大興餐廳 (第尾牛扒) (已結業)

其實佢d 待應以為自已態度無野, 所以至令人覺得態度差。佢d 肉眼朳連汁都好味, 街坊餐廳味道啦, 幾十蚊乍, 你想點呀? 總括來講, 不過不失啦。

看見之前網友很多食評都是說服務態度極差,絕對同意這裡是沒有服務的,因這裡不是sale服務,因這裡唔憂做.午飯時間一上到去問你幾多位後,未坐低已問你係咪紅湯,跟住啲午餐或鐵板餐是一次過出很多的,好彩的話,你好快有得食,唔好彩的話,等鑊甘,但千祈唔好催喎,唔係會比說話你聽,不過,四十蚊有個鐵板餐,水準也不錯,個人最喜歡的,是有甜品--雜果啫喱送,仲可以多花奶!記住,在這裡千祈要求零服務,咁你就食得很開心.

今日下午路經,見下午荼都叫合理,又肚餓咪入去食.叫了一客干炒牛河+凍奶茶個待應好似好唔順氣咁,態度好差,放野都大大力,做野快到好似打風咁,但做完又同其他待應係咁吹水但做又做錯,落錯order, 凍奶茶變凍檸茶,咁叫佢換返凍奶茶,來個杯凍奶茶好似加左水咁,勁怪味....都唔知有無加料來個干炒牛河,水準都ok, 牛肉唔錯~, 調味亦適中但食到一半發覺碟底好多公仔麵碎,明顯係剛收碟又用.... (因為係哂碟底)超唔衛生

上個星期六我地一行三個女仔大概7點鐘到，走左去一間位於旺角(新之城附近)o既一間叫"第尾牛扒"食晚飯。我地一路食o既時候當D侍應一見我地其中一人放停刀叉一秒諗住停一陣傾下計，佢地就會"衝"埋o黎問你食完未(問o既態度好差) ，但係請注意我地每人個鐵板上面仲有一大半係未食過o既!!!如是者係我地食飯o既途中問o左我地五次以上。不過呢D都唔係最激氣，最激氣既係我地食完喇，咁我個朋友就去廁所。點知有條友行埋黎大大聲講"收錢215蚊" 跟住我就請佢擺低先，但係條友竟然大大聲回應我話"唔得喎，冇得擺低先喎，我唔得閒招呼你，唔係得你地呢一台，我冇時間一陣再行過o黎收你錢"，跟住我當然唔客氣地話"我個fd去o左廁所點比錢呀，咁你而傢放唔放低呀！"跟住佢就將個tray同張單好大大力咁放低而且仲叫另一個人企係度睇住我地比錢，一收到錢就成份menu碇落張台度!!!! 雖然我知道平o野唔可以expect到D咩service，但係都唔係咁離譜o下話。D o野又唔係特別好食，食完一肚氣。大家如果唔想食完成肚氣就千期唔好幫襯呢間o野!!!!!!!!!!!!!!!!!!!!!!!!!!!!!!!!!

以後唔會再去!!!首先,我個fd好肚餓而我又未念到食乜~所以諗住落左我個fd個order先~但係個waiter話一定要兩個一齊order, 我同個waiter講左三次叫佢落左1個先,佢死都唔落!!!最後我決定唔食~叫左杯椰子milk shake就算...(\_/)跟住佢take個餐包過黎, 個餐包係凍冰冰干爭爭!!!之後黎左個紅湯, 冇乜味, 好似飲水咁~主菜--黑椒牛扒, 好淋~但係冇肉味, 好似係用水6完再煎咁~唔好食~最後係杯椰子milk shake, 甜到嘔!!! 飲左幾啖冇啖就走左~e間野無論係食物味道,服務質素到衛生環境都非常之差, 真係唔明點解會有好評...

今日中午ＯＴ後好趕，貪近到此黑店，入到地下有枱，但餐布很污穢又唔換,後來叫我們上樓上坐,坐下未看manu個侍應已經放下４個麭，我地同佢講要３個餐先，個侍應馬上用手取回一個麭，已經好驚嚇，跟住又有位殺氣十足呀叔侍應走埋黎問我地要咩,我地點左一個特餐同埋一個鐵板餐,咁我ORDER左之後..我個鐵板餐配意粉,但係個牙叔話個意粉冇汁..咁我只好改配薯菜,,之後由於我和另外三個人一齊去食,,總共4個人''點了三個餐,,但那個待應就話一定要我地每個人一定要點4個餐,如果唔叫足4個餐就唔會落單''跟住那時已經有下午茶餐..但竟然那待應說我們入坐的時候還未到供應下午茶餐的時間,所以不能點下午茶餐,令我們非常無奈而且亦想立刻離開,,最後那個待應還呼喝我們..還用粗口鬧我們..最後我們一行4人未食野就離去..態度極之惡劣

前幾日同細妹係果個行完街諗住去食野~~就見到呢間餐廳咁就入去食啦~~入到去都有人招呼既~~只係裡面既員工唔多囉我地坐底左之後~~都要叫幾次先有人得閒黎寫野我地叫左兩個鐵板餐~~間野好就好在的野食都好快黎到同埋的扒都好大塊= ="食完仲有甜品上~~唔錯總體黎講只係衰在的待應既態度

今日同個fd去左食下午茶...我叫左個蝦球炒烏冬.我個fd叫左個扖餐...有野飲送.超正呀真係.....我係去太子o個間..第一次去...旺中對面o個間就去過幾次...旺中o個間d waiter就差小小...太子o個間好d......

成日都誤會讀成\"第尾牛扒\". 上星期六晚終於一試. 九時多進去,仲要等位.. @.@.. 好在不是等了很久.那裡的裝修好像很久沒有變過, waiter 衣著和風格很有七十年代的感覺.叫了肉眼扒. 羅宋湯.肉眼扒看來很生, 不過食落又ok.. 幾好味. 湯則超香蒜蓉味. 感覺有點似飲蒜蓉汁. 總括來說... ok.. 不過不失.

尋日同兩個fd去食lunch，我地一人帶一個BB，最後一個fd入到去，個侍應居然同佢講"果度呀，成'鬥'呀~"之後我仔仔唔少心整跌個牙籤筒，有個大叔即刻走埋o黎，好大聲咁話"唔好俾佢玩o丫嘛，佢一起實掉落地，一跌落地就爛o架啦!"(但係個牙籤筒其實冇爛到)，到我地走時，佢目露凶光咁望實我地，我地行到佢旁邊，佢仲專登大力踢佢旁邊個箱。我同兩個fd都覺得係去俾錢受氣，貼錢俾我都唔再去呀~~~

Environment (2) - Classic style of old fashion steakhouse. However, the feeling to me is crowded and noisy. Taste (2) - Excluding the steaks had been seasoned as expected. No other adverse comment.Service (0) - The service provided is the WORST I've ever tried in my life. (even worse than WONG KEE - China Town, UK) The waiters are uncivilized, rude and poor response to the customers. Their attitude is unacceptable in service industry. Price (1) - For food quality , there are a lot of choices

16/9...我去左lee間野度dinner....其實我都唔知係第幾次食lu...不過都仲係咁好味...我同我gf一齊去..佢叫左隻燒春雞...幾好味..幾香咁我就都係叫左個什扒..次次都係...kaka...都一樣咁好味....

前晚放工同bf 係mong kok 原先打算食風月堂..點知要等好耐..之後就入左哩間茅屋牛扒..一上到去..比左個風口位,我bf 話要轉位, 咁d侍應叫我地等等, 點知之後有個把聲好嘈既ar叔走過黎..動作"懶"快咁囉走晒table 上既包& 水同menu, 就係咁既原因..行到另一張table 個時, 個menu 就掉左落地,,佢同0.1 秒既速度,將個張menu 卡"dum" 上黎-_-"...咁之後我地order 左雜扒餐同鑊仔牛柳,佢問我鑊仔牛柳要咩汁, 我問佢咁有咩汁,佢態度勁差咁大力抖再一下大氣..隻眼望再去第2度,之後佢話有黑椒同xxx (快想聽唔到), 不過我估應該多數都係蒜蓉汁.. 但鑊仔牛柳..一聽個名..好自然會覺得用個鑊仔黎上, 點知..佢都係用鐵板黎上..有小小比人呃左既感覺....至於個羅宋湯好甜呀,唔係應該酸酸甜甜再加小許辣既咩?? 而忌廉湯方面..哩個都ok, 味道可按受,一路食緊既時候..見到坐係左手邊個排有2個客要求佢轉過個杯雪糕..聽到佢地話杯雪糕入面唔知有d咩野,...再隔多陣..坐係我地後面有2個女仔..佢地同d侍應講, 話d飯入面有好多一隻

話說前日去呢間野度食,d亞叔粗聲粗氣,睇緊menu就係咁問我地食咩,我地講左幾次等陣先,佢都仲係咁問,食完野杯雪糕又溶ga,仲稀過奶昔,仲要我地仲食緊果陣佢就收晒我地d野,埋單果陣仲衰,我地見條數好似唔岩,諗住睇下張單,點知佢張單係用白紙寫d我地唔識睇ga野,之後最後有個總數,我地完全睇唔明張單,研究緊果陣個亞叔話:食完野就比錢啦,張垃圾有咩好睇ja,真係激死我

呢間餐廳前前後後都試過好多次, 耐唔耐就會黎呢度食野, 師傅由未寫食評時已經黎食野, 終於到寫食評後再一次光顧, 感覺依舊! 早幾日同友人黎左呢度食晚飯, 去到好快有位, 未叫食物伙計第一時間放低兩個餐包, 師傅第一時間輕摸個餐包, 都仲熱架喎, 於是拿拿聲叫左兩個晚餐, 一個係雜扒餐一個係鑊仔牛柳!先黎餐湯, 一個要忌廉湯一個要羅宋湯! 忌廉湯係忌廉粟米湯, 忌廉湯唔會太廉又唔會太咸, 而粟米就好甜好味; 羅宋湯就好香有少少辣, 幾惹味架; 而餐包都好鬆軟, 好味; 兩個扒餐好快就到, 雜扒餐有好多野食, 而鑊仔牛柳就有兩大塊牛柳, 兩個都係鐵板上!雜扒餐有火腿, 腸仔, 肉, 豬扒, 牛扒同雞扒各一件, 仲有炸薯條做配菜, 扒類冇咩特別, 肉質算鬆身, 加上黑椒汁夠香, 唔算話好好味但又唔差, 可以呀; 至於鑊仔牛柳就真係好大塊下, 肉質算鬆不過就落左幾多鬆肉粉, 幾覺下囉! 扒後仲有餐茶同甜品, 而甜品仲係雪糕!總括黎講呢度既食物質數可以, 但係服務就一般, 呢度冇左一般西餐廳既服務, 反而就多左茶餐廳既快! 師傅個扒餐未食到一半就已經要order餐飲, 食到一半就連個雪糕都擺埋