大中華飯店 (已搬遷) 新店位置

這天我們一行十二人，來到長沙灣的懷舊中菜大中華飯店，除了吃中菜之外，也品嚐了以原味雞入饌的菜式味道。先來是一個懷舊香港式的滾湯「芥菜豆腐滾肉片湯」，味道清甜，而且甚有下火的功用，如果加一碗白飯，就已經是一個美味的湯飯。向侍應查詢一下，原來所謂原味雞，是用東莞虎門九十日大，二斤半重的雞，在殺雞後的黃金48小時內處理，然後用低溫65度浸熟，令到它保持肉質的嫩滑。「土匪雞」的味道最香口，甚有燒雞的影子，皮有焦脆的效果。「沙彊雞」醃得不錯，鹹香之餘雞肉仍滑，好下飯。「白切雞」則是最談味的選擇，反而最能品嚐到雞本身的鮮味，三款之中我最喜歡這個！除了雞之外，我們還品嚐了「冬菇粉絲煮蜆」，蜆冇沙之餘上湯亦令其入味。這天因為事忙而要先走，未有機會品嚐其餘的菜色，下次再來的時候必會盡情享受！

之前睇過電視介紹過～終於去咗試啦～不過佢個位置比較難搵～環境比較舊同迫～雖然得兩個人食，但忍唔住叫多咗野試～冷鎮鮑魚～雖然唔算大隻，但夠爽口彈牙～鮮味～介菜湯～用料都幾足～炸大腸，椒鹽骨依碟大讚丫～大腸炸得勁脆，腸內唔會有大量肥膏，勁香口～而椒鹽骨好入味～又唔太咸～表面有乾脆～正～金蠔～用美極煎完幾香～啖啖肉～不錯主角當然係豬手啦～大大隻～上枱淋汁時（炸炸）聲～勁香～見到接近每枱都有叫～豬手脂肪唔算多，肉質都嫩～配上黑椒汁，非常惹味～見到人地多人食可以叫到糯米飯同乳豬，勁想試～下次會叫多啲人再去食～

說大中華=Fine dining, 不是環境不是服務不是食物，是價錢。他的乳豬熱辣辣，皮脆卜卜，肉汁四淺，的確味美，但一隻五百六，不計滿是肥羔的頭和烤燶了的腳，可吃的是十七件，差不多是三十五元一件，是Fine dining 的價錢，好味也祇會吃一次。豉油皇煎蠔賣相十分好，滿有期望，入囗卻原來是溫溫吞吞，葱也沒爆香爆透，沒有大排檔的鑊氣，對不起顆顆肥美大蠔。臘味煲仔飯香熱，是今夜佳作。雲吞雞的湯沒雞湯味，沒有雞湯連結，把雞鮮味滲透其他配料，雲吞、菜、雞、冬菇似碰巧被放在煲內，吃得滿不是味兒。

一班人係長沙灣打完波搵野食第一時間就諗起大中華等位果陣以為得大街果兩個鋪位咁少位點知後面街成個場都係佢 好霸氣豬手真係一流 好香 肉好嫩 好似和牛咁入口即溶正過德國餐廳果d連d洋蔥都好好食差唔多台台都叫 見一隻就想食一隻其他小菜如椒鹽九肚魚同蠔餅 不過不失另外煲仔飯都好香睇落好吸引 雖然味道普通XD上菜快 冷氣夠 地方乾淨 又闊敞重點係大件夾抵食 如果唔叫招牌菜同多人share既話唔計酒水甜品 我地埋單每人唔洗$70而且佢有一站式服務做埋甜品生意 唔洗去第二度又再等位 同人迫款式多又精美 食到想食好耐既香蕉船 好滿足酒水方面都有好多選擇 唔同地方既啤酒都有因為walk in 所以食唔到最出名既奶豬有機會一定再黎!

上次食完"大中華"之後，一直念念不忘，仲有好多别居風味既小菜未試呢 ！咁啱又有班朋友想試下，即刻訂位先，一於訂埋上次未食既炭燒乳豬 先！試左上次未叫既菜式:-1. 炭燒乳豬 : 皮薄香脆, 肉質滑嫩。2. 冰鎮鮑片 : 口感煙韌，鮮味可口，忍唔住食完一片又一片啊！3. 南乳吊燒鱔 : 南乳醬汁剛好，鱔肉爽囗，炸粉薄脆。4. 撈起 : 有三文魚、青瓜絲、生菜絲、火腿絲、蘿蔔絲、黑木耳絲等撈埋一齊食，爽甜清新，囗感層次一流！5. 豉椒炒聖子 : 夠辣，聖子爽囗惹味。6. 豆角牛肉煲 : 牛肉鮮嫩，豆角爽脆。7. 竹笙雜菜煲 : 竹笙清爽。當然唔少得番叮上次既招牌豬手、炸大腸、椒鹽鮮魷等滋味小菜喇 ...仲食埋甜品糖水添 我個oreo木糠布甸，oreo餅碎夠質感，溝埋滑溜溜既布甸，超yummy吖！今餐又甘豐富了

今日朋友帶左我黎依間大中華飯店。由於時間都算早，所以唔洗點等，侍應好快就帶左我地入去，朋友做大佬幫我地叫野食,首先係一個鐵板黑椒豬手,依味野真係正炸炸野加埋咁大隻豬手已經吸引著我隻眼同個口，當然一定夠熱喇,加埋仲好香嫁,我對豬手既印象唔太好,通常都好肥好油膩,食少少就夠，不過依到個豬手就比到第二種感覺我,佢個肉真係好嫩，最緊要係個好惹味既黑椒,令到佢唔會太油膩，真係好夾,同埋鐵板食真係一個享受。之後就係一個炸蠔餅,依個蠔餅唔算太油膩，好脆口,D蠔肉加埋蔥花好香,唔會有怪味,再加多少少調味料,一流。最後就一個蒜香骨喇,係頭個兩樣都好正既相比之下，蒜香骨就差少少，味道唔係差,不過無頭先個兩個咁好，不過都算好滑，有D肉汁,不過依到野食既份量真係好多,好滿足。

己聽聞大中華名字很久, 也在電視見到訪問老闆出身不是大厨, 而是自學自創, 本來對老闆的堅毅也感佩服, 一直未有去機會去諗, 終於這星期約了朋友一試, 本來以為有點祈望, 是否很好味呢?星期五晚人特別多, 還好朋友一早訂位, 但仍需等十來二十分鐘, 本來沒所謂, 諗住食到好東西等一等也值得, 怎知花錢還一肚子氣. 極度失望.當晚點了, 鐵板豬手, 味道一般, 黑椒很多, 喜歡辣的朋友會覺得好, 我也喜歡辣, 但覺得味道一般, 我在別的店吃過比大中華好好多, 可能名氣大, 讓人更加失望.風鱔- 炸粉太厚, 口感不好, 正常應該是很鬆化的才算好, 但大中華用粉太厚, 口感硬工夫雞- 造型得意, 但味道一般, 雞肉不夠嫩, 皮又不趣.豉椒聖子 - 比較辣, 變了吃不到聖子的鮮味, 但整體味道還不錯, 可是份量少. 我們四個人都只是一人一口, 大約有七件左右.雜菜煲 - 正常, 份量算充足.黃鱔炒飯 - 味道OK, 沙鍋上, 熱氣騰騰.踪合來說味道平平不是特別好味, 坐的是大排檔格局, 但不明這麼多人排隊吃, 應該是明星效應, 以為明星去吃的就一定好好味, 但我是說事實, 好就好,不好就不好,

大中華依個名，無論係飲食節目，定係朋友介紹都聽過好多次。今次與同事聚會終於有機會試。食飯有分時段1815－2015，2015－2215同一般食小菜既飯店一樣，環境一般，但座位夠，亦都唔迫。飲品同甜品都要例外買，但其實亦都屬於佢地既，比較得意。食物好快就到，可能唔算太滿既關係，過左時間只係叫我地埋單，無趕我地走，依個抵讚。價錢亦都好合理，絕對可以encore

成班朋友約左星期日去長沙灣打war game, 女神搞手提議玩完去就近既“大中華飯店”食晚飯…Wow …好多明星 成日去既”大中華”喎, 出名好食, 個個都say yes la…醒目女神一早book定位, 我地唔使等, 即刻有位!!!”大中華”係一間類似大排檔既飯店, 就係甘d小菜先夠鑊氣 吖麻! 我地一行十五人, 坐張大圓枱, 個個又攰又餓, 差唔多樣樣都點來食呢…1. 鐵板黑椒豬手 : 店內最出名既招牌菜, 點少得佢! 熱辣辣, 切開個大豬手, 肉質微紅嫩, 咬落超嫩滑, d豬皮滑溜溜, 簡直可以話入口即化, ichiban!!!2. 臘味煲仔飯 : 香噴噴, 有好多葸花、芫茜、花生、臘腸粒等等, 煲底仲有飯焦添, 相當有口感, 正一色香味俱全! 但食唔慣濃味既朋友會覺得鹹左d囉…3. 冰鎮花竹蝦 : 成隻碗甘大, 超大隻呀! 肉質又爽又彈, 蝦頭仲有蝦膏呢, 其實唔使點washibi, 已經夠鮮甜!4. 炸大腸 : 炸得好似乳豬皮甘卜卜脆, 腸肉軟嫩! 今餐食唔到招牌菜燒乳豬(因為要預訂), 食呢款補番哂數lu。5. 煎鹹魚肉餅 : 蒸既就食得多勒, 煎既就第一次

久聽餐廳大名剛好有空，前往一試。從後門入一路被指引到前門取位，時間是晚上七時，我們三人八時半可交位所以可以立即入座。又繞了一個大圈才進入另一舖位點菜。每枱都點了豬手，真是招牌菜，醬汁惹味，肉厚，軟滑。海味雜菜煲，大大煲，材料豐富，有三四種菜，不錯。葱花黃鱔，是葱的愛好者必選之物，只是黃鱔畧嫌伴頭細一些，伴以花生，相得益彰。相拼太乾，骨頭已細粒，全無肉味，大腸外乾內軟，還可接受。啤酒要自備，可點甜品。

友人生日想試新野，有人提議大中華飯店逐去之，坐低點了幾款餸最喜出望外是鐵板黑椒豬手，豬手大過拳頭肉質鬆軟黑椒味夠濃。南乳脆鱔夠鬆脆又不肥膩，冰鎮保龍其實是墨魚雪凍夠爽口，值得一試。

只有我和母親大人二人  雖然想點的菜很多如: 土匪雞, 炸膳, 炒蟶子......但眼闊肚窄   唯有點最人氣的兩樣:鐵板黑椒豬手   &   腊味煲仔飯夠晒大隻　用刀叉一剧就開　ｄ肉夠稔　黑椒味香濃不過母親大人就話對佢黎講有ｄ辣遠處傳來“沙沙”聲　　原來係我地個煲仔飯　　只見阿姐係遠處一張吉枱度左攪攪右攪攪個煲　放上黎就係哩個樣　　ｄ料攪得好均勻多蔥多腊味多芫茜　　夠晒熱　　好鬼香一煲都分到４大碗　　食到我地兩個好飽好味還好味　　哩度ｄ餸重口味　　食得多無益間唔中一次好喇～

地區之外的名店，人多地方小相信是必言，但大中華估據了內街一帶而分間成一間間房以作擴展(更分了英文號碼)，而個別的跟附著豪華的裝修，實在令人讚嘆那種商業頭腦。星期日所謂家庭日，要食飯當然要先訂台，被安排某區的某角尚算不錯，而且還有廁所，真的準備周到，連帶著幾台大台和小台，短短一陣已爆滿，由於很多也是一家大細所以氣氛非常熱鬧。團年時節當然要食到重本，就是份量多的意思，經過一輪修改和一堆人審核後名單終於出爐：鐵板黑椒豬手: 上台時熱辣辣很美觀而有氣勢，手起刀落切開後每人只分到一小件所以最後多點了一隻。肉身帶鹹而嫩，黑椒汁濃度剛好很惹味。煎墨魚餅: 煎得香口而內裡墨魚粒狀很有墨味，但僅此而已，沒有其他特色。冰鎮鮑魚: 大隻鮑魚切開3段方便的分吃，附有日本豉油與芥末醮來吃。鮑魚厚身但嫩滑而鮮甜，跟街市平常看到的細鮑魚完比起來完全在另一檔次。琵琶豆腐: 與某些地方乾身的比起來個人更喜歡有點綴和汁附底，減低油膩感同時更易送飯，內裡口感豐富但不能完全吃出包含什麼，總之就是好吃。椒鹽九肚魚: 外脆內軟正是其寫照但椒鹽太少帶不起味來，但點了喼汁還是不錯。生炒骨: 不在餐牌上証明不是主力菜，骨比肉多雖是正常

與衛斯里一起步過的第三個聖誕，沒有火雞、沒有聖誕大餐、沒有禮物，但有他在身邊，已很滿足很快樂。接過小妹放工，便帶喜歡中菜的小妹來到長沙灣，品嘗十分有名的大中華飯店。時間尚早，不用輪候，經侍應哥哥帶領，我倆左穿右插的來到E區。外表小小的飯店，原已佔領後巷的區域，形成自家飯店區，食物定必出色，不然又如何擁有這規模？這兒點菜是由客人自理，寫在一早已放置在枱上的板子，然後再交給侍應。這省卻侍應留意枱面情況和下單的時間，而且亦降低下錯單的機會，不過為此，諸位客人則要寫得清楚，以免出現誤會喔！看過餐牌和食評推介，眼闊肚窄的我倆本多想叫一客煲仔飯，但最後看到實物後還是放棄，待下次光臨時再點吧。最後二人點了：1. 鐵板黑椒豬手2. 炸蠔餅3. 金銀蛋菠菜4. 蒜香骨鐵板黑椒豬手這道馳名菜讓小妹體會了「先聲奪人」。滋滋作響的豬手吸引了一眾目光，最後降落於小妹枱上。熱呼呼香噴噴乃小妹對豬手的第一印象，急不及待的想把他立即切開，但畢竟「人未食相機先食」的習慣，還是為他拍下珍貴一刻才動手。豬手肉嫩，配上惹味黑椒味，令味蕾享受著刺激而香濃的美味。炸蠔餅蠔餅沒有預期的油膩，而且更出奇的香酥！蠔肉與蔥花的配合，再加

話說聽朋友長沙灣有間野好多明星去幫親尤其曾志偉(我朋友見過佢好多次)正題:去拎位果陣,門口個呀姐個態度極差,同D MK妺冇分別       佢眼神超白眼,目中無人,不可一世咁 幸好D樓面好Nice!帶我地去我地既枱 悲劇發生了!野食要自己寫......算,自己寫!叫D樓面拎2枝ASAHI,WHAT!?士多買!?野食自己寫算啦,懶到連兩枝野都懶得拎........好啦,順氣後見到其他人食豬手,熱辣辣咁,下單(共6碟)豬手好快食得,切開(え？）呢個豬手淋到成條魚咁,甘仲叫豬手ma?好重味精椒鹽鮮魷......好少,好冇誠意 琵琶豆腐唔錯(好快食得) 臘味煲仔飯(講左不要葱......)What.....?挽野?南乳炸鳝.......根本是吉列鳝(是中菜館嗎?)埋單果陣,又見到門口個呀姐........繼續白眼mode講真,我泥左一次之後,死都唔泥食從來未見過一個侍應做到咁目中無人(有明星後台掛?)