大興餐廳 (第尾牛扒) (已結業)

服務態度真非常惡劣，職員好像滾水淥腳，都唔知點解咁多人去食的。食物唔好食加唔夠熱，我估是先前他放錯在返來比我的，好彩都無肚痛。真的無下次了。這間野真的比錢你食都會唔食呀，重要比錢食緊唔加好去呀

今日專登去試下份扒餐, 叫左個76元ga西冷同肉眼。服務不過不失,麵包熱係應份, 紅湯都算ok , 不過好甜, 最唔惦係份扒, 個主角就係佢, 都做得唔好, 唔好睇佢大大份, 好似好低食, 食落你就知道係劣作, 肥膏佔左五份一, 都算。用得實在太多梳打, 成口梳打味, 腍到好似茶餐廳d牛肉甘,冇肉味, 甘ga價錢只值55元,唔會去啦。

去睇演唱會之前,約左朋友同朋友男友響旺中等,6點半到齊時原本我想帶他們去食米線,但朋友說去對面的第尾牛扒鋸扒,我見未去過,不妨一試一入去餐廳有一種懷舊的味道,我自問是比較喜歡懷舊的東西^^侍應大叔帶路上左去一樓卡位坐椅子都未坐暖餐包先到,我們3人未來過以為他上錯木台,不過見其他剛到的客都有餐包,這應該是這裡的特式吧XD我叫左個肉眼餐$62,朋友叫T骨餐$62,朋友的男友叫牛柳$??。2個要紅湯,男友要白湯,3杯凍檸茶.-紅湯味道OK,好多雜菜,因為我唔食得辣所以覺得有點辣-肉眼扒,超超超大件,味道一般有點'un'-跟餐有雪糕,侍應拎黎冇得擇味,2雲呢0拿1朱古力,我要雲呢0拿,味道同細細個食既味一樣(懷舊味?!)~裝雪糕的杯我亦好舊款(銀銀矮身0個種)呢度d侍應速度好快，快落單，快上菜，快加水，快執木台...=.=;;;不過態度一般(偏惡...)我問他什麼是肉眼什麼是T骨,侍應答我肉眼咪肉眼T骨咪有條骨囉...我即時氣絕...

一間毫不起眼的扒房，如果唔係朋友介紹都唔知，黑漆漆的佈局，加上年老的伙計，如果再播埋首阿飛正傳...真係以為自己返番去5/60年代。叫了個午餐，粟米海鮮飯，跟羅宋湯，湯很快送上，但賣相很差，很像別人的嘔吐物...而海鮮飯的海鮮其實係天婦羅...奇怪的配搭。總之三十幾四十蚊，走去食粥好過。

好耐都冇鋸個扒,今日就去第尾到鋸下,叫左個西冷扒餐,要,紅湯,跟薯菜個湯好似水咁一d味都冇,扒大件.........(食物冇乜特別)地方同員工就特別d,先講地方睇佢地裝修都起碼有二十幾年,分兩層,卡位大....最直得一提係員工服務,我地一行四人去食飯,見佢地幫我地落單,正係用腦記,吾洗用紙記,又吾會落錯單,都幾專業

-食物水準食物完全唔熱, 牛扒以鵝干咁細少.....完全無味道, 難以嚥下!一個字講曬---"差"-服務態度非常惡劣食物味道差都唔緊要啦, 服務態度惡劣到極點,WAITER好沒禮貌, 六個人點菜三個歺搞錯!!!收碟杯及抺台時,將垃圾掃向客人身上, 埋單時多謝唔講不特以, 還散銀掟晒落張台上, 應該係全香港最差O既食店, 唔執苙...簡直係奇蹟...係香港飲食業O既恥辱!!!!!!!劉德華應該去教訓吓佢哋!!

昨晚跟男友來回味一下他們的特大分量扒餐\。但發現質素明顯下降，原本覺得好好味o既砵酒牛，都整到好難食，又乾又韌，碟羅宋湯仲辣過上海舖飲o既酸辣湯。晚餐\o既鐵板西冷扒，量依然足，不過扒就毫無肉味，仲好多根(唔係牛膏)，唯一可取是薯條和雜豆，薯條炸到脆卜卜，內裡又軟又熱，好正！ 但今次想講佢\o既服務，真係未試過咁差，做滾水淥腳，睇見都牙煙，食緊時突然問你飲乜餐\茶，差點俾佢\啃親。最不知所謂係，埋單找回散銀時，將$8的找贖打散晒，男友原想拿$6，留番兩個$1，點知係咪因為得慢，個伙計以為佢\想晒，好大力咁將個銀盤向上拋了一下，將其餘o既散銀掟晒落張上，真係離晒大譜！

我係常客, 食左十幾年.環境好,樓面好急,有誠意,食完唔會眼超超(吹你走果隻),牛排(黑汁)有水準,罹送湯都好正,餐飲比較細,唔夠飲......

呢度係我同一個friend 既老地方，每次同呢個friend去旺角，我都幾乎係黎呢度食，因為真係幾好坐，食物又唔錯，金牌侍應仲幾風趣添！佢而家其實好似已經改名叫咩第尾？不過我同我個friend 仲係會話”去大興咯”咁．．．過個禮拜六(24/9)又約呢個friend去旺角shopping，順利成章地呢度又成為我既落腳地。不過今次我個friend就冇乜謂口，所以我只係叫一個餐，佢食我少少既扒囉，其實我自己本來唔係咁鍾意食什扒餐，但係因為另外兩個是日扒餐都係牛，我個friend又唔鍾意食牛，唯有嗌什扒餐！其實呢度既食物同出面既花園呀，熊貓呀差不多，不過真係勝在好坐，阿伯款既侍應己經度做好耐，每次去都係人，以前同我個friend成日去時，佢仲認得我添，不過而家我同個friend 己經少出去啦．．．雖然舖頭舊式，不過都算係一間老字號既扒店。

呢間都算係小弟耐唔耐都會幫襯o既食肆之一:上星期五同女友o黎呢度食晚飯.女友想食咖喱牛腩飯(講真我都未試過呢度o既咖喱^^").我就例牌叫黑椒牛柳7成熟.D侍應亞叔亞哥又例牌敏捷地先落餐飽(叮熱o左o既).紅湯到.好濃夠味同多料.好味!之後D扒到喇~兩大舊厚厚o既牛柳o係鐵板度.好淋同Juicy.正~!意外地女友o既咖喱腩都抆得好淋喎~份量亦都唔o野小.^^".之後o既雪糕.有睇過呢度o既食家講餐飲要可樂同雪糕要朱古力味.自己溝黑牛.又幾得意喎~^^~呢餐食得好飽呀~有見呢度有唔小食家都話呢度D招呼麻麻甚至好差.講真呢D老牌餐廳.十幾年前o黎幫襯果陣無論裝修,食物o既質素份量同味道都係咁o既樣架啦!當然D侍應(或者伙記)都係咁o既態度~呢方面我反而覺得唔係太大問題.好似金鳳果D都係咁架啦~相比起o黎講起碼呢度點都坐得舒服D呀~其實大家都包容D.咁就好OK架喇~^^~

今天去了第尾牛扒.味道很好. 牛扒很軟!但是SERVICE很差WAITER好沒禮貌!吃得1肚氣!!! 可惡!!!

七月七日去，叫了鐵板黑椒西冷扒餐包牛尾湯、紅豆冰和雪糕。侍應沒有問幾成熟，本人也忘記講。牛尾湯-好味黑椒西冷扒-做了全熟，夠大件肉質好，但黑椒味比花不夠好和香濃，總括味道一般。紅豆冰-普通茶柸份量，花奶加水加紅豆，味道差得很，大家樂好過它。消費加買一要八十四元，花園都是七十五，沒有下次。

前晚去食晚餐叫了黑椒西冷扒餐包牛尾湯、紅豆冰及雪糕。侍應沒有問幾成熟，本人又忘記講，做了全熟。牛尾湯-味道幾好。但黑椒西冷扒-雖然牛扒都幾大件、肉質都幾好，但味道一般，花園味道比較濃及好味。紅豆冰好差-水汪汪，連大家樂比他好。消費加買一要八十四元，而花園都是七十五元，沒有下次。

首先, 講講環境先啦, 如果係有d咩特別日子, 就要諗諗啦, 因為o個度同一般餐\廳冇咩分別, 可能仲會覺得舊d<br />再加上侍應的速度, 可能會唔係好鍾意tim<br />但本人覺得冇問題, 因為佢\地d態度唔係唔好, 只不過係好趕, 所以好多野都好似要快<br />只於食物方面, 好食不在話下啦, 其次係好抵食, 基本上一個set dinner足夠兩個女仔食架, 我份肉眼扒餐\, 舊肉眼我都係食左一半多d<br />仲有就係個羅宋湯, 真係好多料, 好味又唔太spicy

今晚同朋友聚舊, 見佢想据扒, 我就提議去大興.鐵板鑊仔牛柳餐:牛尾湯- 好香濃. 覺得好飲過羅宋湯及忌廉湯)鑊仔牛柳- 肉質好淋, 有肉味.餐茶及甜品呢度d侍應真係好落力, 十分主動. 唯一就係全場大部份人都食煙, 攪到件衫吸晒d 煙味...