大興餐廳 (第尾牛扒) (已結業)

我同我個friend經過呢間野~諗起有人話過呢度d野幾好食~於是咪入去lor~但想不到裏面的服務態度這樣差劣...一入去, 侍應問我幾位, 我話2位佢就好命令式好大聲咁話: 2位!!!上o黎啦!!!!!!!!!!一入到去就比人呼呼喝喝!!!!!有冇搞錯!!!!????我個friend未餓~~所以佢唔叫野食個侍應好鬼惡~一知佢唔叫野食就好惡咁話: 最少要比20元叫野食這時已覺有點受氣~對minimum charge我們會接受~但這樣的語氣實在不能接受!!!!!到叫食物時, 我拿著menu叫~~我都未叫完, 個waiter就搶走個menu~驚死我拎多陣咁!!!有冇搞錯!!!!算咩意思????食物是以暴力送上的----- "呯!!呯!!"聲.......我今天真的吃了一肚子氣....人又不多, 為何侍應會這麼大聲說話和燥呢??我自問很少進這種食店和茶餐廰, 一向所去的都有著良好服務態度, 所以今次真的很不滿!!!為何我要貼錢去受氣???它有臉收加一嗎??我一進店就好像得罪了他們一樣.....我以後也不會再來這裏吃了!!!!!!!雖然食物還不錯, 但我真不能忍受如此的態度!!

完全係花園餐廳格局, 或許當時扒房全部都是這樣的.這兒看似經過了幾十年都未曾裝修過...那椅,牆壁,天花, 全部都已是好殘舊的了.周圍仲好似唔多乾淨咁tim...迅速伙計, 用極快速度為我和朋友安排坐位放低餐牌, 轉身再放低2杯清水同餐包!心想, 我都仲未落order wo, 你知我地一定叫餐ga la, 洗唔洗咁快手呀!? 我亦跟隨佢速度, 二話不說叫了個鐵板羊扒餐. 怎料伙計一招自問自答"好, 羊扒餐, 要咩汁呀, 黒椒汁啦" 跟住就走去!吹脹!!! 其實我想問下有咩汁揀, 同埋我都未講要咩餐湯同塊扒要幾成熟...唉!惟有先食個一坐低就有餐包先啦...餐包係我鍾意食隻,但凍!!!無幾耐,伙計就拎羅宋湯啦, 我都費是同佢計較餐湯啦, 反正我都ok, 見到湯都好多料, 味道又幾好wo, 唔洗落胡椒粉都已經夠味啦.好味!扒到, 我心裡"嘩"一聲, 羊扒原來係羊架ga, 仲有5件咁多tim, 正!係我至愛!食落好好味wo!d 肉好, 淋淋地又夠熟, 又唔會過火太.好好味!餐$70+, 好味又多又抵食呀!薯條係伴菜, 都好味wo, 唔會煎到濃晒.之後, 那快手伙計, 好快咁上埋餐飲同甜品(雪

幾個星期前同d朋友去過呢度食dinner..我叫左鐡皮雜扒食..個湯同包都ok..個扒好好食呀..又諗又有肉味..牛扒豬扒薯菜樣樣都好味喎！不過真係太大食唔晒..兩個人食就差唔多..不過我覺個朋友個個焗飯就唔多掂..我諗呢度係扒餐ok

難得星期二男朋友仔不用番學,所以我知道佢好眼訓,都仲捉佢吃過晚餐先放佢走...行左陣,都諗唔到食乜~知道佢唔食得熱氣野,當然我唔會提議去剧扒食炸雞麥記~點知佢行到依度二話不說就拉左我上黎,我問佢唔舒服仲剧扒~佢話因為我想食...(係前2日講過), 好sweet~不過食左佢唔舒服,我真係食乜都無味...講番題內話~d哥仔手快口快我已經習慣左,鬼叫佢地d羅宋湯真係好鬼好湯咩~如果有日d羅宋湯唔掂,都唔駛旨意我再幫襯~ 今次d湯仲好多湯楂~Yummy!!!!是日dinner set我叫左肉眼, 男友叫左什扒~阿哥可能見我好合作,唔駛佢出聲就up晒佢想知要乜野餐乜野汁,佢都笑笑口,問我係唔係要7成,我話要6成(奇怪??不嬲無問開,我亦知佢地係唔係一定俾10成)個餐黎到,男友不聽老人言拎定將餐紙出黎擋彈上黎d油~於是佢咪俾油彈親,又要我呵番...個肉眼幾嫩,無之前d食評話有soda粉味...我就食唔出喇~食得好開心又滿足~ 叫餐茶發現請多左個後生仔,都幾有記性,咁多台客唔駛用紙都mark得晒人人飲乜,唯獨記錯我男友飲乜~哈哈都乜野好彈傢喇~廁所都乾淨左~要彈都係最多個餐包番熱果陣叮到乾左少少

幾年前已經開始經常幫襯呢間野, 一直以離對佢既印象係...1) 價錢合理, 味道不錯, 最愛羊扒餐2) 雖然環境唔算清靜, 但算係一個同朋友一邊食扒一邊傾計既好地方3) 伙計笑容欠奉, 但勝在醒目+快手濶別幾個月前晚再去, 人客明顯比以前多左, 可能多雜誌介紹左, 出左名.....1) 羊扒塊塊大細不一, 最大果塊景然裡面未熟, 仲要係有血深出離2) 薯條少到得果5-6條, 雜菜粒粒係無嫁3) 個扒食到一半, 個伙計就上雪糕, 咁究竟佢想點呢!?!?!咁我應該食埋個扒先呀???還是食左個雪糕先再食扒, 真係低q能最勁都係d服務態度, 真係嚇到我"O"晒咀....1) 坐我後面有對情侶, 個女仔只係問個伙計個扒餐可唔可以跟少少意粉, 個伙計用好大大大大....既聲量答佢:"意粉就無少少既, 要就要一碟, 你要唔要" 2) 坐我遠少少有一對內地情侶, 因為比較遠,所以我聽唔到佢地同個伙計講咩, 但就好清楚聽到個伙計講咩喎, 因為佢又係用好大大大大....既聲量回答:"真係好麻煩"3) 到我埋單走人, 因為張計係個伙計自己手寫, 好求其咁寫左幾個銀碼, 我見總數唔對, 所以問個伙計點解, 佢

昨晚，我同班朋友去大興食嘢，我一般都鍾意比較old嘅餐廳，尤其係西式嘅。喺呢到，我同我啲朋友都點咗個牛扒大餐。啲羅宋湯都○Ｋ！件扒就大件咗啲，都幾好味。個紅豆冰都叫做可以啦！另外，ｉce cream就very good!好耐都冇食過呢種好味嘅ice cream啦！呢餐都算幾抵。特別推介！大家不妨去試下啦！

今日放假,中午時行開旺角入去試下.叫個鐵板黑椒牛扒餐同鑊仔牛柳餐.餐湯羅宋湯比較辣但煲得夠火又夠料,很好!黑椒牛扒好大塊,夠"林"唔韌,但係跟o既飯就超細碟?!鑊仔牛柳味道都唔錯,但就剛剛相反,舊鑊仔牛柳好細,跟o既意粉好大碟!服務方面講真就麻麻,老伙計,做o野好快但禮貌欠奉,呢樣可能係最多人唔鐘意o既o野.

我不是一個特別挑剔的人，但尋晚到依家忡驚愕緊呢間扒房所得到的服務。（請看其他人的開評，不重覆）兩彈︰１）威脅一定要套餐，計多﹩１５，當益你，否決繼而計足﹩２０茶錢。２）颱風式上餐，劈上你張檯上。經過呢次〞七月十四〞撞邪野經驗，結案陳詞，你地唔好信一間門面比較〞上等〞的餐廳。

今晚放工終於病好了,有心情和好友吃晩飯,初時想了很多地方,但最終決定到了這間呢!因為知道一定好食,我之前都食過兩至三次嘛!好友點了什扒餐,而我就點了肉眼扒,仲要係成熟呢! 超yummy n juicy lor! 勁正呀! 原本無咩胃口,都好左好多咯! 個餐湯亦都唔錯.個餐飽再熱d就仲好呢! 但都ok呀!加上這裡的waiter個個做野勁快手,好like呀!

We there with two of my friends to have dinner. Since everyone is ordering the set dinner, so we thought we would give it a try.SoupI found it a bit salty. Maybe I am used to having light food.SteakThe steak was okay (not well done, but medium I think). It's a steal to get this steak with such a price. Meat is tender and just right.Lemon teaIce-cream as dessertWaiters are very nice and polite.Total: $215 for three.

我同ｇｆ同一位朋友行行下去左黎到食晚餐，叫左兩個３個牛柳餐１個加帶子，坐既櫈就唔感唔乾淨，不過望下西周既環境就嘛嘛，裝修個格局真係好懷舊，白湯ｏｋ，個餐包熱熱地不過不失，扒既生熟程度算係咁喇，不過要提既就係３份牛柳都係焦的，我嘗試點多ｄ汁蓋過個陣燒焦左既味道，最後當然係唔得喇，真係幾苦，我都係第１次食ｄ咁苦既扒餐，餐飲唔洗加＄＄（包括可選紅豆冰、雜果賓治）如真係要揀黎兩杯我會建議後者，不過而家諗番起真係想試下黎間懷舊餐廳既奶茶～～服務態度我真係唔好定真係黎到既特色，食完真係好飽的，唔．．．乾淨程度未必個個接受，只推介俾想感受下以前好懷舊既扒餐廳既朋友。

佢令我諗番起八十年代尾既總統餐廳同花園餐廳- 一種舊式扒房輝煌時代既美態（咁唔一定代表乾淨...但大興upkeep/service 都算係咁）。煙「魚倉」魚套餐，又曰「煙倉魚套餐」，有忌廉蟹肉湯、餐包、煙倉魚沙律同雪糕連餐飲。湯/ 包都係舊式扒房貨仔，但值得一記既係佢個忌廉蟹肉湯唔太杰同都幾多蟹肉碎。煙倉魚沙律原來係兩塊煎既煙倉魚扒加雜果沙律，附他他醬。煙倉魚扒厚度適中，唔單止新炸（個人覺得似炸多過煎），仲要係炸到比金黃色啡一度而又未燶o個隻，掂。雜果沙律當然夾雜o左罐頭貨仔，但諒佢上得大份、有口感同唔係用地捫貨，有o趙頭。叫貴餐既福利為有得食雪糕同唔洗加錢有得飲雜果賓治或者紅豆冰：值得一記係個雲呢拿雪糕球竟然係Mountain Cream（八十年代既雪山牌，唔係今日既Wall's）味...食到底先發現可能係自家製（「爆冰」）。

服務簡直不知所謂!!!!!!去食完仲肚痛呀!!!有個似係部長的男人好似恐嚇人咁, 迫人叫嘢食!各位千萬唔好去!!6月10日星期六下午,我同4個friends去食lunch, 一坐落就有個部長(我估係啩)問我地飲咩湯, 我地話有2個唔叫嘢食, 個部長話: "你地唔叫嘢食, 都要叫嘢飲, 唔係就計你淨飲錢! " 我搵過, 根本都冇寫計淨飲!!太過份~~~ 之後佢仲行左幾次過嚟 :'你地記得叫嘢飲呀!!!' 好黑人憎>_<叫左個牛柳, 生到好似冇煮過咁, 食完即肚痛~~!差勁!!!!!我地就食完時, 個部長又同坐隔離檯人講:"入得嚟就要一人叫一個餐! 法例規定架, 你唔信咪去消委會告我囉~!告唔入架!!" 今時今日仲有咁差嘅服務, 真係要寫上嚟俾多d人知!

行到金魚街呢頭, 搵地方食晚飯,又係我最傷腦筋o既時候,好彩今次朋友作了決定,去第尾牛扖,唔駛我諗..good!七點鐘上到去,搞咩呢,得3,4張抬有人食飯,咁少人幫趁o既.不過都照食啦...要了最平的鐵板餐$49 ~ T骨扖(黑椒汁)+紅湯+凍O茶塊扖仲大過塊鐵板,勁,肉質都真係唔錯喎,7成熟,絶對唔韌,好似食梗牛柳咁o既口感,好正,個黑椒汁又唔會太辣,味道剛剛好,總括黎講,食得過有特.佢地個紅湯都好正,夠晒濃,又多料,不過今次佢地個湯加左好多蒜茸落去,感覺怪怪.其實我會覺得第尾d扖餐好食過扖王之扖及金鳳,但係扖王之扖就座得舒服d,金鳳就出名d.

於2006年6月14日(星期三)晚上約9時45分，本人與一名朋友抵達上址用膳。當我們上到該餐廳，並由餐廳員工帶位，而我們坐在位子時，餐廳員工即送上兩杯清水及兩個麵包給我們後該員工便離開。當我們吃完兩個麵包便點食物，而我們只點了一個是日晚餐，該員工即時向我講話我們吃了兩個麵包，便要點兩個晚餐，否則每個麵包要計港幣十元正，由於他事前並無向我等講述有關麵包事宜，本人有感被欺騙，故來信投訴有關其服務。另一方面，該是日晚餐餐牌上並無寫明加一服務小費，當晚晚餐港幣62元，一個麵包港幣10元，而該餐廳共收了本人港幣80元正。最後，上述餐廳員工在餐廳內當眾食煙，影響食客。而我們的餐湯還未飲完就取走。更慘的就是我同朋友食完該餐後肚~~~~~~~~~註: 服務唔係一分，因為無得選擇，有得選擇，我會選零分。