大將 (已結業)

🍔食物質素: 👍🏻👍🏻👍🏻👍🏻💵價錢性價: 👍🏻👍🏻👍🏻📸打卡指數: 👍🏻👍🏻🪑環境衛生:  👍🏻👍🏻👍🏻👍🏻👍🏻🤵🏻店員服務: 👍🏻👍🏻👍🏻👍🏻體力消耗太多，梗係食返個放題打邊爐。大將設有不同套餐，並以半自助式放題打邊爐，同牛涮鍋差唔多。每貴一級套餐都會包含較平套餐嘅食物，唔使驚無得試晤同肉，另外同枱朋友需要選同一等級套餐，fai.lok最後揀左美國嚴選極上牛，因為美國特上牛肉和美國嚴選極上牛只差$8，而再上一級$228是upgrade左豬肉。價錢方面有樣野要小心，假日所有套餐會加$10係外面睇，以為餐廳好細，原來入面好大，座位都好寬闊。食到會先見到擺放半自助式食物大堂，感覺似食緊放題，有好多熟食，fai.lok抱住好奇心，每樣都試過，基本上味道都不錯，當然fai.lok建議每樣一件試下就好了，始終主菜係牛肉打邊爐。除左揀左打邊爐套餐，食物區仲有好多打邊爐拎，當然日本芝心丸就唔少得啦，另一邊仲有菜類區域，金菇，雞脾菇，生菜，娃娃菜，就連豆苗都一樣有，每樣都非常新鮮。至於醬汁方面，有好多款色選擇，特別有一隻"椰子莞茜汁"，醬汁當中的椰子原來係椰奶，感覺同以前食開椰子雞個隻味道好大出入。

今晚來到將軍澳食了一個高質的和牛火鍋放題，任飲任食，食得滿足又盡興。餐廳天花的裝飾非常有特色，除此以外，還有一個先進的機械人送餐，非常可愛！放題套餐有多款選擇，我選擇了北海道黑毛和牛套餐，至於湯底我選擇了一個新式湯底~芫荽醬油湯底，整個湯底帶綠色，味道很清新。餐廳安排完座位，當然第一時間是到自助區選擇喜愛的即食食物及火鍋配料、飲品……，非常興奮，放題正式開始啦~~自助區有很多現成的即食的食物，有 pizza、炸雞、壽喜燒牛肉、金菇肥牛卷……，嘩，好開心，可以一邊食一邊等著打邊爐的食物。我最喜愛每樣都食一些，要了肥牛、金菇、牛肉捲、炸雞pizza等都要了一些食。至於自助的火鍋放題配料，有丸類、腸仔、多款菇類、各款蔬菜、粉麵類……等等。蔬菜類的火鍋配料我很喜愛椰菜花、南瓜片，還有最愛的維山、雲耳、 粟米……。超可愛的機械人，送上北海道黑毛和牛，和牛大理石紋，顏色鮮豔，差不多入口即溶，非常好牛味，食完可以再點，超正！還有特選雞腿肉，超嫩滑。五花肉絕對不會鞋，切得很薄，肥瘦相間，不會很大件，點上自調辣醬汁，夠鮮味。放題任飲任食，食得開心滿足，尤其是牛牛fans ，任食和牛喔∼~~！！

🍲一人一鍋：試左個「完熟蕃茄海老濃湯」湯底，湯底偏咸，加左次湯後比較啱自己口味，而男友就試左「雞白湯」，再自己加蕃茄，好味過我果個😝。🥬丸類蔬菜：一般日式火鍋食材都有，貢丸最好味😋我唔特別食太多肉，所以今次只有豚肉及雞肉任食，雞肉意外地好滑，正👍🏻✨🧏🏻‍♀️自製窩夫：餐廳內有4部機畀客人自製窩夫，用沙漏倒數一分鐘就搞掂❣️情侶去嘅話，可以用原味做個底，再用抹茶味畫個心心，再去雪糕機位置加工，整出嚟好靚，又氹得男友開開心心🥰❣️👅自助醬料：椰子芫茜汁好伏🤯都係自己混甜醬油、多芫茜、多蔥，再加蒜開心好多❣️🍽美味指數：❤️❤️❤️❤️🤍💰價錢：HK$168+HK$10(假日)

最近和朋友在將軍澳聚舊，諗緊食乜既時候，朋友提議食和牛火鍋，我就當然話「好」啦🤤😂-這間餐廳在PopCorn商場內，由地鐵站一出上一層就到，很方便👍🏻餐廳主打一人一鍋日式火鍋放題，先選套餐及湯底，然後在滿羅各種火鍋醬料、食材、飲料、甜品和乳酪雪糕的自助區挑選心儀食物👍🏻😋套餐內的肉類是需要向店員口頭落單，由於我們是和牛愛好者，幾乎全程都是點牛肉，非常讚地是沒有漏單的情況出現，食得很飽和滿足😌-1️⃣澳洲和牛放題（成人，90分鐘）$258/1點了套餐後，店員會端上一盤牛肉和一盤豬肉和雞肉👍🏻牛肉顏色紅潤、油花紋路清晰、牛味濃厚，超正👍🏻😋豬肉是薄切五花肉，熟了的脂肪很像肉的質感，食落爽脆🤤雞肉是雞髀肉，千萬不要煮得太耐，唔係會好韌🙈雖然豬肉和雞肉都好食，但是既然叫得和牛餐，梗係食番夠本啦😂-2️⃣富士蘋果湯每次打邊爐都是選比較濃味的湯底，當今次見到有新口味的清淡湯底（富士蘋果湯），就很想試下😝湯內只有蘋果和松蟲花，煮得越久，味道會變得很清甜，所以打邊爐前都飲左不少😝-3️⃣博多味噌湯味噌湯是朋友點的，味道温和，煮什麼都很夾，不錯👍🏻

來大將吃自助火鍋放題，叫了$338的北海道黑毛和牛放題，這個價格能吃勻店內所有不同種類的牛肉，真心想試試不同品種的牛肉味道到底有什麼不同。這個放題套餐可選五種牛肉，兩種豬肉和雞肉，分別有日本北海道和牛、澳洲和牛、美國S R F和牛、美國特上牛、美國嚴選擊傷牛、山原島阿古豬五花、山原島阿古豬梅五花和特選雞腿肉。客人落單後，機械人就會把你所訂的肉，一碟碟送來。首先兩款豬肉片都是來自日本沖繩，豬肉片非常爽滑，阿古豬五花有五、六層肥肉瘦肉相間，吃起來爽口不肥膩；阿古豬梅花，肉質比較腍滑。烚2分鐘就能完全熟透，口感滑溜有彈性，好好吃。套餐有三種和牛可選，美國S R F和牛油脂較少沒有雪花，牛味重但感覺牛質較為粗；澳洲和牛肩肉，雪花分佈不平均，比美國和牛腍身；最正的當然是北海道和牛，雪花分布平均，入口腍滑有牛味，自己一個人吃了六盤😅這餐雖說是放題，但真的只吃了好好味的北海道和牛，其它火鍋配料朋友都說不錯，但我太愛和牛，其他東西沒怎麼吃。不過臨走時，在餐廳附設的小超市買了不少東西回家。

今次，介紹呢間食過好幾次嘅大將’日式火鍋放題！一人一鍋原因好簡單!! 抵食,好味,連甜品,熟食都好鍾意食😋😋😋抵食嘅係4⃣️人同行一人免費!👍🏻👍🏻👍🏻但唔知幾時完。想食就快啲去食啦佢哋啲牛呢有分好多款有黑毛和牛, 日本和牛, 澳洲達特上牛同埋美國特上牛!!任君選擇！價錢又唔貴！由168起 至好似三百幾蚊, 佢仲包埋豚肉同埋雞肉！食到捧住個肚走啊！任食嘅都係正常日式火鍋嘅配料,例如:火炙芝士丸,牛丸,貢丸,墨丸果d！都唔使多講，但佢哋啲配菜啊麵食仲有好多款, 如蒿荀,有蒟蒻麵,也有蕎麥麵,烏冬!!最後, 記得留肚食自製pancake同軟雪糕呀😋快啲去試吓😋😋

雖然天氣熱但打邊爐呢樣野係無分季節既~今日黎大將食佢既北海道黑毛和牛放題~一個價錢包埋雞肉、豚肉、北海道黑毛和牛，肉類係order落~食完再嗌~出面自助區就有好多蔬菜配料~最欣賞佢既雪櫃夠哂凍，所以即使蔬菜係擺出黎但都keep到個新鮮度~另外仲有少量熱食~今次有玉子燒、壽喜燒牛肉同炸雞~炸雞個人覺得最出色，又熱又脆，肉質又唔鞋~隔離有有生雞蛋同白飯教你用湯底索哂落d飯度做炊飯~而甜品區都好吸引~有窩夫可以DIY，好玩又好食~個窩夫好香蛋味~非常出色~軟雪糕我冇試但見好多人去整黎食~仲有配料可以落~講番主角邊爐~我地叫左巨塔芫茜火山濃湯同完熟蕃茄海老濃湯，前者芫茜份量極重，而且係完全融入湯底，所以愈食愈有芫茜味~芫茜控一定大愛! 完熟蕃茄海老濃湯就蝦味好重~有蕃茄既甜味中和一下~都係值得推薦既湯底! 北海道黑毛和牛油脂香濃，加埋湯底同醬料真係encore再encore，雞腿肉都非常嫩滑，滑到唔似平時既雞肉~飲品區選擇都唔少，有涼茶又有汽水~仲有咖啡機紅茶機可以用~呢個價錢食到飽~大胃王一定勁滿足!

依間夠多湯底選擇，見到佢有個新湯底，係芫荽湯底，我係芫荽控當然唔會錯過，就順便食下個「北海道黑毛和牛放題」，90分鐘時間好充裕，兩個人食咗22碟肉好滿足，仲可以自己整窩夫。芫荽醬油湯底，味道咸甜、清香。日本北海道黑毛和牛，油脂分布均丹，牛味濃厚。山原島阿古豬五花，肉質肥瘦相間，油香味濃。特選雞腿肉，肉質嫩滑，雞味濃郁。大將炒飯，食落好足料，包括有蟹籽、紅蘿蔔、香蔥、雞蛋、紫菜。炸雞，口感酥脆，味道香辣。雞蛋卷，口感厚身。煎薄餅，內有大量香蔥、飯粒，類似香煎米餅。蜜糖紫薯，口感綿密，味道清甜。拌菜，材料豐富，食落好惹味。醬油蘿蔔，口感爽脆，味道咸辣。紅豆湯，紅豆口感起沙，味道香甜。朱古力綠茶口味雪糕，口感細滑，入口即化。瑪德蓮蛋糕、芝士蛋糕、朱古力慕絲蛋糕、草莓慕絲蛋糕，甜度適中。原味綠茶口味窩夫，口感外香脆內鬆軟，食落充滿蛋香。

Popcorn 分店環境好舒適，成間店以木色為主調，俾人乾淨明亮嘅感覺🥰 仲有機械人送餐，好得意啊😆我哋叫咗澳洲和牛餐，可以任點澳洲和牛、豬五花、豬梅頭片同特選雞腿肉。另外，出面自助區可以拎丸、蔬菜、麵食除咗呢啲之外，仲有熱食，有炸雞，玉子燒等等，好豐富啊😋 仲可以自己整格仔餅😆 自助區好乾淨企理，地方又夠大，唔會人逼人👍佢有好多款湯底可以揀，我哋叫咗芫茜湯底同壽喜燒。芫茜湯好夠味，芫茜控必試😋 澳洲和牛叫得最貴個餐，緊係不停encore和牛，烚幾秒就食得，肉味香濃又嫩滑😍阿古豬梅花、阿古豬五花原本以為牛先係主角，估唔到豬都好高質喎🤩 我哋都好中意豬梅花，食落肉質好鬆軟👍 豬五花就脂肪多啲，但入口即溶，正👍特選雞腿肉呢個又係另一驚喜，估唔到雞肉可以咁嫩滑，真係好高質👍最後仲有甜品同雪糕🍦完美嘅句號

 第三次去「大將」，因為牛肉相當有質素，食物種類多，價錢又唔係貴，$158起，90分鐘放題，真係好正好抵食！餐廳裝潢走日式時尚風格，環境寬敞，簡潔整齊，座位全部都係卡座位，令食客坐得舒適，食得招積！😎「大將」有超過6款套餐選擇，時不時仲有季節限定，今次係北海道黑毛和牛，😍咁耐無返鄉下，食住北海道和牛先啦～☺️9款自選湯底中，我地揀左個新湯底——德川大將王豚骨湯（+$18），湯底有濃濃嘅豚骨香，仲有大大件豬軟骨，夠晒真材實料！醬汁方面，傳統火鍋醬料如醬油、醋、蒜、辣椒🌶️、蔥、芫茜等都有，比較有特色嘅有自家製椰子芫茜汁、味噌芝麻汁、麻辣紅油、韭菜醬油、味噌芝麻汁，不過小編我就鍾意原汁原味，就咁柚子昆布醬油就夠啦！😌最得意係，有機械人為我地送餐，So far食過咁多間火鍋放題，只係「大將」先咁有gimmick！👍🏻 我仲要見到奇蹟，全部小朋友小foodie都坐定定喺度，等機械人黎送餐！😂🌟推薦❗北海道黑毛和牛北海道和牛在北海道自然環境中飼育成長，油脂比一般嘅和牛清爽，肉面油脂分佈均勻，吃起來滑潤不澀，口感細嫩好吃，肉質柔軟，就算食幾多，都唔覺得油膩。😋🌟推薦❗北海道五花肉皮爽肉嫩，一啲都唔會嚡

經理話「廚師」話會因應食材及顧客口味，不定期、不定時更換菜式。今天該位置換咗「綠豆沙」….可以試吓配白飯！」………………….又或者打電話訂位時問吓先……今時今日，為咗節省成本，整盤唔熱唔凍糖水係到做樣！不如直接啲放盤水，叫客人用水配白飯都得㗎！健康過「綠豆沙」！成本重平㗎！

一家四口，一同去大將將軍澳分店吃火鍋放題，用餐時間90分鐘。我哋一齊點了$198牛肉火鍋，除了自助的菜類，丸類，粉麵，飲品，甜品等等，還有可自製窩夫，都算係一樣較特別的環節。肉類也可以點豬和雞肉，我覺得雞肉較滑捋捋之外，牛肉和豬肉都無特別的驚喜。飲品和甜品的選擇都不算太多。總括而然，食物上菜時間算快，但食物的質素真係很一般呢！

今日去了將軍澳！我們去食日本北海道和牛放題！今次食大將是日式火鍋放題我們選了北海道日本和牛$338 /90分鐘我們選了莞茜湯底！綠油油！🤣😂這一間餐廳是用機械人送餐！好可愛🤖🤖芫茜湯底一人一鍋夠衛生，芫茜味清香。北海道和牛：牛肉味香濃，油花靚靚，食左六碟👍👍👍。豬五花：肉味香，但肥左少少。雞腿肉：很嫩滑。肉可以同店員下單！其他可以去自助吧拿自助火鍋配料：有各式丸類、蔬菜類、菇類、麵。飲品櫃、自製pancake、醬油區、汽水機、雪糕機、甜品區、熟食區、等等⋯🥬很新鮮，推介日本南瓜🎃、pancake：有綠茶味和原味，我覺得原味最好食雞蛋味很香，是我必吃之選。總結：食物質素高，選擇多，值得回頭。大將將軍澳唐賢街9號PopCorn商場1樓F10號舖！

服務差，唔夠人手，等咗好耐無人加湯，唯有起身出去問句，點知個侍應好惡叫我坐低，個侍應仲要係女人，後生女，似係比較senior嘅。平時好少寫劣評，但食個下午茶嘅火鍋2百幾蚊一個人，服務都唔洗咁差吧，我都無嬲等咗咁耐無人加湯，佢竟然咁惡嬲我起身問句。

火鍋放題選擇多，可以食到唔同種類嘅嘢，大人細路都咁鍾意，最近去咗大將食日式一人一鍋火鍋放題，湯底要德川大將王豚骨湯，揀咗山原島阿古豬，有73款食材及飲品供選擇，總有一款啱口味！肉食選擇有山原島阿古豬梅花、五花、美國特上牛、五花肉、豚肩肉和特選雞腿肉任食，出面有多款熟食、蔬菜、丸類、醬料、飲品自取，全部有蓋蓋著，好衛生！最有趣係餐廳有送餐機械人，直接送到客人餐桌面前，由侍應放上枱，然後就會返回出餐部，期間有人經過仲識得避開，挺可愛！食物方面山原島阿古豬幾有豬味，我哋每人食咗幾碟，日式年糕福袋唔係好多放題有得食，味道煙煙韌韌，不錯的！最後仲有甜品軟雪糕和蛋糕，軟雪糕可以加topping，都有幾款選擇，下次可以試埋自制窩夫！