大滾友火鍋 (紅棉大廈)

营业中

休息中

同成班舊同事食飯，揀個中心點，荃灣！就揀左大滾友喇，已經食過元朗店一次，都好食，有保證，就試下荃灣店！用openrice app book 台，今日中午有人ws confirm booking, cs 十分有禮貌！臨時加多個都無問題！準時去到即刻掃QR code 落單，即刻睇相！唔洗多講，花膠雞湯一定係必食啦！我地5個人，只係叫左半隻雞，一人起碼飲左4碗湯🤤🤤真係狂飲湯嫁😂😂😂呢個係小既牛肉拼盤，好味！最出色係個花雕牛，好好味啊～～～～加多個海鮮拼盤，個聖子好鮮甜，蝦都好彈牙新鮮，全部海鮮係新鮮既，絕對無梅爛！要讚！*後面台有個小朋友狂喊狂叫，搞到要勁大聲講野，好辛苦*埋單前係openrice 買左$90coupon, 可以減$100。用openrice app 比錢用applepay 再可以減$20。*出面抄牌，餐廳唔提...*每人大約$477

疫情問題，少左好多聚會，見難得同朋友gathering,大家又想食打邊爐，所以就決定揀呢間。提早訂台，所以預留左卡位比我哋，職員服務態度好,環境舒適，食材新鮮，會再來食。

荃灣高質靚湯火鍋店 — 大滾友呢間火鍋店都係頭三位我鍾意食嘅🫶荃灣同元朗都有分店，環境裝修都係好古色古香🎑好似穿越左古代咁🤣玲瓏浮凸花膠雞湯鍋($98)呢個湯底可以揀半隻雞或全隻雞，今次揀咗半隻雞，其實半隻雞兩個人食的話都已經好夠食！湯底係使用大量三黃雞，用上6小時新鮮烹調而成，花膠份量亦好多，好厚身！可以補充骨膠原😆雞件本身已經係半熟，碌半分鐘至1分鐘左右已經食得，食落亦好嫩滑，湯底有飲落嘅膠質，越煮越濃味😍而且加湯時唔係加水，而係加返湯底，所以唔會淡味咗，今次都飲咗好多碗！😂起碼五碗，飲完夠曬補身🤣真係好鍾意佢呢個湯底！牛胸尖($118)質感爽口，充滿油香！蟹🦀️黃餃($98)每一啖都充滿蟹黃味！啖啖蟹肉手打蟹子鮮蝦丸($98)八粒 蝦膠 蝦籽 好爽口彈牙牛舌片($118)切得好大塊😍入口好爽嫩！

大滾友火鍋🍲🍲 | 宮廷風火鍋店❤️餐廳既裝修好特別 係中式宮廷風 好似睇緊劇皇帝果d場景😀門口擺左張檯 好似皇帝係度寫緊毛筆字咁❤️ 店員會係我地面前用滾水淥碗筷 確保乾淨 呢一點抵讚九宮格既調味料 可以自己調配岩口味既醬料碟胡椒豬肚雞湯鍋🐔🐔🍲🍲🐔🐔雞份量有半隻 肉質滑而有雞味豬肚份量都好多 夾極都仲有豬肚😀胡椒味道偏濃郁 湯底真材實料 豬肚同雞兩者都好夾 ❤️鬼馬油炸鬼油炸鬼有某d位比較硬 可以浸耐少少先食都唔緊要 唔洗擔心過軟既問題 同時間都要煮熟d蝦滑 表面有勁多蟹籽估唔到咁樣配搭起黎 都幾特別😀蟹黃餃每隻餃子都好飽滿 食落口真係啖啖肉😀蟹黃既味道凸出 有蟹既鮮甜味❤️🐔雞子雞子夠新鮮 而已落左酒同藥材落去調味可以遮埋內臟既so味牛骨髓牛骨髓亦都好迎鮮 一份有成10條😀日本稻庭烏冬烏冬係較貴既急冷烏冬 食落口好滑又彈牙❤️🍴整體評價：🍲🍲食物材料新鮮 而且裝修別具風格材料新鮮 價錢相對較貴😀食物各有特色 由湯底至每樣配料都好好蟹黃餃好特別 必點推介指數: ⭐️⭐️⭐️⭐️⭐️——————————————————————————————📌 荃灣青山公路荃灣段125-133號紅棉大廈地下A&B號舖⏰

打風前夕做咩好? 人多就話打麻雀, 但得兩丁友，唯有走去打邊爐😌最近都有人介紹呢度可能係最靚後門餐廳😂一於試試佢周公之禮-消暑冬瓜瑤柱鍋 $218邊爐鍋外形就幾特色，所以今晚決定食個中式啲既湯底 襯番先😉一上黎既感覺係足料， 用黎打卡一流 😍影完相，有專人慢慢剪開個冬瓜入湯底本地手切牛頸脊 $348成盤咁樣拎出嚟 震撼感十足😍 品質方面亦都唔錯 肉味香濃 淥幾秒就食得👍🏻黃金響鈴$78即刻熱食又得 唔會話太咸 ，用湯烚一烚都無問題 鹹蛋味足🫶🏻肉丸拼盤 $128有 墨汁魚丸 牛丸 蝦丸 大路野。 但 鵝肝丸櫻花蝦丸 幾特別 出面唔係成日食到😜蟹黃餃 $78自家制蟹皇餃睇落特別 外表深黃色 粒粒足料漲卜卜 蟹黃+豬肉 而成嘅蟹黃餃 夠鮮 蟹粉味十足值得encore😎😎😎南非鮑魚$98有鮑魚公主嘅地方點可以冇鮑魚 南非鮑魚自己去街市買都唔平 呢個價錢絕對食得過🤪 就算掛住同朋友吹水煮耐左 都唔會話變咗食擦子膠 就知道品質唔差啦🤓🤓

大滾友呢間鋪頭裝修幾有特色 佢係以中國風作為主題 而餐廳既位置十分方便 就係千色店隔離 因為上次朋友食過話好食 佢又知我鐘意打邊爐 所以叫埋我試下呢間餐廳 一坐低侍應會拎一盤熱水同餐具埋黎用夾幫你洗好 之後就會拎個九宮格配料出黎比我地 調自己喜歡既醬料 佢拎上黎既九宮格好整齊所有羹都係放係每一格既同一位置 可以睇得出餐廳好多細節位都有留意到🤩🥢櫻唇半開 特色卜卜蜆鍋 $198一坐低我朋友直接指定要呢一個湯底 佢話超好食超抵食 咁朋友都咁講就一定係嗌呢個架啦個湯底拎埋黎時入面放左D食用乾冰 拎埋黎個陣好多煙個個湯底到 視覺效果強 湯底入面有芹菜，杞子，芽菜同埋好多蜆 湯底味道清甜 同埋D蜆係多到用筷子夾到攰🤣🥢手切本地牛肉（頸脊）$348本地牛肉牛肉味好濃 睇落去油花都好靚😍 仲要每一片都有番咁上下厚 食落去有咬口之餘又唔會咬唔開🥢大滾友肉丸拼盤 •十粒 $128每一款丸都好有特色 同埋佢所有丸都係生丸黎 生丸個質感比熟丸更軟糯 而且味道都係唔錯 呢個絕對係必食推介👍🏻入面包括櫻花蝦豬肉丸，蝦丸，墨魚丸，牛丸🥢韭菜豬肉餃 •四粒 $68個餡滿滿韭菜 仲要好香

遠道以黎，專登去呢一間荃灣火鍋店。都食得好享受，火鍋好高質而且好足料。值得推介🍲椰子雞番薯蜆濃湯鍋 實在係抵抗不了嘅湯底！非常清甜滋潤！好濃郁！椰子雞仲要嫩滑的！🥩手切本地牛肉 (頸脊)油脂少但肉味濃的牛頸脊🥩仲好有咬口🧆手打鮮牛丸非常爽口彈牙，令人想食完一粒再一粒😜💛鬼馬油炸鬼放落鍋一陣 索哂湯汁😍不得了🎋自家製足料竹蔗茅根個器皿係充滿古代嘅style 非常特別🤣飲落清甜 同火鍋最夾啦！

以宮廷風裝修，餐牌同元朗店一樣整成聖旨，好有趣🍲超鍾意食蜆嘅我當然揀左特色卜卜蜆鍋，平時d卜卜蜆都好細隻，呢到全部都係大大隻嘅沙白，仲要超級大量！起碼有兩斤！打邊爐打到尾都仲有蜆食！d沙白仲要好大粒肉，只有一隻有沙。🐚卜卜蜆鍋真係好有鮮味，雖然我鍾意食辣，但有時食清d嘅湯底更能夠凸顯食材嘅鮮味🐮手切本地牛頸脊手切牛牛味真係特別香濃，肥瘦均勻！而且上碟嗰陣用架勢金盆裝住，加埋乾冰，打卡一流！🐽大滾友肉丸拼盤 有五款丸，每樣兩粒🦞龍蝦墨魚丸：入面真係包左一粒蝦蝦肉，好特別🦐手打蟹子鮮蝦丸：鮮蝦滑好爽口，🦐櫻花蝦豬肉丸：呢個最有驚喜，櫻花蝦味好香濃仲有手打鮮牛丸同鵝肝墨汁墨魚丸👻鬼馬油炸鬼油炸鬼包住墨魚滑，面頭仲灑上蟹子。雖然油炸鬼淥完會淋左，但蝦滑彈牙，成件野依然好好食🥬萵筍 打邊爐好鍾意食萵筍，夠爽脆但又吸到湯底味🥢日本稻庭烏冬烏冬好幼滑，吸晒湯底卜卜蜆嘅鮮味！

呢間喺荃灣嘅大滾友，有好多好有特色嘅邊爐湯底～入面裝修有宮廷feel，枱上放了聖旨🥳玩味十足。大卡位坐得舒服，有空間感～見到只要晩上六點前離座&晚上九點半後入座～都有折扣優惠。🔶黑胡椒炒蜆雞湯鍋 $268呢個真係好正💗D新鮮沙白蜆先用黑胡椒用猛火快炒，然後上到枱，服務生再點火喺客人面前再炒～真係香噴噴好吸睛🥳沙白蜆份量好多，入口隻隻惹味～滿滿黑胡椒香！食晒啲炒蜆之後，服務生會再加入雞湯～可以開始打邊爐了🤤加咗雞湯之後，湯底好濃郁，充滿鮮香與胡椒香。🔶陳年花雕浸牛肉 $128牛肉油花均勻～稍微淥過之後，入口肉嫩多汁，有油脂甘香～也滲著花雕酒香～提升味道層次～食得好滋味。🔶手打鵝肝墨汁墨魚丸$68黑蚊蚊嘅墨汁墨魚丸，入口彈牙爽滑～鵝肝味道雖然唔算好出～不過整體來說都好特別👍🏼好食👏🏻🔶花膠 $108花膠用隻船仔放著～賣相精緻💗花膠索晒湯底嘅濃郁鮮香，滋潤養顏又有口感。

今個夏天真係好熱, 不過都係阻止唔到車車嘅邊爐癮, 所以今日就去左之前bookmark左好耐嘅大滾友試下, 入到去環境幾特別, 打下卡都不錯🌟周公之禮（消暑冬瓜瑤柱鍋）咁熱就緊係要消下暑啦, 車車揀左E個周公之禮, 用成個冬瓜盅打邊爐真係第一次, 瑤柱味滲哂入粉絲入面, 非常惹味, 湯汁就咁飲都好清甜好正🌟大滾友牛肉拼盤牛肉拼盤有多款部位, 兩個人食份量幾夠, 肉味濃郁, 口感軟腍仲有特別部位, 性格比高🌟蟹黃餃蟹黃餃橙黃色好鮮豔, 咬落去啖啖蟹黃超足料超鮮味🌟日本梅酒醉蜂巢豆腐又一特色配料, 蜂巢豆腐用梅酒浸泡過, 加埋入冬瓜湯底估唔到幾夾, 清清地帶點梅酒香, 愈食愈開胃, （要湯底唔重口味先會食到嫁）豆腐索哂d湯, 幾好味🌟秀珍菇🌟薯粉有時唔一定要濃湯重口味配薯粉先好食, 薯粉索係d湯同瑤柱精華, 爽彈順滑超級正!

行過見到有折，上網望吓啲相好似幾唔錯，決定星期六下午嚟試一試，夜晚六點前埋單有六八折，折完之後每人$2xx，性價比幾高!! 🔘泰式冬蔭功湯鍋屬於濃味嘅湯底，首先試飲一啖湯，有椰汁味亦有大量香茅、薑等香料嘅味道，酸酸辣辣係幾正宗嘅冬陰功湯味，最印象深刻係有海量嘅沙白蜆，粒粒飽滿鮮甜，本來打算食晒啲蜆先開始打邊爐，之後發現mission impossible根本食唔晒，係非常足料嘅湯底!! 🔘酒香陳年花雕浸牛肉用花雕杞子等藥材醃製過，淥完有淡淡酒香，係比較有嚼勁嘅牛肉!! 🔘爽脆豬潤幾大塊厚薄適中，有用薑醃過，沒有腥味，淥到全熟都唔會鞋!! 🔘豬頸肉賣相幾靚砌到玫瑰花咁，食落唔會太肥，肉嘅質感唔錯，一致覺得今次點嘅豬好味過牛!! 🔘鬼馬油炸鬼口感豐富，一次過食到油炸鬼同蟹籽蝦滑，油炸鬼吸晒啲湯之後好食!! 🔘紫淮山紫淮山同普通淮山差唔多味道，口感粉粉地，但就含更多花青素，更加健康!! 🔘唐生菜生菜新鮮，以前鍾意食淥到腍晒嘅生菜，依家反而鍾意食爽口啲，食到最尾先食菜，湯底有少少油，建議一開波先食菜會健康啲啲!!

—————————————話說之前已經去過元朗大滾友食過，覺得好好味，今次一班人去荃灣分店再食。𝐎𝐫𝐝𝐞𝐫:-⧐椰子雞番薯蜆濃湯鍋⧐手切本地牛肉(頸脊)⧐手切頂級安格斯牛肉⧐手打鮮牛丸⧐自家製足料竹蔗茅根⧐瑤柱乾貝滑◎如果有食開椰子雞湯既朋友都一定鍾意食依個湯底，依家加蕃薯同蜆，個鮮味更加出，未落嘢食都飲左幾碗....◎手切本地牛肉(頸脊)同手切頂級安格斯牛肉嘅雪花都好靚，食落牛味好重，正。◎除左主食之外，手打鮮牛丸同瑤柱乾貝滑都唔錯，特別係乾貝滑濃濃乾貝味，依個鍾意食。—————————————📝評分味道⁴/ ⁵環境⁴/ ⁵服務⁴/ ⁵衛生 ⁴/ ⁵抵食 ⁴/ ⁵—————————————📍大滾友火鍋 (紅棉大廈) 荃灣青山公路荃灣段125-133號紅棉大廈地下A&B號舖

朋友生日決定去打邊爐🍲，我哋今日揀咗近近地嘅荃灣火鍋店位於荃灣千色店附近，火鍋店裝修行中國風，感覺帶有古典味，古色古香餐牌有好多款湯底，我哋揀咗椰子雞番薯蜆濃湯鍋🍲🥔椰子雞嫩滑新鮮，湯底有陣陣椰子香味，味道香濃火鍋配料選擇好多，打邊爐梗係唔少得牛肉啦！手切本地牛肉，係頸脊嘅部位牛肉肉質鮮嫩，脂肪分布平均，入口嫩滑，質素好好啊👍🏻手切頂級安格斯牛肉冇介紹錯啊😌牛肉脂肪比例平均，香濃牛肉味，有少少入口即化嘅感覺，好正啊鬼馬油炸鬼必食！雖然好邪惡，但油炸鬼上面鋪滿蟹籽浸一浸湯底，索晒啲湯，好香脆！瑤柱乾貝滑肉質爽口，可以再encore 打邊爐最後點都剩返少少菜唐生菜份量好多，夠哂新鮮🥬可以之後同朋友再去食🤤估唔到咁高質

甚少甘遠到荃灣食野，有好野自然唔介意車程長，今次黎到大滾友。進到餐廳，感覺有宮廷feel。調味料盤送到，有9樣調味材料之多。伴隨調味料既微辣青瓜開胃滋味。湯底-消暑冬瓜瑤柱鍋解暑最適合，材料甚豐富，除了瑤柱冬瓜，還有蝦肉，服務員幫我地把冬瓜切開。湯滾後，當然一定品嘗個湯，夠鮮甜。即炸黃金響鈴即炸，當然要即刻食啦，香脆可口，蛋味唔算好濃，剛好。直接放入口最滋味～~日本廣島蠔賣相吸引，肥美，飽滿，嫩滑可口。山水滑豆腐滑溜溜，黑木耳大大塊，爽口。日本稻庭烏冬入口即溜，帶少少韌性,證明熟度剛好。自家製足料竹蔗茅根清熱好選擇，清甜解渴。整體而言，湯底正，足料好喝，其他食材新鮮。

環境裝修好有特色既中式設計，菜式擺盤又靚又霸氣，食材新鮮用料靚，係食完會再食既高質打邊邊😋❤️櫻唇半開特色卜卜蜆鍋 超大量既卜卜蜆，湯底煲起蜆肉開口，就可以先熄火慢慢食左蜆肉先，真係多到食極都唔完!! 湯底清甜到可以飲咁，好香莞茜西芹味～🧡櫻花蝦豬肉丸 新鮮手打豬肉丸，加上櫻花蝦，豬肉鮮味十足💛龍蝦餃 黃金外皮睇落好貴氣，餃子餡加左龍蝦肉爽口彈牙，皮薄餡靚又新鮮💚極品棉花魚肚 好軟綿既棉花魚肚，吸晒卜卜蜆湯底既鮮甜味，超正💙豬頸肉 擺盤好靚，一片片薄切豬頸肉，肉質好彈牙💜大滾友雜菇拼盤 份量十足既雜菇拼盤，有大冬菇 木耳 金菇 本菇 雞脾菇等等，仲有娃娃菜浸落底湯到，超鮮甜🤎蜂蜜菊花茶 微微甜好清香，清熱潤喉，打邊爐飲岩晒