夏麵館 (始創中心)

营业中

休息中

🔎太子彌敦道750號始創中心1樓115C號舖 「正宗上海菜抵食之選」.蔥油拌麵 $42食上海菜唔食蔥油麵點試到餐廳真功夫呀，麵條分明加埋濃油醬，滿滿既蔥香醬香味，回味無窮。濃湯滑津白$98香濃奶白色既湯汁全被津白吸收，加上鹹香味濃的金華，但火腿片非常薄，我比較喜歡有點厚度既金華火腿。蟹粉豆腐煲$98金黃色澤既蟹粉豆腐煲，用熱騰騰既砂鍋保持溫度，食得出豆腐既滑嫩同蟹肉帶出既鮮味，真係好想叫一碗飯。鮮肉小籠包（4隻）$38皮薄、汁多、 餡大係小籠包既標準，果然無失望，一咬開就爆出鮮甜的湯汁，令人忍唔住吃完一個再接一個。豆沙鍋餅 $36當作飯後甜點，係我最鍾意既中式甜點之一！餅皮金黃，夾住豆沙餡，香脆有嚼，甜而不膩，雙重口感！🍽7/10

有屋企人生日，緊係要出街食飯慶祝一下，我地就揀咗間位於太子嘅上海菜-夏麵館。小籠包一籠有四隻，岩岩好一人一隻，小籠包有肉質鮮美，一咬落去仲有大量肉汁流出，要小心辣到個咀呀。雞排淮山擔擔麵好香好有花生味，又唔會太辣，正。最鐘意係有得加$5轉淮山麵，一定要轉！比較彈牙，又唔會太淋，值得一試，又健康！Xo 醬炒年糕味道都唔差，用左xo 醬好香瑤柱味！ 年糕又煙煙un un,口感不俗，仲要份量都好多下，絕不吝嗇！蘿蔔絲酥蘿蔔絲酥上到碟熱辣辣，好香脆，差啲被佢辣親，做到真係內脆内軟，水準一流。

突然好想食上籠包，係openrice搵左一輪，決定試下呢間夏麵館大門外的裝修好有懷舊感覺在門口有自助電子取票，好快就安排入座Menu係用紙劃的形式，除左單點項目外亦有套餐單點項目有好多，有前菜冷盤，麵食，炒飯炒年糕，小菜，煎炸項目，甜點價錢亦好大眾化環顧四周、見到好多人都有點一大窩的湯碗，原來係麵食1）鮮肉小籠包（4隻，$38）實在係好抵食，咬落去亦有肉湯標出2）四季豆 $58估唔到係餐館都一樣到有鑊氣喎！3）紅油炒手 $38辣油都幾辣，十分開胃4）黃魚煨麵 $68魚湯好香濃，黃魚亦好滑，完全無骨5）菜肉餛飩麵 $50 我地加了$10轉做擔擔麵底呢一味都係正宗上海菜式有香濃花生醬味好滿足的一餐、連茶位同加一都係$300而且湯都真係好大碗好足料，又有氣勢

突然想食上海菜，夏麵館 都係一個唔錯既選擇！二人餐 $308🔸蒜泥白肉厚切白肉，汁另上👍🏻🔸夏伯伯涼拌茄子🍆個涼拌汁好似日式燒汁🔸蔥爆牛肉爆多京蔥，少許薑絲可能想辟下牛肉味🔸津白肉絲炒年糕即叫即炒熱辣辣，年糕好鬆軟味道啱啱好！👍🏻🔸酸辣湯x2少許辣，好足料，筍絲好爽口😋🔸高力豆沙x2都係新鮮啱啱整起熱辣辣🤤份量都好大，不過3個人食又擔心唔夠叫多左個 濃湯滑津白，最後個個都食到好飽🤣

忽然間有點吃想吃上海菜👅於是想起了朋友介紹的夏麵館。我們叫了#蟹粉小籠包、排骨麵、鮮肉鍋貼、小棠菜和榴槤高力。🤤🤤小籠包有好多汁，正。值得推薦的是甜品榴槤高力；一般的上海菜館只有紅豆沙高力👅呢間竟然有榴槤，比較特別。切開一半，發現裏面竟然有大量的榴槤果肉🤣🤣都幾驚喜。榴槤控可以一試🤭而小棠菜亦浸得好淋，有少量豆製品一齊上碟，健康之餘也好新鮮。排骨麵即叫即炸，不錯。.🏠夏麵館 (太子)太子彌敦道750號始創中心1樓115C號舖

其實中菜先係我嘅口味食咗多日既日本野同西餐今日終於食飯上海菜啦最近啱啱有朋友去完上海返嚟佢哋講笑話上上海的上海菜都唔及香港的好吃香港嘅小籠包果然係皮薄餡靚我哋一行三人，放工嘅時候小聚一下帶咗一個二人餐再加左一個濃湯津白唔講唔知原來二人餐已經夠三個人食😂😂而且份量一啲都唔小二人餐包左兩碗酸辣湯酸酸辣辣好開胃，入面好足料夏伯伯涼拌茄子食落個汁好似好日式，唔多似上海菜嘅味道蔥爆牛肉有很多人都抗拒大葱的味道🤥但我就相反我鍾意佢有少少辛辣及獨有嘅味道材料幾新鮮，牛肉咬落去仲有肉汁津白肉絲炒年糕從小我就喜歡吃上海炒年糕。年糕煙煙韌韌，嚼勁十足，配搭上海菜獨有之濃油赤醬，美味到停不了口！濃湯將津白煮得非常入味，仲有少量金華火腿用嚟吊味🤤熱辣辣、脹卜卜嘅高力豆沙又點會唔好食呢

自從夏麵館開到太子始創，我地呢班喺附近嘅上班族又多左個好地方，今晚收工就來近近地食個飯。平日呢佢地都好full，星期一就好D，如果星期五來，好多時都要等位架。今日坐到入面嘅2人枱，都唔會好逼，而且唔會話好嘈，想同朋友傾傾計都仲ok呢度有3款套餐，其實幾抵食嘅，以2人餐為例，人均百五蚊，就可以食到湯/羹、涼菜兩款、小菜一款、飯/麵、甜品，選擇夠多，非常豐富。不過如果唔想食套餐或者想食其他野，都一樣好多款，涼菜、小食、主菜、粉麵、點心都有，價錢合理我地就決定散叫，首先點左一份鮮肉鍋貼、水煮牛肉、炒飯同椒鹽肉排。平時多數食生煎包同小籠包，今日就點鍋貼，一份三件，大大隻，煎到個底少少脆口，唔會好厚皮，肉香有肉汁，好食啊椒鹽豬排骨都好香脆，即製，所以非常熱辣，帶少少鹹香，所以好好送飯。我咁鐘意食辣野當然唔少得水煮牛肉，除左牛肉，佢地都有香港人好鐘意食嘅酸菜魚添。牛肉一鍋，都幾大架，鋪滿辣椒乾、芫茜等。裡面嘅牛肉好腍好腍，呢度嘅水煮都唔惹少，好入味，而且辣度頗高，我地就食得好過癮入面仲有芽菜同寬粉，吸哂湯底辣汁，正！最後呢個老上海炒飯我都好滿意，講真好耐冇食過咁啱口味嘅炒飯喇！飯粒乾身，唔會油淋淋

去襯呢個商場，多數都係去食壽司，今晚一於轉下口味食上海菜食物種類由小食/涼菜/湯麵/年糕/小菜/飽點/飲品及甜品都有，但我地嘅眼球被呢個二人餐 ($308)所吸引住只需從湯類+涼菜(A)+涼菜(B)+小菜(A)+飯/麵/年糕+甜品各自選一項就OK，簡單易明涼菜(A)選擇醉香豬手，斬得細細件，能夠入味之餘進食時亦比較方便最怕冷盤唔夠凍只係室溫，但呢客入口夠凍度，豬皮咬落爽口，食到濃香花雕酒味，確唔錯!而涼菜(B)選擇係美味海蜇，單叫呢客都要$60，估唔到套餐都咁大客以爽脆多汁青瓜墊底，一客有兩種食材，海蜇份量都唔少，淋上微酸汁一齊食，酸酸地又夠爽脆，食後唔知點解有種清新感覺!食上海嘢，個人歡喜飲酸辣湯，每人一客，夠熱辣，味道酸辣味比例為六四，湯料唔算話好多種類，但荀，豆腐及蛋花都有! 飲完成身有D熱辣辣!太耐無食過上海粗炒，今晚一於黎個老上海炒麵，簡單材料以香濃醬汁快炒，每條上海麵條都沾上醬汁，咪睇佢咁深色以為會好濃味喎，入口味道又岩岩好，仲有碟必備豆辦醬，加少少一齊食，好味道!自選小菜係呢客蔥爆牛肉，大量京蔥配埋荀件及冬菇一齊炒，牛肉軟腍，食唔到梳打粉味，配以香濃醬汁，更加惹味!套餐仲

夏麵館已經開左好耐，而且分店都幾多。😂成日見到，但係都冇入去食過，今日經過又見人山人海咁，所以就入去試下。🧐都真係好多人下，攞左飛之後就，等左10-15分鐘左右就有位了。😗😍食上海菜梗係要點我最鐘意嘅小籠包同鍋貼！⭐️蟹粉小籠包😋蟹粉係上面，入面肉汁鮮甜，小心爆汁出黎啊！⭐️鮮肉鍋貼大大隻！⭐️夏味燻蛋❤️最鐘意就係食蛋了，呢d功夫野，真有別於日常常見嘅糖心蛋同流心蛋，好味道！⭐️濃湯滑津白呢個就視乎個人鐘唔鐘意creamy 了，呢個有忌廉湯，creamy 嘅感覺，如果對忌廉麻麻，就建議食清湯定上湯個款了。⭐️回鍋肉粗炒❤️食上海野必點，辣辣的啊。⭐️麻婆豆腐叫左一碗白飯黎食。⭐️西洋菜蜜🙈呢個就普通了，味道比較淡，可以唔洗點。

我媽媽是上海人，自小她便經常帶我去食上海菜，所以對於上海菜我都有些少要求。由職員帶位坐卡位，感覺有點私穩般，因為每檯之間不會很近，就算後面的卡位也有些間開的感覺，坐得很舒適。連上面的燈都很美呢。夏伯伯涼拌茄子 $34涼拌茄子是一個我好喜歡的上海前菜，幾乎每間餐廳都有自己獨特的做法，這裏清清的茄子配上濃味的醬汁，但我覺得醬汁略濃了些少，再淡一點會更好。酸辣湯麵$52（淮山麵加5元）酸辣湯的酸辣度不錯，是合格的質素，可以的話再酸辣多一點點就更完美了，淮山麵很有嚼口很彈牙，酸辣湯很夾！生煎包 $36新鮮煎好的生煎包不會不好吃，是意料之中的味道，稍欠驚喜。蟹粉小籠包 $70這價錢有四個蟹粉小籠包是非常超值，有蟹粉的比平時普通的多了一份鮮甜味，超正！其實哆唻咪我好想試試的，但今次只有兩人我怕吃不到，唯有下次再試。黑醋話梅骨 $78酸酸甜甜的開胃到不得了，而且排骨肉質彈牙，是非常高質的。濃湯滑津白 $58可能是加了些奶，所以令津白很滑，濃湯頗濃郁的，配津白確實不錯。總括是這裡的食物價錢不貴，但處理得有點心思，而且份量不少，性價比高，特別是蟹粉系列。坐位坐得舒適，無論是只有兩人或是大班親戚朋友都合適

天氣越來越熱，今日下午前往金魚街及花墟一帶閒逛，行到大汗淋漓，雖然購得一大批戰利品，但雙腳有點累，決定和友人在鄰近的始創中心吃晚飯，一樓見到這間夏麵館，上海菜是我至愛，毫不猶疑選擇了這間餐廳確實是正宗滬菜，有齊所有上海食品，而且更設有多款二人，四人，六人套餐，當然小籠包，五小碟，蒜泥白肉，酸辣湯都有齊，小菜方面當然是上海正宗，回鍋肉，獅子頭，炒鱔糊都齊備點選了兩款小菜蔥爆牛肉鑊氣極足的小炒，京蔥爆香，蔥味完全融入牛肉之內，牛肉大片之餘，肉質相當嫰滑，配白飯一流韮黃炒鱔絲醬油味道極濃，鱔絲肉相當厚身，魚肉有點脆身，韮黃用猛炒，沒有青澀味道鮮肉小籠包皮薄饀靚四個字絕對可以形容此食物，一入口上湯即溢滿口中，味道調較得很惹味擂沙湯圓入口相當軟滑，外皮夠薄，麻蓉造得超好，不算太甜，芝麻味又極濃，很有水準埋單共三百元，可享用到正宗上海小菜，小籠包及甜品，超值之選

今晚放工約左男友黎始創中心食上海菜夏味燻蛋🥚流心蛋黃 蛋味超濃郁回鍋肉炸銀絲卷 (一條)炸到超脆 配埋煉奶 無得彈鮮肉小籠包(4隻)皮薄餡靚 又有湯汁夏味鱔糊麵 +$10轉 擔擔麵鱔絲同荀絲炒埋1齊又幾好食啵不過要留番 轉淮山麵同擔擔麵都要另加錢的高力貓山王榴槤 (1個)本身諗住叫哂3件 但又未試過 所以先叫左1件同男友share食作為甜品 侍應都好窩心 問我地洗唔洗後上外層漲卜卜 好得意切開入面 榴槤味湧哂出黎而且熱辣辣既榴槤都幾盞鬼

今日ot 到9:00 ，唔知食咩好，同事帶路黎食夏麵館，位於太子始創中心一樓，地方好就腳，我哋9:30入座，都仲有幾檯食客。間餐廳好大，裝修簡約，好舒服，我們兩個人座了一張卡位，非常大舒適，卡位之間還有一層玻璃間隔，私隱度好高。睇吓有咩食先，餐廳用點心紙的形式，一張是套餐，另一張是散叫，另外枱面還有一個新菜式推介牌，嘩，正呀貓山王高力，一定要試下。自選涼菜五小碟$115一共有八款涼菜俾你選擇，我們點了蒜蓉四季豆，雞絲粉皮，涼拌小木耳，鎮江水晶肉，糖醋小排五款雞絲粉皮超正，麻醬好香，粉皮非常爽滑，麻醬分量多，把粉皮完全撈埋一齊食，啖啖都好香口。鎮江水晶肉，食落好重啫喱口感，肉質鹹香，好清新。糖醋小排骨，值得推薦，糖醋味噌做到剛剛好，不會太甜，也不會偏酸，排骨非常入味，細細舊，但是啖啖肉，略嫌肉質偏乾，但是味道一流👍排骨擔擔麵$65一上枱時，真的覺得份量驚人，好大碗，上海麵底，比較煙韌，擔擔面做得不錯，小小辣，好惹味，豬扒是用麵粉包住炸的，但是表層不會太厚，肉汁都鎖住，外脆內軟。酸辣湯一碗$30非常足料的酸辣湯，好開胃，他的酸辣程度也是我喜歡的。鮮肉小籠包$38小籠包好抵食， $38有四粒

今日同老公兩個出咗旺角行街，見差唔多到晚飯時間，就入咗去始創睇吓有咩食，見到呢一間餐廳係食上海菜，就決定食呢一間，因為都好長時間冇食過上海菜，所以決定就食呢一間，入面環境非常舒適，服務員非常有禮貌，1）老上海炒麵，味道剛剛好，不會太鹹，2）酸辣湯，酸酸辣辣好開胃，3）蟹粉小籠包，咬落去會爆湯汁架，4）炸銀絲卷，一直以來炸銀絲卷加練奶都係冇輸,5）牛肉生煎包，肉味濃郁，外皮香脆，溫馨提示：18:30入座已經有八成滿，差唔多20:00嘅時候已經滿座，所以記得要訂枱

難得約齊人食飯，簡左黎食夏麵館，每樣叫左小小一齊share食😋小籠包2款都叫左蟹粉小籠包（4隻）$70，鮮肉小籠包（4隻）$38外皮不會過厚，所以由外面都看得到包內充滿湯汁。 一定要非常小心，不然美味的湯汁全都跑出來的話便後悔莫及嚕。稍稍涼了一下，就一口把小籠包吃掉！濃濃的湯汁在口中爆發，豬肉的鮮味非常突出，喜肉者一定滿意萬分。 而蟹粉小籠包的蟹粉香跟鮮肉味搭配得天衣無縫，鮮味十足。 松鼠桂魚$198好久沒在香港吃過達標的松鼠魚。 松鼠魚首先必要炸得外表香脆，而肉質必須保持嫩滑；醬汁要夠味夠琱，能夠掛上魚身，甜甜酸酸更可以帶出魚香。 夏面館的松鼠魚實在是內外兼備， 色香味俱全。外表上的脆漿很薄， 吃下去不會覺得油膩。 沾上醬汁更是開胃。 濃湯滑津白$58濃湯香滑， 津白爽脆