大將 (已結業)

端午節長假期當然要食餐好，所以選了比較貴的美國SRF和牛任食放題，週末價錢是$228+10%。任食時間為90分鐘，和牛和豬肉是經店員下單，另外可於自取區取飲品、熟食和其他火鍋配料。除咖啡和汽水外，還有多款鴻福堂枝裝飲品。我攞了一樽菊花蜜，甜度適中。友人說百香果蜜味道不錯，但很快已被取光了。炸雞粉漿不算薄，但勝在肉質腍，亦保持一定水份自取區各款食材也以透明膠蓋蓋好，感覺衞生。蔬菜種款多;丸類方面，我選了微辣的黑椒牛丸，貢丸亦真材實料。大將丸印有店舖名字，頗有心思。蕃茄海老湯底頗香濃美國SRF和牛色澤紅潤，肉質鮮嫩，encore之選。特選雞腿肉放湯中很久，但無損其嫩滑質感五花肉不算肥，但油香也散發於口中店員服務不俗，會主動加湯，亦會幫忙清理用完的碟。店內環境以日式風格為主，明淨舒適，會再來光顧。

A new and surprisingly high quality hotpot place at PopCorn.The environment of this restaurant is actually very clean and modern, unlike all other typical hotpot places which are usually dirty and wet. The interior has certain harmonious Japanese vibes and there are even automatic robots delivering dishes to customers, which is super fascinating and cute! Having robots as helpers, the waiters are not as busy and so they could deliver even more efficiently.There are a few soup bases to choose fro

好想打邊爐，在這夏日炎炎，有邊度好得過出街涼著冷氣舒舒服服打邊爐。係openrice見到有85折，即刻訂位同朋友仔試下。6:30pm到達，店鋪還未好多人，疫情下呢d一人一爐感覺好衞生，鋪面裝修都好靚座位好舒服，每位客人的枱上都有個架，可以在架的上面和下面都放上食物，這個設計很窩心，可以讓客人擺放更多食物。我們揀了美國嚴選牛，湯底是清湯，清湯湯底才能真正享受到肉的味道及鮮味。牛肉好靚好質好嫩，又無太多肥肉。自助部份蔬菜同菇類都多選擇，但最特別是它可以給你自製窩夫同軟雪糕機，仲有多款配料如朱古力和綿花糖得給你揀，小朋友玩得好開心啊呢樣，愉快的晚餐。

本身Book左星期五晚7:30 2位 但到場登記後 只係叫我係一邊等 會安排入座 但係等左15分鐘仍未有安排入座 反而現埸遲拎飛的客人都入左門面服務態度極差 希望能反映並改善安排

60分鐘午市定量放題🥓美國嚴選極上牛+富士蘋果湯平日去個60分鐘 唔算多人 夠時間食見到好多人都叫和牛，但自己一般所以叫左嚴選牛🐂一開始怕好多脂肪，碟肉好得 唔會好肥😍肉質都好蘋果湯啲蘋果好清甜，暖暖地食夠warm平日成日覺得90分鐘時間好少/好多人，個大將木色系環境好舒服，感覺去左日本😆落單之後大約幾分鐘內店員就會拿個銀色小鍋過去檯面😗但係等途中已經可以立即出去拿野食可以揀好多款野同野菜食!!我自己個人就好中意豆🌱菇同甘筍🥕都新鮮(推介下冬瓜~煮完好軟而且暖胃😚) 自己係甜品控 所以比較留意熟食同甜品類🍨(之前睇過但每次都好少人po🤣) 前菜同熱野:-有醃青瓜(好食開胃!)-和風玉子燒係甜甜地，好厚身juicy😛但係整體食落去係好凍😆個人建議可以放入湯底整熱更加好食🤫🗻- 紫薯仔好暖🍠細細粒當澱粉唔會食到好濟 好食!!- 另外有炸雞，白飯，炒烏冬同麵類丸子，個人一般唔健康野就唔食啦🤣( 雪糕當日只有雲呢拿味😖💧整體唔係creamy係類似比較thick嘅乳酪雪糕， 個人本身唔係好食雲呢拿，但係個thickness唔會太快融都唔錯🍨但係真心甜左少少，食少少就好🐣窩夫係糖同麵粉嘅集合體所以

位於將軍澳Popcorn li間”大將”成日都好多人食, 店內嗰架自動送餐機械人固然係一大賣點, 佢任飲飲食嘅自助區食物款式多又好食相信都係長期keep住多人食嘅原因. 🐂美國SRF和牛套餐 (HKD218@)橫掂唸住食牛shabu shabu, 就梗係揀美國SRF和牛set, 真係一人食多過2 round已經抵返唒. Order無幾耐就見到送餐機械人黎緊(都要店員拎落黎放枱🤣), 啲牛比想像中厚切呢! 要淥多一陣陣先食得而唔係薄到一hi湯底就熟個隻👍🏻. 食落牛味好香濃而且係一咬就食得好正!!🍴附近多係一家大細食, 個電子爐係build in喺木枱度非常安全, 無打瀉啲滾湯嘅危險. 但就要留意唔好掂個鍋…. 因為個鍋邊都ok熱.🍴Shabu shabu湯底都好緊要架, 我地li個”富士蘋果湯”同”博多味噌湯”咁特別搞到一滾起就忍唔住呷左幾口, 夠唒日式風味! 店員會不時留意住有無乾水(因為個鍋本身唔太厚底), 主動加湯, 都唔多需要舉手等人加. 🍴追加個碟肉係比第一輪嘅多ga, 好彩無一次過嗌幾碟jei.🍴90分鐘放題黎講又hotpot又有出面熟食/生料bar都幾緊湊完全係香港人節奏

好耐都無去過將軍澳揾野食啦，今次入到去見到呢間日式火鍋放題 見到門面裝修都好特別 所以行過去睇下餐牌😚行到面前職員介紹我哋 沖繩限定既阿古豬放題，我見平時火鍋放題 冇咩機會見過有阿古豬 咁岩又可以滿足下我咁耐都無得去旅行食野既卻望 咁就一於入去試新野啦😝咁我就揀左個沖繩限定阿古豬放題 蟹味增湯底入到去見到入邊空間都好大 燈光比較舒服。而食物放題吧既食物都好豐富 單單蔬菜類有就有20幾款 任君選擇 加分位係仲有我最鐘意食既秋葵 （因為好小火鍋放題會提供秋葵）😋😋而肉類方面都係來來去去日式火鍋放題既配料 最特別嘅係佢有一部窩夫機 可以自己DIY整甜品 呢個體驗相當之好😎 食物嘅方面 阿古豬真係好好味 但本身唔係食肉獸既我食左唔係好多就轉戰蔬菜類 最後自己DIY左個窩夫 加上濃郁嘅朱古力雪糕 咁就完成左今晚既晚餐離開嘅時候發現有一部送餐機械人 但係佢無送過餐俾我😂

同男朋友經過開將軍澳Popcorn商場，見到「大將」原來係食火鍋放題🍲，即刻流哂口水，心郁郁異口同聲話要試下佢👅！我地經過一番掙扎，最後揀左期間限定既沖繩山原島阿古豬set $198/位 (其實原本「期間限定」呢四個字就已經幾吸引，另外係因為同男朋友一直都好想去沖繩旅行，但疫情既關係未有得飛，咁就唯有試下大將個阿古豬先)沖繩山原島阿古豬放題set包括：當然就梗係主角阿古豬🐷、美國特上牛、美國嚴選極上牛、特選雞腿肉、五花肉同埋豚梅肉呢六種肉類我同男朋友都覺得阿古豬真係幾好味😋，而且呢個set性價比都幾高，有哂我地想食既豬肉同埋牛肉，整體上好正，好好食！(而唔係太食雞肉既我地都覺得幾滑，又幾好食)另外，男朋友見到有自製窩夫🧇大感興趣，話要show返兩手，哈哈，其實都無咩技術好言，不過又真係幾好味，好脆、好鬆軟，好味到食左兩大舊窩夫🤣 (火鍋放題有得自製窩夫🧇都幾特別，我地都覺得係個加分位) 我地食左兩個窩夫，一個係就咁加朱古力醬，另一個就加左朱古力雪糕我地強烈推薦大家整完個窩夫，可以加個朱古力雪糕上去食，一涷一熱既食法，幾唔錯，個朱古力雪糕仲好有日本🇯🇵既味道，好香濃、好香滑，令人真係好想

餐廳位於將軍澳，距離地鐵站路程只需要五分鐘左右，地理上十分方便快捷，餐廳位於大型商場之內，內裡中央冷氣十分充足，絕對是舒適優越。 食物方面，餐廳主打的也就是一人一鍋，而我這天品嘗的更是他最高級別的，選擇這個全因為一向也喜歡吃和牛的我，這次終於可以品嘗得到美國和牛s r f ，湯底方面，也有很多不同的選擇，可以說是各有特色，另外，任飲任食，當然絕對不會少了飲品，飲品方面，選擇極多，但當中令我最驚喜的就是居然連凍朱古力也可以即叫即做， 沒想到科技真的令 人進步起來，整個餐飲業也因此而強大了。

TKO呢間大將自佢開幕以來我同朋友都嚟過好多次，貪佢嘅食物水準唔錯，價錢公道，而且係我哋最鍾意嘅任食一人一鍋，自私食，唔使爭。我哋嚟通常都係食美國SRF和牛套餐，至於湯底，我哋試過好多，例如昆布、麻辣、豬骨、壽喜燒.....今次特別啲，我哋分別嗌咗博多味增同埋富士蘋果湯底，兩個嘅味道都唔錯，想試新野同特別啲嘅味值得一試，尤其富士蘋果湯底嘅味道清新。來到大將店員會首先為你奉上牛豬雞各一，至於其他蔬菜、丸類、年糕、麵條、小食等等就喺出邊任拎。出面仲有自助飲品和自助雪糕和甜品，喜歡嘅仲可以自製窩夫，食物選擇種類算好多。小食方面最鍾意食佢嘅炸雞，尤其啱啱拎出嚟嘅時候熱辣辣脆卜卜，真係好好食。菜類我特別欣賞佢哋有豆苗，唔係度度都有得食㗎。肉類方面我當然主打食牛，美國黃牛嘅牛味特別重，而且唔肥，唔會整到個湯底油晒，係我嘅至愛，每次都起碼食四五盤㗎 ！至於佢嘅五花肉好爽口，食得出好新鮮。雞肉亦都非常嫩滑，係朋友嘅至愛。呢度好特別，佢哋有陣時會用機械人送餐，機械人喺店入面好繁忙咁行嚟行去送肉，又真係唔會撞到人㗎喎，仲會讓人行，真係一個乖乖好幫手。食到最後我一定會去整窩夫，其實做法好簡單，只需將佢預先預

第一次去試呢間！訂咗位，但入座遲咗15分鐘先比位！服務有待改善，啲服務員長期唔知去咗邊，出菜又遲！大家可以知道，咁邊足夠時間食⋯食物質素好!啲肉同出面啲野食可以！似日式火鍋！如服務上有改善，時間上為120分鐘，應該幾好

今日去咗將軍澳到行popcorn 行完之後買咗好多嘢就搵咗呢間大將餐廳到坐低慢慢享受我嘅晚上啦入到去感覺環境好闊落座位間隔亦都非常之遠都幾舒服餐廳用上送餐機械人 送餐時間上更加節省而且更高效率而且食物嘅選擇非常之多除咗有一般嘅蔬菜之外仲有我最愛嘅甜品吧有雪糕或者自製窩夫任食 飲品選擇亦都非常之豐富除咗有樽裝嘅飲品之外仲可以自己沖製朱古力茶奶茶咖啡等等啱曬唔同嘅人士 之後店員就畀咗肉嘅頭盤我地 有澳洲和牛同雞肉 和牛真係正 油脂非常之豐富 而且牛肉味都好重 食落口感彈牙得黎又軟滑 雞肉就同出面食到嘅差唔多 冇乜特別呢個餐仲可以加美國srf牛肉 雖然油脂無澳洲和牛咁豐富 但係牛肉味就比澳洲和牛更加重 一眾牛肉控萬勿錯過到最後就係食甜品嘅時間 我哋食咗原味窩夫加雲呢拿雪糕 有好重嘅蛋味 加上唔同嘅配料例如粟米脆片等等 口感層次可以自己調較 值得一讚

抓緊時間，離炎夏仲有一段日子，約了朋友去Pop corn打邊爐。今次係大將日式火煱。入去前同朋友選了澳洲和牛放題，湯底點了富士蘋果湯同博多味增湯。個set主打牛有成四種，分別澳洲和牛，美國SRF和牛，美國極上/特上牛。另外仲有豬雞，如五花肉，豚肩同雞腿，方便大家口味。入門口右邊有小賣場，直入就係餐廳。沿途佈置主力用布绢同竹籠燈，鏡子營造空間，又有日本pop songs 做bgm, 同朋友談心事一流。坐低冇幾耐就有澳洲和牛食啦。可能covid 關係，有送菜機械人，拎完幾碟肉後按"送完"，佢有隻貓笑臉,好得意。和牛同蘋果湯幾夾，上下三十秒燙熟，再點d袖子醬油，真係老套d個句，食牛有牛味。好鮮好滑又好嫩。我地就叫曬四種牛試，都係覺得澳洲和牛最正，肥瘦得宜，入口滑溜。豚肉同雞都好味，不過我地偏好牛。食肉食都咁上下，去阻自助bar,有熟食，甜點，菜同飲品。菜都好新鮮，驚喜係佢地有水耕豆苖。我地都試食阻玉子燒，吾錯，係日式甜甜地口味。之後仲整阻雙色窩夫夾朱古力雪糕，冰火兩重天。飲品方面都多野揀，有汽水，凉茶和咖啡。咖啡偏淡口，飲多兩抔都吾驚。

今天很想打邊爐，就去了將軍澳POP CORN商場的大將，因為想食放題。晚上七時正去到，好釆有最後一個位，不用等。90分鐘放題套餐方面其實有５個選擇，我叫了澳洲SRF和牛套餐$258一位，湯底選了濃厚的味增湯及香甜的蘋果虫草花湯。座下來等送餐機械人來送牛、豬及雞後，就出來拿手鍋配料。其實都好多選舉，菜類都有一個section，生菜、雞比菇、蕃茄、栗米等都有，另外有一section放丸，而且還有炸雞。澳洲SRF和牛有細緻的油花，也有濃濃的肉味，有黑安格斯牛味濃郁，亦有和牛嫩滑油花均勻的口感。最後仲可以食個甜品！

疫情稍為緩和，又可以四出搵食了。見呢間開咗好耐，一直都好想試，佢又有個超市貼住餐廳賣番你陣間食果啲肉，令人更想試。睇咗一輪揀咗食美國SRF和牛套餐。湯底揀咗最新果兩款（兩個人，一人一鍋，十分方便），即富士蘋果湯同埋博多味噌湯。先講自己個富士蘋果湯湯，真心香，開始滾果陣一陣陣蘋果味湧埋黎，令人有開胃嘅感覺。個鍋用呢款矮身啲嘅，感覺易夾嘢啲。矮身其實好快唔夠湯，但侍應們好留意食客啲湯量，全程我都未試過忍唔住要叫加湯，佢地就加咗，值得一讚。講肉之前講埋呢個碗，一見到忍唔住影低咗。食親邊爐嘢，食食下隻碗實成兜汁，結果越食啲味越怪，通常都會拎多個碗倒起啲汁，但畫會影響食欲。呢個碗連埋個隔，真心正。多餘嘅汁落哂碗底，啲嘢食保持原汁原味，又唔會見到啲剩汁，正！等湯滾同埋肉黎嘅時候出去走一轉，丸/菜嘅選擇都唔算少，菜果度幾驚喜有萵筍，丸果度嘅芝士豆腐同埋仿魷魚片極值得試。醬汁都幾特別，味噌芝麻汁係我自己最鐘意嘅，柚子昆布似平時醬油汁，有少少柚子味加少少分。鐘意芫茜嘅朋友就唔可以錯過佢嘅椰子芫茜汁了，我自己唔特別好，但三種醬汁交替咁用黎點肉感覺相當正。嘢飲方面有汽水機，裏面都多選擇如橙味雪碧，亦有清熱下