大興餐廳 (第尾牛扒) (已結業)

最先是被門口吸引，之後在Openrice裡看到被罵得狗血淋頭的service. 所以我是抱著service很差很差的心態去，而且去了兩次。兩個朋友對羊排都讚不絕口，我點了最夠份量的雜排，味道ok，油膩也是意料中事，所以我覺得還不錯。服務嘛，他們會掉餐具到檯上，而且上餐時也只求快捷...可能也是意料之內，所以我又覺得不怎樣，因為全部waiter都是叔伯。第二次跟兩個女的去，可是我先入坐，一個人坐了7min, 不過叔伯門也沒有為難我，所以...態度好像也不會太差。至於之前一位食家，兩個人點一份餐，我覺得餐廳的要求也很合理，只是他們表達的方法有點惡劣。Again, 他們是叔伯嘛，差不多也是這種態度。若果閣下想鋸排，那茅屋的確不錯，有氣紛，食物有水準，價錢亦合理。不過若真的想要享受或要被serve，那可能就不適合了。的確，進此餐廳，脾氣要很好。

之前黎過都唔錯..今日再食..兩個人..一入去都冇乜野..仲話d野食好似好香咁..之後一坐底..個待應拎左兩個餐包黎..我地兩個都好細食..同埋佢一個實在太多..所以我地叫一個餐兩份食..之後落order啦..叫左個什扒餐$65+10%之後個亞叔好惡咁指住我話"你要叫多杯野飲,一係就收多廿蚊"之後我話轉頭先..佢就用手拎走一個餐包..好唔滿意咁走左我上次黎都係3個人食2個餐..都飽死了..過多陣..佢又問我地叫野未..唔叫就收廿蚊..我地問佢"有最底消費?"佢話"每人廿蚊"我地"咁個餐都六十幾..過晒啦"佢"兩個人都要叫野先得..要兩張單"我地"咁上次黎3個人都叫2個啦"佢"3個人就得,2個人就唔得"我地"點解呀?"佢"你唔好理點解,,公司話咁"我地"你d服務態度好差囉"佢"我地呢度個個都係咁,你唔中意就唔好再黎囉"講完就走左唔理我地..我地已經一肚火..睇晒咁多本menu..一隻字都冇提過要最底消費..就算要我地都夠啦..之後上個扒..有一半放左上張檯度..有一半仲凌空咁..差d跌..勁差..之後仲要甜品都唔上..火都黎埋冇理佢..結果冇叫多杯野..白白俾佢收多廿蚊.//但係我打左上

九流服務! 想俾錢買難受的朋友不防一試, 去見識下!食物no comment la! le 間餐廳最一流ge唔系佢地的扒餐, 系一班阿叔的"專業"服務態度. 未坐低成本menu 飛埋黎, 未睇完menu 成份俾人一手拎走, 未食完就收sai d 野, 俾完錢就走埋黎問"你地唔系走咩?" 趕客都唔系咁ga?! 成間野兩成位都坐唔滿, d位留黎俾d阿叔自己坐la! 見到d阿叔的凶惡眼神, 仲以為自己殺左佢全家! 咁串唔好service人la! 咁ba閉索性唔好做la! 消費仲要睇佢地臉色咩? 唔好忘記全港好的餐廳就大把! 選擇有大把! 今次在不知之下入左le 間黑店, 絕對唔會有下次!

食左西冷扒餐果塊扒一定係用野"那"過黎淋到唔正常, 又冇味!我覺得花園餐廳好食d..冇下次lu

黎之前早有所聞佢地ge服務態度, 所以已經做足心理準備......唉, 還好啦~但衛生環境and餐具真係唔太乾淨......><"朋友要鐵板雜扒餐, 我要鐵板肉眼扒餐, 一樣都係$65未加一,餐包熱ge, 都算鬆軟啦~但牛油唔香羅宋湯的確足料, 香濃, 微辣, 超正!!雜扒餐配黑椒汁有好多野, 雞,牛,豬扒, 腸仔, 煙肉, 火腿各一+薯菜, 朋友食左一半就飽晒肉眼扒配蒜蓉汁, 肉眼扒好大件, 但都好肥, 有一大舊係全肥ge, 見到就唔開胃囉......而且蒜蓉汁唔香蒜蓉味, 好淡口, 還好塊扒瘦肉嫩口唔韌, 不過我都係食唔晒, 最後係一黑一白雪糕, 朱古力味幾好, 食緊時都幾多人等位, 食完快快脆埋單走人, 全餐最正ge係羅宋湯......如果有下次, 都係lunch黎食好d~

第一次去呢間第尾牛扒. 其實之前已經聽聞呢間野d服務態度絕對係第尾級. 呢樣野由一入門口已經感覺到. 入去ge時候大約係2:45pm, 一推開門就見到有個凶神惡殺ge侍應阿叔bear實, 冇理佢, 直接上樓上, 點知又一個不友善眼神ge阿伯bear實. 望咗兩眼搵到朋友la, 坐低唔夠15秒, 即刻有個阿伯埋黎講"淨飲相計ga ha". 阿伯, 餐牌都唔比時間我睇算點ah, 屈我就範求其迫我食垃圾ah? 唔so佢再望多陣餐牌, 個阿伯又唔知幾時企係後面粗聲粗氣講"你係咪食ga 係ge而家黎個jelly比你先", 我都未黎得切反應佢已經走咗話拎黎, 咁仲唔係迫我食特餐?! 最後求其要咗個特餐$31未計加一... 個餐包括一個餐包,餐湯,牛柳+意粉/薯菜,沙律and 餐飲.先講餐包, 凍ge包一個, 連叮番熱都唔識, 個包本身唔香, 舊牛油亦都唔香用咗淡牛油. 連簡單ge一個餐包都攪成咁...仲想點...再黎係忌廉湯, 呢個正常d 係普通貨式, 茶餐廳貨仔.到主菜牛扒, 由色澤紋理望落去已經知唔係幾掂, 不過依然心存希望斷估唔會衰過扒王掛. 刀切落去個下發覺唔對路, 件扒林到柒彩明顯係疏打

「第尾牛扒」個門面功夫雖然做得唔係幾好(隱閉得滯，唔睇食評都唔知有呢間野存在!)，但係佢d 食物0既水準真係一流!我同朋友各自點左個西冷扒餐，同要黑椒汁(唔知點解最後變左蒜蓉汁...)、羅宋湯、一黑一白雪糕(朱古力/雲呢拿)。個餐包抵讚，熱的，好鬆軟!羅宋湯一定要試，d 料落到足，我果碗仲有成三、四舊牛肉片(牛定豬呢其實? @.@)、大量西芹、紅蘿蔔、節瓜等湯料，有少少辣，唔食得辣的都接受到。香濃好味。西冷扒好大塊，肉汁香濃，唔韌唔鬆，正!伴菜(薯條、雜豆)都好食，d 薯條好過M 記多多聲!熱奶茶唔錯，好香濃的奶味同茶味。朱古力雪糕有朱古力米(朋友話)。我食雲呢拿味，香濃好味。侍應阿叔又無呢度其中一d 食評所講0既咁差喎!佢地做野好勤快，落order 完全用腦記，無mark 過任何野，食物又黎得快。我去果個時間少d 人、幾靜，但無咩景觀可言(如果想睇夜景的情侶可能會失望)，但整體ok，好有懷舊feel，冷氣又夠凍(最怕冷氣的我都覺得好舒服)，夏天去最爽!建議早d 去食，因為人少d 落order 唔駛咁趕，亦唔會俾人催，兼且早d 食完可以出去街頭行下燃燒下d 卡路里，唔錯唔錯!抵食美味之

Lunch同同事專程由土瓜灣搭小巴落旺角試下該同事口中食過最好食的牛扒-大興餐廳(第尾牛扒).一入到去行上樓上,有個侍應問我地幾位,未等我地坐低佢已經問我地要乜湯,真係超高效率.我地叫咗羅宋湯,未等我地叫咩食,羅宋湯連餐包已經送到.跟住我地叫咗兩個T骨set lunch.然後一路飲湯一路等,餐包夠熱,羅宋湯用料足,味道真,十分正宗,非一般西餐廳貨色.飲完湯無耐,兩個鐵板餐已經送到,只見T骨差點覆蓋整個鐵板,我急不及待切下一塊試下,感覺肉質鮮嫩有肉味,這就是T骨的特色.配菜吸叫了肉汁同黑椒的精華也是一絶.餐茶凍檸茶同甜品布甸無乜特別.餐廳裝修保留舊西餐廳風格,闊落的卡位,淡淡的燈光,配以牆上掛著的畫,別有一番風味,同同事食完一路飲嘢一路吹水,將近夠鐘埋單走人,每位$36.抵!

尋晚約左啊媽同細妹去旺角shopping, 一早已經諗好去呢度据排, 7點幾去到仲有兩檯位, 今次坐樓下, 得一個大叔侍應坐陣, 雖然係咁,佢手法仍然咁快, 快過而家d後生既多多聲, 我地叫左一個西冷,一個T 骨, 一個羊仔排, 全部都要5成蒜蓉汁, 湯要左羅宋同牛尾交換飲, 兩款湯都好好味, 牛尾好香濃,講真食埋個餐包已經飽飽地, 飲完湯冇耐就梨哂D排,我地切梨交換食, 其實叫5成都變左6,7成剛剛好, 今次竟然T骨好食過西冷, D肉嫩好多,不過多左D筋,好難切,西冷其實都唔錯, 不過可能厚左D, 所以有小小鞋,但係確實好食過排王多多聲, 唔怪之食到8點出面有人排隊啦, 跟住羊仔排有5件,好好食, 如果有埋芥辣咁就VERYGOOD LA, 跟住我地ORDER餐飲, 見個大叔拎住4隻杯好似好忙咁於是同佢講等佢放低D杯先, 點知佢拎住d杯笑笑口叫我地講得啦, 佢記得, 我諗酒店食野D waiter都唔會囉, 真係時下d年青人要學習下, 最後果個就真係如已往所料, 就咁拎梨3杯雪糕, 2杯雲呢拿, 1杯朱古力,我地個個都爭住食朱古力,結果梗係讓啊媽食啦…..不過佢都分番淡地比我地既.

一直都估緊呢間野係「咩尾牛扒」呢﹖因為個招牌字體潦草，又一直覺得冇人會name自己的餐廳係「第尾牛扒」咁可愛，於是好奇心令我同男朋友走左入去試。好傳統的格局，好傳統的餐牌，仲有好傳統的阿叔樓面……有set dinner，叫左牛柳同T骨。牛柳唔錯，T骨就麻麻。其實感覺冇咩特別，又唔係特別新鮮，亦冇咩新意。最特別既始終都係professional的阿叔式service。佢地可能一日都畀d鐵板彈啦，所以d動作勁快，講野勁少。佢會無啦啦放d野食0係你枱面，見幾張枱既客都食完又會突然集體收野，ping ping聲此起彼落，場面熱鬧。正當我地飲飽食醉，冷不防pong pong兩聲，阿叔放低兩個雪糕甜品，一黑一白。佢唔會問你要咩味，總之就會放兩個0係枱……我同男朋友都呆左，跟住就無奈地開始食，就好似細個時媽咪逼你食飯的感覺一樣……其實整體素質都唔差，可以一試既，只要你頂到呢種professional阿叔式的服務……

餐廳性格，各有不同。「性急」，絕對是第尾牛扒的性格。同樣，食客性格，亦是如此，有人著重菜色、味道；有人著眼環境、服務。老實說，假如你是後者，我還是強烈勸喻你不要踏足這門口半步。但假如你不介意這裡的侍應那種催三催四、趕頭趕命的服務態度，倒不妨可以來一試，這裡的牛扒，必不叫你失望。鐵板蒜蓉汁西冷扒餐，是我的心水推介。餐包仔帶著應有的微溫，配上勝利牌片裝牛油。誰會理會牛油是否有反式脂肪，一心就只想把整片牛油塗在麵包上，然後快快的把它吞噬，要配合這裡「性急」的文化吧！但才要一口咬下去的時候，紅湯亦已同時火速送到。有人說，要知道某餐廳或扒房的牛扒水準如何，只要喝一口她們的羅宋湯便知龍與鳳。這裡的羅宋湯，肉味香濃、味道帶點辣，椰菜、甘筍、西芹、青紅椒等，比比皆是，且時有牛尾骨和牛肉，露出了真身，就知道是用料十足，一定不是罐頭貨。下點胡椒粉就這樣喝下去也好，用以蘸麵包吃也好，同樣滋味。嚐過這裡羅宋湯的美味後，我便盤算得出，這裡的牛扒，一定不俗！至於白湯，你、我、他都懂得如何煮，只是金寶湯加水，不喝也罷！萬眾期待，主菜上桌了！鐵板西冷扒淋上了蒜蓉汁，淅瀝聲音不絕於耳，引得全場食客都在「左顧右盼」，心裡

上幾個星期，同班friend出黎食野，大家都想食steak咁有個朋友就提議左依家餐\廳。其實佢\係食之前已經都同我講過話侍應們既服務係\"一級\"，都已經有心理準備入去。點知…真係冇諗過係咁\"好\"！落order時摧人，唔望人都算。我個朋友飲湯都比人拍桌叫佢\飲快D。嘩！我地係黎食野唔係受軍訓。 至於食物方面，我地果日點左個T骨，肉眼，羊扒（仲有個唔記得），味道ok，好過大家X，不過係抵，每人幾十元。不過綜合埋佢\地既service，就一般。

先同web master講下先,我去果間第尾牛扒係上二樓既係太子MTR付近,始創中心後面果條街,唔知係咪搬左?唔係相中係地shop的.年28..同gf兩個係太子shopping,食返個dinner當然唔少得,周圍睇睇好多人買年花好鬼煩,是旦搵間食..見到個門牌第尾個名都幾special..49蚊,T骨扒餐又真係幾抵喎,就食你.上到去要等,門口個哥仔都幾好禮貌,入到去..都幾大不過路就真係剛剛好一個人行就得.坐到埋去d卡位都好大,兩個人坐4人枱都比(讚!)食神:T骨扒餐,紅湯(49) 黑蕉汁食神GF:雜扒餐,白湯(62) 算溶汁餐包仲係好熱既,又係值得讚既地方.紅湯真係好正,好耐未飲過一個咁正既紅湯,有湯味又唔係死咸,入面有少少牛肉又唔係勁多食到少少牛味.白湯就普通貨色.兩份扒一上枱...嘩!!使唔使咁大份,我估計我份T骨有10安重..配有雜豆+薯菜..食入口個扒呢個價錢真係好抵食..肉應該無咩用加粉.又岩岩好熟唔會好多血,又唔係無果隻.肉質都ok.49蚊真係好抵.食神GF果份..成個鐵板上面都係野,雞牛豬,腸仔,培根,火腿扒,各一加埋薯菜+雜豆(咁大堆頭呢d先叫雜扒^_^)味道ok..

已經光顧左呢間餐廳好多年, 佢同金馬可以講係旺角數一數二的懷舊餐廳, 未裝修時爛梳化、爛枱布都一樣時時黎, 唔係特別好(其實service係特別差)只係情意結, 裝修後乾淨企理左, 反而少左光顧.套餐既羅宋湯有料又夠味, 牛扒同豬扒...好大件加埋蒜蓉汁or 黑椒汁勁好味, D扒十年如一日永遠唔會un, 但薯條同配菜就永遠都咁難食, 餐茶同甜品細細杯都有懷舊feel, 食物係ok.但係service 就永遠都咁差, 上菜快到冇位擺夾食唔切, waiter 現在打了bow tie, 件白裇衫都乾淨左, 個個熟口熟面, 但總係好似你欠佢$ 咁, 惡聲惡氣, 成個爛仔想撩交打咁款....死性不改, 有些朋友黎過一次xXyz 以後唔肯再黎, 真希望呢間餐廳Boss 可以上黎睇下! 改善下, 不過喱度又cheap 又好食, lunch 更抵食, 如果連service 都咁好就會排長龍, 現在busy time都要等位........

同幾位honhon去完"大酒店"之後黎左旺角食晚飯,在花園餐廳、紅螞蟻同呢間之中,選擇左最後者,因為跟餐有雪糕嘛,嘿嘿~~地下位知客小姐尚算有禮,點知電梯門一打開,2位極地道MK look既侍應已經豪氣地帶我地就座;地方雖然幾大但座位有d迫,而且膠檯布感覺立立,後來至知原因。羅宋湯幾足料,碟底都有唔少蔬菜同牛肉塊,煲得幾夠時間,味道帶辣,飲完嘴唇好興!跟餐麵包叮得夠熱,加埋冰凍牛油,呢個前菜都算ok。主菜幾份撈亂食,最後大家都食到一個雜扒餐!!羊扒份量幾多,侍應無問生熟程度,最後比左個well done我地,幸好我地幾個都唔想食生肉,合晒胃口!!羊扒幾軟身,食到有羊味,程度尚可接受;豬扒真係好大塊,肉質稍硬,似乎無用梳打粉泡製過;雞扒ok啦,都係雞扒一塊;大蝦肉質幾爽,個人覺得隻蝦用煎會較炸好味。大家都揀左蒜茸汁,因為個汁幾香幾濃味,食到最後已經分唔出自己食緊什麼......配菜有勁油粗薯條、一pat碎蕃茄、雜豆同小棠菜,食完真係好飽飽!!每個扒都以鐵板上,鐵板喳喳聲的確幾好氣氛,但後遺症就係一陣油煙味lu,所以至知點解用上膠檯布。餐飲普通啦,凍檸茶都算夠茶味,解下油膩感都ok;雪糕只