大興餐廳 (第尾牛扒) (已結業)

「第尾牛扒」個門面功夫雖然做得唔係幾好(隱閉得滯，唔睇食評都唔知有呢間野存在!)，但係佢d 食物0既水準真係一流!我同朋友各自點左個西冷扒餐，同要黑椒汁(唔知點解最後變左蒜蓉汁...)、羅宋湯、一黑一白雪糕(朱古力/雲呢拿)。個餐包抵讚，熱的，好鬆軟!羅宋湯一定要試，d 料落到足，我果碗仲有成三、四舊牛肉片(牛定豬呢其實? @.@)、大量西芹、紅蘿蔔、節瓜等湯料，有少少辣，唔食得辣的都接受到。香濃好味。西冷扒好大塊，肉汁香濃，唔韌唔鬆，正!伴菜(薯條、雜豆)都好食，d 薯條好過M 記多多聲!熱奶茶唔錯，好香濃的奶味同茶味。朱古力雪糕有朱古力米(朋友話)。我食雲呢拿味，香濃好味。侍應阿叔又無呢度其中一d 食評所講0既咁差喎!佢地做野好勤快，落order 完全用腦記，無mark 過任何野，食物又黎得快。我去果個時間少d 人、幾靜，但無咩景觀可言(如果想睇夜景的情侶可能會失望)，但整體ok，好有懷舊feel，冷氣又夠凍(最怕冷氣的我都覺得好舒服)，夏天去最爽!建議早d 去食，因為人少d 落order 唔駛咁趕，亦唔會俾人催，兼且早d 食完可以出去街頭行下燃燒下d 卡路里，唔錯唔錯!抵食美味之