大同私房菜會所

营业中

休息中

臨近聖誕🎄所以公司請食飯，負責同事預約了這一家私房菜，而我自己都係第一次食，食過一次真係不得了😋😋餐廳位於尖沙咀apple隔離的海威商業中心6樓，餐廳主要有兩間房可以每間有一張12大枱，因為就嚟聖誕裝飾都好有聖誕氣氛，環境舒適、地點方便，仲有間房可以唱K（晚上十點後$600/hr可以唱到凌晨😆）而現任負責人係第三代後人，每一款食物上菜時都會介紹食材同菜式背後嘅故事，好用心去設計同埋食得出花了好多功夫去預備👍整個菜單有：燕窩鷓鴣粥🥣第一次食鷓鴣，裏面仲有好多切碎了嘅鷓鴣肉，同足料嘅燕窩同埋金華火腿，每一啖都好有口感，原來仲有化痰止咳同埋健脾嘅功效，符合現代人好養生💯順德式撈魚生🐟第一次接觸呢個菜式，用生菜🥬包住辣椒絲、魚生、花生🥜油炸鬼等等，一齊食口感香脆，而魚生貼心用了深海𩶘魚好鮮甜彈牙👍如果食得辣仲可以加埋辣醬一齊食味菜炒豬肚尖🐖味菜仲要係自己醃製，味道酸酸甜甜好開胃👍而豬肚尖食落口感好彈牙及有趣，加上洋蔥🧅豆豉及青紅椒一齊炒，色澤豐富紅燒乳鴿配蝦片🦐負責人介紹乳鴿係用滷水浸熟，而乳鴿皮燒得好香脆，啖啖肉加埋新鮮炸蝦片🫶🏻仲配埋滷水汁同埋檸檬汁🍋可以自行選擇加上去一齊食清炒涼瓜大大碟

朋友邀請我去尖沙咀食晚餐，呢度係一間高級私房菜會所。有別於常見嘅中菜食府，餐廳內部裝修雅致，富有中國特色及帶有西方元素。餐廳由廣州大同酒家創辦人後人開辦經營，糅合傳統粵菜以現代烹調方式，加以改良，希望新一代能食到舊時嘅菜餚。餐廳只有2張大枱，需要預訂，菜單由廚師發辦或自行提供。除中菜外，仲有西餐可以揀。今晚嘅菜單有8道菜加一個甜品，分別係燕窩鷓鴣粥、順德式撈魚生、自醃味菜炒豬肚尖、紅燒乳鴿、清炒涼瓜、蜜汁火方、咖喱牛腩、大同荷葉飯同二十年陳皮紅豆沙。每一款都美味，每道出品都係用心之作，令我大飽口福。燕窩鷓鴣粥已有百年歷史，這道懷舊菜雖以粥為名，但唔係由米煮成，餐廳選用冬瓜蓉代替，加入燕窩、鷓鴣同金華火腿去烹煮。燕窩滋潤養顏，鷓鴣開胃化痰，金華火腿提味增香，入口綿滑，好味又養生。順德式撈魚生食法好簡單，將多款食材撈埋一齊用生菜包住食用，類似農曆新年食撈起嘅意思一樣，希望食嘅人好運。魚肉新鮮肥美，味道唔錯，認真開胃。自醃味菜炒豬肚尖呢嗰部位特別矜貴，只佔豬肚四分一嘅位置配搭自家醃製嘅酸菜嚟爆炒，口感非常厚實爽口，值得推介。紅燒乳鴿一道傳統嘅粵菜，乳鴿先經過滷水浸熟，上菜前再將乳鴿紅燒，令佢

今晚好友提早訂了這家私房菜與我一同品嚐，每一道菜都食得出餐廳對菜餚的用心，充滿驚喜。我們大概7pm入座，由上菜到甜品，都看出餐館第三代負責人傳承飲食文化與突破求變之熱誠。💗😋燕窩鷓鴣粥今晚第一道菜是這一味湯羹；相傳是昔日大户人家的養生食品。是將鷓鴣肉和冬瓜剁成蓉，再加燕窩煮成，有健脾功效。湯羹入口綿滑，鷓鴣鮮香，燕窩分量十足，亦有金華火腿的鹹香💗😋順德撈魚生順德人的喜慶節日菜式次一，喻意風山水起。配料有油甘魚等刺身、花生、脆油條、薑蔥、辣椒、醬油等混合，包上生菜和飯。口感層次豐富、爽脆鮮甜💗😋蜜汁火方這是餐館創新的食法，用菠蘿配搭鹹香用蜜汁煮過的金華火腿片，再以塗上芥末的麵包夾上一併食，口感甜蜜💗😋大同青抄涼瓜我本身都常煮涼瓜，但煮得像它這樣的爽甜，廚師的功力令人佩服💗😋紅燒乳鴿廚師用自家滷水先將乳鴿浸熟，上菜前再經由油炸脆外皮令提升口感。進食時會由客人加鮮檸檬汁及淋上滷水汁。乳鴿肉味濃郁，滷水汁味道恰到好處，加上檸檬汁令口味更勝一籌💗😋大同酸菜抄肚尖色香味俱全粵菜式之一；酸菜自家醃製，用豆豉炒香配料。最出色地方是餐廳選用肚尖入饌，特點是口感爽脆，有像食鮮魷的質感，味道一流💗😋大同咖喱

一間有故事嘅正宗粵菜知名食府，以前於廣州非常有名，係老字號嘅豪華粵菜酒家，現時由後人繼承進軍香港開的一家正宗粵式私房菜，舊店舖係九龍城搬到尖沙咀。老闆仲會每道菜式都會講解煮法同介紹食材，每一道都用心烹製別具特色！燕窩鷓鴣菇粥味道非常之香濃，據老闆介紹呢一道菜在古代係達官貴人先會食到嘅菜式，因為燕窩同鷓鴣肉係非常珍貴的食材。除咗口感綿滑，仲食到一種懷舊嘅味道！順德底撈魚生撈起撈起如意風生水起非常有好意頭的正宗順德菜式！魚生有鯛魚，油甘魚，好新鮮！食法好特別先撈起魚生 再用生菜包一口白飯 配少少辣椒醬 味道好鮮甜！味菜炒豬肚尖 炒得好惹味，豬肚尖好爽口 配左酸菜 青椒 芹菜 洋蔥等食材炒 味道令人胃口大開！紅燒乳鴿 世一乳鴿！ 食法同平時唔一樣，係廣東食法，先浸落秘製嘅滷水汁再滴少許檸檬汁食。真係更加有層次好 入味得黎又唔油膩。好好食！一試難忘！大同清炒涼瓜有別於一般大家對苦瓜嘅味道同口感，苦瓜做法係預先一早將苦瓜洗洗啤水至2個鐘先炒！真係唔苦 口感係清爽 仲帶點甘甜！好fresh!蜜汁火方 經典菜式啊！蜜汁火方配左別於傳統的菠蘿夾在方包同火腿中間～甜酸度適宜帶點鹹香，味道新奇令人回味。咖

餐廳名稱寓意「天下為公，世界大同」，象徵著對國家和世界和平的追求。他們用心改良和精緻化傳統粵菜，為現代人提供美味和精緻的粵菜體驗。蟹粉扒豆苗 蟹粉係多度差少少蓋過豆苗，豆苗翠綠，撈埋蟹粉一齊食就蓋過埋豆苗餘下少少既草青味。蜜汁火方傳統既蜜汁火方係用蓮子放底，而家用菠蘿代替蓮子，希望減輕既膩度同令菜式更清新。菠蘿既酸甜，配上鹹既火方，再用麵包夾配，減低金華火腿的鹹味，甜鹹夾雜非常不錯。蟹油撈麵係用上頭先豉椒炒蟹剩低既蟹油再加返大蔥同豆豉渣成為一個蟹油，而麵質夠乾身適合做一個撈麵，蟹油係非常香而且唔太鹹。陳皮紅豆沙紅豆軟腍，陳皮份量足, 聞到有陳皮香而且冇陳皮既苦澀味，呢度既紅豆沙有一個特點係可以選擇甜度，如想走糖可用羅漢果代糖調味。📍大同私房菜會所 (尖沙咀)尖沙咀廣東道120號海威商業中心6樓

今天要介紹的餐廳位於尖沙咀，是一家粵式私房菜會所。「大同」是一家位於尖沙咀的粵式私房菜會所，延續了廣州酒樓的傳統，以創新和傳承粵菜的經典口味。🌟燕窩鷓鴣粥一個好傳統既粵菜，雖然叫做粥，但其實係一碗無米粥。呢道懷舊菜係舊時富貴人家所享用，傳統既煮法係用薯蓉，再配上鷓鴣肉，金華火腿及燕窩等而整成。但餐廳為到菜式冇咁飽肚就用冬瓜蓉代替薯仔蓉，同埋令到其他食材味更加出。🌟大蝦多士又係一道越來越少餐廳做的一道。中菜，呢間餐廳做法係用左上層大蝦，中層則用上豬肉同蝦膠，而最底層則用上沾上蛋漿的麵包。多士炸到香脆，可以點喼汁或茄汁就更美味。🌟廣州荔灣豉椒炒蟹店員介紹時講到呢道菜係以前避風塘炒蟹嘅做法，蟹殻係上菜前已經整碎了所以蟹肉吸哂配料既味道，配料係用左烤大蒜頭來代替炸蒜，乾椒、豆豉及蔥蒜等令到蟹更加香。📌大同私房菜會所 (尖沙咀)尖沙咀廣東道120號海威商業中心6樓🚇 港鐵尖沙咀站A2出口步行約5分鐘

雖然我之前食過一次，但我都姑且當自己係舊客🤣🤣🤣 不過尖沙咀依一間舖頭就第一次食。餐廳面積唔係特別大，有兩張大枱包間，所以都有人數限制，要六人起，同埋一定要book 左先。 呢啲規矩我都理解，畢竟係私房菜，師傅都要時間準備。餐具非常精美，包間仲有自己嘅洗手間自家製嘅前菜，仲有得配辣醬花生好爽脆，鹹味適中鹹菜又唔會好重口味，岩岩好，開胃見到menu 就再一次開心，今日黎可以食住個蟹節，有好多蟹品食😋😋第一道燕窩鷓鴣粥係舊式席菜，老人家好岩食，秋天都岩食，店員話有化痰止咳嘅功效。伊美菜用咗冬瓜肉代替木薯，食落清爽。每一啖都會食到冬瓜細碎粒同埋燕窩，好豐富嘅層次。甘筍好軟淋，仲淋滿左蟹黃，又多蟹肉，我仲要食到蟹膏豉椒炒蟹，避風塘炒蟹嘅前身。我勁好彩搶到個蟹鉗位（戰場無父子，親人都冇面俾😎），啲肉勁新鮮，一疏疏咁，而且仲好鮮甜。侍應每一次都會幫我哋換過啲新碟新碗，唔使比上一道菜嘅味道影響咗。白麵包夾火腿菠蘿，菠蘿就可以解離一啲清爽啲。一開始以為白麵包會好寡，但係兩者夾埋一齊之後個味啱啱好荷葉飯係招牌，配埋個咖喱羊腩一流，啱啱好入秋食補下身

九龍城舊鋪做朋友介紹客起家,還原過百年廣州「大同」手工私房中菜以家搬到黎尖沙咀交通更加方便餐廳只接受booking, 由 6人起. 菜單可以度身訂 8-9道菜除左中式, 仲有西式私房菜可以揀今次多得食神朋友帶路, 試下傳統粵菜講起黎都慚愧, 身為廣州人但叫我數有咩經典粵菜真係一樣都講唔出燕窩鷓鴣粥係以前有錢人家既營養菜因為鷓鴣係非常滋補食材傳統係用木薯做粥底較杰身, 餐廳改良左用冬瓜蓉養生得黎又清淡蝦子扒節瓜帶海水同鮮蝦再配濕潤既節瓜看似簡單但好滋味龍蝦粉絲煲粉絲沾左龍蝦既香氣再加胡椒既辛味. 龍蝦件都煮到好惹味蜜汁火方 用白方包好似三文治咁食菠蘿代替蓮子令傳統菜式更容易入口咖哩小羊肉配大同鮮蝦荷葉飯羊肉有肉羶味但唔會過重荷葉飯裡面有雞潤再D加紅醋係飯到食, 係LOCAL既食法小滿漢全席之一既菜- 金玉滿堂蟹粉扒上湯甘筍同個名一樣, 整碟菜金黃金黃的甘筍煮得好鮮甜廣州荔灣豉椒炒蟹蟹螃都好多肉, 夾埋D蔥食,超正式!!炒蟹既油一D都唔浪費. 食下一道既蟹油撈麵拌麵時一定要筆到蟹油底🦀 連少少油渣陳皮紅豆沙未到起沙, 但陳皮味幾香口味偏甜少少, 可以選擇無糖版再用羅漢果代糖自己調味

大同本身係廣州既酒樓, 為致敬創辦人而用採用呢個別具意義既名餐廳名取於天下為公 世界大同 係孫中山先生畢生追求既理想同實踐簡短8個字包含左對國家既長遠世界觀以及各種憧憬孭得起咁重既名當然就有great responsibility餐廳好有心咁將傳統粵菜加以改良同傳承用符合現代人既口味食出粵菜既精緻燕窩鷓鴣粥雖然叫做粥, 食落都有粥既稠感原來係冬瓜蓉豐富左成件事, 但又帶來清爽感!鷓鴣既肉有種特別既甜味龍蝦粉絲煲龍蝦件唔少, 粉絲亦相當多鍋底既汁係龍蝦既精華同黑胡椒香, 拌入粉絲之後香氣撲鼻金玉滿堂蟹粉扒上湯甘筍無左甘筍既青味, 每一口都係蟹粉鮮味加甘筍甜味連平時唔食甘筍既男朋友都破戒食晒!!廣州荔灣豉椒炒蟹選用左新鮮靚蟹, 再用油同豉椒大火令蟹高速地熟保留住海鮮獨有既鮮味驚喜嘅係辣味無蓋住蟹既味道反而令味道上層次豐富左蝦子扒節瓜多數聽都係蝦子扒柚皮, 今次避免小朋友接受唔到苦澀味轉左做節瓜除左海量蝦子, 仲有蝦乾仔蜜汁火方用三文治既方式黎食, 相當得意金華火腿加菠蘿, 中和左火腿既鹹味咖哩小羊肉配大同鮮蝦荷葉飯荷葉飯明明係蒸既但裡面有煲仔飯既飯焦, 唔知係咪煮完再蒸但飯粒分明, 煮久但

以前同屋企人去過九龍城既舊鋪食過一次，得知佢地最近9月搬左黎尖沙咀，所以一早預訂了，帶埋朋友黎試下！餐廳入邊有三間房，一間係供客人預訂可以使用唱K娛樂等設施，另外兩間就係用餐嘅空間。推薦以下必試菜式：燕窩鷓鴣粥燕窩滋潤養顏，鷓鴣開胃化痰。入口鮮甜卻不失清淡，再加上燕窩的口感，確實非常值得一試，好味又養生。金玉滿堂（蟹粉扒上湯甘筍）：蟹粉份量好多，而且仲有少少蟹肉喺入邊。至於甘筍煮到啱啱好，有軟糯嘅口感，味道好清甜，食落每一條甘筍都被蟹粉包裹住！廣洲荔灣豉椒炒蟹食過豉椒炒花甲，避風塘炒蟹，今次第一次試豉椒炒蟹。蟹殼咬下去脆脆的酥酥的應該是炸過，同時保留蟹肉本身的鮮甜爽口。再結合豉椒香鹹嘅味道，令人一試難忘。蜜汁火方 夾麵包非常特別又很好味嘅一道菜，非常推薦！火腿嘅鹹香，菠蘿嘅酸甜，麵包嘅綿軟同香甜，三種元素加埋一齊出乎意料嘅好食、驚艷，完全唔膩。最後仲有紅豆沙作完結！

朋友介紹嚟呢間食私房菜，聽講話係同大同酒家有關，我自己孤陋寡聞，都唔知乜嘢係大同酒家，原來喺香港同埋廣州都係好出名嘅，不過大同酒家一早已經冇咗，而呢一度就係後人開嘅私房菜餐廳。呢一晚食咗好多道菜，想講其實每一味都非常出色，如果叫我揀最驚為天人嘅，一定係蝦子節瓜脯，因為本人非常鍾意食蝦子碌柚皮，但係呢度竟然換咗做節瓜，而且個配合都非常啱數，食落清爽蝦味濃，正！另外佢處理海鮮都係好用心嘅，包括個蟹粉甘筍啦，仲有佢嘅避風塘炒蟹絕對唔係平時食開嗰啲，反而係用豆豉同埋蔥油去做個底，我會鍾意食呢一種多啲，唔會死辣。而我嘅另一半就對咖喱羊腩讚不絕口，我見到佢係用好多香料去炮製，目測有用桂皮，唔怪之得嗰個香味同平時食港式咖喱有少少相近，不過因為佢用料上乘，羊肉鮮甜，成件事升級晒。其實荷葉飯都好正，仲有個燕窩湯羹，唔係用生粉開嗰種，係用咗冬瓜蓉做底，絕對唔求其。佢個蜜汁火方都好得意，用咗菠蘿配搭方包，傳統得來幾fusion，我就食得好滿意。私房菜就當然係要預約啦，嚟呢度最少要六位先至可以預約，佢哋會因應你嘅想法幫你設計好菜譜，大家有商有量，而且房間都係非常私密，仲有獨立廁所，地點好近海港城，係一個好適合

之前喺九龍城食過「 #大同私房菜會所 」 覺得味道好啱我同家人嘅口味知道原來熟客都可以order西式菜單所以我哋就預訂左今晚6-8人去到位於尖沙咀嘅新店試吓 #西餐私房菜大約$1000/位好抵食唔講唔知以前香港廣州澳門都有大同酒家亦都係1920-1980最出名嘅 #國家級酒家今次新店的中菜還原番當時復古嘅粵菜再加入自己獨創嘅新菜式而餐廳提供嘅西餐中餐會做返一啲出面少見啲嘅 #復古菜式咁高質打卡嘅 #私房菜今晚有口福試吓啦去到餐廳覺得好華麗好舒適門口左右邊都有一間房一圍坐到12個人位置相當寬敞喔❣️⊰⊹════════════════⊹⊱💬 ✎ 食後感 ：✨🍽️ 西式套餐🥗 【 #俄羅斯沙律 】️由於這道是俄羅斯傳統19世紀好傳統嘅家鄉菜式因此材料而家比較厚重啲當中的豐富嘅材料包括有薯仔、紅蘿蔔、青豆及蛋再加少少芝士落去古老口味因應現代人嘅口味調整咗所以食落去比較Fresh同埋好有口感🦐【 #龍蝦湯 】️廚師採用傳統法式做法有別於現在只係cream底重嘅龍蝦湯而調味偏向以馬賽魚湯嗰種調味但係呢一款係用純龍蝦熬製出嚟所以色澤都比較啡橙色而且每一啖都有香濃嘅龍蝦味裏面嘅蝦肉好爽口彈牙呢🦢【 #嫩煎鵝

我最近同朋友去了一家高級私房菜餐廳，餐廳內部佈置典雅，富有中國傳統風格再配上西式風格的元素。花旗參響螺燉水鴨。鮮嫩的響螺和多汁的水鴨完美地融合在一起。湯汁濃郁而清爽，帶有花旗參的香氣，令人回味無窮。接下來是芝士焗蟹蓋，這道菜給我留下了深刻的印象。蟹肉鮮美，搭配濃郁的芝士，烤至金黃酥脆。每一口都散發出濃郁的奶香和海鮮的鮮味，令人難以抗拒。左宗棠辣雞是，雞肉鮮嫩多汁，外表酥脆，淋上香辣的醬汁，口感鮮香辣嫩。這道菜的辣味恰到好處，醬汁的味道醇厚，帶有微微的甜味，讓整道菜更加美味。蟹粉豆苗，豆苗綠葉嫩滑，蟹粉的香味和豆苗的清甜相得益彰。每一口都充滿了豆苗的清香和蟹粉的鮮味，給人一種清爽的口感。紅燒乳鴿，乳鴿肉質鮮嫩，陳年滷水汁滲透其中，帶來濃郁的滋味。醬汁入味，乳鴿肉鮮嫩多汁，每一口都散發出豐富的肉香和醬汁的風味。廣州荔灣豉椒炒蟹，蟹肉鮮嫩，搭配豉椒的香辣味道，給人一種濃郁而又刺激的口感。蟹肉的鮮味和豉椒的香辣相互融合，讓這道菜充滿了層次感和風味。大同咖喱牛腩配荷葉飯，牛腩經過緩慢燉煮，肉質柔軟入味，搭配濃郁的咖喱汁，帶來濃郁的香料香氣和微辣的味道。荷葉飯則增添了一種獨特的香氣和口感，讓整道菜

以前喺九龍城嘅大堂私房菜終於嚟到尖沙咀開咗新鋪！好開心地點方便咗咁多，同朋友聚會又多一個高質素私房菜可以食，每道菜都係用咗粵式傳統方法，很有特色😆⭐️芝士焗蟹蓋超多芝士鋪喺面，有啲仲要融入埋喺蟹肉入面😛各種嘅蟹蓋特別脆口😎⭐️廣州荔灣豉椒炒蟹絕對新鮮的蟹肉，唔係避風塘嘅炒法，反而只用豉椒去炒更加呈現到蟹肉嘅鮮味，超級惹味！⭐️蟹粉豆苗蟹油跟蟹粉比例剛剛好，每一口豆苗都有豐富的蟹粉🤤⭐️大同咖喱牛腩配雞肝荷葉飯獨家秘製的咖喱，口味偏印度風，牛腩炖得超入味雞肝亦都將荷葉飯嘅鮮味提升，口感特別⭐️紅燒乳鴿完全食得出係滷左一整天嘅乳鴿😆超入味啊！廣東食法原來係吱啲檸檬汁上去個乳鴿，再點上大同嘅秘製醬料係超好食😝⭐️蟹油撈麵加咗少少豉椒炒蟹嘅油拌面，絕對將個面升華咗，食得出鮮味！⭐️花旗參響螺燉水鴨保氣冬天岩飲😍好滋潤⭐️陳皮紅豆沙紅豆沙煲成沙狀，超喜歡他們可以讓食客選擇自行加入羅漢果糖😍減低罪惡感😜另外呢度仲有VIP房，私隱度極高，仲可以唱K🎤

大同私房菜會所，全場只有兩張大枱，適合大夥兒相約品嚐做法講究又正宗的粵菜，餐廳還有西餐，我們這晚選食粵菜，原來大同出處是廣州知名的酒家，後人在香港做私房菜式，特別喜歡探索私房菜式，道道都是心機之作，也需要提前訂位的呢，三四人起也就可以吃到。首先是花旗參響螺燉水鴨，已分好每人一碗，再送上湯料來，這道湯品散發出清香的香氣，喝下去口味清甜又香，水鴨肉質鮮嫩，與響螺的鮮美互相融合，令人有意猶未盡的感覺，好想喝多一碗。接下來是芝士焗蟹蓋，小小的蟹蓋但份量剛好不會膩，上面的芝士焗得金黃酥脆，有淡淡的奶香味道，蟹肉混入芝士醬汁之中，味道鮮香，很開胃的小食。接著是左宗棠辣雞，這道菜以辣椒為基調，辣度很高，刺激感爆燈！雞肉是小件小件的，鮮嫩多汁，與辣椒的風味完美融合，但因超出我的可接受辣度，由友人完成它。蟹粉豆苗是一道清爽的蔬菜菜式，豆苗鮮嫩翠綠，口感清脆爽口，蟹粉的加入增添了豐富口感和濃郁味道，令這道菜更加吸引。紅燒乳鴿配蝦片是一道傳統的粵菜菜品。乳鴿經過滷水浸熟，肉質鮮嫩多汁，上菜前紅燒了乳鴿外皮，它有薄薄脆脆的口感，而正宗的吃法是配炸蝦片，鮮檸檬汁及陳年滷水汁，果然令層次提升了，增添了享受。廣州荔