大興餐廳 (第尾牛扒) (已結業)

因每星期均要到旺角上課，因此經常有到這店光顧，貪佢地Ｄ餐便直而味道又不錯（與隔鄰間花x 餐廳比較，無論價錢或食味均好好多）。最喜歡該處的煙三文魚沙律餐，沙律味調較得很好；西冷牛柳餐又大件味道又不錯（當然以同等價錢的食物來比較）。不過，該店的缺店是淨飲雙計，即每位客人必須叫一個餐，唔俾人地分享食物，所以自問胃口不大，就不要光顧該店。此外，該店的服務亦不太好，主菜食不了一半便放下雪糕，待主菜食完，雪糕也溶了，而當時只是閒日下午六時，客人不多，何須如此呢？

same case as fani(非會員) !!!!! coz i really ng hungry, my frd just order one meal!!!1. 態度好差, 個亞叔好惡咁指住us 話"你MUST 要叫多杯野飲,一係就收多廿蚊" (wt is must????)2. 過多陣..佢又問指住我話, order wt? ( 指住我woo!!) 2. 一隻字都冇提過要最底消費...(just stick a little paper on wall behind us)

咋晚同左個fd去lee間餐廳食扒勁差1) 叫左野食收meun 明明我放左d野係meau上面都照收唔理人地d野勁差2) 跟餐有雪糕做甜品我地d扒都未食完就"德"左兩杯雪糕係我地張台仲要係是但放兩杯比我地無問過我地要咩味勁差3) 埋單我地每一放左$100係台面緊住佢就一手係台面拎走左個$200 但我地完全無表示個個$200係用來找數勁差4) 拎返d錢同我個fd計緊數之際佢已經係咁執台放埋meun 最衰既係仲叫埋人入離個兩個人就企左係側邊等我地真係趕客但係仲有其他吉台喎而且又無人等緊以上全部都係同一個待應黎勁差差差!!!!!!!!!!!!!~其實d野食ok的但d服務態度真係頂唔住千萬唔好去呀

昨天和朋友一起去吃。感覺店裡的空氣不太好，而且很狹窄。點餐時已覺得服務員態度一般，一點餐廳的氣氛也沒有。我們7人點了4個餐，服務員頓時態度變差，叫我們多點杯飲料。我們起初沒打算再點甚麼，怎料另一名服務員走近，並說我們須繳付最低消費20元。更令人氣憤的是他們的說話態度真的很差，有些鄙視的語氣，令人很不爽。最後朋友被迫多點兩個餐，才避過"最低消費"之威脅。食物的質素其實很不錯，可是受到那樣的"招待"根本令人無法享受。註：我們在餐牌上未能找到"最低消費"的字眼，完全是服務員自己說的，令人匪夷所。

呢一間餐廳既野食都唔錯,個師傅都幾有水準,不過,任你既野食幾好味都好,唔可以比一個舒適環境客人,食龍肉都冇味啦!係8月14號,我同6個fd一齊食晚飯,侍應阿叔就走埋來拋張餐單,睇都未睇張單就係咁吹我地,未叫野食既時候就係咁問我地食d咩,係咁逼我地叫咁,食都食得唔舒服,我叫野食既時候就收埋張餐單,想叫都冇得叫啦,都唔知想唔想做我地生意嫁!真係一d禮貌都唔識嫁,好似睇少我地冇錢咁。仲有,D刀叉好唔清潔,仲有一D飯係上邊,令人食慾大減,上既菜首先係包同埋湯，D包都ok,但係個湯就...再上既係牛扒,D野食係幾好味嫁,但係我只係將一D食左小小既野放係旁邊,佢就收左我,佢完全唔覺自己有問題,總而言之,野食係唔錯,但係侍應阿叔既態度真係好令人唔舒服!

講真食物真係唔差(外觀就.....)但係d服務態度真係唔見得光人同朋友食野最緊要係開開心心 就算貴d都唔係問題最衰就係食完會把火我地7個人去唱完K 咁冇咩胃口諗緊的時候又"吹"人叫野食隔一陣又"吹"一次諗諗都比佢"啤"都傻ga 好似想趕客咁又唔好禮貌重串我地!!!搞到我地個個都冇哂心情就算食物幾好味都冇用la～-香港人分分秒秒都咁忙出街食飯都係想舒舒服服開開心心咁食返餐飯組...咁都要比人串比人"吹"搞到好似好忙咁食飯都咁忙咁唔開心就算食物幾好味都好la氣都谷住哂食而無味估唔到香港重會有d咁差服務態度的餐廳lor!!!*大家千祈唔好去 免得大家傷心兼勞氣

4/8，中午經過呢間野，就入去試下佢既$36黑椒牛柳餐啦，大概1:30pm，個陣好多人，我1個人去食，等左5mins，咁岩又有另一個人一位，咁咪兩個人坐一張檯囉。我叫左個羅宋湯，我飲左一半，諗住食下餐包再繼續飲，點知侍應阿叔已經將我碗湯羅走左，我只係放係我既右手邊，絕對無推出檯邊示意我已經唔要....原本我以為佢都會以為自己羅錯左，會俾番我，點知完全無....個餐包我覺得太細同埋涷，完全無整熱過.....我叫左薯菜，完全唔抵，只有薯條同雜豆，完全無菜，叫飯既會，俾碟另外載起既飯你。到左待應問我地要乜餐飲，我叫熱好立克，另外個位叫涷奶茶，轉頭侍應又問我地係咪要熱奶茶同熱檸水......佢拎甜品黎，係啫喱黎既，俾我隻匙柄上面，竟然有一揵唔知係咩醬定蒜蓉...==埋單個陣，我同侍應講淨係我要埋單，佢又問係咪一齊，都話分開單囉，點知佢轉頭過黎，「你出黎呀，出黎埋單呀!」我心諗，唔係嘛，加一服務費之餘仲要自己去埋單!? 咁你既服務去左邊!?佢件牛柳都ok既....但服務真係影響哂人食野既心情。

這是一間位於旺角的牛扒老字號, 鋪路內的伙記全都是伯伯, 個個都打煲Tie, 既然係老字號, 伙記通常都係串左少少. 但相對另一間食牛扒, 同是老字號的金鳳, 這鋪的座位比較舒適, 而店子也比較衛生.我們個叫了肉眼扒及黑椒牛柳. 先來的就是這個餐包, 看見伙記即時拿餐包出來去焗爐焗一焗, 包身微暖, 牛油又不硬, 很好吃. 再來便是一個紅湯(羅宋湯), 材料十足,很有味道.肉眼扒, 肉質嫩口唔韌, 又唔會有根切唔到, 肉切開有少少血紅色, 唔會熟晒. 黑椒牛柳, 肉質十分鬆化, 鬆化得不像吃牛扒, 估計是肉鬆粉落得太多.跟餐有一杯飲品及甜品, 甜品是雪糕, 曾經聽一個伙記說過, 如果我們叫可樂飲, 加個雪糕球, 就變成黑牛了. 嘿! 有趣.在這裡吃一個牛扒餐實在說不上平, 一個餐要$65, 另加一收費, 即是$71.5. 但食物真是有質素的.如果想要好的服務, 可以去位於太子的分店, 伙記都是後生仔, 不會像老伙記般惡死, 但我只食過下午茶, 牛扒還未試過.P.S. 這間鋪叫茅屋牛扒, 但我叫開做第尾牛扒, 因為牌上的茅屋寫的真的很潦草, 每次見到, 就想到第尾.

食物品質一般(鐵板餐雖然大大份，但沒什麼特別好吃)，我沒有高要求到必需去環境優雅的地方吃飯(若有要求就不會去旺角)，最令人不能忍受，是那裡侍應生的服務態度...極之差勁!! 話說昨天跟三位朋友走進餐廳那刻，被安排的座位已非常差劣(餐廳有兩層，在上層樓梯旁多人出入的地方加設桌子)，眼見顧客這麼多也沒辦法，便坐下；不一會，侍應生已催問了好幾次要什麼(大佬...岩岩坐低都要諗食乜架!)；望望餐牌，先是朋友間相互對視(咦! 外面明明寫著鐵板晚餐$59元，但餐牌卻是$65元還要加一服務費...即刻O哂咀囉!)，都算~反正肉隨針板。又隔了好一會，剛點餐便發現後面張卡位檯有客人離開，便問問侍應生可否轉位，但他們的反應是...「唔好意思，樓下好多人等緊轉唔到」...ar...算囉! 人地等得咁辛苦，坐辛苦小小都冇問題，誰不知...當那幾位客人坐低後...(好鄙視囉)...原來兩位客人係要坐一張四人位卡座，而四位客人則要逼迫坐在走廊特設座位。 既然點了餐...也正在食用，便無謂再爭議下去；到了點餐飲時間，侍應生哥哥拿飲品來的時候....嘩! 我雖然唔係著名牌，但都唔想件衫染有咖啡+ 奶茶+ 檸茶漬..

老公要去旺角買野,買到之後開心到佢\吖!!話要食番餐\興祝下,行到呢度,佢\俾個招牌吸引住,同我研究頭兩個係咩字,我睇開OR,當然話俾佢\知係茅屋(其實OR之前都叫佢\第尾,總是覺得怪怪的,可能有人指正,叫茅屋正常好多,不過佢\的確寫得好草),佢\就話入去試下食扒來說佢\真係幾平,睇過餐\牌,佢\諗都無諗就叫左T骨5成黑椒汁,我就諗左一陣叫左雞扒蒜蓉汁先來兩個紅湯,OK啦,唔係話好好飲但亦唔難飲,飽唔特別無食,留番個肚食雞扒T骨5成黑椒汁~無食,好大件,老公話俾到5成,黑椒汁亦唔錯雞扒蒜蓉汁~雞扒唔鞋,(其實雞扒都唔應該鞋,要做到鞋都有D難度)蒜蓉汁OK啦,好像黑椒汁香D野味D,D薯條俾汁整淋左,唔脆,不過點左汁都幾好食,老公話咁快就消滅左個扒,見佢\好似未夠,俾左一半雞扒同大半薯條佢\飲品都OK啦,最後的兩杯一黑一白雪糕俾晒老公,(我唔食雪糕的)佢\話朱古力的好食D服務就因為睇過食評所以都預左會差,的確D侍應係口黑面黑,粗粗魯魯,但反應快,做野爽手,有D似澳牛的侍應,我又接受到喎,總好過那些態度差得來又唔做野的,而且佢\價錢平,其實大把貴過佢\又服務差過佢\又要加一的餐\廳啦所以都唔

一入到門口,覺得好烏遭,侍應兇神惡殺,十問九唔應,呢度除左平之外,真係唔知有咩咁好,無論環境,服務,質素都比大陸差,香港人對外出飲食要求太低,以致這種餐廳在港仍然生存,,,差勁!

個阿叔o既態度仲衰過上次嗰個...我話2個黑椒汁，一個蒜蓉汁，佢就話：全部黑椒汁！我地仲要對答咗2次添！你話係咪吹脹吖？！當你無到咁！

17歲o個年第一次o黎~已經覺得間o野好正~由湯到扖到drink~我都覺得好滿意!4年時間過去~我22歲都仍然支持佢!侍應態度差?我就唔覺~反而我覺得佢地好勁~!有一次同女朋友去食dinne!隔離枱7,8個人~個侍應冇用任何紙筆~完全記得晒佢地要乜~咩扖~咩汁~邊個多汁邊個少汁都記得清清楚楚!呢o的先係做o野~相比起一o的地方寫得清清楚楚到最後都係落錯order~我會比較鍾意呢班阿叔!如果想食服務~咪去高級餐廳囉~o的人又要平又要扮大爺!

服務態度極差..如果個個香港人只要求呢種服務態度..劉德華個廣告可以cut左佢都得啦咁..d亞叔以為自己老就大晒..上餐求求其其...如果當佢係一間茶餐廳..佢唔值得收加一..俾多一蚊佢都唔會..我欣賞佢地食物..討厭佢ga服務態度..第一次黎呢度..俾我ga印象極差...以後都唔黎!

佢地既服務態度就唔係幾好..但d野食得下!個紅湯有水準,d排份量多,味道都ok!!價錢可以接受!!佢地d侍應只會對d黎開既客好!!其他生客都唔使點諗-0-v"...但良心而論d野真係ok!!可以一試!!^^"