天吉屋 (已結業)

勁來冇食過日本野，啱啱上網睇到呢間新開嘅天婦羅餐廳，就捉埋老公一齊嚟試吓，天婦羅就成日都食，不過正宗嘅就真係第一次餐牌上面嘅選擇唔多，但係都夠我哋揀，而且個份量都好大份主餐嚟之前，餐廳會比椰菜絲沙律，仲會有柚子salad dressing,牛蒡茶仲係任飲，好有益㗎我揀咗一個小丼飯加凍烏冬，入邊重有湯，而且個烏冬望落去好大份。天婦羅入邊我覺得蝦係最好食，真係有蝦味，而且唔會太油膩，個飯入邊本身已經有醬汁，最重點嘅係有一隻炸蛋，個蛋黃仲可以吉穿嚟食，撈飯食真係一流老公就要左添天幕御膳，可以有三種食法，佢都覺得蝦係入邊最好食個一款，原來佢哋嘅米飯都係日本直送，食得出真係唔同。