大興餐廳 (第尾牛扒) (已結業)

Lunch同同事專程由土瓜灣搭小巴落旺角試下該同事口中食過最好食的牛扒-大興餐廳(第尾牛扒).一入到去行上樓上,有個侍應問我地幾位,未等我地坐低佢已經問我地要乜湯,真係超高效率.我地叫咗羅宋湯,未等我地叫咩食,羅宋湯連餐包已經送到.跟住我地叫咗兩個T骨set lunch.然後一路飲湯一路等,餐包夠熱,羅宋湯用料足,味道真,十分正宗,非一般西餐廳貨色.飲完湯無耐,兩個鐵板餐已經送到,只見T骨差點覆蓋整個鐵板,我急不及待切下一塊試下,感覺肉質鮮嫩有肉味,這就是T骨的特色.配菜吸叫了肉汁同黑椒的精華也是一絶.餐茶凍檸茶同甜品布甸無乜特別.餐廳裝修保留舊西餐廳風格,闊落的卡位,淡淡的燈光,配以牆上掛著的畫,別有一番風味,同同事食完一路飲嘢一路吹水,將近夠鐘埋單走人,每位$36.抵!