀！軟殼蟹天婦羅超好味🥰外脆內軟嘅口感炸得剛剛好！而且肉質好鮮嫩好香口 高質🤩另外配左好多唔同雜錦炸物 Jim醬汁食好好味！天吉屋

今日黎左旺角朗豪坊食e間天吉屋🍤🍤我地叫左兩個天婦羅飯一個飯配好多款天婦羅，有蝦 軟殼蟹 蘆筍 茄子🍆炸洋蔥🧅等等😍😍😍食落去一啲都唔油膩，炸得啱啱好點汁食都好好食，就算唔掂都好夠味配飯一流，最後仲可以加啲湯落啲飯到一齊食麵豉湯非常好飲，小小味精啱啱好😍出邊飲成日都好多味精，但而間唔會☺️☺️沙律配有柚汁亦都好好食，開胃🟡🟡仲有牛蒡茶任飲😍😍😍😍 好好飲整體來講好滿足，不錯不錯😃😃😃

好耐冇行朗豪坊 同朋友喺頂層飲完嘢見到呢間餐廳 未到食飯時間已經大排長龍 上網search一 search原來係日本幾出名嘅天婦羅店 貪新鮮同朋友又排隊試下！煮菜嚟到前 店員先呈上可以無限任加嘅沙律 配埋柚子醋 爽口又開胃清新！而且配搭炸物感覺仲無咁有罪疚感😛天幕御膳份量十足 套餐入面有雜錦炸天婦羅 麵豉湯 前菜同好大桶嘅飯 而且都係無限任加😂 天婦羅炸得脆卜卜 而且炸粉唔會好厚 多款口味亦滿足咗樣樣都想試下嘅我 配埋軟綿甜香嘅北海道七星米 非常有滿足感！🥰軟殼蟹丼賣相亦係相當有排場😋成隻軟殼蟹已經遮蓋咗碗飯！ 而除咗軟殼蟹之外，仲有櫻花蝦、南瓜、茄子同溫泉蛋，主角 軟殼蟹炸得外脆內軟 而且仲保留到蟹嘅鮮味同埋肉汁，拮穿埋溫泉蛋一齊食 簡單係味覺嘅享受👍🏻用餐嘅時候餐廳重播住非常有氣氛嘅日式音樂 簡直有種置身於日本嘅感覺😆

是夜旺角到朗豪坊買東西，逛著逛著的走進了《天吉屋》開餐，全份餐牌只有幾款不同炸物丼飯，想它必定有獨特之處。地方雖然不大，但勝在裝修有心思，日本風情滿溢，就是賣丼飯，也絕不馬虎。養生牛蒡茶 👍💖💖，比玄米茶更勝一籌！牛蒡漬物，不能錯過的前菜，一罐放枱上，無限任添任食。椰菜絲沙律，配酸醋汁，同樣任添任食！軟殼蟹丼 $158，份量屬重量級，夾下來的炸物，放滿兩碟 🤭🤭炸溫泉蛋🍳，想不出是怎樣做到的 🤣🤣，咬開蛋黃還是流質的……👍主角軟殼蟹 🦀🦀，份量無欺場，放滿一碟。口感鬆脆，軟殼蟹偏呎碼偏大，味道亦較重；喜歡它帶甜味的炸漿，不用額外點醬料，也夠好味道。軟殼蟹外的配菜亦十分出色，有炸黃帝菜、南瓜及茄子。黃帝菜🥬炸得極脆口，跟薯片沒兩樣，有新意又好味！茶漬飯也是一絕，按客人需要，送上鰹魚湯一壼，加在剩下的白飯中，再配點紫菜及青芥末，又成一道美食，不讓客人留下一粿白米！👍💖💖天幕御丼 $148，一客套餐，三種食法，先是炸蝦獨食，再來炸魚配飯，最後是魚湯泡飯，三重滋味，味蕾大滿足。算是很有驚喜的丼飯，每一環節都很認真，值得讚賞。

每次經過朗豪坊都會見到人龍排隊，今次有終於捉到朋友一起吃天婦羅盛宴我們分別點了天幕御膳和香港限定嘅軟殻蟹丼，套餐本身包括一大盤的新鮮沙律菜，配上柚子醋很開胃。值得一提的這邊提供的茶是牛蒡茶，味道非常濃郁。牛蒡茶好處很多，其中的刮油功效可以減輕食炸物的罪惡感 ：）餐廳本身都有提供牛蒡和蘿蔔漬物，牛蒡漬物比較特別唔係間間日本餐廳都有，都幾脆口好食。我點的是天幕御膳，基本上係樣樣都有可以試晒。海鮮有虎蝦、紫蘇葉包着海紅雕魚、軟殻蟹。野菜有南瓜、茄子、紫菜和四季豆。 炸天婦羅最忌就是粉漿過厚，而天吉屋的天婦羅就冇呢個問題。炒漿薄薄一層剛好包住食物，做到外層鬆脆內層仲係保留食物的原有質感，令到用天婦羅佐飯都不會過於油膩和太飽。 個人最喜歡的是虎蝦，食得出好新鮮同彈牙。跟據指示這個餐可以有三種食法，就咁食天婦羅、自製天丼和天茶泡飯。朋友點的是香港限定的軟殻蟹丼，有完隻炸軟殻蟹、皇帝菜、櫻花蝦、南瓜和炸溫泉蛋。炸溫泉蛋很有驚喜，切開來濃郁的蛋汗撈飯食一流！ 軟殻蟹比想像中大隻好有滿足感，而且仲會食到有少少蟹膏。雖然兩個餐都係有大量炸物，但食完時個口都唔會有刮傷或者覺得超熱氣，除了做法之外，我諗牛蒡茶

**天吉屋**開業無耐既時候，見到D人日排夜排，人龍未停過。又由於疫情問題，少左人出街食飯，所以呢個晚上未見人龍。我就同老公講想試下店員好快為我地安排座位，我地要左2個set share食，結果份量係太多😅沙律菜同白飯都可以refill，不過我地無咁做，因為其中一個餐既白飯已經夠哂兩個人。炸物亦係即叫即做，炸粉唔算厚，唔會太油。但就覺得乾身左少少🤏回頭率：🌟🌟CP值：🌟🌟🌟（五🌟為最高）

勁來冇食過日本野，啱啱上網睇到呢間新開嘅天婦羅餐廳，就捉埋老公一齊嚟試吓，天婦羅就成日都食，不過正宗嘅就真係第一次餐牌上面嘅選擇唔多，但係都夠我哋揀，而且個份量都好大份主餐嚟之前，餐廳會比椰菜絲沙律，仲會有柚子salad dressing,牛蒡茶仲係任飲，好有益㗎我揀咗一個小丼飯加凍烏冬，入邊重有湯，而且個烏冬望落去好大份。天婦羅入邊我覺得蝦係最好食，真係有蝦味，而且唔會太油膩，個飯入邊本身已經有醬汁，最重點嘅係有一隻炸蛋，個蛋黃仲可以吉穿嚟食，撈飯食真係一流老公就要左添天幕御膳，可以有三種食法，佢都覺得蝦係入邊最好食個一款，原來佢哋嘅米飯都係日本直送，食得出真係唔同。

炎炎夏日，和先生來到旺角的朗豪坊商場閒逛。😊順便到商場11樓的炸天婦羅專門店打卡～天吉屋❤️連續五年榮獲日本丼聯盟，天丼金賞獎的光環。一於進內一探究竟，是否真的有這麼美味？？？😉店內貫徹簡單的日式裝修， 杯具，茶具也別具特色， 充滿日本風情。我們點了盛惠288元的二人套餐。🐢天幕御膳～份量奇大，賣相吸引， 碟內放滿了各式天婦羅炸物， 包括有炸軟殼蟹，魚肉，南瓜，青豆，大蝦等等。🍳急不及待，把熱氣騰騰的炸天婦羅放進口內，怎料竟然完全不香脆，天婦羅口感軟腍，味道失色，令人食之無味。🐆雖是剛剛炸起，可是魚肉鬆散，炸蝦雪藏味重😐總結：天婦羅，完全欠缺應有的水平，令人大為失望。隨餐附送的面豉湯也是誠意欠奉，海帶，肉類等配菜不見，只看到一團麵豉醬 。整個套餐，令人極度失望。😞只能説，廚師的廚藝， 有待改進。🐢讓人更失望的是，四，五位店員圍在一起大聲聊天， 喧譁， 令我彷彿瞬間到了路邊的大排檔。😞忽然明白，為何金賞名店，卻只有兩三枱客人。絕對不是因為疫情，而是店內出品奇差所致，望店家好好檢討。😑😑😑如果要説，整頓飯最美味的，我會選可口可樂。😍😍

終於嚟到朝聖 嚟到呢一間喺香港登陸左之後一直都好出名嘅天婦羅專門店喺朗豪坊地下搭lift上去嘅時候一出lift就見到好多人喺度排緊隊就估到就算係疫情當當下大家對排隊嘅熱潮都仲未減退 有增無減排左大概半個鐘左右 就有得入去啦 其實成個過程都唔會好辛苦 好彩係因為係空內嘆住冷氣做依件事🥰黎食之前已經諗好左要食天幕御膳同軟殼蟹丼 係我地叫個陣 個店員就提我地依家有個二人餐 平d之外仲包2罐汔水🤪叫左野食之後 店員就拎左菜出黎比我地 再加柚子沙律汁 再鐘意就係溝柚子汁架啦 因為覺得好fresh 每次都可以食好多🥰 今次加左2次菜🤣食下食下 個飯好快就黎值得一提既係天幕御膳係可以任加飯既 岩哂d大食人士🤣入面有黑虎蝦，海紅鯛配紫蘇葉，軟殼蟹，炸洋蔥加魷魚，茄子，南瓜，炸紫菜，四季豆真係好多料！150蚊真係絕對唔貴😗 d餸多到有d食唔哂添🤣🤣全部材料都好新鮮，最中意個蝦同個魚😍 個蝦好爽，魚加埋紫蘇葉就完全冇哂個陣魚d腥味，而且入面冇骨！就算平時唔鐘意食魚既朋友都會愛上啊！軟蟹殼丼就緊係係軟殼蟹係主角，之後入面仲有溫泉蛋，皇帝菜，櫻花蝦，茄子，南瓜相對上，依個丼冇咁多種類，但d軟殼蟹多到數唔到⋯⋯

近幾個月絕對不會外遊嘅我，好掛著日本嘢食，想念天丼飯呀！最近經好友介紹朗豪坊11樓的天吉屋，之前已聽説這日本餐廳的人氣丼飯超好吃，立刻約家人到這裡吃個 lunch 吧，我們一邊享受美食另一邊感受舒適的環境，心情特別愉快！進入餐廳完全感受置身於日本，裝修典雅時尚，以木系色調配上簡約設計，營造出溫暖感，很美觀。座位有長枱及卡位，感覺不擠迫，地方整潔，舒適寫意！餐牌上共五款套餐，包括 : 榮獲五年日本天丼金賞奬的天吉丼 $118、天幕御膳 $148 (推薦)、軟殻蟹丼 $158 (香港限定)、All Start 丼 $108、天吉雙品 $108，款式非常吸引。坐下來先送上牛蒡茶，清香撲鼻，飲吃來順喉，散發淡淡牛蒡香氣，功效多多的牛蒡茶，保健養生。除了牛蒡茶之外，餐廳還無限量供應牛蒡漬、蘿蔔漬、椰菜沙律(配備柚子醋)，開胃小食，爽爽脆脆，美味可口。天吉丼     $118我當然會選擇榮獲五年日本天丼金賞獎的天吉丼，這天吉丼材料非常豐富，有黑虎蝦、魷魚、海紅鯛、茄子、南瓜、四季豆、炸紫菜、溫泉蛋  ;  海紅鯛肉質鮮嫩，魚味香濃  ;  好新鮮的黑虎蝦和魷魚，爽滑彈牙，鮮甜美味，配合鮮嫩的四季豆

經常行街朗豪坊經過，見到天吉屋都大排長龍，每次都好想好想試，依家仲要疫情冇得去日本，搞到勁想食地道日本野。難得中午係旺角又諗唔到lunch食咩，行過無人排隊，即刻決定咗就食天吉屋款式唔算多，有飯有烏冬揀，亦都有雙人餐同埋限定。因為同朋友食，又想試下烏冬，所以冇叫到二人餐。叫左個天幕御膳同埋烏冬。天幕御膳既食法教學先黎杯麥茶同埋沙律，開胃解膩沙律會比支醋你，自己落。酸酸甜甜好開胃一個飯一個烏，白飯仲可以再加，係日本珍珠米烏冬依個set, 跟味噌湯，炸物有蛋洋蔥茄子海老。下面仲有飯。雖然係細size，但份量一啲都唔細。最近天氣熱左好多，行到出曬汗，食個凍食烏冬，加埋芥末同蔥落個汁到沾黎食，真係好正。最後啲飯食唔曬另外飯個個set既炸物種類再多啲，同張相係一樣嫁！完全係圖文相符兩個set都有流心蛋，不過流心蛋都係配白飯出色啲，將蛋黃撈埋啲飯一齊食，再加啲醬油汁而天幕御膳依個set仲有限定既軟殼蟹，好抵試。

日本過江龍既天吉屋🍤平日經過都見到有唔少人排隊😛諗到唔知食咩好見到人少少就排左佢😂以為好快就到😥點知都要排30-45分鐘😣想食下次早少少會好啲🤪..🥢前菜: 椰菜絲撈柚子汁柚子油幾特別，酸酸甜甜幾開胃😍.🍱天吉丼 $118上到黎成個碗都係炸物😍見到都開心🥳一開始都比較擔心個飯比較乾身，啲飯入面原先撈左啲汁再加上個流心蛋撈埋一齊就唔會有依個問題🤣炸蝦🍤啲肉幾彈牙😋南瓜🎃好香甜😋整體都唔錯既，啲料仲多過啲飯🍚如果唔夠飽仲可以加15蚊任食白飯🤣.🍱天吉雙品 $108有一份烏冬（自選冷暖）今次簡左凍食🤣佢本身落左柚子落去所以幾新奇😂烏冬口感都幾滑身😗仲配有一碗小天丼，份量都幾夠☺️小天丼炸物有蛋🥚茄不🍆炸蝦🍤豆角同埋洋蔥🧅岩晒想樣樣都試啲既人😊.⚠️味噌湯好好飲‼️

聽說日本人氣天丼、天婦羅專門店進駐了朗豪坊，今晚便約了朋友來朝拜。坐低便有 牛蒡茶、牛蒡滇、蘿蔔滇和椰菜沙律無限量供應，醒胃兼消滯，因為加咗秘製柚子胡椒沙律汁。見餐牌上show咗個【天幕御膳】，個名好有氣勢，於是點了一客，另外點了一客香港限定的【軟殼蟹丼】。食【天幕御膳】都很講究，有三種食法，圖文並茂，一目了然。【天幕御膳】天婦羅包括: 黑虎蝦、海紅鯛配紫蘇葉、軟殼蟹、洋蔥魷魚、茄子、南瓜、炸紫菜和四季豆，再配北海道七星米和麵豉湯，呢個份量超飽。天婦羅實在出色，薄且脆，黑虎蝦是打孖炸的，所以口感特別豐富。跟足指示，炮製了天茶泡飯，是北海道七星米喔! 非常好味。【軟殼蟹丼】看賣相非常澎湃，軟殼蟹裝滿晒成碗飯。要將啲軟殼蟹放開一邊先可以食到碗七星米。軟殼蟹天婦羅超好味，充滿蟹的鮮甜味。另外，炸皇帝菜系加咗櫻花蝦，好高級!個飯原來仲有隻溫泉蛋，撈飯一流。