508
8
4
| 餐厅: | 大滾友火鍋 (紅棉大廈) |
|---|---|
| 优惠: | 国泰会员凭「国泰 - 亚洲万里通」应用程式內会员二维码，赚高达HKD4 = 2里。受有关条款约束。 |
|
条款及细则:
|
|
|
|
影片
开饭介绍
装潢走中国风的港式火锅店，招牌花胶鸡汤汤底用三黄鸡熬煮数小时，香浓美味富胶质。餐厅邻近千色汇，交通方便，适合和三五知己聚餐。
继续阅读
营业时间
今日营业
12:00 - 01:00
星期一至日
12:00 - 01:00
以上资料只供参考，请与餐厅确认详情
有关奖赏计划
优惠
| 餐厅: | 大滚友火锅 |
|---|---|
| 优惠: | 国泰会员凭「国泰 - 亚洲万里通」应用程式内会员二维码，赚高达HKD4 = 2里。受有关条款约束。 |
|
条款及细则:
|
|
|
|
相关文章
今次分享我们去左荃湾大滚友吃火锅，他们最出名的花胶鸡汤汤底真是非常鲜味和好香浓。今次已经是第二次在这里吃啦，每次黎到都每人最少饮番两汤碗的花胶鸡汤先，我的朋友话好好饮，更加饮左三碗😱饮够我们先正式落鸡入汤底。今次我们点了一只鸡，好大只，四人吃非常足够了。今次我们主力吃他们的手切牛肉，比较喜欢，因为真系有质素既，所以点选「大滚友牛肉拼盘(大) $528蚊」，我个人觉得是一分钱一分货。虽然价钱有少需昂贵，但是他们每块牛肉都好淋，尤其安格斯牛柳粒都好淋。如果他们可以出埋建议涮涮的秒数，更好，唔洗担心过火，非常适合小下煮的我我们更点选了「牛骨髓 $78蚊」，我们太中意食，条条又长又大条，好正。我们为吃得健康和更饱一点，点选了䈑笋「$58蚊 和 日本稻庭乌冬$38蚊」我们也点选了他们新推出的小食，即叫可即食不用煮，就是「特色虾滑(4条) $108蚊，卖相做到非常有特色，即叫即制，热辣辣上枱，好香脆，虾滑仲好弹口好爽口，值得打卡和试吃一下，真是不差的🥰最后我们也点选啤酒，他们啤酒有三个不同的牌子，就是蓝妹，Stella Artois 和 Hoegaarden，我们拣选了Hoegaarden 330ml ($58蚊) 和 500ml ($88蚊)，非常正，倾下计慢慢食就过了一晚了，非常推荐到访大滚友吃火锅吧😆正到爆😘
继续阅读
【👑大滚友（荃湾）｜皇宫内打边炉🍲】打边炉都可以好宫廷体验，大滚友材料精致，好钟意佢哋烟雾弥漫嘅opening, 好似瞬间返到古代咁，好得意😎.🪄香滑豆乳浓汤锅花花做成豆腐形状，好精致，滚一阵就熔于汤中，特别是用了哈密瓜做汤底，瓜味扑鼻，滚熟后口感似木瓜，好滋润。.🪄牛肉拼盘(细)和部位都有几块，啱晒想试多部位又怕太饱嘅状态，我最钟意牛颈脊同牛仔粒，好重牛味。.🪄牛胸尖唔系度度有得食，今次真系好香牛油脂肪，仲要滚完后保持爽口鲜甜！赞！.🪄鹅肝墨丸黑鼆鼆其貌不扬，咬落超弹牙，每粒丸都酿咗份鹅肝，带出矜贵感觉，亦见到白色墨鱼粒粒，好味！.🪄伊比利亚橡果猪薄切火锅刚刚好，快熟又香滑，猪味够但又唔会太大臊味，食得轻松。.🪄大滚友杂菜拼盘杂菜新鲜，3人食都足够，我最钟意紫色淮山同埋莴笋片，同汤底好夹。.🪄啤酒🍻火锅天作之合，啤酒款式多选择，够晒冻！.🪄火焰焦糖豆腐花临走都要预肚食，店员洒上黄糖，点火让糖面焦香，再放入小碗品尝，见到火焰我就好开心😁
继续阅读
今晚 同皮姐一齐庆祝拍拖周年纪念呀带佢去咗荃湾区 享受最爱嘅打边边呢𠮶度环境好古色古香 古代庭园中国风枱面放置咗好多中国嘅摆设 好华丽喔入到去唔算光猛 成件事真系好有气氛枱面 有九宫格调味酱汁配料盘任您调可以自由配搭 干净得嚟又够晒卫生啦我哋最中意个鸡汤 认真煲得好入味哇绝对系健康首选 暖胃之余有营养价值-酱芥（$26）-玲珑浮凸花胶鸡汤锅（半只） ($328)拣咗 大量三黄鸡熬制而成 再配合厚身花胶香浓鸡味之余 仲可以补充骨胶原 美颜首选-大滚友牛肉拼盘(细) ($428)卖相好华丽 成个拼盘好丰富 有手切外裙肉 本地手切牛颈脊澳洲和牛金钱展 美国顶级雪花肥牛 牛黄喉 牛肉粒同牛舌花每款牛肉嘅口感 好独特 一个价钱 可以品尝晒唔同牛嘅部分份量嚟讲亦啱啱好 牛肉嘅质素 性价比高 今次真系大满足喔-手打蟹子鲜虾丸(4粒)（$72）皮姐嘅至爱 鲜虾味浓郁 食落好爽口同弹牙-伊比利亚橡果猪 ($228)卖相好肥美 肉质食落好鲜嫩入口特别鲜美而油花分布亦好平均 肉肉达人嘅强烈推介-大滚友杂菜拼盘（$118）卖相好丰富 有莴笋 油麦菜 金菇菜 娃娃菜仲有粟米 新鲜蕃茄 莲藕片 紫淮山 唐生菜份量好足 种类亦都好多同饱满 重点系啲蔬菜都好新鲜食完啲肉肉 一定要食返啲菜呢 真系够健康且解腻一流-凉拌拼盘（$98）秘制凉拌鱼皮腌得好入味 食落真系好爽口呀香辣无骨凤爪辣味适中 越食越滋味且好开胃-自家制足料竹蔗茅根（$78）个壶好吸睛 好有古色古香嘅味道 饮落好清甜呀香浓嘅竹蔗味 配上淡淡嘅茅根味 清热下火一流-出火豆腐花（迎新）火焰燃点𠮶刻好治愈 令表面𠮶层焦糖形成脆脆豆腐花食落嫩滑且份量啱啱好 食落好有层次感
继续阅读
约咗朋友入荃湾打边炉，拣咗呢间大滚友。呢到最大嘅卖点除咗嘢食嘅质素唔错，重点就系d汤底同菜品全部都视觉效果十足，啱晒打卡。香浓豆乳蜜瓜龙趸鸡汤锅 $328汤底叫咗餐厅新出嘅豆乳锅，汤头除咗有滑溜豆乳同鲜味鸡汤，仲有大大个蜜瓜同龙趸片，一加汤就营造出烟雾弥漫，好似仙境花海咁嘅境象，打卡呃like一流。因为加咗蜜瓜个汤底非常鲜甜，打边炉之前可以饮一碗。三重芝士腐乳牛丸(四粒) $72呢款芝士腐乳牛丸都几特别，分别有芝士同腐乳两种唔同嘅咸香味，牛丸弹牙。大滚友牛肉拼盘(细) $428打边炉点可以冇牛肉，我哋叫咗个细嘅牛肉拼盘，入面又晒牛嘅唔同部位，好似系手切外裙肉、手切牛颈脊、黄喉片、金钱𦟌、牛舌同牛柳粒，当然唔少得仲有顶级雪花肥牛。牛肉款款油花分布均匀，肉质腍嫩，肉味香浓，黄喉同牛舌口感爽脆。伊比利亚橡果猪 $228我哋另外仲叫咗碟伊比利亚橡果猪，唔似普通猪肉，肉质非常之嫩口而且冇渣。新鲜鲍鱼(两只) $98海鲜方面我哋叫咗鲜鲍鱼，size都唔细，食落新鲜，口感爽弹。大滚友杂菜拼盘 $118蔬菜拼盘都好丰富，有齐生菜、油麦菜、娃娃菜、蕃茄、粟米、莴笋、金菇、木耳、莲藕等等。用豆乳鸡汤浸嚟食，鲜味十足。自家制足料竹蔗茅根(冻) $78饮品我哋就叫咗一壶竹蔗茅根，都几大壶足够两个人分，味道清清甜甜，饮完即刻觉得冇咁热气。火焰焦糖豆腐花最后食埋个豆腐花做甜品，店员会喺豆腐花上面加d黄糖然后点火，就好似睇表演咁。黄糖烧到焦脆，同嫩滑豆腐花，形成口感上嘅对比。。。大滚友火锅 (红棉大厦) (荃湾)荃湾青山公路 - 荃湾段125-133号红棉大厦地下A&B号舖。。
继续阅读
餐厅周围嘅装饰同摆设充满中国风，瓦顶同埋砖墙等格局诚意十足，情调满满，打卡一流📸。我哋点咗以下汤底同埋火锅配料：🚩玲珑浮凸花胶鸡汤锅（半只）🐓🍲锅底滋味浓郁，鲜嫩鸡肉同花胶交融，汤头诚意熬制，清甜满溢，鲜香扑鼻。热腾腾嘅汤汁融合浓厚嘅鸡肉香气，带黎极大满足。🚩大滚友牛肉拼盘（细）拼盘丰盛，份量十足，包括牛舌片、手切牛肉、牛胸油、牛肉粒等。每一款肉品都口感独特，一个拼盘满足晒唔同口味，超值！🚩店长推介伊比利亚橡果猪🐖猪肉肉质细嫩多汁，入口鲜美滋味浓郁。猪肉油花分布均匀，充分丰富左汤底嘅味道。🚩手打鹅肝墨汁墨鱼丸🦑口感弹牙鲜嫩，浓厚鹅肝香气同埋墨汁嘅风味完美结合，令人回味无穷。🚩新鲜鲍鱼鲍鱼肉质鲜美弹牙，带有淡淡海洋风味，令火锅更豪华滋味😋。🚩大滚友杂菜拼盘内含多款新鲜时蔬，例如蕃茄、莲藕、金菇、生菜、娃娃菜等。系火锅时候解腻良品！🚩自家制足料竹蔗茅根🎍清新香甜，带有浓郁竹蔗风味同埋淡淡茅根嘅清香。每一口都充满著大自然嘅味道。
继续阅读