大滾友火鍋 (紅棉大廈)

营业中

休息中

好耐之前喺元朗試過呢間火鍋店覺得幾有特色，尤其佢個裝修同埋餐牌。每次都要玩：「聖旨到，奉天承運皇帝詔曰」，先再落單我哋見咗椰子雞番薯蜆濃湯鍋，係開始打邊爐，我已經飲咗一碗淨湯落肚，新鮮椰子味配上清甜雞湯，再加上湯底下有唔少番薯蜆，清甜湯底再加上蜆嘅鮮味，下次可以再戰呢個湯底啊，建議大家都先飲一碗！手切頂級安格斯牛肉，牛肉同之前一樣，都係咁新鮮，每次質素都保持到！另外，鬼馬油炸鬼幾得意，用新鮮炸好嘅油炸鬼 包住啲蝦滑 上面仲鋪滿左蟹籽 好脆卜卜！

老公同佢啲老死一講起大滾友就好開心，唔知係因為個名定係因為呢度嘅一流服務，同埋高質食物啦～次次都唔帶我黎食，今次慶祝結婚周年，終於黎食返餐好既。估唔到呢度裝修咁宮庭式，環境同格調都係一流。店員好細心先幫你用熱水清洗餐具QR code落單後上菜都算快。記得要係食物到齊之前先混好自己需要的醬料，連醬料都好整齊放係九宮格內。湯底好多款，諗來諗去最尾揀咗卜卜蜆湯鍋。整鍋都係蜆。湯底好濃味亦有鮮甜味，忍唔住先飲左二碗。火鍋配料方面價錢都唔貴，食物份量都比較多。價性比高。餃子拼盤同手打丸拼盤都可以一試。餃子皮薄餡料多，真係幾好。下星期已經約咗朋友收工嚟食，9:30後入座仲有全單八五折

荃灣有間打邊爐都幾出名 - 叫大滾友火鍋😌係元朗都有分店，裝修古色古香，充滿心思，店員好快就送上盛載醬芥的九宮格比我地，設計精美又整齊😆湯底-椰子雞番薯蜆濃湯鍋超級足料雞湯🤩用上三黃雞製成，愈煮愈濃稠，飲第一啖湯頭，雞味好濃，冇味精淨係飲到雞既鮮味手打鮮牛丸手打丸類每日都係新鮮整，牛肉既牛味好突出，真係好正🥰手切本地牛擺盤好華麗😍牛肉好大碟，色澤紅潤，入口肉質相當軟嫩，唔需要蘸上任何醬汁都夠鬼馬油炸鬼油炸鬼上面蟹籽好似唔洗錢咁，比勁多，啖啖都食到脆卜卜口感竹蓆茅根打邊爐當然要配竹蓆茅根，清一清熱氣同降火

一坐低侍應會幫我哋用滾水洗碗洗筷子，然後放低調味料，餐廳以QR code落單，網頁內有圖片供參考玲瓏浮凸 花膠雞湯鍋🐓（半隻）侍應會幫手將配料放入湯底，將花膠剪成適量大細，然後等湯底沸騰，就可以飲用，湯底甜濃有雞味半隻雞就自己落，唔怕會煲過火肉質變老大滾友牛肉拼盤（大）牛肉拼盤包括唔同種類嘅牛肉部位，當中我認為最出色嘅係牛頸脊同牛胸脥，兩款都好有牛肉味，又香又夠冧👍🏻其次係牛黃喉，爽爽地好似軟骨切成薄片咁而花雕酒牛肉好香酒味，甘甜鮮味牛栢葉就夠哂爽口瑤柱乾貝滑一份有兩支，彈牙程度高，瑤柱味幾重幾香總體嚟講都幾好食，高質火鍋鋪👍🏻

餐廳以古色古香嘅宮廷做主題，木系裝潢夠特色。入座後店員親自準備熱水幫忙洗碗，乾淨又衛生。醬料位位$22，有九宮格醬料自由調配。玲瓏浮凸·花膠雞湯鍋 (半隻) $298店員幫忙剪碎花膠，提示湯滾起先飲湯食花膠，湯底濃郁，唔覺意就飲左幾碗。花膠份量足，膠質up up up，雞件新鮮好嫩滑。脆炸芋頭魚 $58罕有火鍋店有芋頭魚，酥脆外層芋蓉香味十足，當小食可以，沾湯底食又得。紫菜腐皮卷 $68有六件頗大件，炸皮外皮酥脆，用好多新鮮腐皮捲住紫菜，沾醬汁食為佳，食完相當飽肚。日本廣島蠔 $88廣島蠔鮮甜軟嫩滑，4件份量不算多，但一件一口好滿足。大滾友餃子拼盤 八粒 $128心多多樣樣想試就揀拼盤，餃子飽滿餃皮通透超薄，四款餡料各有特色。黑松露蟹肉餃蟹肉混入豬肉，松露味不會過濃，可以一試。蟹黃餃蟹黃香氣四溢，蟹肉飽滿，必食之選。韭菜豬肉餃韭菜滿滿， 韭菜愛好者表示很滿足。自家製炸魚皮 $68一咬酥脆可口，作為小食很不錯。

同朋友2丁友行完荃灣千色，掃完貨當然要醫下肚，於是就去咗附近嘅呢間火鍋店大食一餐場內皇宮佈置，以宮廷為建築題材，當中仲有聖旨🤣🐓玲瓏浮凸 花膠雞湯鍋（半隻） $298-店員會將花膠剪開 然後放入湯底待湯底滾後再慢慢加入半熟黃油雞-雞湯湯底可以直接飲用 湯底濃郁-雞肉多又嫩 加埋湯底👍🏻👍🏻🐂大滾友牛肉拼盤（大）$498-牛頸脊 牛胸脥 牛黃喉 牛舌 花雕酒牛肉 雪花牛肉 牛肉粒 和牛片-款款都好重牛肉味-牛頸脊重牛香又嫩口-和牛就油膩較重較香口-牛舌爽口-花雕牛肉嫩得嚟又淡淡酒香滲出-牛黃喉極之爽口🐃牛栢葉 $78-牛栢葉爽口 唔會靭🦪瑤柱乾貝滑 $98-乾貝滑相當彈牙-瑤柱味幾重幾香-1份有2枝🥬唐生菜 $38-生菜吸哂湯底嘅精華 相當惹味總括而言，食物有質素，環境舒服有氣派，服務及上餐速度都好好👍🏻可以再嚟

【Background】宮廷式火鍋店「大滾友」喺荃灣開咗分店喇！除以滿清王朝嘅概念作裝潢，令一眾顧客喺享受火鍋之餘，更有置身於宮廷中嘅感受😆勁爆足秤材料嘅特色加上多款獨家特製火鍋湯底一直受大眾熱捧🥳────────────────────【泰式冬陰功湯鍋 $198】以泰國菜為base所製成嘅湯底，加入大量菇菌，西芹，芫荽，蕃茄，香葉，香茅，沙白蜆熬煮😍味道酸酸辣辣，好有泰國風味，加上沙白蜆既加持，令本身好濃郁嘅湯底添加十分嘅鮮甜，就咁飲湯都好正！.【魚唇 $88】魚唇其實係翅群，含豐富膠質及蛋白質且非常珍貴，口感軟滑帶彈性，掛上泰式濃湯食，好正👍.【滑捋捋雙拼 $118】自家製手打蝦滑墨魚滑，單款$88，加多$30就有兩款， CP值更高🥰手打蝦籽蝦滑：入口彈牙，蝦香味突出，粒粒蟹籽增添口感😎手打黑松露墨魚滑：口感帶嚼勁，食到粒粒墨魚肉，加入黑松露，味道更富層次感😆.【黑松露午餐肉 $78】約有1cm厚的午餐肉，炸至酥香脆口，滿滿嘅黑松露肉香，真係邪惡至極😈.【炸枝竹 $38】口感爽口，有嚼勁之餘吸湯力強，同酸辣冬陰功湯好match~.【菜苗餃子 $78/4粒】手作餃子粒粒飽滿，食落好似

🇭🇰Hong KongAverage expense pp: HKD$400-500+📍Address: 大滾友，荃灣因為我荃灣嘅朋友同我推介過呢間餐廳，所以今次就嚟試吓。主要以中國宮廷風裝修為主。一上枱店員就主動幫我哋洗所有餐具，幾窩心。鍾意食麻辣，所以點左紅唇烈焰 - 麻辣鴨血鍋。火鍋湯底好適合打卡，煙霧彌漫。鴨血好新鮮嫩滑，湯底麻香味十足，又可以兼顧到油份唔太重，幾出色！我哋仲特登嗌多咗兩碟鴨血，因為太好食。食材方面用料新鮮。，鵝腸係一般坊間少見新鮮個種，口感脆口爽身、仲有本身油脂香。萵筍又脆又香！鍾意食內臟嘅我哋，點左豬肚、豬潤，難得豬潤煮完爽脆淋滑，無腥味。脆魚鯇係必叫，每日新鮮攞貨，所以肉質結實、清爽脆口！稻庭烏冬就真係用番日本個隻，口感細滑。

經朋友介紹，來試試呢一間荃灣既火鍋店。疫情關係，店內十分注重衛生，剛坐下就有店員主動幫忙，係你面前用熱水為食具消毒殺菌，食得相當安心！以QR code落單，餐牌一覽無遺，價錢清晰，最重要係更加衛生👍🏻又環保♻️！店員十分快手，一洗完食具，配料九官格即時出現，絕對高效率👍🏻👍🏻。落左單無幾耐，湯底就到，不得不讚呢間店鋪效率好高，但佢地又唔會限時，我地都坐左成2個幾鐘。湯底有好多款，但見網上好多人都叫呢款椰子番薯蜆雞湯，果然冇令我地跌眼鏡，好明顯好舒服既新鮮椰子水味配上雞湯，真係一流！🤟🏻再加上湯底下有唔少番薯蜆，十分適合呢個清甜既湯底。食火鍋點小得響鈴，響鈴似自家製！食落唔太油，又吸到大量湯汁，高質！我地分別叫左牛丸同蝦丸，呢間小店既丸類都好明顯係自家手製！蝦丸十分彈牙、牛丸食得出牛肉質感，十分滿意！！👏🏻大力推薦呢間既丸類。諗唔到食邊款牛，但款款都想試試。決定叫個牛肉雜錦拼盤，每一件牛都十分出色，特別推介都係A5和牛片，大大塊既油脂配上淡淡牛肉，食落好似食緊綿花糖，好正！同樣地，太多菜類選擇，都係決定叫個蔬菜拼盤，樣樣都試下。蔬菜全部都好新鮮👍🏻特別d有紫色既番薯片，好睇又健康。最尾最尾

朋友好鍾意打邊爐，今日就約咗佢嚟荃灣呢間大滾友試試～一入座先提供精緻調料架溝醬～湯底叫咗椰子雞湯，味道真係超香濃，飲到唔捨得落料打邊爐😂😂😂齋飲湯底都飽咗三成，估唔到咁好飲，我地仲嗌咗好多野食🫣見到人地個大堆頭嘅牛肉拼盤我地跟隊叫咗個，擺盤精美肉質都唔錯；呢個係大size嘅，我地仲試埋呢度獨有嘅陳年花雕浸牛肉，淥完都有陣陣酒香，幾特別～手打丸類我地試咗蝦丸同牛丸，都係新鮮彈牙～再加埋脆卜卜嘅即炸響鈴同埋雜菜拼盤仲有稻庭烏冬真係飽到傻😂😂😂所有食物質素都好高，湯底亦唔算太貴，嗌得咁癲埋單都係$1300左右，收斂少少嘅話其實人均$400-500都搞得掂，非任食火鍋嚟講性價比算唔錯了～

今日天氣涼返少少，即刻去打邊爐啦！！！呢度裝修都幾骨子一坐低梗係要先混醬。大滾友火鍋啲湯底幾好，火鍋配料選擇都多～ 今日個湯底係好正嘅玲瓏浮凸·花膠雞湯鍋(半隻)，一開始先飲幾啖湯再開始打邊爐，半隻雞可以慢慢食，啖啖肉㗎!我哋得兩個人，又心大心細唔知食邊款牛肉好，於是order 大滾友牛肉拼盤 (細)，樣樣都有啲👍頂級安排斯牛小排、.本地手切牛頸脊同埋牛黃喉都非常推介！牛黃喉超級多地方有得食，口感非常爽脆，好食呀！牛小排同埋牛頸脊味道都濃，而且都切得幾厚，口感唔錯。紫菜腐皮卷係必食推介，一上枱即刻食又得、浸落湯一陣先食都得，兩種食法都好好味。腐皮卷豆香十足，配埋紫菜嘅香味，口感味道都豐富！最尾再食啲蔬菜同埋手工餃就已經好飽，下次要多啲人一齊嚟打邊爐！飲飽食醉，今晚好滿足！

疫情關係, 好耐都無出街打邊爐了, 好掛住D老火湯邊爐, 尤其是花膠雞個D老火湯, 又可以飲靚湯又可以打邊爐, 真係好正, 諗到哩度我第一時間就諗起荃灣大滾友, 佢可以為雲雲老火湯邊爐中的表表姐, 今日同兩個朋友再去會一會去. 必點的是我最愛花膠雞湯, 個湯勁濃勁有膠質, 有火腿味, 仲要鬼咁多花膠, 雞好滑, 其實叫一隻雞4個人要KO佢話咁易. 我地再叫咗一個牛肉併盤, 一個海鮮併盤, 因為女仔多, 應該夠滿既, 牛肉併盤幾六種唔同部位, 我淨係知好林同好香, 有問過店員點份, 不過可能腦霧唔記得哂, 個腦淨係幾得好食囉, 個海鮮併盤都值得一讚, 好新鮮, 好似剛剛係陽屋道街市拎過黎咁新鮮, 正

好耐之前喺元朗試過呢間火鍋店覺得幾有特色，見到原來荃灣都有就同朋友過嚟食下。一如既往嗌到成枱都係餸，呢個份量兩個人食絕對係有過之而無不及。我最有印象嘅係佢個裝修同埋餐牌，全部都好有特色好特別。我哋今晚試咗去過泰式冬陰功湯，佢每一個湯底上嘅時候都會帶咗乾冰，真係仙氣十足。佢個湯底入邊本身都有好多隻蜆，粒粒都脹卜卜大大隻。因為我仍然仲戒緊牛嘅原因，今晚依舊係試下人哋啲豬。佢呢一個橡果豬真係幾好食，肥瘦均勻，食落都幾香豬肉嘅味同埋都真係好夠冧。我哋仲試咗佢個手打櫻花蝦豬肉丸，中間包咗啲櫻花蝦確實係幾香，但係一啲都唔彈，識耐啲肉比較散。而另外一個手打鵝肝墨汁墨魚丸就幾好食，因為墨魚丸本身真係好彈牙。中間仲包咗一粒鵝肝，都幾香嘅。另外見到佢有個好抵食嘅海鮮拼盤，估佢應該都係四人份量，聖子同埋扇貝好大隻。最正係啲蝦，好夠新鮮，又大隻又彈牙。蔬菜方面我哋揀咗水蓮，呢隻菜唔係度度都有，無論將佢煮到幾冧都好，都一樣咁爽脆，個口感真係好特別。

自從疫情開始，已有一段時間沒有跟朋友一起外出聚會，難得朋友約好，一於到朋友推薦的大滾友試試！店子裝修亦十分雅致，有如宮廷一般，連裝飾都做得一絲不苟店子主打老火湯火鍋，我們點了藥饍麻油雞濃湯火鍋底。湯底入口鮮甜，而且有大大件花膠及魚肚，完全可以當成一碗老火湯喝，用來作火鍋更加有滋補感覺火鍋料方面推薦牛肉併盤，有齊不同部位可以試，牛肉入口有肉香，油脂分布平均，極之香口海鮮併盤擺盤十分精美，有齊扇貝、聖子、蝦、蜆，新鮮大隻，必試無論環境及食物都值得推薦！

大滾友前一陣子係原來都幾出名，而家竟然喺荃灣都見到佢嘅身影，大玩宮廷路線風格，加上古代風嘅裝修以及有趣嘅菜式，都幾令人深刻😂椰子雞煲湯底足足有半隻雞，而且椰子風味清甜而香濃，建議未打邊爐之前都可以飲番兩碗椰子雞湯，而湯底黎講的確係好出色。必食之一，手切牛頸脊，每片都有相當嘅厚度而且頗為大片，牛味好出！加上器皿非常澎湃，打卡一流，干貝滑亦都係我認為幾好食的，爽口彈牙，食得出有料👍🏻加多個生菜同埋竹蔗茅根清一清，絕對係一餐高質嘅邊爐☺️