大圍小館

营业中

休息中

同一家人食飯，第一次試呢家餐廳，一入門口覺得防疫措施做得好由天花板到地下咁一張張枱隔開哂！呢個賽螃蟹蒸豆腐非常易入口，老人家勁鐘意食，一啖啖好似喝緊湯咁，非常清新。呢道係佢著名既叉燒，味道孫唔差，略嫌少少燒得唔夠，切得厚可能係佢特色，但個人鐘意切得薄啲。呢個吊桶仔完全出乎我意料之外，本身以為會係潮州菜個種，點知竟然係呢種吊桶乾咁。老實講，其實味道真係唔錯，只係完全唔係我地想要既野，而老人家都唔鐘意食偏硬既。餐廳味道唔錯，有好多菜式未試過，會再黎食。

門口掛咗好多嘅紅色燈籠，好有節日氣氛而且比較傳統，店舖嘅金漆招牌都係用毛筆字提，想像到老闆應該係一個好有氣派嘅人！香濃腐乳炒蝦球伴西蘭花亦都係店裏面嘅特色小菜，望個名以為普通腐乳炒西蘭花冇乜特別。但係原來呢度嘅賦予採用左老字號廖孖記，佢哋啲賦予係用古法生產，腐乳嘅質感好似絲咁滑，生產過程非常講究，同平時出邊食到嘅腐乳味道爭好遠！加埋蝦球同新鮮西蘭花🥦味道好夾。日本大分菇鵝掌煲採用日本天然大分菇，需要用上幾年時間種植，非常珍貴，吃下去鮮甜且菇味深濃。 鵝掌每件大大隻，充滿骨膠原，而且整個煲底唔會落好多芡汁，感覺不錯。令人嘩然的薑米蒜香籠仔蒸蟹飯是不可缺少的飯菜之一，上枱時蒸籠打開蓋，蟹和荷葉香慢慢飄進我的鼻子裏，非常清新。而且蟹是老闆團隊親自挑選，確保新鮮有質素，而且價錢非常大眾化！($258!!!)膏蟹的膏真的多到滿瀉呢，加上滿滿的荷葉飯，每一啖都帶有蟹香，可以迅速為我果腹，非常滿足。還有這裏的飯後甜品桂花糕真值得一讚，師傅果然有功力，令桂花糕不易一拮就散！

去到「大」圍梗係要去返間「小」館，呢間大圍小館喺大圍相當有名，吸引咗好多人嚟幫襯，未到六點已經全場爆滿！喺疫情之下簡直係奇觀。店裏面因為疫情關係都已經掛上透明嘅膠布，令客人視野唔會被遮擋之餘，又可以確保到行嘅健康一舉兩得。我哋叫咗沙薑雞半隻、第一叉半份、香濃腐乳炒蝦球伴西蘭花、薑米蒜香籠仔蒸蟹飯同日本大分菇鵝掌煲。第一碟上枱嘅係第一叉(即係叉燒)本來以為叉燒上枱會好肥，因為佢每件睇落去都好厚身！但係原來食落去係半肥瘦嘅感覺，而且叉燒汁整得好入味，每啖都充滿濃郁嘅燒醬味道，又唔會過鹹，食落去好有口感。沙薑雞係用咗新鮮嘅走地雞，無論從色水同口感和出邊急凍雞係好有分別，雞肉明顯有𡁻口，皮肉分明，上面佈滿超級多嘅紫薑薑粒仲有蔥花，每一啖將雞嘅極致精華完美呈現。😍😍😋😋最後的糖水是眉豆髮菜，沒有想到髮菜可以弄成糖水，加上豆類，的確是非常有益的飯後糖水。

提早食父親節飯，飯前早一日先book位，得返早輪（6至8），舖位在火車站附近，方便，舖面有好多大紅燈籠好易揾，入到去地方不算大，但個感覺也幾舒服，本身想叫個魚頭湯，但原來要早兩日預訂😖，最後叫了今日例湯，花膠蟲草花螺頭煲雞、第一叉（半份）、蒜香無骨魚、怪味蝦球伴西蘭花、蜜薯安格斯牛柳粒、野生竹笙伴時蔬，招牌第一叉果然好味，肥瘦適中，軟熟，唔會燒到硬身，送飯一流👍🏻，個蜜薯安格斯牛柳粒也好味，唔會好油膩，唔韌，煮到剛剛好，個無骨魚其實也有骨，只係炸到脆身，可以連骨食埋，雖然係炸，但唔覺油膩，最後送上特式糖水，係花生眉豆發菜，聽啲材料似湯料，但係糖水來🤣味道出奇地好味，但可能有啲傳統老人家未必like，整體而言，好味，會再幫襯，下次我會預訂個湯🙈

自己一直都喜歡到大圍小館吃晚飯，來過不只一次，今次帶埋爸爸和媽媽一起來吃。我特別鍾意呢度嘅叉燒，佢叫呢度嘅叉燒做天下第一叉，可想言之依家餐廳嘅自信。我叫咗一小份例牌，已經夠三個人食，可以講話，一點也沒有令我失望，因為叉燒的外皮像炸過的脆，內裏肥肉和瘦肉的比例恰到好處，不會令人覺得很油膩。之後就係腐乳炒蝦球，呢度嘅鮮蝦，廚師都會用心地把蝦腸除去開邊，令我食得更為放心。同時間，腐乳醬把蝦的鮮味逼出來，兩者配合，就更加好食。之後就係嚟咗一碟呢度嘅招牌豉油雞，豉油非常入味，雞也非常很滑，不錯。再嚟就係梅菜蒸菜心，這一碟菜非常有創意，與外邊吃的菜心不一樣，梅菜的鹹味完全滲入菜心裡，是菜心的鮮味與鹹味交融在一起，非常有層次。再之後就係呢一個日本番薯糖水，甜甜的，幾好食。

之前食過大圍小館念念不忘 😗 , 特別係佢其中一個招牌菜 - 農家雞 ! 今日再次嚟食要試埋佢另一個招牌菜 第一叉😀 !前菜 麻香木耳辣味突出 , 木耳大件爽口 !! 琥珀合桃 , 平時唔太喜歡食合桃 , 但呢個自家製琥珀合桃非常香脆 , 甜度適中 , 食得出係新鮮整 , 👍👍 食唔停口 !第一叉 (半份) ($98)齋睇外表已經非常吸引 , 同坊間叉燒外觀上有明顯分別 , 厚切大件 , 每嚿都有肥肉同瘦肉 , 口感一流 😋瘦肉唔鞋口 , 有彈性 , juicy , 肥膏唔會油淋淋 , 帶微微脆口感覺 , 果然係好食 !! 如果 2 個招牌菜要我揀 , 我會比較喜歡農家雞 😁😁 ~ 香濃腐乳炒蝦球伴西蘭花 ($168) 蝦仁好大隻 , 有大概 8 隻 , 已清蝦腸 , 腐乳味比想像中淡 , 濃味 d 會更惹味 ~ 京蔥爆牛肉仔 ($138) 超香 , 超多牛肉 😲😲 , 非常足料 !! 夠鑊氣 !! 牛仔肉軟腍 !!薑米蒜香籠仔蒸蟹飯 ($258)好想食蟹 , 所以叫左呢個 , 膏蟹果然超多膏 😳😳 ~ 飯帶薑同蔥香 , 仲有少少蛋白嘅香味 ~ 甜品 有紫糯米椰汁糕同埋桂花糕 , 2

餐廳服務態度非常好。已經去過幾次呢一度，覺得呢度係大圍最好食嘅果一間中菜廳。我今日同朋友一齊食，最重要嘅係要食佢個籠仔蒸飯。我哋坐低嘅時候，店員已經即刻為我哋送上前菜，前菜係經過醃制嘅酸苦瓜同埋木耳，非常開胃。苦瓜唔會有苦味，硬身，反而有浸酸酸甜甜嘅醋味。之後嚟嘅就係燉湯，我哋叫咗個猴頭菇紅蘿蔔瘦肉湯，你一個分享絕對足夠六個人飲，我好欣賞餐廳嘅一個位，就係佢會同我地飛晒啲油，所以煲湯係非常之清。而且亦都非常足料。之後嚟嘅就係呢度嘅叉燒，呢度嘅叉燒個名叫做天下第一叉，一層甜甜的蜜糖在面頭上，叉燒係厚切，肥膏同埋肉嘅比例大概係1:3，外皮烤得非常脆，真係非常正。再之後嚟嘅就係西蘭花腐乳蝦球，蝦球非常大粒，而且廚師精心當每隻蝦都去晒啲腸，再配埋賦予，腐乳唔會太濃郁，唔會搶咗蝦嘅鮮味，反而蝦味會因腐乳而變得非常突出。再之後就係嚟到籠仔蒸蟹飯，呢碟餸係非常非常好食。啲飯係先用蒜蓉炒過，然後再用新鮮蟹，連埋其他配料，一齊放入蒸籠度蒸。蟹非常大隻，而且非常多羔，因為餐廳係用肥美嘅膏蟹嚟去蒸，真係好正。最後就係甜品，好足料嘅咋喳，再加埋馬蹄糕，一齊食。

大圍小館 (大圍)大圍積福街92號地舖-----收工之後去咗大圍搵朋友食飯，我地兩個女仔都唔算太大食，就決定食得雅致啲，搵間好坐得黎食物又精緻嘅餐廳食飯。作為大圍嘅地頭蟲，朋友仔對呢一區非常熟悉，係佢嘅推介底下我哋就嚟咗呢間黎地鐵站好近嘅中菜餐廳食飯。一坐低侍應就為我哋送上杭州野菊茶，色澤淡雅嘅野菊飲落清新中不乏回甘，飲得出係上等貨色。-#蜜薯安格斯牛柳粒（$148）安格斯牛柳粒嫩口無筋，蜜薯則香甜粉糯，廚師👨🏻‍🍳老練嘅烹調工架將鹹味同甜味平衡得恰到好處。#怪味蝦球伴西蘭花（$168）雖然個名叫怪味，但其實味道一啲都唔怪，只係調味嘅方法比較別出心裁，同平時大部份地方食到嘅炒法唔同。佢哋用咗日本柚子鹽同胡椒作調味，使蝦球食落清新彈牙，令呢碟本來比較家常嘅平凡小菜顯得更有特色，而西藍花🥦亦係嫩綠香脆，整體無咩好挑剔。-最後仲會送爆多材料嘅咋喳糖水👍🏻-----👶🏻B仔整體評價：8/10個👍🏻👶🏻B仔抵食程度：7/10個👍🏻👶🏻B仔環境評分：8/10個👍🏻👶🏻B仔味道評分：9/10個👍🏻👶🏻B仔回頭機會：8/10個👍🏻-----#swallowhongkong跟住我一齊吞食香港啦！🤤#sw

精緻高質長輩生日飯～～～大舊媽咪生日 作為超級二十四孝女友 男朋友媽咪生日當然唔可以怠慢啦 所以今日我就早早咁預訂左呢一間大圍小館黎同佢慶生 auntie一嚟到見到間餐廳咁是正 已經好開心 不斷咁讚我乖😆呵呵呵 ～～～坐低之後 服務員就為我哋送上兩款好精緻嘅小食 包括係琥珀合桃同話梅涼瓜 兩個味道都做得超好 合桃甜甜地好香脆 涼瓜帶有少少話梅味 好特別～～～之後我就開始發板點餐 我點左蜑家鮮魷 砂薑鮮雞 啫啫唐山菜煲 薑米蒜香籠仔蒸蟹飯 最後再叫左伯母最鍾意食嘅紫米糕同馬豆椰汁凍糕～～～蜑家鮮魷超級香脆餐廳話佢哋用咗日本柚子鹽灑係上面 難怪嗰個鹹味特別清新 好好食 ～～～沙薑鮮雞 我哋只係叫咗半隻 份量已經超級多 呢隻無激素嘅農場雞 據說係養足一百日 無添加激素 冇化學劑 添加劑 冇人造色素 係食天然粟米大 由生蛋 孵蛋到飼養 全部都係香港農場完成 令人食得非常安心 而食落去 果然味道都係不一般 雞肉比平時嗰啲雞紮實得多 雞味亦比較重 係傳說中嘅 雞有雞味嘅靚雞😆～～～ 薑米蒜香籠仔蒸蟹飯亦令Auntie讚不絕口 啲蟹好新鮮 蒜香又好惹味 薑米細細長長咁 食落感覺米香幾重 最後再加埋個

在大圍的一條小巷中，掛起了幾十個大大的紅燈籠， 十分搶眼，加上門口兩邊的對聯和古典窗花圖案，整體感覺都流露着傳統的中國風。室內以白色為主，掛住小紅燈籠之外，牆身也有水墨畫，簡潔得來又唔會娘。餐前小食有雲耳和話梅涼瓜，平時唔喜歡苦瓜嘅我都覺得呢個非常之好食，完全冇苦味，有點酸味味的味道很開胃，店員話係用冰糖加醋來煮的！小菜方面，「黑松露滑蛋炒蝦球」（$168）非常推介，蝦球好大粒，有六件，黑松露味十分濃烈，滑蛋又好滑，超級好味！另外叫咗個招牌菜「第一叉」（$188），係厚切嘅叉燒，做得好腍而且都好大碟，好味呀！還有「翠塘豆腐」（$138 ）都係招牌菜，啲豆腐好滑，而且賣相好靚，送飯都一流！整體水平都令我讚不絕口，好希望有機會再來過。

大圍其實臥虎藏龍，有好多隱世食店係好好味嘅，包括今日去嘅呢間大圍小館！喺火車站出嚟過一條馬路，再行去前面條街轉右就見，3分鐘到，門口有好多大紅燈籠高高掛，一定唔會Miss咗。作為一間廣東菜館，佢裝修都算有心思，裏面都古色古香，當然食物質素更加緊要。今日一行四人，叫咗五個小菜：翠塘豆腐（$138 ）店員用「池塘」來形容，非常貼切，大大碟而且又靚，有豆腐、蝦仁、蘑菇、菜心片等，好新鮮好好味，而且啲豆腐係滑到飛起！招牌菜果然值得推介！金銀蛋浸時蔬（ $128 ）菜夠新鮮深綠，味道唔會太鹹，都好味心多多大魚塊（$168 ）其實就係粟米斑塊，但係佢個汁唔會淋上去而係係分開上，除咗粟米汁之外仲有另一個酸甜汁，我好鍾意呢個汁，好香甜，有種獨特嘅香味唔知係桂花定係乜嘢，店員話係秘製醬汁，酸酸味味好開胃。魚柳好鬆化，粉漿唔會太厚，好滿意。第一叉（$188）此叉燒乃非一般，非常厚切，燶燶哋嘅表面加上好軟好腍嘅肉質，真係食過返尋味，唔怪得我真係見差唔多每枱都叫。黑松露滑蛋炒蝦球（ $168 ）係一間傳統嘅粵菜館裏面，其實都有啲創意，呢個滑蛋炒蝦球都好好味，啲蛋炒得好滑，蝦球又爽口又大粒，黑松露味又剛剛好，食

朋友介紹大圍有間餐廳食小菜幾好味 一於試下啦 離遠已經見到佢d紅燈籠好搶眼 估唔到平日夜晚都全場爆滿 d人一早book定位 我幾欣賞佢個天花吊落嚟膠用嚟分隔 每張枱都有私人空間咁 一坐低就有碟冰陣苦瓜 酸中帶苦 我唔食苦瓜嘅就試一舊好啦我地先叫左個黑松露滑蛋蝦球蝦大大隻好爽口 黑松露落得好夠 每啖蛋都有 跟住係部長極力推介 半份第一叉燒 係佢地自家製ga 嘩真係好厚切 一舊可以斬多3舊 甜甜地半肥瘦好味點可以唔叫個菜呢 叫左啫啫生菜鍋 上枱仲好熱 佢調味做得幾好 鍋就好大呀 不過份量可以再多d 最後叫左個薑米蒜香籠仔蒸蟹飯 估唔到咁大籠 6個人食都得呀 2個人就太多了 食唔哂d飯 本身以為d飯好似無味咁 撈埋d蒜同蟹膏落d飯度就好香口 食左幾碗最尾仲有糖水渣渣送 好足料 好滿足一餐 不過睇單發現晚市茶錢都要$20位 幾貴下

大圍小館位於大圍地鐵站附近，金皇色字既牌匾，加上兩旁既對聯，感覺餐廳擁有一定歷史。可能由於疫情嘅關係，餐廳入面既枱唔係太多，每枱之間距離都好闊。下單後餐廳立即送咗兩款小食，分別係黑木耳同話梅苦瓜。一開始我以為聽錯🧐，話梅同苦瓜兩者大纜都扯唔埋，但味道出奇地唔錯，可能係因為我本身唔鍾意苦瓜嘅苦澀味，而家酸酸地又幾開胃😜。- 鼓油皇鮮鵝腸小弟第一次食鵝腸，充滿嚼勁但唔係咬極都咬唔爛嗰種🤔，鵝腸上曬色幾惹味，不過芽菜更索汁，非常爽脆鮮甜。- 天下第一叉天下第一叉果然唔係浪得虛名😯，首先切得大片，外皮燶燶地夠曬香口，其次肉質相當鬆化，肥膏比例適中，蜜汁甜度恰到好處，唔會蓋過肉香，真係無得頂😋。- 啫啫唐生菜煲🍲平時出面餐廳可能會切左菜膽，因為菜膽可能會有少少霉，但餐廳將菜膽一齊煮，食落鑊氣十足，加上蝦醬、蒜蓉同辣椒既昇華，味道濃郁兼爽脆，連菜膽都好惹味。- 牛肝箘炆豆腐餐廳用牛肝菌代替一般餐廳用既雜菌，香味幾獨特。豆腐質感滑溜，一濃一淡之下，牛肝菌的香味更突出。另外仲送甜品，包括咋喳同椰汁紅豆糕，咋喳用料十足，至於後者口感香滑清新，紅豆有咬口，為今餐畫上完美句號☺️。

大圍小館俾我既感覺係一間好PRO既中餐廳~~唔止食物質素PRO, 環境都好PRO~~今次黎到又再次證明佢有PRO幾.......每枱都有幾塊膠圍住, 好有私人空間之餘, 疫情中令人好有安全感餐牌菜式種類相當豐富!!!相比外面酒樓更多選擇2碟自家製前菜 -- 琥珀合桃 & 話梅涼瓜2款都非常出色喔!!!琥珀合桃超鬆脆, 甜甜地好好味!! 食到停唔到口丫話梅涼瓜估唔到話梅配涼瓜會咁夾, 咁樣整完全食唔到涼瓜既苦味 平時唔食涼瓜既我都覺得好食丫怪味蝦球伴西蘭花 $168見個菜式名咁得意就叫喇~~雖然個名叫怪味, 但食落一D都唔怪呢~原來菜式係用柚子醬炒既...蝦球份量都好多, 全部大大粒, 新鮮且爽口彈牙~~配塔柚子醬感覺清新特別大孖豉油雞半隻 $228正正正, 好正既野係要講3次架!!!本地農場既農舍新鮮雞~~嫩雞只有90-180日, 全冇激素!!女士們食得非常安心京蔥爆牛仔肉 $138京蔥搶香，牛肉肉鮮鬆軟送飯食一流啫啫唐生菜煲 $118唐生菜新鮮爽口, 咬落口卜卜脆另外腐乳味香濃惹味~~ 齒頰留香最後仲有糖水送丫~~咋喳....材料豐富!! 好多雜豆~~仲有芋頭添喔

一向對大圍並不熟悉，但聽聞火車站附近的《大圍小館》甚有水準，故誠邀居住在附近的朋友一起探索新食府。環境清雅，帶點古色的味道，感覺高檔。甫坐下，即送上蜜汁琥珀及麻辣小雲耳，高檔的餐前小食，配合這裏的環境。細嚼餐牌一輪，還是比較鍾情海鮮，尤其配合粵式廚藝，先來黑松露滑蛋炒蝦球 $168，松露香濃，雞蛋嫩滑，有水準。蝦球相當巨型，爽口彈牙有鮮味 💖💖蒜香無骨魚 $168，是經理推介給我們的，原條九肚魚，真的可整條吃光，連頭、尾、鰭都炸得香脆鬆化。整枝筷子的呎嗎，堅巨型！有魚有蝦，再來個蟹，就是完美！薑米蒜香籠仔蟹飯 $258，正好滿足一下！薑米藏在米飯中，正好中和蟹肉的寒氣，食之文化的精髓！蒜蓉蓋滿蟹身，再配點蔥花，確實令人食指大動！蟹膏滿滿的，夠肥美！太好味了！席間一陣惹味的香氣撲鼻而來，一問之下，原來是啫啫生菜煲 $118，二話不說，即點一客，果真香氣沖天，菜嫩脆口，好味道。送客的甜品有渣渣、椰汁紅豆糕及椰汁馬豆糕，甜味適中，轉眼食光了！