影片
更多
2023-10-07
57 浏览
呢間私房菜係朋友介紹，舊鋪喺九龍城，只係招呼朋友，依家終於可以Book到喇！佢哋係以前廣州大同酒家嘅後人開辦嘅，做嘅係正宗復古粵菜，當然都有唔少自創招牌菜式啦，呢度最少要六位咁預約，大家嚟嘅時候就要留意喇！今日食嘅係私房菜晚宴套餐（每位$1000），有一湯羹、一特式、五款菜同一飯麵一甜品！湯羹我哋加咗$100，試吓「燕窩鷓鴣粥」！呢款係百年歷史嘅傳統粵菜，喺好濃稠嘅粥入面有好多鷓鴣茸，好有咬口，同時有化痰止咳嘅功效，真係又好食又健康！而燕窩真係有極多！係非常滋補嘅一款湯羹。特式菜我哋就試咗「大蝦多士」，一上枱就覺得好有氣勢！每條蝦都得好金黃，大大隻，入面係好豐富嘅蝦膠同蝦肉，配埋甜酸汁食就更加惹味！之後有五款菜，我哋先食咗一客「自醃味菜炒肚尖」，呢款係潮式菜，肚尖係最爽嘅部位，食落比想象中有咬勁，而味菜食落酸酸哋，令個口味更加均衡。另一款係佢哋嘅招牌「清炒涼瓜」，呢款涼瓜係用咗兩個鐘嚟汆水，所以就無曬苦澀味，會食到瓜嘅清甜，而且係無用油咁清炒，就比較試到食材嘅真味道。下一款係「蜜汁火方」，見個名咁得意，原來係火腿同方包嘅配搭，佢哋特登用咗菠蘿嚟陪襯，增加甜味，而金華火腿都好厚實，有鹹香
依家終於可以Book到喇！
佢哋係以前廣州大同酒家嘅後人開辦嘅，做嘅係正宗復古粵菜，
當然都有唔少自創招牌菜式啦，
呢度最少要六位咁預約，大家嚟嘅時候就要留意喇！
今日食嘅係私房菜晚宴套餐（每位$1000），
有一湯羹、一特式、五款菜同一飯麵一甜品！
湯羹我哋加咗$100，試吓「燕窩鷓鴣粥」！
呢款係百年歷史嘅傳統粵菜，
喺好濃稠嘅粥入面有好多鷓鴣茸，好有咬口，
同時有化痰止咳嘅功效，真係又好食又健康！
而燕窩真係有極多！係非常滋補嘅一款湯羹。
特式菜我哋就試咗「大蝦多士」，
一上枱就覺得好有氣勢！每條蝦都得好金黃，
大大隻，入面係好豐富嘅蝦膠同蝦肉，
配埋甜酸汁食就更加惹味！
之後有五款菜，我哋先食咗一客「自醃味菜炒肚尖」，
呢款係潮式菜，肚尖係最爽嘅部位，
食落比想象中有咬勁，而味菜食落酸酸哋，
令個口味更加均衡。
另一款係佢哋嘅招牌「清炒涼瓜」，
呢款涼瓜係用咗兩個鐘嚟汆水，所以就無曬苦澀味，
會食到瓜嘅清甜，而且係無用油咁清炒，
就比較試到食材嘅真味道。
下一款係「蜜汁火方」，
見個名咁得意，原來係火腿同方包嘅配搭，
佢哋特登用咗菠蘿嚟陪襯，增加甜味，
而金華火腿都好厚實，有鹹香，夾入包度食十分飽肚滿足。
之後係「廣州荔灣豉椒炒蟹」，有蝦兵當然就有蟹將！
炒蟹有兩大隻，豉椒底有鑊氣炒得香，仲有啲辣嘅，
逐隻蟹腳拎住嚟「損」，格外惹味。
最後係「大同咖喱牛腩」，
咖喱醬係店家特製的，唔算好辣，當中會有香料嘅甜味。
而牛腩份量都多，同薯仔一樣炆得好稔，入口即溶，
配埋飯咁食就超正喇。
飯麵類我哋就配咗「蟹油撈麵」，
唔好浪費頭先啲蟹油！撈落梘水度既食到麵彈牙嘅口感，
亦都有又香又惹味嘅蟹油陪襯，
好令人滿足，我仲添多咗一碗！
最後嘅糖水係「臭草陳皮綠豆沙」，
可以揀無糖之後再落羅漢果代糖，會健康啲，
而我果碗就係原味，好食到綠豆沙嘅清甜味道，
未至於起沙，但食到一粒粒綠豆嘅口感都好唔錯，
而臭草又再增添咗一啲香草嘅風味，令個甜品更豐富。
喺尖沙咀區，可以食到咁正宗嘅粵菜，真係好唔錯。
张贴
