大將 (已結業)

今日去到Popcorn呢個商場都唔知食乜好，見到呢間大將，去食火鍋嘅，咁我就同老公一齊試吓我哋揀咗美國和午嗰個級別，其他配菜飲品甜品都係任食嘅。有唔同嘅前菜，有炸雞，蘋果沙律，煎餅，芝麻八爪魚等等除咗個煎餅凍凍地之外其他都好食。特別係個炸雞炸得好香脆。火鍋配料方面，其中一邊就係啲丸香腸類，另一邊就係蔬菜類，咁得到用嚟打邊爐嘅蔬菜都有，我自己就揀咗萵筍金菇同埋娃娃菜。湯底方面我就要咗豚肉鍋，呢度係一人一個鍋嘅。啲和牛紋理都好靚呀，仲係任點添。你食得晒嘅話叫幾多都得。甜品方面，有得自製格仔餅，同埋有雪糕，呢兩樣都幾好食。另外仲有雞肉豚肉片，啲雞肉好滑，點埋佢可以選擇嘅唔同醬汁都幾配。

趁仔仔考完試就同佢食好d慶祝下！ 經過大將見到門口個將軍公仔咁搶眼～我地就比佢吸引左，睇睇menu一人一鍋午餐火鍋放題，限時90分鐘，啱晒鐘意打邊爐嘅我地，let's go! 午市放題套餐有6款選擇，價錢分別由$158-$258 （小童價格由$88-$138） 我地點左🍽北海道十勝豚肉套餐 $208🔸️跟餐配北海道五花肉、北海道梅花肉、雞肉。🔸️仔仔好鐘意食北海道五花肉，每塊肉肥瘦各半，切得薄薄長長，入口鬆化即溶。🔸️除呢3款外，仲有另一款五花肉、美國極上牛及豚肩肉，共六款可無限追加。 🍴九款湯底可選我選了德川大將王豚骨湯（加$18）🔸️豚骨湯味濃配上大大舊豬軟骨，淨係食呢舊又大又淋嘅豬軟骨已經令肚皮十分滿足。 放題套餐仲包埋小食／菜／飲品／甜品。種類繁多，男神媽媽精選推介⬇️小食：炸雞-香口鬆脆，開胃之選。甜品：軟雪糕有三款口味，雲尼拿，朱古力，混合口味，食完火鍋來一杯透心涼雪糕，完美！飲品：多款樽裝涼茶、汽水、Fuse Tea，最驚喜係🥳有部咖啡／奶茶／朱古力奶機。試左杯熱奶茶，奶同茶份量適中，飲得出有茶味，唔會過甜。 環境👍餐廳地方大，樓底高，裝修別緻，檯與檯之間距離恰當，不會太近。 服務

牛魔王好友至愛食放題，餐廳裝修日式風格，座位舒適。我們選左美國和牛$218，完熟蕃茄海老濃湯底，蕃茄味道濃，一人一鍋夠衛生。很快有機械人送來美國和牛，和牛肉色澤明亮，肉味香濃，真美味。五花肉鬆軟味香，雞腿肉🍗很嫩滑。自助區：蔬菜🥬和丸類選擇多又好新鮮，擺放整齊，更有我最喜歡日本南瓜🎃。熟食區：有蘋果沙律、炸雞🍗串燒、炸物等⋯香脆可口。飲品：有支裝和自助汽水機、咖啡機、雪糕機。自制窩夫🧇：有雞蛋味和綠茶味🍵，蛋味好香。甜品櫃：有布朗尼、蛋糕等⋯大將Taisyou地址：將軍澳唐賢街9號PopCorn商場1樓F10號舖

下著大雨來到popcorn商場逛逛街， 被大將的香味吸引， 停下腳步看看餐牌。 新餐牌有北海道十勝豚肉，而且價錢相宜， 實在無法抵抗日式火鍋的吸引。北海道十勝豚肉套餐可以任食，五花腩和梅花肉實在吸引。 只可惜 因為貨源關係當日未有提供 😆😆 下星期一定要嚟再試😋😋選擇向來都喜歡的美國和牛套餐， 也是非常好的選擇。始終最喜歡就是大將的將軍澳店， 地方又闊落又舒服， 小食種類有好多， 蘋果沙律爽口清新， 醃漬蘿蔔酸酸甜甜， 南蠻炸雞 脆卜卜又夠juicy。 今次嚟到仲有 金菇牛肉捲， 日式甜蛋 ， 芝麻八爪魚。德川大將王豚骨湯底， 是期間限定， 當然要試試。 味道香濃不太鹹， 而且有蟲草花 感覺很滋補。 美國和牛保持一向高質， cp值最高的套餐， 肉味香濃之餘， 油脂分佈非常平均。最後當然不要錯過 ，重點任食軟雪糕， 朱古力味 香濃幼滑， 旁邊還有很多配料可以配搭， oreo脆脆 +粟米片 +朱古力脆米 ，仲有唔同種類嘅糖漿。 今次試咗新嘢抹茶 泡芙😋😋😋 綠茶味香濃不太甜， 花點心思裝飾， 其實呃like冇難度😆😆

每逢去到慶祝嘅節日都會用大餐來作為禮物。每人一鍋就成為咗既簡單又方便而且可以根據自己口味來度身訂造，的確係一個比放題或者韓兆緊貼心又大快朵頤嘅選擇。嚟到將軍澳除咗感受到樓市發展得有幾快同埋有好多商場蓬勃咁樣興建之外更重要當然就係食盡每一個角落啦。今次就遇到個每人一鍋嘅火鍋放題，選擇多之餘位置又舒適，作為慶祝嘅地方確係夠晒端莊。咁呢度就有幾個唔同嘅牛肉餐可以揀，初初接觸和牛嘅話就可以用200頭嘅價錢食到美國嘅和牛，仲要係任叫㗎🥰🥰每一疊都包含着色澤鮮紅嘅和牛，腦海入面就只會浮現到新鮮呢兩個字，雖然鐵板燒都會係幾好嘅選擇。但火鍋先至係食到最原始最原汁原味嘅方法。 口感絕對係爽甜，完全唔似肥牛有根有邊，一口一塊，肉質鮮嫩爽彈。每$1都夠晒薄所以無需要毆好多下就已經可以繼續下一塊。同場仲有超薄嘅五花籃同埋滑雞，兩隻都係啖啖肉冇多餘嘅脂肪。 人手唔夠多都冇有怕。（呢度仲會有電子服務生嚟送餐㗎！！！！🤣🤣🤣🤣🤣🤣🤣🤣🤣🤣） 個feel就真係好似去咗日本嘅餐廳同樣都會有電子機械人嚟送餐，仲要係百發百中唔會行錯路㗎喎，真係掛住望都唔記得食🥴🥴除咗肉類之外仲有丸類同埋各式各樣嘅蔬菜配搭，而蔬菜類亦都主要

今日同屋企人一齊過嚟將軍澳呢邊行街，夜晚大家都想打邊爐，今次就試吓日式嘅邊爐。呢間日式火鍋店印象中好似開咗冇耐，內部裝修幾靚，好有和式嘅風格，門面仲有一個範圍有好多火鍋相關嘅products，應該都係自家品牌。自助區嘅火鍋配料都算多，驚喜嘅係有幾款熟食，包括玉子、串燒、薄餅等等，仲有紅豆湯，窩夫機可以整窩夫食，啱晒小朋友。飲品方面選擇都多，有好多鴻福堂細支裝嘅飲品，都有自助汽水機、咖啡機，選擇豐富。我哋揀咗豚肉放題套餐，湯底係花生沙嗲湯底，好濃味，唔會太鹹。我哋嘅套餐可以任食北海道十勝豚梅花肉，每一片嘅梅花肉都好薄，肥瘦均勻，色澤好靚好新鮮。另外仲有美國嚴選極上牛，都好正！仲有普通豬肉片同埋雞肉片，啱晒食肉獸。最後當然唔少得係甜品啦，有自助雪糕機，係乳酪雪糕，仲有唔少配料，同屋企不斷encore，唔會太甜味道都幾好。總括嚟講我同屋企人都幾滿意呢間日式火鍋，價錢唔貴，值得一食。

又黎享受美食喇😆幾個月前黎食澳洲和牛放題，印象幾深刻因為覺得好抵食，今次再黎食另一款放題套餐-美國SRF和牛，佢唔係入口即化個款，而係肉質結實，肉味濃郁，又係另一番滋味👍🏻.見到熟食區有鰻魚、南瓜天婦羅、炸雞、醃蘿蔔、玉子燒，日式火鍋放題黎講自助吧選擇夠多而且質素唔錯～甜品區的窩夫和雪糕亦都係重點要吃的😍.今次嘅湯底揀咗蕃茄湯，味道清清地唔會搶哂鏡🙂.我地兩個人去坐到4人枱，好闊落好好坐🥰

要搵到高質嘅火鍋真係好難，但係最近比我發現到一間係將軍澳唐賢街9號PopCorn商場1樓嘅日式火鍋餐廳，真係值得大家嚟食🤩首先一嚟到，餐廳嘅人氣已經好旺，好多人等緊，而餐廳嘅裝修都好靚，係行日系簡約嘅風格，環境亦都闊落乾淨，新裝修好靚😛加上呢度嘅食物實在太正啦，全部都好乾淨、好多元化，特別得意嘅係，依度有一個日本嘅機械人送餐，小朋友嚟食佢哋覺得好新奇😆重點係依度嘅嘢食勁高質，又唔同種類嘅嘢飲、甜品（例如朱古力布朗尼同埋泡芙）仲有唔同口味嘅雪糕，大人小朋友都啱😋火鍋配料就更加高質特別係依度嘅美國SRF和牛套餐 (德川大將王豚骨湯底)和牛味道超級濃郁，口感勁豐富，脂肪同埋肉質嘅比例啱啱好，可以做到入口即溶嘅效果🤩另外仲有好多丸、蔬菜，同埋面等等嘅火鍋配料可以拎，全部都好高質😋👍🏻

父親節想同Daddy慶祝特登去咗將軍澳食大將，諗住食餐好。我地叫左北海道十勝豚肉套餐，同埋德川大將王豚骨湯。德川大將王豚骨湯，豚骨湯呈乳白色，口感順滑粘稠，啖啖都係精華。北海道五花肉肥瘦均勻 口感幾嫰，幾好味。北海道梅花肉 肉味相對較重，肉質鮮美，幾正。特選雞腿肉 呢個部位嘅肉質相當嫰，雞味幾濃，唔錯。呢度有蔬菜嘅自助區，仲有支裝飲品、汽水、咖啡機。提供熟食譬如炸雞、炒烏冬，食完夠曬飽。貪玩嘅仲可以整埋窩夫，記得食埋雪糕呀！好鍾意呢度嘅環境，夠晒光猛又好闊落坐得好舒服，整體性價比都幾好，會再encore！

很久沒有吃打邊爐了今次來到將軍澳見到大將好多人等位 當然要一試任食90分鐘的牛肉放題一入到門口見到餐廳的裝修好有日本風 值得一讚的是運送牛肉是用機械人 很衛生作為一間打邊爐的餐廳 餐廳整潔度很高 地方很乾淨不會有油膩膩的感覺食物方面 牛肉必點是美國SRF和牛 肉質鮮美很滑脂肪比例合適 不會太肥另外雞腿肉亦值得一讚 真的超級滑平時打邊爐雞肉很容易便過熟而鞋口但這裡的雞腿肉煮過火了仍是很滑而打邊爐配料有很多選擇 菜的款式亦很多大人小朋友都岩食

最近睇咗篇報道先知大家認為將軍澳係美食荒漠🥲，但係其實將軍澳越來越多新樓盤，都越來越多高質素嘅餐廳，今次食呢間餐廳其實已經唔係第一次食，之前已經食過佢哋嘅lunch，覺得好抵食，今次試吓夜晚會唔會多啲選擇。一入黎就見到有新野，就係送餐嘅機械人喇！一坐低1分鐘都未夠，已經有機械人送咗兩份肉類嚟，超級快！放題肉組合《美國SRF和牛》🥩想食好少少揀咗個最貴嘅黃牛，結果都冇令我失望，肉質好嫩，而雪花都好平均；而我覺得個牛味係咁多種牛之中比較重牛味，鍾意食牛嘅朋友揀呢一隻就冇錯啦！🤩其他特上牛既脂肪比較多，比較油，鍾意油香味嘅人就會比較啱😉。除咗牛之外，我想講佢哋嘅雞髀肉🍗係超級滑呀，可能我本身都超級鍾意食雞，所以我有再追加個雞肉😋湯底就升級揀咗佢哋嘅《德川大將王豚骨湯底》，上次試咗佢哋嘅雞白湯，比較普通無特別既驚喜，所以今次揀咗佢哋嘅推介豚骨湯，齋飲個湯嘅感覺都係都夠濃郁，仲跟咗個豬軟骨tim ga! 唔錯唔錯 《任食自助配菜🌽🥬🥗》-夜晚黑呢個價錢冇諗過有咁多配菜選擇，最開心嘅係超級多蔬菜選擇，生菜、南瓜、萵筍、蘿蔔、金針菇、雞髀菇、粟米、山藥等等，想飽肚啲嘅有日本葛粉、芋絲、烏冬、出前一丁

食過好多間同類型嘅放題火鍋店，呢間可以係用比克店更低劣嚟形容。呢種先選定牛肉級數，其他配料飲品就以自助方式提供，限時個半鐘進食。開始入座時一行四個人選定左258一位嘅澳洲和牛，之後叫你自己行入去，冇人話你知坐邊。坐低之後，店員好衝忙咁叫你選湯底，但又好衝忙咁走左去，到叫到人嚟落單四款湯底時已經10分鐘，上牛肉再10分鐘。第一輪牛肉係有水準嘅，雞肉亦有驚喜。但係……始終都犯左同類型火鍋店嘅錯。就係只有第一輪嘅牛係靚嘢，第二輪嘅牛係入座20分鐘叫，等15分鐘先到。仲要係質素明顯差到放入口都怕磨傷條脷咁“鞋”，一掂熱水就全塊肉變黑。之後叫左位經理嚟投訴，先換返碟係第一轉水準嘅牛肉嚟。其實做得放題任食，就堂堂正正保持水準咁比食材客人，因為始終係食落肚嘅。怕客人食突嘅，就用上菜時間去控制。呢種做法好常見，亦會接受。食材好味新鮮，自然就會有回頭客。最後值得一讚嘅係個隔水碗，設計真係好啱火鍋用。

最平放題由$158起,牛肉有幾種價位最高級當然就是日本和牛,但只食90分鐘既話唔建議食最頂級,唔夠時間食,除非只食牛佢仲有五花豚肉同特選雞肉,豚肉唔夠肥雞肉夠嫩滑,但切得太細件,好易煮過火牛肉最出色,就算平價位既牛肉都唔錯牛肉,豚肉係落單送上另外有個碗比你自助出去拿蔬菜另外多種肉丸,配菜選擇,數埋都幾十款蔬菜夠多夠新鮮,先食肉一轉再食菜甜品有小蛋糕同自製格仔餅同雪糕肉丸有牛豬,日式福袋等等,無雪味,合格飲品自助飲,仲有咖啡機醬汁自助,好多款式,另有蔥花辣椒供應仲有幾款熟食,炸雞串燒等等,但試一件半件好唔係好易飽,集中留肚食牛肉!牛肉油花分佈平均輕燙廿秒剛熟食落最嫩滑,肉味夠濃試左今期推介既沙爹湯底,好濃郁!雞肉夠滑,豚肉易柴,牛肉最出色蔬菜選擇多,夠新鮮!總共有八款湯底選擇另加2款限定口味仲可加錢要蝦同青口或八爪魚整體上幾抵食,上菜快,係明顯人手唔夠有時繁忙時間加湯要等,鍋底淺好易煲乾

今晚係大將食既係美國SRF和牛套餐，牛肉輕輕一灼已經食得，肉味濃郁，食多幾碟好快回本！仲有五花肉同雞肉，雞肉比一般放題店更加滑溜，有質素自助吧可以拎的野食都絕對唔馬虎，炒烏冬同小番薯仔都好好味，特別係炸雞都做得唔錯，炸衣唔會太厚，肉滑有肉汁，走個陣見到仲有肉串同玉子燒推出，賣相都唔錯甜品方面自製了一碟窩夫雪糕，一冷一熱，一脆一軟真係好正😋星期六晚高朋滿座，睇黎都有唔少生熟客，今晚食過一次之後我都成為左大將的捧場客🥰

今日去咗將軍澳嘅商場同朋友食午餐，佢話呢間餐廳有機械人送餐服務，幾有噱頭，值得試試😬中午時段，任食90分鐘，有各款不同套餐俾你選擇，價錢只係百零蚊起，豐儉由人👍🏻除咗主打嘅牛肉之外，有百多款配菜及飲品任食任飲，仲有各類甜品雪糕，林林總總數之不進🥳我揀咗個完熟蕃茄海老濃湯底，蕃茄味道十分濃郁，離遠都聞到好香嘅蕃茄味，即時胃口大開，好心急快啲開動😂我呢個美國SRF和牛套餐$218，牛肉肥瘦適中，肉脂均勻，目測已經知道貨真價實啦👍🏻入口鬆軟溶化，肉味香濃，完全沒有滯漲感，睇來3、5、7碟都應該無問題😂每次加單牛肉，呢個機械人都會為你送上，好多小朋友包括我都非常開心，食嘢嘅時候心情都特別好，真係好值得一讚👍🏻👍🏻👍🏻其他蔬菜配料都好新鮮，選擇真係好多，講真呢個價錢，自己買料都唔得🥳仲有要介紹呢個小小嘅設計，真係小設計大意義，佢哋嘅碗有一個隔器，能夠將多餘嘅醬汁分隔左喺碗嘅底部，更加能夠令到客人原汁原味品嚐牛肉嘅精華，真係見微知著👍🏻而且服務員效率勤快，難怪中午時段亦座無虛席，絕對值得推薦比大家👍🏻