大中華飯店 (已搬遷) 新店位置

睇完4嫂的珍情品味,決定一家人冒名來試下,只可以說一般,明星的口味並一代表大眾。先說豉汁炒大峴,峴頗大隻,不過肉身有些林,可能灼得太耐,豉汁味道適中。叫左4隻鮑魚仔,尺寸同日本鮑魚仔一樣,幾爽口,只是白灼再加些豉汁同WASABI你點,都算OK。都算新鮮。再黎個炒糯米飯,個盤夠大,容易炒且炒得夠乾物同香,調味不錯,不會太咸,分量足夠6至8人份。試埋呢個黑椒豬手,名不其實,雖然係咸豬手,但師傅下手太重,或者煮得耐,肉身偏咸;蒸得透身,不會有些熱有些凍,還過得去。假如大家冒名而來可以一試,但味道未必會令人再試,可以有更加好的選擇在這地區。

踏入呢間鋪頭，第一印象係，嘩，都幾汚糟下，直情就係大排檔。但係好多人，夜晚十點都有人食緊晚飯。叫咗招牌鐵版黑椒豬手，上時香噴噴熱辣辣，豬手煮得又香又軟，叫多碗白飯嚟撈埋啲汁，超正！之後再上個鮑魚刺身，好新鮮，口感非常爽脆。炸鱔亦同樣地一啲腥味都冇，外面酥脆入面滑口。炸皮蛋、糯米飯、拼大腸、辣子雞..每一樣都可以同出面啲高檔餐廳比拼。唯一缺憾係入面間房真係可以執下...

我係一個做左短時間飲食行業的年輕人 因為我岩岩出糧 老闆又咁關照我 緊係要請佢地食翻餐好野嫁啦 所以就google下有咩人氣飯店 就咁就比我搵到位於長沙灣的大中華飯店 於是我就提出左即晩出發 老闆好懷疑咁問我:::又係大中華？得唔得嫁?-其實機警的我以經一早上網睇過食評,極大人數表示讚好-我好大口氣咁話:信我啦，呢間好多人食過都無問題~於是就狗衝開車出發。到左長沙灣，入到人氣飯店-大中華-坐低之後，望到環境同我想像中有極大出入，天淵之別！ 不過做過短時間廚房又熱血的我又怎能被環境衝擊到我對美食質素的求知慾呢..?多疑的我唸深一層 環境咁差都有咁多人排隊 呢間野D廚師真係臥虎藏龍,一D都唔簡單~我就即刻睇餐牌 叫左我最期望的黑椒豬手 酥炸大腸 上湯浸菜心 特色中華撈起 秘制雞煲 中華佛跳牆~當我唸哪個熱辣辣的豬手，沸騰住撲鼻的黑椒汁，令我垂涎三尺的時候,冷靜的豬手已經放到我枱面了。但係廚師精心研究用高溫鐵板保持住沸騰的黑椒汁,居然只能係我面前足足沸騰5秒?我咬左豬手一啖，凍嘅=_= 啲肉梅嘅 換都廢事換就停口了~特色中華撈起，我覺得呢個除左賣相同麻油之外都無咩好講，無特別。酥炸大腸,呢個

一向唔贊同選舉使用「比例代表制」，因為唔夠民主！不過…凡事都有例外！正如上星期，去長沙灣【大中華】，呢間人氣夠爆晒燈啦掛！晚晚排隊，仲要限定食兩粒鐘；咁究竟有幾好味呢？可以參考吓以下嘅比例……(以下純粹我自己個人意見)第一候選菜式：撈起三文魚同生菜嘅比例係1比9生菜大勝！第二候選菜式： 豉汁炒蜆蜆殼同蜆肉嘅比例係7比3蜆殼又贏！第三候選菜式： 薑蔥生蠔薑蔥同生蠔嘅比例係8比2薑蔥獲勝！第四候選菜式： 燒鵝皮脆同肉韌嘅比例係8比2肉韌再贏！第五候選： 環境差同服務差係5比5居然係叮噹馬頭，不分勝負！好彩！都有個冶味嘅黑椒豬手，同外脆內軟嘅琵琶豆腐，拉返少少選票！唔係嘅話，都唔使指旨意有下次！今次嘅「比例代表制」選舉，代表咗一個結果，就係人氣…唔一定信得過！

分兩個時段, BOOK 咗8點半食晚飯. 黑椒豬手煮得好淋, 招牌菜一點都唔失禮. 其他菜式口感亦不差,有鑊氣. 要批評的是, 一, 味精極多, 非一般的多, 湯水基本不用點了, 全味精. 全晚一路喝水, 簡直停不了手. 衛生亦有問題, 廚師一邊食煙一邊炒菜...吃完飯下一站必為甜品鋪, 太口乾了

早幾日前約左成班同事要一齊放工食飯, 同事試過之後話值得再去一趟, 甘我地就book 左大中華飯店.去到既時候6點半左右唔係太多人, 原來都有幾間鋪位.一坐低同事就話要點野, 一路講一路將菜名寫上入單紙上, 原來呢度係要自己寫單交比侍應. 聽講呢間係星級飯堂, 門外有貼住的明星相, 又上過電視.撈起 : 係一個三文魚刺身醬油沙律, 要大家用筷子撈均所以叫撈起, 味道幾清新黑椒汁豬手 : 味道有的D 偏鹹, 不過隻豬手好大碟, 鐵板上白焯花甲 : 夠多肉腐竹胡椒豬肚湯 : 白色的湯水夠胡椒豬肚又好味, 不錯南乳炆鱔 : 夠脆又香, 塊鱔片都幾厚肉隻雞...好似叫乞丐雞 : 成隻用鐵支串起, 要用手撕黎食, 隻雞幾滑, 幾特別刴椒豬腳仔 : 呢個好好味, 又入味又好咬生少糯米飯 : 會即時係你面前炒, 不過份量較少而且唔係太香冰鎮墨魚 : 厚肉爽口

看到鐵板豬手，不少香港饕餮都立刻猜到是在哪裡。位於長沙灣的大中華深受三色電視台的藝員歡迎，經電視多次介紹，吸引過無數食客慕名而來。是晚跟朋友早早在一星期前預約，一試這裡的人氣到底真是憑巧手小菜，還是只是單靠吹捧出來的。預約時已得知七時入座，八時便要還桌，但最終入座時竟可坐至八時半。我們被安排坐到店後舖，環境比前舖寬敞舒適。由於店實在太忙，點菜也得由客人自行寫在紙上，再交給店員。雖然店員服務跟優良差之千里，但亦談不上差。率先上來的黑椒鐵板豬手($90)肉質柔軟，刀叉一壓下去便輕易分離。豬皮脂豐油潤，豬肉紅粉軟嫩之餘帶鹹香，加上黑椒汁更是惹味香口，難怪在每桌都不難見到它的蹤影土匪雞($220)和燒奶豬都可以在預約座位時預訂。所謂土匪雞，跟上環小杬公的企鵝雞和土瓜灣好知味的紳士雞同出一轍，都是把雞以站立姿態烤煮。雞以花椒入饌，不用加薑蓉味道也已很足夠。可惜雞肉烤得稍乾，皮又不脆，自己在家以鹽和白醋弄的燒雞還比它好吃。而且雞身不大，如此高價實不划算，不入推介之列。獲大家力讚的臘味煲仔飯($80)沒有寫在菜單上。店員先幫我們在鄰旁的空桌攪拌好才拿上來，光是看上去便知臘味足料，米粒乾爽分明不油膩。

見有很多良好食評,於是去食那個出名的臘味煲仔飯,星期二晚都好旺,同老公2人叫咗煲仔飯,鐵板牛,煎肉餅...坐低好耐...食完飯同牛都仲未上肉餅...吹咗好多次...見其他飴上菜都好慢10幾人等一碟一碟分開上的菜,到最後2小時後走都仲未上肉餅,食物ok,都實在不值得等那麼久!!

又收到紅色炸彈，不管做三舊五舊或是一千人情，到唔到都好，禮貌上都要出來拿張帖。四條麻甩佬，無須去酒店餐廳咁高貴，那就索性麻甩到底，吃些風味食物，來得更為暢快。大家以前讀同一所中學，份屬師兄弟，所以就揀了學校旁邊的大中華，談起近況，談起往事來，倍感親切。相信有留意電視飲食節目的大家，對大中華的名字絕不會陌生，差不多每個飲食節目均有介紹，不少明星更是這裡的擁躉。豬手和雞是大家一致想食的，再加個菜，已經很足夠了。土匪雞是招牌菜之一，整個雞是豎起的出來，頗有氣勢，雖然不是首次見識類似的出品，但這賣相的確是吸引。就由我出手，三兩下手勢把企棟棟的雞「支解」，大家可以隨便吃。雞皮是微脆，肉質嫩滑，入味非常，根本無需沾任何醬汁，已經很夠味。未幾，鐵板黑椒豬手也上場，鐵板的沙沙聲響，煙呼呼的冒出，熱烘烘的，自然令人口水流。「分屍」的動作繼續由我來辦，一下刀，骨肉容易分離，很是對頭。豬手外皮豐腴，肉質嫩口，黑椒的辛辣味雖不算很出眾，但調味亦足，是惹味的一道菜，如果有枝冰凍啤酒在手，更加無得彈。再來一客琵琶豆腐，豆腐大大件的，咬落卻欠缺彈牙口感，腍腍的，還好醬汁是微微的酸酸辣辣，幾醒胃，吃三幾件是毫無問題。

第一次黎食，家人早上book定位，晚上去到唔洗等位lu..落order後，d菜好快上。呢間野真係平、靚、正鐵板黑椒豬手無影相，但好正！

想來試好耐喇! 但係次次都無位~ 今次就早一個星期前打電話book定，終於可以試到喇!差不多樣樣都好味，尤其是豬仔腳，真係好麻好香，重有臘味煲仔飯，同其他餸都好好味呀! 最唔得都係個花甲，太熟了~其實重有豉汁蒸鱔同豉油王鴨下巴都好好味! 而且又抵食，5個人都係食左六百零蚊~下次真係要試埋其他菜呀~

因家人看了飲食節目介紹，決定姨姨生日飯來試試（雖然家住港島區），卻換來一肚氣。- 檢查賬單時發現被加多項無叫的東西：1. 藍妹一支（完全無叫）2. 兩支支裝茶（完全無叫）3. 嗌咗六罐汽水被寫為八罐飯店所作所為襯哂佢隻土匪雞！-衞生極度欠佳女廁非常嚇人，坐廁廁板有屎，蹲廁周圍很多廁紙加尿尿，最後要帶著八十歲婆婆過馬路到附近長沙灣體育館廁所。-食物非常油膩，例牌魚雲一碟賣190元但不新鮮而有點臭。謹此分享及建議-光顧的一定要check 單！

每月一次的女生聚會又到, 今次好友選了這家位於長沙灣的大中華飯店開餐.雖然宅女未去過, 但都知道這家餐廳受電視明星效應後, 幾乎晚晚都爆場. 幸好朋友醒目, 半個月前一早巳訂好枱, 我們也不用受等位之苦.那天是周末, 我們一行12人浩浩蕩蕩的差不多6點就在長沙灣地鐵站出發, 來到時也巳經看到不少人聚了在門口.店子其實在橫巷內分了幾家鋪位, 每間店都可以容納5-6張大枱, 計算起來其實都幾多人. 環境就是一貫的港式大排檔風格, 裝修當然是簡單一點沒什麼花巧了.這裡有個特色, 是飯店不會有人特別走來幫你下單, 而是放了個菜單紙在桌上, 自行填寫好後再交到門口給阿姐.我們女多男少, 在座也有朋友皮膚敏感, 所以是夜以清淡一點及小炒為主.先上桌的有這裡其中一道招牌菜 - 黑椒鐵板豬手 ( HKD$90)用熱辣辣的鐵板來盛著肥美大隻的豬手, 還不斷的在霧煙及發出''滋~~滋''的聲音, 香味四溢, 大家看得口水直流!! 好野當然要趁熱吃, 馬上把豬手肢解, 肉質淋軟得不費吹灰之力便骨肉分離.豬手肉質呈粉紅色, 是剛剛熟的程度, 加上油脂豐腴的外皮, 肉質又香又軟, 個人來說絕對可以KO半隻. 而

雖然依排成日食好嘢, 但有朋友羸咗錢請客, 就一定要去贈慶了, yeah~~~~~~~ 大中華我係第一次去, 原來有幾個朋友都去過食就讚不絕口, 所以我就上網睇下食評, 個個都讚, 淨睇相都好吸引了~~ 可能因為聽聞早排曾志偉介紹過這間舖頭好食, 同埋聽聞好多明星都係常客, 所以好多人都聞風而至, 當然包括我啦~~~~~~ 訂咗位都要等一陣, 係要限時2小时內離座, 其實都好難慢慢食, 因為佢真係上菜奇快, 唔夠半小時已上齊9度菜了, 將枱又細, 擺到滿枱都係,根本無地方放, 所以唯有快快食, 否則放不到下一碟餸, 全程食得好趕, 所以你叫我哋怎能食到2小時呢~~~~~~~~ 由於招牌菜""乳豬:"要一個星期前訂定的, ,所以朋友就預早order一隻,賣相都ok, 但豬身味道不均勻,中間勁咸,其他部份淡到無味, 如果唔係話會招牌菜的話,可能唔係咁失望的@@ 10款餸埋單都只係$1,030咋, 仲要足8個人食添, 果真平靚平^^

聽男朋友講好耐年前TVB有個節目曾志偉都已經黎過呢間野做宣傳, 果時都未禁出名既, 朋友之前都想叫我黎試下, 但自從7月尾TVB另一飲食節目"珍情品味"(由戚美珍主持)又介紹大中華後, 真係不得了, 你唸住無訂枱WALK IN多數無位, 訂左位又如何? 只限個半鐘頭食.....鐵板黑椒豬手 - 呢個好味到不得了, 豬手又"林"又嫰又夠入味, 圍圍都叫呢樣, 真係必食之選!!胡椒豬肚湯 - 可能我唔太食得辣, 呢個真係有小小辣, 但蓋過晒豬肚味. 講真"增輝"既胡椒豬肚花甲湯好味過佢.冰鎮鮑片 - 呢個幾特別, 好清甜, 點埋個日本豉油先食, 唔錯唔錯!土匪雞 - 黎到確實幾吸引, 不過好老實, 外層滑又幾滑但咬落去有小許"鞋". "萬發"既風沙雞咬口+味道好味過佢.豉油皇大蝦 - 豉油味浸晒入殼&全部肉, 蝦頭又有膏, 我真係連殼食, 又係必食之選!!黃金(咸蛋)炒鮮魷 - 呢個餸有D渣流灘, 份量又小黎到時好似比人食過咁, 炸得比較乾, "萬發"的好味過佢.琵琶豆腐 - 本來好期望既, 但真係失望, 以前曾經在屯門一間小菜店食過既味係, 有豆腐+豬肉+其他調味, 非常之有咬口. 但大