大中華飯店 (已搬遷) 新店位置

訂位只有6：30/8：30，可以吃2小時。我們8點到了，還是要等到8點半才入座。黑椒鐵板豬手 $100(好食指數: 8/10)豬手非常惹味，唔會醃得過鹹，皮同肉好腍，中意食豬手既人會大愛。琵琶豆腐 $70 (好食指數: 8/10) 豆腐蓉炸到好香脆，沾埋醬汁，令本來平平無奇既豆腐都變成上菜。中華特色撈起 $80(好食指數:7/10)撈起係有生菜絲，火腿，木耳絲，脆卜卜，三文魚，再沾埋wasabi豉油。食法係幾創新，不過就唔算好特別。臘味煲仔飯 $80(好食指數 :7.5/10)聞落去好香臘味味，呢款煲仔飯唔似平時會癡底嗰隻，最後店員係會加花生同蔥炒下撈下。飯既份量比較少，反而蔥既比例好多，但都算香口乾身。

由於明星效應令這店火速人氣, 訂下一套他們認為合情合理嘅規則, 一般我們不會來這類型自視甚高嘅名店, 因為多半其真身是甚為嚇人, 但少婦A對這裡又似乎甚為欣賞, OK來一次吧! 當日點了的菜式如下:白烚花甲(凍食) – 花甲比較大隻,但大隻的同時個蜆肉亦會較結實, 胃部弱的食友們小心!墨魚片(凍食) –質地似擦紙膠, 明顯烚過籠!醮汁就只有一碟醬油 + 一小包日式芥辣, 灑面嘅蔥絲/ 芫茜葉開始脫水, 有幾多誠意一望而知!炸蛋 – 一個泰式的蝦膠包皮蛋,層蝦膠好簿, 總共用了兩隻皮蛋, 配一個泰式雞醬, 非常之好利潤的菜式,亂棍打死牛魔王 - 亂棍的荳角炒得好好, 牛肉因為已經被打死了沒有牛味的一舊牛肉, 最厲害的還是味道很濃,南乳汁配炸鱔片 – 全晚的菜式之中,以這個比較好食及鰻魚有鰻魚味, 不過如果個炸漿可以再簿一點會更好效果, 而個汁就當然係”重口味”啦,蟲草花蒸田雞 – 基本上” 蟲草花”不會有什麼味道, 而田雞則是用上”SS” size肉當然滑啦, 重可以慳番d 蒸嘅時間添, 味道算較為適中

朋友一直推介~ 一定要吃大中華黑椒豬手~！是日有朋友生日, 約了一席總共十五人到大中華慶祝生日~訂檯訂了8時, 完全不用等位, 但餐廳坐無虛席, 証明訂位安排做得好這是我第一次來=] 環境尚可, 一般大排檔格調, 尚算乾淨~點了大約11個小菜~ 全部味道都不錯~其中最深刻的是乳豬及鐵板黑椒豬手~乳豬皮脆肉嫩~ 豬手則炆得超淋超入味~另外腊味煲仔飯勁香~ 吃了兩大碗！我們忘記了點南乳吊燒雞>.< 下次一定要試試！ 最後我們因有朋友有事要遲到, 結果坐了4個小時...大中華的阿姐都沒有黑面, 沒有任何趕客的小動作~ 更很樂意幫我們拍照, 取蛋糕~真的值得一讚一定會再來^^

因為三號風球驚多人 家姐同佢男朋友黎車我放工 之後我地諗 咁難得3姊妹一齊,不如食埋先返屋企啦~?!家姐一直想試大中華 好~!咁就去啦~因為今日都係七姐節,都係我大家姐農曆生日 +13/8 新曆生日~GO GO GO!因為打風, 好難得唔洗等位 連泊車都好易搵到位!入到去,呢到好搞笑,要自己寫單,阿姐們都好NICE~我O地嗌左幾個菜鐵板豬手----我平時唔中意食豬手 但呢個豬手個味, 真係吊到O岩O岩好呀!!!!!臘味飯--- 好中意食蔥~~好野味~^0^冰鎮四蔬--- 連平日唔鐘意食羅白O既大家姐都好歡喜食~~~我就好中意D菜心~!VERY NICE!

   壽星女很想到這間大排檔食飯，因她之前聽到很多好的評價。訂枱只接受六點半或八點半。對於上班一族，六點半又趕唔切，八點半又太晏。我們一行七人便嘗試七點半walk-in睇下有冇枱。這次是我第一次光顧此店，人流比預期的多及快。坐下後想點飲品，店員指示我們要行出去士多買飲品。 ??安頓好後，先上枱的是抄菜、抄蜆及炸豪餅。抄蜆微棘，很野味！大家都讚好！ 豪餅很失色，一點豪味都沒有。另外還有蒸白鱔，肉身很滑，沒有腥味。再來的是琵琶豆腐，魚香包在腐皮內，腍腍的很易入口，咸味亦剛好，值得推介！（可惜沒有拍照）最後上枱的是土匪雞，上枱時大家都覺得很特別。雞身用了鋼柱支撐起來，使土匪可以＂站＂起來。壽星女帶上膠手套將土匪分屍，每人都有大大份肉，配以薑䈶吃雞肉，味道尚可。由於要在八時四十五分交枱，我們吃飽後沒有坐多久便離開。這頓室內大排檔慶生飯真是飯香餸正兼抵食！

最近聽到馬榮成想結束多年經營的風雲漫畫，剛好又要為朋友聚餐想地點，不知不覺想到這家和＜中華英雄＞的中華樓名字近似的大中華飯店（不知老板是不是中華英雄的fans？）。多年前來過一次，這次再訪感覺頗為唏噓。如今大中華在兩條街分別共有幾家店面，規模大了，但菜的質素卻大不如前。可能....期望過高吧？！ 黑椒鐵板豬手豬手熟得很「淋」，骨肉分離，很容易就可以切開供大家分享。豬手沒甚麼肥膏，豬皮也頗有嚼勁，上碟時熱辣辣，好味！這道菜保持水準。 冰鎮青瓜青瓜爽口清甜，冰鎮上碟，配上混了芥末的醬油，不過不失。 冰鎮墨魚另一款冰鎮菜式，大大塊的墨魚片，配上混了芥末的醬油，合格之作。如果可以不用芥末，是否可以更好的帶出墨魚的鮮甜味道？感覺有點浪費了墨魚（雖然坊間不少食店也如此處理） 上湯菜心苗菜心非常鮮嫩，蒜、肉碎和蘑菇等配料都好好，而且沒甚麼味精味，不錯。 臘味煲仔飯一上碟，席間立即充斥著香蔥、臘味的香味。沒有以前員工一邊加香蔥、蔥油，一邊將各配料攪動的指定動作，飯的份量也少了不少，但味道和飯的火侯還是保存的不錯。尤其是飯方面，「刮」煲時，飯焦剛剛好可以被「刮」起，火侯掌握得很好

幾個中學同學約食飯，人少少加上大家都慳開所以點幾道小菜就算。食物品質是可以的，但服務態度和上菜時間實在讓人感到氣憤。我們8點45分已經下了第一次order，有三道菜，然後9點05分再追加兩道。第一次的菜在大約9時15分來到，而第二次點的菜即使多次催促，在10點15分也只是來了一道！足足一個小時，這是什麼上菜效率？我們不想懷疑人，開始是覺得食店質素好生意好所以忙，然而最令我們憤怒的畫面是——旁邊的食客比我們遲入座，他們點的菜比我們多，比我們貴；我們苦等一小時，10點15分才來到的那道臘味煲仔飯卻在他們入座不久就端到他們的飯桌上！這個差別待遇是什麼意思？爲什麽叫得多叫得貴就能快點想用？而叫得少叫得平的小食客就要吃一個多小時的西北風？難道食店沒有一家優秀食店應該有的公平服務，先到先得，不分貴賤的原則嗎？即使環境和氣氛還可以，這樣的不公平待遇和服務質素，不要指望我會再回頭。 以下是食物的感想：鐵板黑椒猪手：醬汁香氣和味道都不錯，分量也很足夠，但略嫌燜得太淋，沒有什麽豬手的咬勁，而且黑椒味太重也遮蓋了豬手的味道。吃下去有點像湯渣豬手。臘味煲仔飯：很大的煲，一煲大約有6~7碗，剛好是下雨天氣，涼

其實已經多次嚟呢間飯店食飯，但原來冇寫過食評...噚晚又同士頭婆嚟得呢度開餐，當然必食呢度嘅招牌菜「黑椒鐵板豬手」喇，幫櫬咗十數次，次次都有食呢味餸，啖啖肉，食極都唔厭。其次就係食另一味「椒汁炒蟶子」，因為呢味嘢都幾辣下，吸收咗幾次嘅經驗，所以落單嗰時(呢間飯店係要自己寫餸嘅)，特別喺餸名後面括住『微辣』，但原來都係冇乜大作用，究竟係呢味餸唔可以唔辣吖，定係廚師唔識字呢...，雖然係咁，但呢度嘅蟶子確實好食，相信就算係辣到跳舞都繼續要食...自從上次約兩個多月前嚟過之後，發現呢間飯店要客人自己出去舖頭出面，佢哋自己另外經營嘅一間所謂士多買汽水啤酒，究竟搞乜呀，唔通冇酒牌所以要出此下策？就算係汽水都可以賣啦，出到去問嗰位士多主管(係一般飯店嘅啤酒女郎)乜嘢原因，但佢冇回答...另外，宜家又玩埋甜品，飯店嘅冷氣已經唔夠，我又點會喺呢度食埋店品呢...有兩味餸都要介紹吓，就係「椒鹽骨拼大腸」，同埋「黑椒鐵板肥牛粒」，都係相當好食，大家可以參考一吓！

曾聽過大中華，但那些超大件頭，絕不是KsMeow跟早肥先生能消滅的份量！當他知道我的朋友在那天（正日牛一）開團時...身後背景沒有變黑，亦沒有烏鴉飛過，更豪不猶疑讓路，他說朋友應該有緣相聚！．．．得早肥先生的成人之美，小妹能夠參加麻甩之夜！她的位置並不好找，最後決定下班後跟友人一起前往，由長沙灣港鐵站步行往那里，路途頗遠，格局跟想像一樣，室內大排檔模樣，不要奢望環境整潔，地板乾爽！較原定時間遲了到達，無緣一試店家出名的土匪雞...不打緊，還有很多美食呢！這隻乳豬跟平常在酒樓吃到的細很多，外表微焦；那股炭香味更是外面少有，燒得非常香脆，皮薄肉嫩；看不到多餘的脂肪，吃來完全不油膩，入味得連骨頭KsMeow也不放過，很棒！果真為鎮店之寶！．黑椒鐵板豬手以一個燒得熾熱的鐵板盛著，油吱響聲不斷，霸氣之餘，亦贏得眾人相機的快門聲！用刀叉切下，輕鬆的把其骨肉分離，燜煮時間到位！豬手肉嫩無比，肉汁仍在，伴著軟腍而沾滿黑椒的豬皮同吃，濃味而帶點鹹香，口感滿足得令人再三回味！吃畢兩個重口味的主菜，以上湯節瓜浸魚鰾來清清味蕾也不錯！奶白湯底本身已夠鮮甜；跟節瓜、魚鰾配搭起來更是甜上加甜！新鮮的魚鰾浸著湯同吃

特意相約朋友們來大中華, 多些人可點多些美食賣相有創意, 眼見差不多周圍每枱又有點這個, 我們都一試吧! 肥脆肉滑, 而且很入味, 肉易起, 美味看不似鱔, 吃下都沒有魚腥味, 差不都忘了自己在吃魚, 炸得鬆脆, 像吉列一般, 很特別呢! 加上南乳醬汁, 絕配!從未吃過一味小炒是以很多隻很多肉的蠔來造的, 真是令人驚訝, 蠔怎能那麼'啖啖肉'的, 整體加上配菜炒得很香, 大家也讚呢真是沒誇張的, 又是每枱都會點都一道菜, 鐵板煎著豬手及黑椒汁的香味四散, 很吸引 皮滑肉嫩, 很易切好享用, 令人開胃又回味一試這煲仔飯, 果然足料, 每口都是腊腸, 腊肉等材料, 毫不吝嗇的, 香口有飯焦, 實在難得!

食物過得去，但老闆娘態度勁差，不可一世咁樣！之前都聽聞過朋友反映，但尋日我6:45pm去到登記，被該老闆娘白眼！一句我無訂枱，佢轉頭走咗去，咩服務態度？另一個伙記問我你幾位？我話6位，無訂枱？我話係，佢又黑面話我而家比妳入去，坐到8點幾你要交番張枱比我！我話我朋友15分鐘內到，我等齊人入還是點樣，佢答我你自己諗，最後我自己入咗去，該伙記提醒我，我要而家落單食咩，陣間唔知做唔做到比你，我話朋友未到，未知點咩菜，佢只係一手比張點菜記錄咭我，上面寫8:25。未食先受氣，我唔係唔想訂枱，只不過電話無人接先walkin，食物係ok過得去，有好有壞，只係曾志偉幫佢做過電視宣傳先咁多人去試！我就唔會再去喇。

黎大中華覺得最麻煩係交通不太便，渣車泊佐要行15分鐘。這裡有好多唔同舖，所以約佐人留意正確位置在那裡。之前食過一次，覺得很好味，好有大排檔風味但又比較特別。今次再黎食，可能所點的菜單同之前不同，因此覺得無咁好味脆皮鱔，我們也很鐘意鱔，但這個炸佐，反而食不到鱔的鮮味，也食不到這味餸應有的味道。唔知這道菜應該是什麼味。炸大腸，好邪惡的一味餸，但加埋啤酒，實在絕配。炸得好脆也不油利。這個蠔很入味。等了很久的苦瓜蟹，想不到苦瓜加埋蟹的鮮味是咁鮮咁特別，很甜。愛苦瓜的人可一試，涼伴魷魚，這個很油。。。係麻油味。。怪怪的，不會再試菜，正。黑椒豬手，好腍，好入味。

今天與世界貓舊同事送行，朋友極力推介這間經常有電視介紹的人氣飯店--「大中華飯店」。早了三星期訂位，而且只有兩段時間六點或八點半選擇；朋友還千叮萬囑要早幾個字攞位，認真巴閉～「大中華飯店」地點算幾唔就腳，位置在長沙灣同荔枝角中間，兩頭唔到岸。當晚還下着細雨，真係難搞～去到門口，嘩嘩嘩！真係好多人已經企定定等攞位，門口只得一位阿姐，接電話、登記、埋單計數都係她一手搞定，勁！！等左十五分鐘，終於阿姐叫我地自己去後巷入坐，好彩朋友來過，知道點去。店員放下餐牌及碗碟便離去，這裡下單方式是自己寫菜名 。Menu 製作精美，圖文並茂；選擇多，而且款款都好吸引～黑椒鐵板豬手 $100色香味俱全的名物色：巨型豬手放上的熱辣辣的鐵板上，黑椒汁在鐵板上「跳舞」，還不斷霧煙及發出''吱吱''的聲音；加上芫荽、洋蔥、青椒絲和紅椒絲放滿鐵板，色彩繽紛大家都不禁拿起相機拍照及雀躍起來。香：從門口已聞到黑椒汁，香氣迫人，聞得口水直流!味：只要輕力用叉一撕，不費吹灰之力已可把豬手完全肢解。豬手肉質呈粉紅色，烹調時間控制合宜。豬手的外皮又薄又脆，肉質又滑又嫩，入口溶化；黑椒味道香濃，沾上 豬手肉惹味非常，美味無窮。清蒸

你有試過想吃的清單上明明有很多選擇，可是當朋友讓你選的時候總是想不到要吃甚麼嗎？我可是經常也遇到這個情況。有些餐廳收費高，不到特別日子也不會選它；有些餐廳收費便宜，但有時候卻想找一個地點可以讓大家坐久一點丶談多一點；有些餐廳就是一直也提不起勁去，縱然對它的招牌菜有興趣，每次選地方的時候它偏偏又不會是最合適的聚會地點，而大中華就是屬於這個類別的餐館了。這夜來到我們先到店前報上名字，然後就派到另一個用餐區，朋友指這邊比起店前坐得舒服，而且也沒有那麼焗悶。聽到滋滋聲從遠處變得越來越近，便知道招牌菜之一的豬手送到了。送到後鐵板上的黑淑汁不斷在蹦跳，豬手又一直在冒煙，拍照時倒是遇上困難，拍好後趕緊切開豬手，可以看到肉質保持一定的粉嫩。這麼肥厚的豬手要烹調火喉上的掌握不易，想不到肉質不會過老，不花分毫的力氣便能吞下去，加上黑椒味可以走到肉的中心，吃起來非常惹味。把雞直立起來烤焗，在香港也不是只此一家，但需要預訂的菜式大家對它的期望總會提高一點吧？黑芝麻丶花椒等香料的味道是可以嚐到出來，可是雞肉本身烤得過火，吃起來皮軟肉硬，就算調味怎樣出色也是挽不回來的，而且雞本身的味道已經很突出，個人認為不用配旁

為左慶祝父親大人生日，經家人決定後到大中華飯店食晚飯，老實說，我也是第一次到這間飯店，也第一次踏足福榮街這個地方，當我去到的時候，只見一堆又一堆的人在等位，幸好家人已一早訂位關係，等了一回就可以入內就座，環境其實不算太好，所以最先也對這間飯店不予厚望，但品嚐小菜後覺得也不算太差。炭燒奶豬，賣相ok之餘亦都唔算太肥膩，同時沾乳豬醬同芥末醬都幾好味，不過$450其實都幾貴 ><"。鐵板黑椒豬手，豬手煮得好淋之餘黑椒汁亦都好惹味。臘味煲仔飯，整體不錯，不過略嫌份量太少，事關個煲size非常大，但實情啲飯只有四分一，只係夠4-5人享用。豉椒炒聖子，聖子新鮮不過個汁感覺上有少少鹹。椒鹽骨拼炸大腸，份量真係好少，而且啲肉仲要細細舊，炸大腸感覺就似炸左都一段時間，味道一般。椒鹽鮮魷，呢個就不過不失。雜菜煲，用料豐富，不過賣相就真係好唔掂，唔知點解覺得啲湯好重味精。另外一碟唔記得個名，不過係菜+魚肉煲，因為小弟唔食魚肉關係所以唔作任何評論。總括而言，食物質素真係唔差，但係份量同價錢好似真係差太遠。另一方面，環境真係令人有少少卻步之餘，樓面服務態度亦都有待改善。