大圍小館

营业中

休息中

「大紅燈籠高高掛」一定是這間大圍小館地點的標記。從大圍站行到積福街不難看見餐館前的大量紅燈籠。經朋友介紹這店的叉燒是招牌菜。今天一行四人入座後就不約而同建議點一份大叉燒。除此之外，我們也點了安格斯牛仔粒、腐乳蝦球炒西蘭花、籠仔蒸蟹飯和蓮藕餅。首先，香噴噴的叉燒大大份上枱，分量好比西餐廳的成分豬仔骨，名副其實「斬嚿大叉燒」，叉燒色澤均勻，豬肉味香又濃，每人可分兩至三嚿。叉燒啖啖肉，甜甜蜜汁提升叉燒的吸引度，叉燒汁撈飯一流！安格斯牛柳粒配薯仔粒，薯仔粒炒至外脆內軟，甜甜的好美味。這套小菜絕對是下酒佳餚，不容錯過！腐乳炒蝦球西蘭花，久違的廖孖記腐乳，經廚師「化腐乳為神奇」做出美味的腐乳蝦球。蝦球不但大隻，而且爽口彈牙，從不知道腐乳和蝦球能互相輝影，美妙的配搭！籠仔蒸蟹飯上枱已傳來陣陣蒜香，店員打開籠蓋，蒜蓉味和蟹味撲鼻，未食已留哂口水了！原隻肉蟹賣相吸引，蟹肉鮮甜，米飯完全吸收蟹肉甜味和蒜香味，加上底部有一片大荷葉，蟹肉飯更添滋味。蓮藕餅：平日在家做的豬肉餅都是絞碎的，但這兒的蓮藕餅是經人手剁成，肉質果然不同。除了豬肉多汁外，蓮藕餅厚薄適中，將豬肉配合蓮藕製成肉餅煎炸，香脆可口。這店還有很多

第一叉(全份)：叉燒，是香港最具代表性嘅特色食物之一。相信大家一定吃過，「香噴噴的肥瘦叉」都是很多老饕的口水之選。肥瘦相配的梅頭肉配上秘製醬汁醃製而成。從上可見，叉燒肉嫩多汁，燶邊焦香、色澤鮮明，而且入口鬆化，香氣四溢，無論你喜歡或不喜歡叉燒，這道是必選菜式。蜜薯安格斯牛柳粒：蜜薯·顧名思義即是蜜味甜甜的薯仔，薯仔切粒一口食得。加上給受牛柳粒的香牛味更令人愛上。安格斯牛柳粒的骰，不但重牛味，而且牛肉質感軟熟兼有咬口。香濃腐乳炒蝦球配西蘭花：大大隻蝦球像寶石一樣，晶瑩剔透，烹煮後仍肉質肥厚，鮮甜香滑再加上本土老牌廖孖記腐乳的濃濃豆香味，真是用料講究，帶出了多層的味覺享受。薑米蒜香龍仔蒸蟹飯：籠仔蒸原隻肉蟹已經氣派十足，配上薑咪蒜香的飯，一邊吃到姜蒜香味之外，一邊吃到蟹肉鮮甜的味道，可算是吃飯的最高層次享受。肉蟹新鮮，肉質結實鮮甜。這道亦是廚師推介的招牌菜。不得不提的是飯量十足，足夠四人分享。手剁蓮藕餅：主角竟然不是蓮藕，而是搶盡風頭的豬肉餅。豬肉餅經手剁後，將瘦肉部分仔細切成幼粒即可保存豬肉口感及肉汁，保存當中肉香跟細膩的口感，令肉質更富彈牙口感。當然，蓮藕清甜爽口，和多汁的豬肉餅配合得

出門吃飯消費四件事，食物、服務、環境和價錢，四大因素會影響經營者的心血，原本一心去支持小店，看見這間小館真心制作的宣傳，作為沙田友今天帶同一家有太太、兒女、公公和婆婆六人吃午飯，點了一份四人餐有1. 例湯（湯渣裏的豬肉點豉油好食）侍應很細心的幫忙分了六碗2. 第一义 （小朋友吃會覺得大嚿，太太吃略嫌甜）3. 蜂巢芋角 （好好味的芋蓉， 不油不膩）4. 鳳爪 （正常）5. 粟米斑塊 （不腥魚肉，外脆內軟）6. 鳳梨生炒骨（阿女一向喜愛這菜式，不過這裏做得一般，肉太瘦而粉漿太多 ）7. 椰汁紅豆糕 （有果皮味而不澀，好味）另外再加上鹹水角（好味）、煎糯米雞（）、灌湯餃（一般般）整體味道還是不錯的，但是這裏的價錢可以和中價的中菜廳媲美 不過一間成功菜館除了味道出色還要配合員工服務態度，舒適的環境和合理價錢，決一不可走進食館時服務員已提示我們用餐時間1小時15分鐘，但當我們用餐到一半時突然身後出現兩位港媽閒聊的聲音，如果是食客，我絕對無意見，但原來是正在等位的食客， 越講越大:， 有點感覺好像要趕我們離開，心裏絕對不是味兒， 最後我們還沒有坐夠一小時便離開:我很想指出一點， 成功嘅菜館絕對不是

一直經過呢間大圍小館都覺得D 燈籠好搶眼好靚, 好想入去試下~ 呢日終於如願以嘗! 估唔到食物既質素都真係有番咁上下水準! 我地叫左半份第一叉, 京蔥爆牛肉, 薑米蒜香籠仔蒸蟹飯, 腐乳炒蝦球伴西蘭花, 真係食到超飽! 第一叉真係必叫, 我未試過食咁厚既叉燒, 佢厚得黎唔乾,油脂分佈好靚,食落個口充滿左油香! 不過食3舊真係岩岩好, 再多都會膩hahaha~ 可以有半份叫實在太好,兩個人食岩岩好, 3個人就會爭食! 京蔥爆牛肉又係估佢唔到咁入味! 真係每條京蔥都充滿住醬汁! 食落口有好香濃既醬汁同牛味! 牛肉既份量一D都唔少! 食到啖啖肉! 食到我地lamlam利! 腐乳炒蝦球伴西蘭花唔叫真係唔知原來腐乳同蝦球都可以咁夾! 腐乳落既份量岩岩好, 唔會太重手搞到好咸,但又唔會唔夠搞到唔夠味, 呢個份量簡直係perfect! 薑米蒜香籠仔蒸蟹飯真係超正…. 成隻蟹好多肉…個飯仲鋪滿金銀蒜…好食到好誇張! 個金銀蒜令成個飯勁香, 仲有蟹既鮮味, 兩個人都KO哂成籠!!! 前菜既雲耳同埋合桃都好好食, 合桃簡直超哂班!!!!! 最後仲要送個糖水同椰汁紅豆糕,真係夠哂完美! 食到個肚都就爆開ha

同屋企人食飯, 梗係揀食中餐, 咁就一定岩佢地口味之前睇到報紙報道, 話呢間中菜館唔錯, 於是就BOOK左位餐廳環境好唔錯, 地方夠乾淨, 枱同枱之間有一定距離, 唔會好迫, 中間放左一大塊膠隔住兩張枱, 可以食得好放心呢間餐廳既食材都見到係落過心意去研究, 有平時出面食唔到既口味, 夠晒新鮮感, 店員都好樂意去介紹D菜式仲有要讚下佢既前菜, 黑木耳辣辣地好醒胃, 個合桃都好好味, 我揀左以下食物:沙薑鮮雞: 店員話係用本地農場供應既雞, 農場每日新鮮屠宰, 之後送黎餐廳, 所以係限量供應, 隻雞用沙薑蔥配, 一啖咬落去, 肉質真係好鮮嫩! 怪味蝦球伴西蘭花: 呢個蝦球都係好受歡迎既菜式, 原來怪味姐係柚子味. 食落有淡淡既柚子香. 蜜薯安格斯牛柳粒: 安格斯牛柳粒煮得岩岩好, 唔會UN, 仲有牛味, 另外呢道菜既薯仔都好出色! 薯仔外皮好香脆配上蜜汁既甜味, 好正黑松露松子仁蛋炒飯: 炒飯炒得夠乾身, 仲要粒粒分明, 黑松露調配得幾好, 唔會好濃烈, 松子仁仲增加左碟飯既口感最後食埋個椰汁紅豆糕, 有陳皮既香味, 店員話係用左15年既陳皮整, 真係好有誠意同屋企人食飯, 揀呢間餐廳

【Tai Wai 大圍：隱世但絕不低調既廣東菜】大圍既高質小菜大發現！當你經過積福街，望到紅紅既燈籠，加上一個大大既金漆招牌，你就會知道你到左大圍小館啦～ 一間真係值得一試再試既中菜館。Found this hidden Cantonese restaurant that tucked away in Chik Fuk Street that serves authentic, delicious cantonese dishes 🥰1️⃣ 金沙鮮魷 Deep fried squid with salted egg yolk 其實只要見到金沙兩個字，已經會雙眼發光🤩 鹹蛋黃裹著香酥既脆皮，入面就係鮮味彈牙既魷魚，味道一流 🤤Anything with salted egg yolk is sedap ~! When you bite on it, you will first taste the salted egg yolk coating, then the crispy golden batter, last but definitely not least - the pleasa

誠意推介鐘意粵菜既朋友！今日同豬先生加朋友尼到衣度晚餐，平時最好book位，星期六日基本上一定要book一坐低有兩份小食，合桃好脆，雲耳都好食叫左半份第一叉，個人認為係必點因爲真係好正！叉燒係厚切，好juicy,完全唔會覺得乾身，而且厚切關係口感非常好，未食過既真係要試下之後係香濃腐乳炒蝦球伴西蘭花，岩鐘意重口味既朋友，腐乳味好出，蝦球好大粒，都好多西蘭花豉油王鮮鵝腸又係好好食，中意鵝腸既朋友唔好錯過，好爽，真係唔係間間都食到咁爽！一d都唔咸，個底仲有好多芽菜，好好食最後係薑米蒜香籠仔蒸蟹飯，岩4個人分享，因為真係好大份，隻蟹好大，好多肉，個飯好香，配埋薑，蒜茸同蟹膏真係好正甜品係木瓜雪耳糖水同紅豆糕，糖水甜度剛好，感覺好滋潤，非常足料。紅豆糕好清甜，岩哂紅豆控

七点半左右到达餐厅，但全场爆满，只好在店外等候。职员一直强调已有人埋单，很快有桌子，结果还等了半个小时，有点无言。餐桌收拾好才入座，枱布和餐具尚算干净，点菜后等了一会就上菜了。没有点贵价的菜式，下单的都是家常菜。三杯鸡用砂锅上，上桌时还听到吱吱声，有点像啫啫鸡的做法。调味是很惹味，但鸡味有点淡，味道一般。煎焗鱼头是大鱼头，肉质较嫩。但油太多了，吃下去感觉会有点腻。梅菜蒸肉饼用的时间较多，所以是一最后一个上桌的菜。砂锅生菜很不错，加了少许腐乳令菜更入味。餐厅的味道不过不失，经过时可以一试。

今日探朋友去咗大圍， 然後晚飯就同佢嚟咗呢間大圍小館，其實我幾鍾意呢間餐廳，因為佢清潔同衛生做到非常充足 。 而且坐得舒舒服服， 每張枱都有一塊透明膠墊去隔住每一台 。佢哋有自家製嘅小食提供，係我鍾意食嘅合桃同雲耳， 呢個雲以我覺得最好食因為辣辣地適合我呢啲鍾意食辣嘅人 非常唔錯好食過某一啲酒樓嘅小食。 講返正題， 咁我order咗以下小菜：沙薑雞半隻: 聽朋友講呢一間酒樓係用咗元朗100日嘅走地雞， 咁我食落去都食得出雞嘅鮮味而且最特別嘅地方就係佢啲沙薑已經醃製咗落去個雞度，所以啲沙薑味係雞肉度出曬嚟， 非常之入味所以其實呢一個沙薑雞係佢哋嘅招牌菜，鍾意食雞嘅人一定要試。意大利黑醋肉排: 佢地用咗意大利五年嘅黑醋去烹調。 呢個肉排我覺得同隻走地雞一樣咁好食，而且佢最特別嘅地方就係個醋唔係話太酸而有甜味，另外就係肉排鬆軟， 成個汁已經 入曬落個肉排度所以啲一個肉排嘅都我推薦小菜之一。怪味蝦球伴西蘭花： 其實呢一個蝦球西蘭花一啲都唔怪，佢個蝦球用咗黑椒去烹調， 所以食落去啲黑椒味道出曬嚟 ，而且蝦球大大嚿之餘，佢個蝦肉亦都非常之爽口， 對於鍾意食蝦的我就自然覺得非常之好食啦。 另外佢個西

好耐之前已經食過依間知道好好食，所以一嚟開大圍附近就即刻帶埋朋友嚟食！一睇menu真係花多眼亂，好多野都想食！最後四個人都叫咗四道菜。豉油王鮮鵝腸（$188），超爽口，食落口感勁似食海蜇咁，味道又唔會酥。第一叉（$188），依到嘅叉燒係好多人推介嘅，果然係名不虛傳！啲色好靚，個肉係好滑同好多汁。薑米蒜香籠仔蒸蟹飯($258)，成隻蟹係哂到！隻蟹幾鮮甜，都多蟹膏。個飯似平時食海南雞飯嘅油飯，再配埋蒜食真係不自覺食多左好多飯。啫啫唐生菜煲（$118），一上碟已經好香蝦醬味！惹味之選。最後有埋甜品食，好滿足，個椰汁紅豆糕好好食！好多紅豆粒，椰汁味香又濃，幾飽都食哂佢！依間絕對會經常幫襯，選擇多而且好味，性價比都好高！

平日晚上七時到達，已有兩三組在等候。見菜式挺特別，就來等等試試看。等了約15分鐘，入座點了雙面黃，脆口，一點也不油，好吃。再來是一字骨，挺特別，只是有點覺得太乾。接著再點一個蟹肉甫蛋，但吃不出蟹肉，不推薦。

平時好少黎大圍，但朋友介紹依度有間高質中菜館，所以一於黎試下！餐廳環境舒服，防疫措施都做得幾好，枱同枱次間都有透明膠隔住，安全得黎又唔會有壓迫感。前菜有木耳同合桃，木耳有麻香味，唔算好辣，合桃表面有蜜糖包住，甜度岩岩好，而且合桃香脆，真係食唔停口！第一叉$188侍應推介既招牌菜之一，有天下第一叉美譽。叉燒非常厚切，肥瘦適中，肉質嫩，同平時出面食既真係有分別。香濃腐乳炒蝦球伴西蘭花 $168蝦球大大粒，爽口彈牙，腐乳味唔算太濃，反而更突顯蝦既鮮味豉油皇鮮鵝腸 $188平時唔食鵝腸既我都覺得幾好味，鵝腸爽脆，有啲似食緊海蜇，豉油用左大孖豉油，味道香濃唔會得個咸字！啫啫唐生菜煲 $118生菜煲一上枱就香氣撲鼻，生菜好爽脆，而且用左蝦醬炒，好惹味！薑米蒜香籠仔蒸蟹飯 $258差唔多每枱必點菜式，隻蟹好大隻，蟹肉鮮甜，而且都幾多膏，飯用薑同蒜炒過，唔會好笠，啲飯粒粒分明，好香蒜油味，而且吸收左蟹既精華，好鮮味！雖然食完咁多餸都有啲飽，但都忍唔住再食多幾羹飯😂最後仲有甜品，椰汁紅豆糕同木瓜雪耳糖水，紅豆糕有大大粒紅豆，好軟冧，椰汁味好香，糖水滋潤清甜，好味！

大圍出名多好嘢食，夜晚6:30大圍小館已經fullHouse，門口仲開始有人排隊，佢嘅實力可見一斑。餐廳內裝修光猛，格調高雅，侍應服務好周到，唔講仲以為去咗酒店食中菜。一坐低，就有兩碟餐前小食（後來睇返張單，餐前小食冇額外收錢㗎，抵讚！ ）琥珀合桃作為餐前小食，呢一個我比滿分。脆卜卜的合桃面頭塗上金黃色蜜糖，入口香脆而且香味十足，唔使3分鐘我哋已經食晒。麻辣黑木耳黑木耳用上黑醋及麻辣香料腌制，好惹味，唔會好辣，但麻香十足，食得過癮。到正餐啦！每碟餸都好高水準～賣相精緻但唔細碟，我地2個人叫咗3餸一炒飯，飽到托住個肚走怪味蝦球伴西蘭花 $168用上日本嘅柚子胡椒鹽嚟炒蝦球，配搭特別得嚟又幾夾，一啲都唔怪！柚子胡椒有一種獨特的鮮鹹味，同海鮮嘅鮮味互相配合得好好，柚子嘅清新亦令整碟餸層次多咗，比用蝦醬炒來得特別，亦更能突顯海鮮嘅鮮味。鍾意日本柚子胡椒嘅人一定要試！蝦球好大粒，入口彈牙。推介！沙薑雞 半隻$228侍應話我知，為著食客健康著想，佢地好氹本咁用上本地無激素雞百日雞，可以放心食。百日雞即係啱啱成年，所以size會比較細，但係肉質會比較嫩。入口肉質真的超級鮮嫩，即使食到雞胸位置，依然

從報上得知這間小店,知道老闆有心經營,疫情下沒有炒人或減薪.支持一下.點了第一叉,厚切,肉質鬆軟.例湯是牛肝菌蟲草花煲豬骨,用料十足,鮮味.豉油皇鵝腸,用大孖豉油.不會太鹹,鵝腸新鮮爽脆.值得推介大分菇柚皮.從未食過咁有菇味的冬菇.柚皮用食到心機。整體來說,食到廚師的用心及實力.店員服務親切,也會勸喻”應該夠食”,在餐牌上看到兩款8人餐,雖然價錢不太親民,但看看菜式,很多外面其他地方不能食到的東西及上乘用料已值回票價！

來過幾次飲茶，點心每期轉。其中不乏傳統點心，坊間都難以尋找。近期試佐荷花酥，外形精緻考手工，食落有椰蓉香，糯甜，淨係外形都贏曬！！ 必叫松子仁叉燒包又好正，新鮮滾熱辣，叉燒玫瑰酒香味撲鼻而來，酥皮酥脆，外脆內熱多汁，好正呀！！！腸粉都唔錯，試佐鬼馬得意腸，脆卜卜，味道豐富，好特別！ 椒鹽九肚魚新鮮熱辣辣炸出來，裡面嫩滑鮮美多汁，火候一流，也是每次飲茶必點。總體而言，環境裝修優雅古樸，傳統簡約，地方企理乾淨，服務員手腳麻利 ，總的用餐感受不錯，值得推薦。