大將 (已結業)

唔知個廚房係咪冧咗，好多張枱等和牛都等唔到，落單大半個鐘都冇野到。隔離枱坐10分鐘頭盤都冇。我地叫218餐，比左個頭盤（平既）就無再嚟野，落左單等好耐個亞姐又話我地冇落，食到一肚氣。係咁問你要乜，但落左又無，開嚟都唔知係咪呃錢😤😤😤唔會再嚟😒❌❌❌❌❌同樣建議大家都唔好嚟，等多個食，90分鐘都等左60分鐘。個埸個雪櫃又漏水，成地都濕曬，出面拎野食個位d野食又係吉既戈，連豉油都冇，雪糕又無，夾餅機又無麵糊，間直冧曬檔。但係收錢又準時黎叫你比錢🤬野食都冇黎過又話收錢。 聽到隔離枱話要落和牛跟住個侍應同佢講你要等返半個鐘….佢呆左

近近地落樓下Popcorn食飯，好耐冇打過邊路，打邊爐任食放題，除了可選嘅肉類，出邊仲有自助區，包括蔬菜區、丸類面類、雪糕甜品及飲品，超級豐富。山原阿古豬$208（選了芫荽湯底/豬骨湯底）-山原阿古豬梅花-山原阿古豬五花-美國特上牛-五花肉-豬肩肉-特選雞腿肉-仲可以加錢加啤酒或者其他食物蔬菜區秋葵、香菇、雞髀菇、粟米、翠玉瓜、冬瓜、南瓜、京蔥、生菜、娃娃菜、蕃茄、金針菇、豆苗、蘿蔔、蒟蒻、甘筍、山藥、黑木耳及蓮藕。熟食區炒飯、日本雞蛋、炸雞、煎薄餅、和風玉子燒、壽喜燒牛肉、燒腩青瓜小卷、蜜糖紫薯及醬油蘿蔔。甜品區雪糕、格仔餅、芝士蛋糕、巧克力、布朗尼、朱古力慕絲蛋糕及馬德蓮蛋糕。丸類面類出前一丁、拉麵、烏冬、年糕、龍蝦丸、仿海膽包心丸、芝士腸、黑椒牛丸、芥魚籽丸、仿鮮魷片、貢丸及年糕福袋。飲品區鴻福堂系列百香果物、雪梨海底椰、菊花蜜、鹹柑桔等等，另設自助汽水機、咖啡機及自助雪糕機。整體而言唔錯，食物款式多，價錢都適中，CP值好高，而且衛生程度都好高，有機械人送食物。

中式火鍋食得多，但一人一個日式獨立鍋歎火鍋未試過，尤其90分鐘任食火鍋放題。今次來到大將初探，以為空間小，但其實裡面空間挺大的，大到外面有間日式食物售賣店。坐低，座位幾舒服，寬敞。可以選不同的肉和湯作主食。今次選了北海道黑毛和牛套餐配和德川大將王豚骨湯。湯滾，和牛，豚肉和特選雞腿肉剛到，選德川大將王豚骨湯好處是唔會搶走食物的味道，和菜甚夾。黑毛和牛果然香嫩口感夾，豚肉都唔錯，雞腿肉好嫩滑呢~有驚喜。系時候去取熟食和菜類，這裡選擇好多呢，菜類超過十樣，熟食既都有三樣，飲品選擇也多。取食物，有個大發現，發現有機器人送食物呢.蔬菜好多選擇，大蔥，鮮淮山，黑木耳，蘆筍，甜玉米🌽，各樣都菜鮮味甜，同豬骨湯好夾。熟食方面，可以自製waffle,另外鍾意雪糕既朋友可以測試自己扭蚊 jik 雪糕的能力, 最後我選左朱古力，甜度剛好，濃度也不錯。個人比較鐘意炸紅豆，看上去是一條魚，實質是炸紅豆。整體而言，$300多蚊可以品嘗到豐富新鮮放題，好滿足。

放假同朋友去將軍澳行街，去咗食日式火鍋🇯🇵.德川大將王豚骨湯🎎湯底清甜，仲有一大件豬骨，豬骨煲到好淋😋.山原島阿古豬🍲有山原島阿古豬梅花、山原島阿古豬五花🐷美國特上牛🐄五花肉、豚肩肉🐖特選雞腿肉🐓山原島阿古豬梅花脂肪比較少，食落好有口感😆山原島阿古豬五花肥嫩多汁🤤美國特上牛肉味重🐮.丸類🍢麵食🍜蔬菜🥬種類都幾多😍最鍾意年糕福袋同黑椒豬肉丸😙.小食🥢有煎餅、醃菜🥙沙律🥗炸雞🍗.甜品🍰有唔同款小蛋糕🧁自製窩夫🧇雪糕🍦質素相對普通.飲品🥤有少量樽裝飲品🍹咖啡☕️茶類🍵汽水

今日同屋企人試下呢個一人一鍋嘅日式放題，我地叫左蕃茄蝦湯同沙嗲湯👍🏻 好味喎！ 我地今日點左美國嚴選極上牛嗰個餐，牛豬雞都係任點，同埋出面都幾多選擇，野飲，蔬菜，熟食，甜品都係放題😋仲可以親手整格仔餅配雪糕😂 正！

預定了12:30。12:15到店門口排長龍，問前台有預定是否要排隊（因為擔心過了預定的時間）。前台答：無論是否預定，都是要排隊的。這個我理解，所以老老實實排隊。12:35排到，報了預定手機號碼，前台第一句話就是：你遲到了5分鐘，請你下次早點到。我又跟她解釋一通：我12:15到啦，排隊排了20分鐘。前台說：那妳要預排隊的時間，下次早點。天哪，我怎麼預算排隊的時間！坐下後叫了兩碟和牛，叫店員3次都是不理人的，真的像沒給錢來乞食的。聽到有其它客人投訴叫的食物很久沒到，店員很理直氣壯的說，他們人手不夠。218元的餐限時90分鐘，60分鐘的時候，店員就拿著帳單要求買單，並且3分鐘催一次連催3次。如果生意好，有客等座還能理解，明明還有近乎一半的空檯，這種操作真是難以理解。買單時我說用MTR電子禮券，店員即刻肯定的說：大將不接受MTR電子禮券，很大聲很沒有禮貌，引的旁邊客人都看了過來。我火氣上來了，堅持說在app查過，大將是接受MTR電子禮券的。店員又很大聲的說，那妳跟我過來，去門口買單，並強調：現在！到了結帳的櫃檯，看到“請使用MTR電子禮券”的牌子就放在檯面當眼處，問他：這不是能用禮券嗎？他沒理

Openrice book 左1730 兩個人。早左少少1710到左。見近門口4,5張枱都未執，閒日下午茶都咁忙，應該無黎錯😍等左5分鐘，唔見有staff 嘅🧐正奇怪，朋友走去問同店士多店員先知餐廳落場，1730先有人返。呢個位自己無留心。（4，5張枱未執就去落場？會唔會有烏蠅㗎🧐🧐）1730，三，四店員準時返到，就俾門口嘅枱我地。(吓？你同事仲推緊個下欄盤喺我隔離乒鈴乓啷咁執枱喎😡，晚市第一個客就俾呢啲枱？)問店長可唔可以坐入邊，近食物多啲，佢話入邊嘅枱未執好。但入去一睇，明明入面整整齊齊已經ready Serve 客，玩我？本來專登跨區book枱過嚟食，算，時間仲早，出返去九龍食。反正諗起嗰幾張未執嘅枱都唔開胃。臨走個經理仲笑咗一聲，好啊拜拜

Happy Friday 到左#大將食shabu shabu放題，90分鐘任食打邊爐自助餐，好爽同非常之滿足。環境新淨坐位寬闊坐得舒服，最like係一人一鍋唔使同人溝食物。點了北海道黑毛和牛套餐，配德川大將王豚骨湯底，湯底好清甜，仲有大大件豬骨在內，豬骨煲到好淋，d軟骨都可以食埋。北海道黑毛和牛套餐，包埋豚肉同雞肉都是任叫，啱晒食肉獸。和牛色澤紅潤，邊位略帶脂肪，輕滾一陣便食得，牛味重而且柔軟。追加了2碟都保持水準👍。另一主角雞腿肉亦都非常之嫩滑，而豚肉就肥肉多了點，故我都是輕嘗了一碟，主要食牛😽。除左以上任叫外，出面自助區有蔬菜、丸類、麵類、飲品同甜品任取，仲有炸雞同炒飯，真係包羅萬有，食到不停口。最特別是有自製窩夫🧇機，比我們自已制作一下甜點☺️。餐廳每逢星期一至三下午茶(2:30 - 4:30)時段，2人同行1人半價，晚市時段 4人同行1人免費（優惠期由14/6 - 14/7），咁抵，梗要約定朋友再黎開餐至得啊。

自己並非任食火鍋的常客，難得有人約食就去體驗下。這家日式任食火鍋環境比其他任食火鍋店舒適得多。食材種類都好豐富，仲有送餐機械人為你服務。本身都已經有多款湯底揀，升級埋德川大將王豚骨湯，大大舊豚骨，清甜好食。北海道十勝豚肉套餐 $208套餐本身已經有多種肉類北海道五花肉 / 北海道梅花肉 / 五花肉 / 美國嚴選極上牛 / 豚肩肉 / 特選雞腿肉平時多數為左擦肥牛，今次有新目標擦豚肉，口感比牛肉豐富得多，想食番牛肉又得。另外自助區又有丸類菜類麵類等等，而且攞放整齊。熟食有炸雞，牛肉烏冬，一口肉等。記得留肚去甜品區整窩夫，加埋雪糕非常正，又可以食下泡芙同蛋糕仔。食飽可以去另一邊睇下食材。

今日同朋友去將軍澳行下街，睇下戲。睇完好肚餓吖，仲未諗到食咩，就聞到好香既打邊爐味道漂過來，行過去見到無人排隊，立即去拎位入坐先~今次揀左最二至愛湯底，沙爹湯😋湯底好香花生味，正吖~呢個套餐可以食齊豬，牛，雞3種肉類，岩晒食肉既朋友，牛同豬都唔算好肥，唔食到成口油。而出面仲有好多蔬菜，丸類同主食揀吖~仲有d熟食好似炸雞，煎餅。。。當然唔少得最重要既飯後甜品，除左有雪糕，小蛋糕外，仲有自已整既窩夫，真係玩得又食得哦~

星期六嚟到Popcorn，朋友突然想食打邊爐，於是OpenRice book咗呢間，準時7:30嚟到現場，等咗一陣就可以入去食嘢。揀咗$198（假日加$10）美國嚴選極上牛呢個set，一人一鍋，坐低就會比一底牛肉、一底豬肉片同埋雞塊，我揀咗雞白湯湯底，湯底超香濃鮮味，肉類吸收左濃郁嘅雞白湯，鹹鹹地但係又食到肉嘅鮮味，唔使點任何醬料已經非常美味。但老實說肉既質素唔算好出色，但雞白湯令佢大大加分！自助區拎咗炸雞塊同小食，炸雞塊非常出色，外皮酥脆，表皮夠薄，雞肉非常嫩滑juicy，任食的炸雞有咁嘅質素真係好驚喜；天婦羅炸衣又薄又脆都唔錯；玉子燒甜甜地蛋味夠香；反之日式煎餅麻麻，味道可以，但餅底厚餡料少，食一舊都飽飽地。而其他丸類同蔬菜都係正正常常，冇咩特別。甜品方面居然有窩夫！窩夫係自己倒粉漿落窩夫機，1分30秒食得，我簡左綠茶味，綠茶味同蛋味超香，加埋雲呢拿同朱古力雪糕簡直係Perfect match，食完呢個真係飽住滿足咁返屋企。

一再encore嘅日式任食打邊爐🥰假期同屋企人食要等等先有得入場，門外有迷你日式超市，等位期間可以逛一逛🥰今次要左澳洲和牛放題（$218）點左蕃茄海老濃湯～蕃茄再加少少鮮蝦味清清地都幾開胃～今次熟食有唔同既天婦羅，南瓜天婦羅超好食而且仲要係脆脆地又唔算太油仲有不同種類嘅丸、菜、粉面，任君選擇，加埋欽點嘅牛肉、豬肉、雞肉，真係飽到飛起😳仲新增咗熱食甜品紅豆年糕湯！甜度剛好且非常足料，超滿足🥰

整個就餐一個半鐘，肉只係送佐三次，第一次係落坐五分鐘後，第二次係一個鐘後，要佐六碟，俾四碟話食著先，第三次係俾佐賬單之後既五分鐘，員工解釋係：廚房大塞車，出唔到肉。同埋個機械人送餐好似好L勁，但廚房出唔到肉，嗰機械人用處不大。

同朋友去將軍澳行街，行過大將聞到好香嘅邊爐味，今晚決定打邊爐！大將一向係我心中都係數一數二嘅邊爐店，原因係座位坐得舒適，而食物質素唔錯！最特別嘅係係由機械人送餐😆真係好先進，好似去咗日本咁😜✨北海道十勝豚肉餐北海道十勝豚肉丼出名係人都知，今次大將用北海道十勝豚肉嚟打邊爐，更合我心！北海道十勝五花肉脂肪較多，香甜美味嘅口感，較為肥嫩多汁😄而 梅花肉脂肪均勻，肉質富有彈牙而且多汁，放落鍋幾十秒就食得，個人就比較鐘意呢款，而且仲可以無限encore! 食肉獸唔可以錯過😜套餐仲可以叫埋美國嚴選極上牛同特選雞肉，一次過滿足曬三個要求食盡豬、牛、雞✨ 花生沙嗲湯湯底香濃，沙嗲味同花生醬味均勻，用嚟打邊爐一流！即時整咗個沙嗲牛烏冬食！✨丸類丸類選擇都唔少， 基本上平時打邊爐會食嘅丸類都齊曬， 推薦海膽包心丸，雖然海膽味唔夠濃，但配沙嗲湯底非正！✨自製窩夫除咗打邊爐，仲可以自己整窩夫食，加朱古力、綿花糖等，做甜品都唔錯！今次打邊爐已經好飽，唯有下次整嚟試！！！✨飲品飲品係自助嘅，除咗罐裝、樽裝飲品，今次仲試咗佢哋杯咖啡機，沖咗杯奶茶嚟飲，奶味較濃，茶底唔夠強，整體算唔錯嘅~

咁大間鋪都無人幫襯 😨 成晚得小貓3/2隻，食材普通不過不失。食完先知道係富臨開既食肆，將佢改頭換名就想做年輕人生意。有良知既都知咩料啦。.叫最平個個餐既肉好麻麻，又硬又雪味，出面任飲既飲品勁少，得鴻福堂嗰啲。比起一般放題任食差太遠啦