影片
更多
2012-09-19
746 浏览
聽男朋友講好耐年前TVB有個節目曾志偉都已經黎過呢間野做宣傳, 果時都未禁出名既, 朋友之前都想叫我黎試下, 但自從7月尾TVB另一飲食節目"珍情品味"(由戚美珍主持)又介紹大中華後, 真係不得了, 你唸住無訂枱WALK IN多數無位, 訂左位又如何? 只限個半鐘頭食.....鐵板黑椒豬手 - 呢個好味到不得了, 豬手又"林"又嫰又夠入味, 圍圍都叫呢樣, 真係必食之選!!胡椒豬肚湯 - 可能我唔太食得辣, 呢個真係有小小辣, 但蓋過晒豬肚味. 講真"增輝"既胡椒豬肚花甲湯好味過佢.冰鎮鮑片 - 呢個幾特別, 好清甜, 點埋個日本豉油先食, 唔錯唔錯!土匪雞 - 黎到確實幾吸引, 不過好老實, 外層滑又幾滑但咬落去有小許"鞋". "萬發"既風沙雞咬口+味道好味過佢.豉油皇大蝦 - 豉油味浸晒入殼&全部肉, 蝦頭又有膏, 我真係連殼食, 又係必食之選!!黃金(咸蛋)炒鮮魷 - 呢個餸有D渣流灘, 份量又小黎到時好似比人食過咁, 炸得比較乾, "萬發"的好味過佢.琵琶豆腐 - 本來好期望既, 但真係失望, 以前曾經在屯門一間小菜店食過既味係, 有豆腐+豬肉+其他調味, 非常之有咬口. 但大
朋友之前都想叫我黎試下, 但自從7月尾TVB另一飲食節目"珍情品味"(由戚美珍主持)又介紹大中華後,
真係不得了, 你唸住無訂枱WALK IN多數無位, 訂左位又如何? 只限個半鐘頭食.....
鐵板黑椒豬手 - 呢個好味到不得了, 豬手又"林"又嫰又夠入味, 圍圍都叫呢樣, 真係必食之選!!
胡椒豬肚湯 - 可能我唔太食得辣, 呢個真係有小小辣, 但蓋過晒豬肚味. 講真"增輝"既胡椒豬肚花甲湯好味過佢.
冰鎮鮑片 - 呢個幾特別, 好清甜, 點埋個日本豉油先食, 唔錯唔錯!
土匪雞 - 黎到確實幾吸引, 不過好老實, 外層滑又幾滑但咬落去有小許"鞋". "萬發"既風沙雞咬口+味道好味過佢.
豉油皇大蝦 - 豉油味浸晒入殼&全部肉, 蝦頭又有膏, 我真係連殼食, 又係必食之選!!
黃金(咸蛋)炒鮮魷 - 呢個餸有D渣流灘, 份量又小黎到時好似比人食過咁, 炸得比較乾, "萬發"的好味過佢.
琵琶豆腐 - 本來好期望既, 但真係失望, 以前曾經在屯門一間小菜店食過既味係, 有豆腐+豬肉+其他調味, 非常之有咬口. 但大中華的"林" "餅" "餅"咬落去一"餅"野咁, 唯一可取係D西蘭花都幾新鮮.
豉汁蒸鱔 - 豉汁味好夠, 鱔味夠, 肉質夠滑, 唔錯!
總括黎講都好味既, 值得再黎!
张贴
