大圍小館

营业中

休息中

中秋節同屋企人去大圍小館做節飲茶媽咪唔小心留低左電話夜晚先發現大圍小館員工好誠實好盡責幫我地Keep住部電話攞番個陣仲話係佢地應該做嘅非常有禮貌食物好味唔會太濃味坐得又舒服每張枱中間有防疫膠隔住食得安心值得一去再去

去開大圍攞嘢，順到去搵吓美食。呢間都幾驚喜吓。 首先好想推介嘅係呢款炸鮮奶球，小時候的家族飯上都會叫的一個菜式，但我一般都不太願意食，因為很多時都會有一陣奶騷味。太多年沒吃過，所以現在都唔係到處有得食，所以就叫來試吓。都幾有驚喜。鮮奶球咬落去口感不油膩，淡淡的甜味恰到好處，最緊要係無那個我不喜歡嘅奶騷味出現。但一定要快食，凍咗口感會無咁好食。而且呢個菜比較膩，見意多抓幾個朋友一齊食咁就可以食多幾個餸。 羅漢齋雖然好多地方有得食，但要好食亦不容易。南乳味同咸味不會過濃，恰到好處，亦無煮過龍，蔬菜仍然保持住翠緣，不用因為太咸而硬要配上白飯。 椒鹽金菇，呢啲炸食，雖然比較熱氣，但出黎食就當然唔理得咁多，能夠引出筷子不停夾嘅送，呢個餸一定做到！不算太咸，可以當薯條咁食。而且菇嘅香味仍然保留住！ 有機會過開去大圍，不防試吓啦！清潔度亦高，現時疫情關係，佢哋每張枱都用大大片由頂落地嘅透明膠片分隔。用具及環境衛生亦都非常滿意。

聖誕節，一般人嘅慣例都係食西餐，而小妹同姊妹們則喜歡反其道而行。平安夜呢晚，我地特登揀咗食中餐，果然真係唔駛同人逼啊！！估唔到大圍都有高級嘅中菜館，小妹都係第一次嚟幫襯。由於小妹早咗到，等緊佢地嘅時候就揭吓個餐牌睇下有咩想食啦！嗯。。每道菜嘅價錢都幾貴喎。。因為我地得三個人，怕食唔曬，所以就嗌住四味餸先，唔夠再追加。我地點咗蒜香無骨魚、金銀蛋浸時蔬、三香籠仔蒸飯同埋紅燒豆腐！小妹覺得蒜香無骨魚最好食，每人都有兩枝咁上下，魚肉嫰滑，魚皮炸得香脆可口。籠仔蒸飯就比較普通，飯粒較乾身，有些少蝦米魚乾仔咁樣樣，索價$188就稍為貴咗啲啦。至於金銀蛋浸時蔬同紅燒豆腐都只係一般水準咋。

試一試由前米芝蓮主廚製作的「第一叉」。我和網友抽中試食「大圍小廚」的第一叉，由前米芝蓮主廚製作的叉燒，所以就用換領券去換領試食裝，每人有半份，份量都算幾多，我今次都是幫網友領取埋，外賣返屋企。首先地點真的很方便，大圍火車站2、3分鐘就到店了，去到見到其實係一間中式酒樓，店內都差不多坐滿人，即是食物應該都有返咁上下質素先會有咁多人仲係疫情期間來幫襯啦。雖然只是外賣4份叉燒走，但都是和其他食客一樣要輪住等，都等左一陣，可能都是等左大概8-10分鐘左右，見廚師拎住4份外賣叉燒出來找樓面的店員幫手，店員都好有禮貌咁問我想分4個袋裝定係一袋裝2盒，我就叫佢分2個袋裝。每份都是用外賣的透明飯盒住，個外賣袋又剛好裝晒2盒，個尺寸真係好fit! 拎到叉燒當時係熱的，但我們打算到晚上食飯時先享用，所以放涼晒。每份叉燒都色澤好靚，放涼之後色澤依然咁靚，燶位唔多，而且大部分都是瘦叉燒!只是偶然有1、2塊肥少少，而且仲係厚切的叉燒，一塊的厚度約等於一般2塊的叉燒咁厚，食落淡淡肉好滋味! 而且味道適中，不會好咸，就咁空口食都可以! 有質素的叉燒真係好食啲!

帶爸爸媽媽食飯真係好多野要考慮！佢地鍾意食中菜多，又怕新野唔鐘意！今次近近地！係大圍搵左間中餐同爸爸媽媽食！呢度環境夠大夠舒服！仲有我最鍾意食嘅涼伴苦瓜做前菜！正丫！我丫爸最愛食雞！呢到既係本地農場冇激素100日雞！食份口好滑好有味！唔會有雪味！又唔會有血係份面！好新鮮好香！啖啖肉！我自己就好鐘意呢個日本大分菇！我本身都好鐘意食菇！呢個菇唔只夠大，仲好香好有味道！就咁食佢都好夠味！蔥爆牛肉，係一道平時成日食既菜，但係呢到抄得不一樣！

同老人家食飯緊係要去食中菜啦！佢地又開心！我自己又鐘意食！日本大分菇雖然係菜既主角，但係佢既鵝掌都好好食！好入味！本身鵝掌好軟身好林，仲要煮得好入味！食到有日本大分菇既菇味！叫左個白切雞！職員介紹係本地農場冇激素100日雞！呢到食又抵又好味！冇激素本身都比較貴，再加埋呢個係100日雞，啲肉係最嫩滑最有彈性！食到最後再加碗喳咋好正！佢唔會好甜！但又好有味好足料！我一定要同女朋友再黎多次！佢一定好鐘意食！

有時餐廳就會讓你有種相逢恨晚的感覺，大圍小館一定是其中之一。中式裝潢，一張又一張的圓桌，無論一家幾口來吃飯還是像我一樣和友人兩個來吃個便飯，都坐得十分舒適！餐廳的部長（經理）招呼我們坐下後首先問我們喝什麼茶，聊起天上來我們就問他有什麼好食的推介。部長明顯對自己的自家菜式十分有信心，先問我們有什麼不吃/ 特別想吃，了解完後，二話不說就給我們推介了幾款小菜。我和友人便安心的坐等佳餚。首先上桌的是他們的招牌菜：天下第一叉（燒），果真名不虛傳！叉燒厚切，但肥而不膩，是在任何地方也沒有吃過的叉燒味道和質感！十分值得推介！然後上的就是他的啫啫唐生菜煲和香濃腐乳炒蝦球伴西蘭花，兩款菜都好惹味！最推介既係佢既蒸蟹飯，一定要試！一定要試！一定要試！👍🏻👍🏻 有機會一定要encore!! 😍👍🏻

大圍必食的中菜，有呢間，小菜館的格局。鐘意佢餐牌款式夠多，當中好多亦係自家創作的，驚喜滿滿。頭盤小食，非一般的花生魚仔噃！琥珀合桃- 合桃焗得好鬆脆，糖衣外層配上芝麻，真係會令人食唔停架！醃涼瓜 - 集合甜酸苦於一身的醃涼瓜真的第一次食，竟然好香涼瓜味，好味喎！同合桃一齊食，都幾夾架！天下第一叉 （半份 $108）厚切的叉燒，係傳說中嘅半肥瘦呀！鍾意佢嘅叉燒汁，好蜜味好香，必食！厚切得來好淋，啖啖肉有口感 香濃腐乳炒蝦球伴西蘭花 $168師傅話用最左名牌腐乳「廖孖記」入饡，非一般平價貨可以比拼。果然食得出腐乳夠綿滑，豆味濃而且咸甜辣的比例控制得好平衡。大大隻爽脆蝦球，每一個位置都 carry 到美味腐乳，口感彈牙，非常過癮。籠仔甜梅菜蒸菜心 $128嫌普通灼菜太悶，專登叫D特色野，甜梅菜+籠仔＋荷葉，蒸出來的菜芯特別清甜好味，成件事即刻高級左。心多多大魚塊 $168啖啖肉的炸魚塊，粉好薄好酥，炸完都係白雪雪而且唔油膩。有兩款醬汁可以選擇，分別是甜酸汁及粟米汁。兩者之間我覺得蛋花粟米汁好味D，粒粒粟米濃芡汁，加入新鮮脆口的魚塊，冇得輸。桂花白涼粉濃濃桂花味，配上有口感的白涼粉，透心涼又滋

今日嚟到大圍，試一試呢間中菜廳，一行4人點了6款招牌菜。 餐廳環境舒服乾淨，枱與枱之間都算闊落。店員服務態度好好，食野期間都換咗三次骨碟。第一叉(全份) $188我既至愛叉燒，梅頭肉，肥瘦適中， 一層層肥瘦，甜甜地，燒到帶少少燶，口感軟腍，非常好食。香濃腐乳炒蝦球伴西蘭花 $168佢哋嘅腐乳係用老字號廖孖記，非常香濃，喊香豆味重。 蝦球爽脆彈牙，唔錯。大孖豉油雞半隻 $228香港走地雞，雞皮薄，脂肪少，雞肉嫩滑，雞味重。啫啫生菜煲 $118呢個菜雖然價錢有啲貴，但好有驚喜，非常有鑊氣！ 生菜好爽脆！ 加左蝦醬炒， 鹹香味十足！柚蜜咸檸骨 $138醬汁係用韓國柚子蜜同陳皮檸檬整成，甜甜酸酸咁非常開胃，而且每件排骨都好大件，食落都好香脆。薑米蒜香籠仔蒸蟹飯 $258隻蟹好多膏，蟹肉新鮮，下面荷葉飯份量好多，有少少薑粒炒過，每一啖飯都有淡淡蟹肉咪，仲有少少蒜油， 惹味香口。最後甜品埋尾:桂花伴白涼粉椰汁馬豆糕 椰汁紫豆糕杞子桂花糕糕點好好味，唔會一吉就散開。

成條積福街最搶眼應該係呢間大圍小館, 因為門口掛滿哂大紅燈籠極有中國色彩🏮即時諗起以前嘅萃華同楓林小館😆一入門口裡面嘅裝修一樣中國風簡約又舒服👍🏽前菜小食係冰鎮話梅苦瓜同琥珀合桃用蜜糖烤焗出來晶瑩剔透, 外層加上芝麻香脆惹味🤤第一叉（叉燒）：我諗可能係成個大圍最好食嘅叉燒！微微燶香同炭火香氣夾雜著蜜糖香味！厚切半肥瘦咬落口極有口感, 不愧叫做"第一叉"🉐冰梅欖角骨：酸酸甜甜好開胃！加埋欖角，佐飯一流👍🏽大孖豉油雞：用經營半世紀嘅本地品牌大孖醬園嘅豉油🤩雞肉滑嫩，豉油味香濃又唔會太鹹👍🏽攪到我都想去門市買返支😆日本大分菇伴柚皮：大分縣出產冬菇可以話係菇中貴族🍄進貢比日本天皇都係用大分縣冬菇就知道猛料啦😍菇味極香！口感較柔軟我鍾意！個人認為將菜名改做「柚皮伴」日本大分菇更貼切🤪薑米蒜香籠仔蒸蟹飯：隻蟹d膏多得誇張，米飯吸晒味好正呀😋😋最後甜品係桂花白涼粉🍧滿足的一晚🥰

大圍小館枱面前菜係苦瓜，雲耳，仲有個糖漿蜜桃從來都唔食苦瓜嘅我，梗係唔想食苦瓜啦，身邊朋友極度推介之下，食咗一舊，真係好特別！甜甜地，後面是苦苦地，但係爽脆👍🏻👍🏻👍🏻嚟到呢度第一時間食呢度嘅叉燒餐牌名叫做第一叉 $188肥瘦適中細心嘅佢一邊肥一邊冇咁肥食佢嘅叉燒已經想配一個白飯咬落佢嘅肉汁好似爆出黎咁側邊有燶邊，太吸引了吧！呢個生菜亦都係邊間店必食菜單名叫做出咗啫啫生菜煲🥬$118炒起真係超香！成間舖頭都聞到佢嘅香味仲有哥哥仲親自嚟同事我哋，感覺超好好友被照顧同埋重視嘅感覺哈哈！香濃腐乳蝦球配西蘭花係用本土品牌廖孖記嘅腐乳，一出嚟超香蝦球爽口彈牙腐乳豆香味好出仲有柚蜜咸檸骨重口味人最愛 柚子蜜糖做出令立立反光嘅感覺大孖䜴油雞係用本地生產嘅香港無激素雞！而佢嘅豉油配呢隻雞啱啱好，肉質好嫩。配有雞肝雞腎鍾意食內臟嘅人唔好錯過最吸引我驚係佢嘅豉油香，原來係用大孖醬園整嘅蒜香薑咪籠仔蒸蟹飯入面啲飯煙煙銀銀聽店長講，係首先將薑切粒，薑粒炒埋飯睇入面超多蟹膏，將佢撈落啲飯度佢啲飯都係靚野，喺絲苗每一啖口感都好甜品有桂花糕，馬豆糕同埋桂花糕仲有桂花白涼粉超重手嘅桂花桂花白涼粉唔會太甜，好清新透心涼

呢間係一間我幾鍾意嘅中菜，有古色風味，而且地點方便。先有前菜兩小碟：話梅苦瓜，酸酸地開胃！芝麻核桃，好香口，夠脆！店員推介蒜香籠仔蒸蟹飯，隻蟹幾大隻，蒜蓉香噴噴，蟹肉夠新鮮。而且入面仲有啲蟹膏。呢個蒸蟹飯夠鮮味，真係會不自覺地食多咗好多飯。而且蟹殼已經預先扑好咗，唔太難剥。叫咗叉燒半份，叉燒蜜汁夠香濃，有啲燒到燶燶哋，夠香口！半肥瘦，真係第一叉燒。金銀蛋浸時蔬，呢個清清地，幾健康，有鹹蛋、皮蛋及雞蛋。賣商金黃色湯汁，幾靚。食物樣樣都好食，唔錯！

餐牌有好多唔同嘅菜式，揀咗叉燒。因為好耐冇食過叉燒😛呢度嘅叉燒熱辣辣，蜜汁夠多，燒到嗰邊脆脆地，肉質夠林，肥瘦適中，好好食！另外叫咗沙薑雞。呢度啲雞係自家農場雞，所以雞嘅肉質特別好食。而且雞肉幾滑，沙薑味夠濃，好耐冇食過咁有質素嘅沙薑雞。腐乳炒蝦球，蝦球大大隻，蝦夠新鮮，肉質爽口！有腐乳香味，鹹鹹地，但又唔會過於濃味；而且仲有西蘭花，清清地。整個餸味道非常平均。甜品有桂花白涼粉，夠滋潤。白涼粉食落口感似啫喱，覺得幾特別。

成日經過大圍小館，今日第一次同屋企人嚟晚飯。食完成家都豎起手指公大讚。出乎意料咁好食，每碟餸菜都好精緻。一坐低兩碟開胃前菜已經好美味，第一次食話梅浸苦瓜，酸酸甜甜無苦味，唔鍾意叮苦瓜嘅都大讚。先嚟必點「第一叉」肉質好淋，肥瘦適中，每件都厚切。「冰梅欖角骨」啖啖肉，酸酸甜甜好醒胃。「大孖豉油雞」終於可以食到香港製造由大孖醬園味道嘅豉油，雞肉嫩滑，平日我唔食雞皮，今日都食埋。走地雞質數，無乜肥膏。「蜑家鴛鴦魷」兩種鮮魷都好新解爽口。重點推介「薑米蒜香籠仔蒸蟹飯」飯炒得好靚，唔油又乾身，一粒粒散開👍🏻原隻蒸蟹好多蟹膏😍「日本大分菇伴柚皮」隻菇好大好香滑，質數是非一般冬菇。無諗過大圍食到咁高質數中菜，食材用料講究嘅餐廳。家人今晚吃得滿足又滿意。下次一定再嚟🤗

端午節將至，朋友們可能被節日氣氛所感染，興致勃勃想吃中菜。有一位朋友力推大圍小館，她說大圍小館可是大圍數一數二的中菜館，基本上只要在大圍居住或是工作的，都無人不曉它。既然朋友這樣形容，我們就來試試大圍小館吧。在看餐牌的時候，店員奉上兩款餐前小食，喜歡吃涼拌木耳的朋友說木耳口感細滑有嚼勁，且含大量營養，夏天當涼拌小食很不賴。另外核桃沾滿芝麻，香脆可口，味帶甜香，基本被另一朋友橫掃清光。看看這一盤第一叉(半份)，讓人食指大動，叉燒色澤很美，香噴噴的。每一片叉燒切得又厚又大，給得大器。我極喜歡第一叉秘製蜜汁的甜美，外微焦內軟嫩咬感美妙極了。京蔥爆牛仔肉是友人最喜愛的菜式之一，牛仔肉不會炒得過老，嫩中帶勁，鑊氣十足。京蔥味帶爽甜，混著辣椒爆炒十分惹味，牛仔肉鹹香，整體不錯的吃。怪味蝦球伴西蘭花如何「怪味」，相信大家很好奇吧，我們亦是，於是點了一盤探過究竟。蝦球彈嫩鹹鮮，所謂「怪味」原來混搭了腐乳和鹽酒的香味，怪味在舌尖起舞，吃進嘴裡的每一口都是滿足。薑米蒜香籠仔蒸蟹飯把薑和蒜融入飯中的做法，滋味更升級，與一般籠仔蒸飯味道不一樣，帶點點蟹油香與薑蒜風味。蒸蟹鮮艷奪目，打開原隻膏蟹的蟹蓋，豐腴橘黃