大將 (已結業)

呢間大將 (shabu shabu) 有自動送餐機械人係大賣點，因為我好少見 XD 睇門口唔係有太多位仲有小超市賣下冷凍野但原來行入去，間舖都幾大喎中間係任飲飲食嘅自助區食物款式多有雪糕同窩夫仲有熟食 ，今次坐近入口位所以用餐既時候見到keep住好多人等位黎食.熟食有炸雞, 煎餅, 蛋卷同沙律等，蔬菜種類都很多有我最愛既萵筍醬料區有好多選擇有新奇既椰汁芫茜(食落似白咖哩)無限添包括汽水及樽裝飲品.原來呢到係一人一鍋既打邊爐，肉類揀左北海道和牛，特選雞腿肉同北海道豬五花肉，牛肉風味濃厚，油脂醇香而雞腿肉超滑嫩同平時食開既好唔同~ 德川大將王豚骨湯清清地，湯入面有大蔥及蟲草花同一大舊豬軟骨，好岩同肉類一齊食唔會太膩.最後甜品就係雪糕機加自製窩夫(原味/抹茶)，幾好玩又好味朱古力雪糕既朱古力味濃又唔會太甜*服務員態度良好而且CP值高，期待下次再光顧

假期前夕去咗將軍澳哩間大將打邊爐，好彩朋友預約咗8:00，所以我哋好快就登記有得食。唔係都要等返半個鐘頭先有得入座😂睇來呢個90分鐘任飲任食嘅火鍋都好受歡迎。今日叫咗個美國SRF和牛套餐，個牛肉雪花好靚，食落都好有牛味！今日我哋叫咗個豚骨口味既嘅湯底。而且餐廳係採用一人一鍋嘅認識係而家嘅疫情時代，咁樣都會比較衛生啦。呢一個和牛套餐同時亦都包括雞肉同埋豚肉，但係我都係覺得呢一個美國和牛先係最好食。呢度嘅火鍋配料同埋其他熟食可以喺出邊任拎，種類10分豐富有蔬菜類、丸類、更加有雪糕、蛋糕同埋自製窩夫等等多種唔同嘅甜品！至於熟食方面有天婦羅甜番薯等等另外飲品方面除咗有汽水呢啲大路嘢之外我最鍾意佢係有鴻福堂自家製嘅涼茶飲品！打邊爐同時又可以清熱氣👍鍾意嘅更加可以加錢去飲飲生啤，但係今日朋友唔係好鍾意飲酒所以就冇試到啦，哩有下次。

我地一家人6:30去唔洗等就叫咗北海道黑毛和牛套餐 另加$18要德川大將王豚骨湯個湯底豬骨味真係好濃郁好似正宗嘅日式豬骨拉麵湯底北海道黑毛和牛脂肪分布平均入口即溶食十碟都無問題比3百幾蚊一定要食多幾碟套餐仲可以點澳洲和牛、美國特上牛、美國SRF和牛、美國嚴選極上牛牛魔王必點呢個餐！肉類送餐呢總會有一個機械人自動送過嚟悦悦見到都覺得好得意仲有83款嘅嘢食呢可以喺出面自助區攞甜品佢仲會有窩夫機可以自己整窩夫

好好食的豚肉🐷🐷蔬菜同丸類放得整齊得來選擇都多，仲有熟食同埋甜品。一人一鍋而且個鍋唔會好大，揀咗沙嗲鍋，好香，我嘅豚肉都沾滿晒沙嗲味。$208既北海道十勝豚肉果然出色，最緊要係包埋出邊嘅嘢食就抵食。佢仲有得俾你自製雜坎飯，雖然我食唔落但係我下次想試。除咗肉類我超級建議大家留肚食甜品，佢有cake同雪糕，仲要有脆朱古力嗰隻醬，我自己都食左兩杯，強烈建議自己試吓整格仔餅，佢同出面嗰啲格仔餅唔同，我好飽都食咗好多，一你自己整好有成功感，二來佢真係好脆好好食。其實佢嗰度有一部機係可以送食物，但我就錯過咗，而門口就有一個好似Supermarket咁，有凍肉又有小食買，正。

好耐冇打邊爐啦😍😍前排放工就約左朋友黎將軍澳既大將打邊爐～～平時經過都見有好多人排隊，今次都係第一次黎食呢🤩🤩🍖北海道十勝豚肉套餐 $208✨我地揀左呢個十勝豚肉套餐，湯底就揀左新出既德川大將王豚骨湯(+$18)～～湯底呈乳白色，飲落好鮮甜！裡面仲有舊豬軟骨，夠哂足料😋😋肉類方面有6款，分別係北海道五花肉、北海道梅花肉、五花肉、美國嚴選極上牛、豚肩肉同特選雞腿肉～～豬牛雞都有齊，可以食餐飽🤤🤤當中推介北海道梅花肉，肉質鮮嫩，又唔會太肥膩👍🏻👍🏻餐廳仲有送餐機械人幫手送餐，幾得意😆😆另外自助區都有好多蔬菜、丸類、熟食可以拎～～丸類方面推介年糕福袋！外型已經好得意😍😍外層係軟腍既豆卜，內裡係煙韌年糕，呢個配搭都幾match❤️❤️飲品同雪糕都可以任飲任食，仲有得自製窩夫添～～今餐食得好滿足！！唯一可惜係90分鐘真係唔夠食呢🤣🤣

阿妹打咗新冠疫苗針，今日專程入去將軍澳探佢，以為佢會冇乜精神，點知佢冇乜副作用，重book 左商場內的大將請我食火鍋放題，餐廳主打日式火鍋放題，環境光猛，裝修以木為主，好有日式格調。阿妹話餐廳嘅牛肉、豬肉都好正，放題分級數，當然想食正嘢就要比多少少錢啦！餐廳設有自助區，食物分區擺放得整齊又乾淨，多種蔬菜和菇類有蓋冚住，新鮮又衛生，混醬區有齊火鍋調味料，點混都得！另有熟食和冷盤區，我最鍾意食芝蔴八爪魚和炸雞。各種飲品係任飲的，重有自製格仔餅和軟雪糕。所有套餐都可以享用自助區嘅食物。今日阿妹打咗針有傷口，有啲腫同埋痛，所以介下口，揀咗北海道十勝豚肉套餐 ，湯底都係有好多款，我哋要咗德川大將王豚骨湯底，所有肉類都係落單由可愛嘅機械貓送比客人！火鍋係每人一鍋，豚骨湯好足料，除咗味道濃郁，重有大舊豬軟骨，好林甜。特別提下隻碗，可以隔湯㗎！侍應首會送上北海道十勝五花肉和梅花肉，重有特選雞腿肉，另外豚肩肉、牛肉可以落單叫，全部都係任叫任食。北海道十勝五花肉係薄切，只需灼幾下就食得，因為油脂較多，口感香甜美味，鮮嫩多汁，肉的油脂留在口中，齒頰留香！日本北海道十勝豚梅花肉：色澤粉嫩，油花分布均勻，肉質特

逢星期一星期二和星期三下午2:30開始，放題第二位半價。最緊要入面嘅熟食好美味門口安排入座的Ivy 都好幫手，無論帶位，入座，落單， 一腳踢， 值得一讚嘅員工。相信我哋會再次幫襯

晚市六個人去食 199套餐失望嘅地方 👎🏾：服務唔得 六個人一開始叫左20碟肉但係上左10碟 上肉好慢 叫左半個鐘先上 總之態度 👎🏾值得讚👍🏻嘅地方：我自己一個都食左六碟牛（女仔）😂因為肉質真心好 肉嫩 牛味香 平時去其他同類型店吃嗰d雞肉都吾好食有蘇味 豬肉都一般 但呢間三種肉都好食 我個人最中意牛肉湯底方面 正常 冇乜特別點料區好豐富 我最中意食麻辣醬！jeng！冇諗過有呢種醬！驚喜環境都幾好

黎到Popcorn商場，想試一試日題火鍋放題。平日人流不是太多，更有午市套餐，抵食。💫午市60分鐘放題-美國嚴選極上牛$138/每位二人均選了這套餐，單是無限任食牛肉，已值回票價。牛肉超薄，快熟淋身，二人共吃了8盤呢！火鍋一人一鍋，分別選了雞白湯底及麻辣湯底。雞白湯底清澈，帶有少少鹹味，基本上不用醮任何醬料，牛肉片也非常有味！麻辣湯底愈食愈辣，小心🌶🥵醬料部選擇多，有柚子豉油、辣椒、芫荽、蒜頭🧄，基本的醬料也有。另設熟食部，有炸雞、沙律🥗等。特別讚賞有窩夫🧇機，有原味及抹茶味，可以自己製作，倒下粉漿後等分半鐘就可以，還可以加上雲呢拿及朱古力雪糕🍦，亦有Oreo脆脆、棉花糖等，熱哄哄的窩夫外脆內軟，配上冰凍雪糕🍦，超可口呢！飲品是鴻福堂嘅小樽飲品❤️❤️可以試不同的味道～✅訂座有折‼️60分鐘放題有點趕，90分鐘會好一點‼️點了牛肉遲遲未能送上😢📍 大將 (將軍澳)將軍澳唐賢街9號PopCorn商場1樓F10號舖5⭐️評分好食指數：⭐️⭐️⭐️⭐️餐廳環境：⭐️⭐️⭐️

呢間店係popcorn 商場個位, 小小隱密～ 但係絕對係一個間唔錯既日式放題～ 呢間野裝修幾正～ d位置擺位其實寬趟,裝修靚,乾淨舒服而且有一個送餐機械人幫你送餐.非常便捷器皿非常乾淨， 冇果種油淋淋既感覺, 而且佢地好細心, 調味碟都有2款揀～ 3格既岩曬我呢d 咩都想試下既而且調味料蚪好多選擇,好多口味！ 竟然有椰子芫茜 韭菜醬油今次揀左個沙爹湯底, 配呢個 美國SRF和牛餐,講真,呢個沙爹湯裡面有好多花生碎，濃郁.聞落去非常香. 同個牛肉 好夾呢個套餐都包有其他多款牛肉,豬, 雞肉！另外覺得正,就係呢個特選雞腿肉～ 非常嫩滑～ 擺耐左都唔會老～ 而且佢地好細心， 每件肉切size 岩岩好, 跟返佢個煲既size.豚肩肉都非常靚,肉色有色澤,入口口感非常好講埋d 自助吧, 幾欣賞佢地既細心同衛生, 每款菜都有蓋啦～ 成個台都非常乾淨.菜既款色 應有盡有,配菜都有d 特色既～ 自己最鍾意年糕福袋,同個黑椒牛丸另外有一個雜炊飯系列, 可以打完邊爐， 尾聲黎一個飯～甜品方面,都多一個選擇, 除左雪糕外！ 仲有自製窩夫！ 飲品方面, 除左汽水外, 都有多幾款鴻福堂揀～ 可以食得健康～覺得

重要既野真係要講三次難食！難食！難食！伏！伏！伏！昨晚一行二人到店內打邊爐 book左台門口已有幾組人排隊等入座 排到我時上前負責安排入座既女職員已經唔多好老脾 第一印象己麻麻跟住入到去被安排坐最入面 冷氣極細 好焗 同出面位置係有極大分別跟住一來上湯上牛 個湯煲白色湯底 都可以見到上手係用橙色湯 可能係累積落來既積來 但鋪頭可以考慮白色還白色 橙色還橙色用唔同既湯煲 我地坦言只係叫198既餐 唔係咩貴野 但套餐入面有兩款牛 佢跟湯上既時候落左兩碟 完全冇講真係唔知咩來 仲要勁鞋 第二輪再特登叫兩款牛來試點知都係鞋.......我成晚覺得食得落係得五花肉 菜同粟米出來拎野食仲慘 以為前一輪勁多人fill唔切 但完來全晚個飲品櫃都係得果10支8支野飲 d野食冇見過全滿 萵筍勁難食 丸好大雪味🤦🤦🤦🤦🤦🤦我直情聽到隔離台問自己屋企人d牛係咪好鞋 仲要冇雞🤣🤣🤣7點幾8點冇哂雞 咁你入座唔講既完全唔明d人寫高質係高質係邊總之係俾佢裝修呃左 絕對餓死都唔會有下次

父親節想同Daddy慶祝特登去將軍澳食大將，諗住食餐好。北海道十勝豚肉套餐 - 德川大將王豚骨湯德川大將王豚骨湯，豚骨湯呈乳白色，口感順滑粘稠，真心唔錯。北海道五花肉，肥瘦均勻，口感嫰，好味。北海道梅花肉，肉味相對較重，肉質鮮美。特選雞腿肉，肉質相當嫰，雞味幾濃。呢度有蔬菜嘅自助區，仲有支裝飲品、汽水、咖啡機，仲有提供熟食譬如炸雞、炒烏冬等，真係好豐富，食到好飽好滿足。貪玩嘅朋友仔仲可以整埋窩夫，好有趣！好鍾意呢度嘅環境，夠光猛闊落坐得舒服。

仔仔考完試，今日同佢食番個shabushabu 輕鬆一下先。好彩一早訂定枱，7:30pm 到逹門口，目測已經有十多個人等緊位，而我哋好快已經被安排入座。第一次試呢間日式火鍋放題，因為鍾意佢環境格局舒服衛生。我哋選了「北海道十勝豚肉套餐」，套餐有六款豚肉及牛肉，至於湯底就揀左仔仔最鍾意嘅沙爹口味。仔仔最開心有個大大自助bar ，可以自己揀選不同嘅涮涮鍋配料。目測食材選擇都幾多，而且都很新鮮，質素很好。餐廳每款食物都用蓋蓋好，保持乾淨衞生。蔬菜 bar 選擇十分多，蔬菜、瓜、菇類等已經有二十多款。其他食物仲有魚蛋、丸、腸等等，也有十多款。另外仲有小食、飯、炸雞及少量熟食供應。飲品除有汽水以外，更有支裝洪福堂多款飲品可供自取。居然有炸雞，仲有墨仔小食，小朋友就最鍾意了。我當然亦唔會錯過啦。甜品方面就不多，但最正就有自助雪糕機，有多款口味，呢次真係有得食有得玩。餐廳除了堂食，仲有購物區。有很多款日式食品、醬油。仲有無激素急凍肉類可度選購。埋單居然仲有coupon 送，及原來有儲印仔咭添。

去左將軍澳行完激安順便行下睇下有冇嘢食但時間又正正係下午3點幾4點見到佢日式火鍋有想試下好喇, 直接當晚餐食埋叫左果然218嘅套餐可以任食美國和牛湯底方面受點左一個壽喜燒同埋另一個雞白湯呢一個木架值得讚一讚你可以將外面攞嘅食物放係上面下格亦都可以用黎放番肉類令到你張台面整潔好多另外值得一讚嘅都有佢嘅餐具黎一個碗會有一個隔令到湯可以留起碗嘅下面食物就唔會比湯浸著出面亦都有日本雞蛋可以俾大家囉呢一個雞白湯, 十分適合用黎煮菜所以二話不說地將所有嘅蔬菜度放左落去雞湯嘅精華掛左係蔬菜上面, 令人食多左好多菜另外出面亦都有唔少嘅小食可以俾大家攞嘅推薦大家試下個款麻辣青口唔會好辣, 煮非常之入味平時出面食嘅青口只會得海鮮味但係哩個青口能夠煮到佢有少少麻辣味實在喺攞完一次又一次呢一個炸雞件都係十分高質十分juicy 同埋 脆雞皮仲係有脆脆嘅效果肉汁亦都會留左喺入面我地食套餐入面亦都有包雞肉哩度用嘅火鍋雞肉亦都係十分出色相信炸雞用雞肉同佢套餐入面包嘅雞肉係一樣嘅就算雞肉煮耐左一段時間,仍然係好滑嘅相信都係日本雞肉哩度嘅飲品都係任飲嘅有汽水咖啡之外亦都有幾款甜品可以俾大家自己囉佢亦都有放左三部窩夫機喺度

位於將軍澳大型商場的日本涮涮鍋餐廳，門口位置售賣日本零食包、火鍋湯料、冰鮮肉類等。幾款套餐可供選擇，極上牛、澳洲和牛等。餐廳中間位置則是火鍋蔬菜、丸子、熟食、醬料、飲品、甜品區，供客人自行拿取。套餐：美國SRF和牛套餐 SRF和牛較柔軟且薄片，油脂不多，但很快就化掉口中。除了可以任食牛肉外，還有五花肉,  雞腿肉可以任點。湯底 ：德川大將王豚骨湯底 日式火鍋材料有蟲草花、大蔥、豚骨，鍋較細，湯很快便滾了，放一大份材料進去就滿了，所以每次只可以放進去的食材不多，而且服務員要不時為客人加湯。還有一個送餐機械人，將一盤盤肉送到客人枱前，仿日本的餐廳模式。火鍋食材區丸子也有很多款選擇，如腐皮福袋、日式芝士丸、黑椒牛丸,、芥末墨魚丸等，還有拉麵、出前一丁等等，蠻多選擇。甜品：自製窩夫窩夫有綠茶及原味，都是自己製作。窩夫機簡易操作，還有時間計計時，1分半鐘就完成了。另一邊有雪糕機及各款甜漿、麥片脆脆，小朋友最喜歡。