大滾友火鍋 (紅棉大廈)

营业中

休息中

⭐️【荃灣】驚喜濃味牛肉拼盤⭐️又是時候去烚下烚下，今次去荃灣〔大滾友火鍋〕打邊爐，一到門口已經見到一大塊〔大滾友〕招牌，非常易認，火鍋店鄰近荃灣〔千色店〕，交通非常方便。進入店內裝潢格局很古色古鄉，而坐位亦很寬敞，店員態度亦很好，一直主動幫忙加湯，餐廳有專屬的落單系統，用手機QR code點選菜式，非常方便。🥣【櫻唇半開．特色卜卜蜆鍋】(HK$198)一出場時用上乾冰已經覺得很有仙氣飄飄的煙霧感，用上很多沙白很足料，沙白入口一點沙都沒有，而且湯底越煲越有鮮甜味道，忍不住一口氣喝了幾碗湯，喝完已經很飽肚了。【大滾友牛肉拼盤】(HK$398)上菜的出場方式亦都是很有仙氣感，擺盤亦很靚，打卡一流，肉嫩鮮紅，而且牛舌還捲成花的形狀，很有心思。牛肉拼盤分別有頂級安格斯肉小排、本地手切牛頸脊、牛展、美國頂級雪花肥牛、牛黃喉、牛肉粒及牛舌花，一次過可以品嚐7款牛的不同部位，每款都各有特色，而且每款牛味都很濃郁，充滿油脂香味，輕輕一灼就已經可以入口，有牛味而不韌，每款入口都很有驚喜，令人回味。【日本稻庭烏冬】(HK$32)口感滑溜質感煙韌，入口很有彈性，煮久了亦不會變得太過腍身。【蜂蜜菊花茶】(HK$6

知道大滾友係荃灣有分店，唔使專登出元朗食，方便好多，仲可以係千色滙行完街先嚟食，入面佈置都好宮廷風格 天氣咁熱，一於嗌個消暑冬瓜瑤柱鍋做湯底先，上枱足足有半個大冬瓜，入面仲有瑤柱絲、蟹柳、彷魚翅、蝦球、西芹等，好足料，店員仲會幫忙切開冬瓜，襯未打邊爐之前記得飲返碗湯先，湯底非常清甜，生津止渴 酒香陳年花雕浸牛肉牛肉淥完入口仍然保留有酒香味，雖然份量唔係好多，都值得一試 手打鵝肝墨汁墨魚丸墨魚丸非常彈牙，入面仲夾埋鵝肝醬，估唔到又幾夾 黑松露蟹肉餃餃子入口真係食到2種味道係入面，其中一粒仲有蟹殼係入面，證明係真蟹肉嚟，咬開仲有蟹膏，好驚喜 美濃水蓮好爽脆，口感似韮菜 自家制足料竹蔗芧根用嚟裝飲品嘅壺好有氣勢，竹蔗芧根好清甜，打邊爐就最啱飲 醬料九宮格

突然好想打邊爐，就興起約咗朋友放工入荃灣食，之前經過佢地嘅元朗分店已經好想試吓，原來荃灣都開咗一間分店呢！宮廷風作主題，在內進餐都感覺份外有氣派，有卡位亦有普通枱，除咗中間走廊偏窄外，都無挑剔地方。一入座員工會幫忙洗碗，這點是頗貼心的。點菜後都好快上菜，我地揀咗個龍躉片木瓜魚湯鍋底，上枱仙氣噴發，十分有噱頭！而內裡嘅湯料都十足，有木瓜、龍躉魚片、金菇、滑溜豆腐，咁豐富都唔需要再點蔬菜了。另一重頭戲係日本九州A4黑毛和牛拼盤，7款和牛不同部位都可以試勻，真係食成頭牛咁呢~和牛睇落已經知道油脂比例好均稱，有啲部位會較重脂香，而我最鍾意就係腹心肉，腍嫩得嚟唔會太重油份，牛味頗濃。當然封門柳、牛小排都係必食啊！不少得點佢地自家製餃子及丸類，蟹餃好深橙色，食落幾鮮又飽滿。芝士牛丸面頭已經有絲絲芝士，入面都好濃郁芝味，丸質感都幾彈牙。更驚喜係梅酒凍豆腐，一聞真係有酒香，煮完都有淡淡酒味，個原理同味道都幾似花雕製法咁！份量都唔少，不錯呢！飲品方面都好有特色，平時太熱氣，所以點了蜂蜜菊花茶清清地飲吓。用咗古色古香嘅器皿去盛載，飲落幾清香，唔會太甜，啱晒我。另外友人點了啤酒，配火鍋一流啦！

此店位置千色店旁，其實個名大滾友都幾俗，不過內部裝修很特別，中式宮廷風加點歐洲式，好有末代皇帝薄儀嗰時的風格。之前經openrice訂位，當日上午就收到他們whatapps確認訂座，仲推介咗有象拔蚌優惠，服務相當對位👍🏻入座後，店員會用滾水先淥好碗筷再擺位，落單是經手機QR下單的，非常方便。枱上正方形包裝的濕紙巾好盞鬼☺️每枱都有個自助調味盆，執好先開餐（$22/位），其實湯底都好夠味，唔知可否不要呢啲醬芥，慳返啲＄。先來一個麻辣卜卜蜆煲$219，可能加咗辣椒，貴咗$20，個煲狂出煙好有氣勢，而且很多料，蜆肉及豆卜食極都有😋薄切A5和牛拼盆，油花滿満，塊塊入口即溶😋再來一個海鮮拼盆，又有蜆呀，如果係生蠔會好啲鬼馬油炸鬼，適宜烚耐D，老油條要吸多些湯汁先無咁難咬。晌鈴新鮮脆口，不點不可。幼條炸芋頭$58算是最平的菜😅好多食物選擇，點選拼盆最化算，蔬菜拼盆砌得好有心機好靚呀😍呢個水蓮菜賣相奇佳，好似一抽繩咁，不過愈烚愈縮，變咗芫荽的幼度，但又沒特別味道，試一次便可。呢度飲品價格略高，呢壼竹蔗水盛惠$684人價錢真乸👅，不過食物材料新鮮又美味，食物擺盆賣相浮跨得來又美觀，如有老板請食飯，必會回

#大滾友今次講嘅係位於荃灣嘅大滾友火鍋💕之前試完元朗嗰間 今次就試下荃灣嗰間🥰🥰店舖裝修同樣精緻 而且店員服務態度好好💕💕食物質素👍🏻👍🏻椰子雞番薯蜆濃湯鍋 $298💰（7.5/10）椰子雞味非常香濃💥💥而且份量十足 會有啲雞件係到‼️🐔🐔所有配料放入去都會有好香嘅椰子雞味 Feel 到好補⭕️⭕️鬼馬油炸鬼 $68💰 （7/10）呢款油炸鬼上面仲會有啲蝦滑同蟹籽 令到成個口感層次感提升佐😚😚係一個新奇但意外好食嘅油炸鬼款式✨✨手切本地牛肉 （頸脊）$348💰（8.5/10）手切本地牛肉打卡一流 擺得好整齊😚🤤而且油脂分布平均 好香牛肉味🐮🐮肉質鮮嫩 係完美嘅粉紅色💓💓瑤柱乾貝滑 $98💰 （7 /10）呢個瑤柱乾貝滑好特別🤤🤤食落去真係有瑤柱同乾貝😻😻而且仲要好有咬口 Total有兩條 都好夠食好滿足😚😚睇到呢度 快啲約埋朋友一齊去‼️‼️推薦指數🌟 7 / 10 🌟📍#巨B覓食元朗 #巨B覓食荃灣 大滾友火鍋 (紅棉大廈) (荃灣)⚜️荃灣青山公路荃灣段125-133號紅棉大廈地下A&B號舖⏱星期一至日 1200-0000

好少人會日頭打邊爐，不過我就鍾意啦，因為好多餐廳可以食耐啲無限時，又有優惠，而且lunch食完大把時間消化。今日呢間仲有68折優惠，好抵😍呢度湯底嘅選擇好多，我哋揀咗泰式冬陰功湯底，好似特別啲，本身以為得湯，點知入面有大量嘅蜆，而且隻隻都新鮮肥美，我哋由頭食到落尾都未食晒🤣我哋叫咗好多嘢食，肉類有酒香陳年花雕浸牛肉同豬頸肉，牛肉浸耐啲酒味就會濃好多，好香，所以大家可以根據自己嘅喜好去食。我哋仲叫咗好特別嘅勁辣跳舞牛丸同龍蝦餃。牛丸入面真係加咗辣椒，食得辣嘅我覺得ok嘅，唔會辣到喊。而餃子真係包住龍蝦，好彈牙好好味😋我哋仲叫咗我好鍾意嘅台灣水蓮，唔係度度食到㗎，鍾意嗰種爽口彈牙嘅口感，正呀☺️當日其實唔係好肚餓，不過因為唔洗返工，所以我哋食咗三個幾鐘，終於食晒啲嘢，打邊爐最開心嘅地方就係可以同朋友慢慢邊傾邊食。

今晚去荃灣食咗一間高質打邊爐！！！玲瓏浮凸·花膠雞湯鍋非常推介，雞湯味道濃郁，半隻雞多肉嫩滑，飲完湯先打邊爐，感覺非常滋潤～小食我哋點咗蜜糖芥末鮑魚，呢個調味幾特別，酸酸甜甜咁幾開胃。打邊爐一定要食牛肉啊，大滾友牛肉拼盤就可以一次過試到唔同嘅牛肉，一份已經有齊頂級安排斯牛小排、手切牛頸脊、牛展、美國頂級雪花肥牛、牛黃喉、牛肉粒、牛舌，真係好豐富！ 我第一次用牛舌打邊爐，原來都幾好食！！！ 雖然係細拼盤，但份量都好多，兩三個人share都OK～龍蝦餃同紫菜腐皮卷都係推介！紫菜腐皮卷冇響鈴咁肥膩，感覺好似健康啲～ 龍蝦餃係餐廳自家製作，皮薄餡靚，有驚喜👍日本廣島蠔一客有四隻，不過就唔算好肥美。蔬菜我哋揀咗竹笙同比較少見嘅美濃水蓮，非常爽口，都幾好味！打完邊爐飲罐下火嘅加多寶～ 下次再嚟過！

之前有朋友介紹呢間火鍋幾出色，今日就即刻黎到呢間位於荃灣嘅大滾友食個火鍋晚餐啦.手切頂級安格斯牛肉食火鍋最重要嘅一向都係牛肉啦，而我自己一直都覺得安格斯牛肉打邊爐好夾，所以好想試下呢度嘅水準，一望到個賣相已經覺得好吸引，牛肉雪花完美分佈，唔會覺得太瘦或者太肥，啱啱好，而且切得都好夠厚身，食落更加有口感.鬼馬油炸鬼呢一條油炸鬼真係好鬼馬，炸脆左嘅油炸鬼再係中間放落墨魚滑，食落另有一番滋味.唐生菜打邊爐當然唔可以只係食肉，所以我地都叫左一份唐生菜，蔬菜都好新鮮，而且份量都好足.椰子雞番薯蜆濃湯鍋而今次火鍋嘅湯底就係椰子雞番薯蜆濃湯鍋，有椰子嘅香味，蕃薯嘅甜味，雞嘅香味，蜆嘅鮮味，真係超級吸引

幾個朋友約食飯，最好就梗係打邊爐荃灣新開左間大滾友想試好耐啦！今日終於約左！18:00前離座仲有68折優惠呀！裡面既裝修好有心思，好古色古香！湯底我地叫左椰子雞番薯蜆濃湯鍋，平時食開都係普通椰子雞鍋，呢個鍋底加入埋蕃薯蜆，除左椰子既香味仲多咗蜆既鮮甜味，出色！配料方面我地叫左幾款手切安格斯牛肉 - 肥瘦均勻，牛味好香手打鮮牛丸 - 夠哂彈牙，肉味香濃瑤柱乾貝滑 - 好彈牙仲有瑤柱絲呀鬼馬油炸鬼 - 油炸鬼包住墨魚滑，有一陣油炸鬼既油香，唔錯唔錯最後食埋個唐生菜，好滿足呀

想有皇帝級嘅享受?就去大滾友滾返一鋪! 荃灣區來講算係首屈一指的精緻火鍋店!宮廷式裝修，仲有一卷聖旨超有架勢! 食物質素唔止掂，賣相亦都落足功夫！真係要準備定相機啦！🔸麻辣卜卜蜆湯鍋 $218先講一下湯底，用一個龍頭大鍋承載的紅噹噹湯底，湯底唔算勁辣，點到即止不會蓋過海鮮香。成煲滿晒的新鮮沙白蜆，蜆肉飽滿鮮甜，加上吸收麻辣湯好鬼惹味。唔係講笑真的超多蜆肉，火鍋食到最尾聲，仍然能撈出一勺又一勺白蜆！抵食呀！溫馨提醒下，一上枱的時候冒泡又冒煙，好有氣勢！記得把握時機打打卡！🔸大滾友牛肉拼盤 $398又是另一駕勢之選，一睇就知新鮮高質嘅牛肉，要麼扇狀排開，要麼接成玫瑰花🌹還冒着輕煙，吃飽前先飽眼福！我超欣賞這拼盤的種類，每款牛肉各有不同的嚼感，吃着很有層次🐮頂級安排斯牛小排 - 成碟之冠，充分油脂入口溶化🐮本地手切牛頸脊- 脂肪較少，好有咬口🐮牛展- 肉質結實不肥不膩🐮美國頂級雪花肥牛- 卷狀的肥牛，滾湯一灼，成卷放入口，感受油花和牛味衝擊！🐮牛黃喉- 個人好鍾意，口感非常脆🐮牛肉粒- 唔好煮太熟，口感軟腍🐮牛舌花- 呢個牛舌真心正！脆彈Q嫩🔸桂花蚌$128比想像中大的一碟！爽口彈牙，食完咁

我又再嚟食啦，呢期大滾油出咗個新湯底椰子雞番薯蜆濃湯，湯底料好多好足料味道都好鮮甜，我諗係蜆肉嘅鮮味出到哂嚟，湯底一嚟到已經飲咗兩碗湯，靚湯推介呀😍火鍋料我揀咗手切頂級安格斯牛肉，waaaa個油花靚到，落去淥一陣就食得，牛味香濃個蜆湯都幫到手提鮮咗啲。嚟到呢度必食就係鬼馬油炸鬼，再配呢個湯底兩重口感真係好正好鍾意兩次嚟食啲服務都好貼心好好，而且環境闊落去坐得好舒服，之前仲有個冬蔭公湯底都係好推薦㗎

呢個位置之前係西餐廳 ，因為結業， 開咗呢間火鍋店， 門面都幾特別，因為就係千色店旁邊地鐵附近，所以都幾方便。 知道呢度收費唔平，但係話食材新鮮，所以都諗住試下 ，佢本身元朗都有間分店。門口仲有一張枱擺咗呢張 “聖旨” 同卡片。裏面唔算大，基本上四人枱多， 裝修落咗D心思，都幾特別，打做中國宮廷式設計。侍應服務都好好，一坐低，已經搵啲熱水幫你淥啲碗筷。 個九宮格就放蒜，辣椒粒，葱， 芫茜。。。等，中間個壺仔係豉油。我哋叫咗個卜卜蜆煱湯底 @ 198，因為之前朋友食過我去好多蜆肉，好味。 果然真係都多亦新鮮。 火鍋呢個盤都好精緻。叫咗豬膶，鵝肝墨魚丸 (好彈牙，唔錯。不過就細粒D)呢個海鮮拼盤都好味😋 細 @ 498即場網上做會員，就送呢個 $ 58 響鈴， 佢面頭係鹹蛋,待應叫我哋不用浸湯，直接食，係有啲失望, 因為好油。呢個牛都好食，@ 348 不過就係得面頭個堆，下面全部冰，個器皿都幾浮誇㗎。😅黑松露蟹肉餃子 @ 98 六粒 ， 味道都好濃，飲品每罐 22元。呢個水蓮未食過，見網友推介話，唔係好多食店有得食，所以都試吓，侍應話唔駛淥咁耐，轉色就可以食啦，味道都可以，好爽㗎。基本上呢

Because my friend in Tsuen Wan recommended this restaurant to me, I will try it this time. Mainly in Chinese palace style decoration. As soon as I got on the stage, the clerk took the initiative to help us wash all the tableware, and it was very heartwarming. I like spicy food, so I ordered Left Red Lips Flame - Spicy Duck Blood Pot. The hot pot soup base is good for punching, and the smoke is full. The duck blood is so fresh and tender, the soup base is full of numb flavor, and the oil content

又黎食大滾友喇🤤🥥椰子雞蕃薯蜆濃湯鍋（$298）第一次試呢個湯底，好特別！雞湯帶有淡淡椰子香，湯底嘅料都唔少架！🐂手切頂級安格斯牛肉（$398）超級推介安格斯牛肉，數量絕對唔少，每一塊都唔係薄切，有一定嘅厚度，有咬口而唔韌，絕對對得住呢個價錢！🧆手打鮮牛丸（$68）新鮮彈牙，牛味濃，手打果然係唔同啲！鬼馬油炸鬼（$68）蝦滑同油炸鬼出奇地夾呀😙淥一陣就好食喇！淥得太耐就冇左油炸鬼嘅口感架喇！🍶自家製足料竹蓆茅根（$68）打邊爐又點少得竹蓆茅根呀！個壺好有特色，竹蓆茅根飲落唔會好甜。

好耐之前喺元朗試過呢間火鍋店覺得幾有特色，尤其佢個裝修同埋餐牌。每次都要玩：「聖旨到，奉天承運皇帝詔曰」，先再落單我哋見咗椰子雞番薯蜆濃湯鍋，係開始打邊爐，我已經飲咗一碗淨湯落肚，新鮮椰子味配上清甜雞湯，再加上湯底下有唔少番薯蜆，清甜湯底再加上蜆嘅鮮味，下次可以再戰呢個湯底啊，建議大家都先飲一碗！手切頂級安格斯牛肉，牛肉同之前一樣，都係咁新鮮，每次質素都保持到！另外，鬼馬油炸鬼幾得意，用新鮮炸好嘅油炸鬼 包住啲蝦滑 上面仲鋪滿左蟹籽 好脆卜卜！