大興餐廳 (第尾牛扒) (已結業)

一直都估緊呢間野係「咩尾牛扒」呢﹖因為個招牌字體潦草，又一直覺得冇人會name自己的餐廳係「第尾牛扒」咁可愛，於是好奇心令我同男朋友走左入去試。好傳統的格局，好傳統的餐牌，仲有好傳統的阿叔樓面……有set dinner，叫左牛柳同T骨。牛柳唔錯，T骨就麻麻。其實感覺冇咩特別，又唔係特別新鮮，亦冇咩新意。最特別既始終都係professional的阿叔式service。佢地可能一日都畀d鐵板彈啦，所以d動作勁快，講野勁少。佢會無啦啦放d野食0係你枱面，見幾張枱既客都食完又會突然集體收野，ping ping聲此起彼落，場面熱鬧。正當我地飲飽食醉，冷不防pong pong兩聲，阿叔放低兩個雪糕甜品，一黑一白。佢唔會問你要咩味，總之就會放兩個0係枱……我同男朋友都呆左，跟住就無奈地開始食，就好似細個時媽咪逼你食飯的感覺一樣……其實整體素質都唔差，可以一試既，只要你頂到呢種professional阿叔式的服務……