夏麵館 (始創中心)

营业中

休息中

今日同fd行開旺角，去始創中心嘅夏麵館食上海野。我地都唔大食，所以淨係要左2個餸。老上海炒麵食材同出面差唔多，份量夠2個人食。麵炒得都幾靚，麵條嘅韌度啱啱好，入面嘅菜同菇都入味。不過有少少鹹。而黃金蝦球（含蛋黃）就比較特別，🦐炸完之後，出面加左非常濃嘅蛋黃。一咬落去就感覺到鹹蛋黃味，似新加坡d蛋黃小食。蝦嘅味反而唔突出，呢樣個人唔太鍾意。餸入面除左蝦，仲有蛋黃南瓜，呢個口感反而幾好，好易入口。呢兩個餸都鹹，所以要不斷飲水，唔建議好似我咁落單啊，哈哈。其他都幾好，環境價錢都ok的！

放假帶媽媽黎到位於始創中心一樓的夏麵館吃午餐，餐廳主打媽媽最喜愛的上海菜，中午兩點黎到已經座無虛席了，好多都係一家大細或者幾位朋友聚會，非常受歡迎啊！除咗多款單點食物，餐廳亦有因應不同人數而定的套餐，價格相宜並不貴夏味燻蛋先點左個我最喜愛的燻蛋，蛋黃呈流心狀態，賣相好吸引！蛋味頗濃郁的，同時帶有煙燻香味自選涼菜五小碟價值$115的自選五款涼菜都幾抵食，首先有蒜香四季豆，翠綠的四季豆配上新鮮蒜蓉，充滿蒜香！涼拌小木耳酸酸的，帶有少少麻辣，好清新開胃！四喜烤夫裡的麵筋好入味！虎皮素鵝，香脆可口！糖醋小排骨，排骨肉質頗硬，相對其他涼菜比較遜色鮮肉小籠包小籠包皮薄餡靚，豬肉餡香軟，湯汁豐富但又唔會油膩，充滿豬肉鮮味，幾出色的菜肉雲吞擔擔麵呢碗麵真係超級大碗，應該有兩人份量！雲吞裏的菜肉餡調味適當，充滿肉香，但略嫌雲吞皮頗厚。擔擔麵湯底要左少辣，湯底濃稠度適中，充滿豬肉碎同花生醬嘅香味，配上Q彈有嚼勁同麵粉香的上海麵條，非常美味！

夏麵館🍜曾經有一排好鍾意食，今日再次造訪，回味一下😎.🔸#小籠包 係必要嘅食親上海嘢都會叫，小籠包皮偏厚，但肉大舊，入面有湯汁，熱辣辣🍲🔸#蔥油餅薄片 如果蔥多啲就更加好，都煎得幾香🔸#蟹粉豆腐 豆腐份量夠多，面上有少少蟹肉，但蟹肉顏色唔算金黃，味道可以😎🔸#紅油抄手 都係偏厚皮，而且都幾辣，適合鍾意食辣嘅朋友🌶️🔸#招牌炒飯 清清地，飯夠乾身， 調味剛剛好旺角上海菜的確唔多，一家人食飯就啱曬。

排骨擔擔麵$65 轉淮山麵+$5排骨擔擔面永遠是吃中菜的首選面食。因為它集合了麻，香， 酥，彈牙幾種口味在裏頭。 花椒油和辣椒帶出一點點的麻辣， 沾著花生碎吃，再喝一口湯，味道香濃的不得了！特別一提，轉了准山面除了更少卡路量，比較健康外， 就是口感會不一樣。比一般面來說， 口感會比較爽口彈牙， 是一種革新的配搭。 排骨外面炸得酥香， 裏頭鎖著肉汁， 好吃！ 最喜歡吃連著骨頭那一塊， 肉味特別濃， 肉質的層次得高。 豆沙鍋餅（全份）$36豆沙鍋餅是上海菜中的甜點名品。這裏的豆沙是真材實料， 滿滿的豆沙塞進夾餅。 而豆沙我比較喜歡少甜， 可以突出豆沙本來的香味；夏面館就充分的滿足了我的需求。

幾間分店都就腳，所以不時都會食，質素有保證。今晚心思思想食上海小碟涼菜，一於夏麵館啦！自選涼菜五小碟 $115可以響八款上海涼菜中任揀五款，變成一個五色拼盤。一次過可以滿足曬幾個願望，都係$115 咋，每次都會叫今次就揀左呢個組合 ；四喜烤夫 * 雞絲粉皮 * 鎮江水晶肉 * 涼伴海蜇 * 糖醋小排覺得擺盤幾靚，師傅好有 heart ! 去其他上海餐廳，如果食呢碟，價錢應該要 double , 呢到好抵食。糖醋小排，都幾多架，成個小碟都放滿為止，沒有手軟。味道係甜甜酸酸，件件都真係有骨，而且多軟骨位置，更有肉味，good ! 雞絲粉皮，粉皮夠滑，麻醬就特別香，帶起左成個菜。而雞絲就爭D，冇乜雞味。呢間的海蜇係深色，估計用左甜醬油調味，咸咸甜甜又爽口。配上青瓜，幾開胃架。水晶肉，夾起唔會散，食落又唔會硬。啫哩同肉的比例啱啱好，點少少醋一齊食，無得彈。四喜烤夫，係傳統的上海菜，東菇同烤夫都有各自的香氣，好夾，味道偏甜。韭黃炒鱔絲 $90初初望到覺得細碟同少鱔，食食下先發現原來個底係勁多大大條又粗身的鱔絲。夠鑊氣，好火候，用來送飯簡直不得了。鱔控必食 干煸四季豆 $58第一次食，份量算多。原

話說之前想食上海菜，去左食王家沙，食完表示十分不滿所以今日心血來潮再戰上海菜，所以選左夏麵館點左花雕醉雞，分量算大，酒味濃得黎易入口，好入味開洋拍青瓜，名其實都幾奇怪，不過都算唔錯，好爽口諗住兩個人費事叫太多野浪費，叫左玩上海陽春麵，嘩，黎到有少少surprise ，估唔到幾大碗，性格比高，味就正常啦叫左個蟹粉小籠包，一籠兩隻，又唔錯喎，起碼真係食到蟹粉味先丫最好叫左個豆沙窩餅，即叫即炸，唔係講笑，上菜時係熱既，不過唔夠脆今餐食完，條氣順番曬不過話時話，以前去element既夏麵館時，感覺係少少高檔，而家黎太子呢間，感覺勁親民喎，係就係嘈d，不過食物質素唔算差左，都仲保持到

夏麵館一向好多客人喜歡，我們今天第一次來這間分店食晚餐。門面好中式，有上海姑娘的畫報的設計，到埗先取票，更有椅子坐讓客人等候位置。環境幾寬闊，喜歡這裡簡約淺藍的設計，好舒適，有不同人數的桌子配合不同客人！服務員都幾多又快手，效率高的待客帶位送餐收碟！食物主要分為單點或套餐，分開2張餐紙讓客人自己寫自己點，再交給服務生便可。我們點了4種菜餚：1. 自選涼菜5小碟蒜香四季豆蒜蓉味濃郁，四季豆軟腍入味，好香又健康！雞絲粉皮喜歡麻醬汁，雞絲好有咬口、青瓜絲爽脆清涼、粉皮好滑！鎮江小肴肉口感一流！透明彈牙膠原、配上有咬口肉感美味，少少長方形的大小剛好！糖醋小排酸酸甜甜又小小粒粒的香酥小肉排，有少少骨，好入味可口美味海蜇青瓜一少碌，爽脆清涼；海蜇好彈牙好爽又入味2. 排骨擔擔麵（淮山麵+$5）排骨同麵分開上，排骨炸得靚靚，薄薄的排骨好軟腍易咬、大塊的；擔擔汁微微辣、好濃郁唔咸、飲完唔口渴；麵加$5轉淮山麵，入量多、彈牙又好滑的麵，推薦喔！3. 鮮肉小籠包熱熱蒸好的小籠包，皮薄又滑口，小心夾起時漏湯汁；鮮肉好香好滑軟腍，正呀！4. 上海春卷香脆可口的外皮，內餡好多蔬菜、木耳，口感好正呀！

上星期有晚同家人黎到呢間連鎖上海餐店用膳環境裝修現代化，晚市時份有不少人客添既有套餐亦可選擇散叫食物當晚我地無要套餐，自行嗌左d點心、涼菜同麵食係涼菜個度我地要左份 上海醬鴨$60鴨肉肉質札實唔嚡口仲好入味之後點心類就要左籠 鮮肉小籠包$38小籠包一客四粒，湯汁爆滿，味道不錯！當晚我地要左兩款麵食，其中一款係我地去上海菜館經常會嗌黎食既 上海粗炒，不過呢度就叫老上海炒麵$66炒得夠鑊氣之餘但唔會油淋淋另一款就係餐單上有推介標記既 鱔糊湯麵$70麵量相當多，而鱔糊係另上既，份量都唔少！鱔絲爽彈，調味亦係一如上海菜中以『濃油赤醬』般見稱既特色最後我地仲追加左一份 銀絲卷$26蒸至鬆軟既包子既可夾搭鱔糊湯面中既鱔絲共吃，又可以沾上練奶當作甜品，正！！！

朋友相約於太子食飯，朋友說希望可以食一餐美味的上海菜。餐廳位於太子的始創中心，地利上十分方便。餐廳裝潢方面， 已清新簡約為主調，看起來十分舒服，加上餐廳位於商場內，故冷氣更為高質素，怕凍的朋友，可能更要添加外衣，以免著涼。食物方面，我們點算了上海擔擔麵 及上海小籠包， 擔擔麵湯底與平常吃的有點分別，平常吃的是比較傑身，但這個卻像湯一樣，但味道十分濃厚，還算不錯。 另外上海小籠包， 只能說皮薄餡靚， 內裏肉汁豐富， 大家請緊記， 小心辣嘴。味道還不錯，這是一個不錯的體驗。

屋企人(同我)都好鐘意食上海菜, 時不時會周圍發掘下未試過既上海菜館~~ 而夏麵館呢個名已經聽左好耐, 竟然係第1次黎啊~~ 位於方便既始創中心~ 一上第一條電梯就到喇 成個環境幾光猛同整潔, 我地黎到既時候已經坐左唔少客人… 另外, 覺得呢度既裝修設計幾得意, 因為佢有好多款枱型 XD 大圓枱, 卡位, 普通二,四人長方形枱, 同埋Bar枱型都有~~ 適合唔同飯局場合既你~ XDD 食物款式方面, 有散叫同二,四人餐呢 : ) 我同媽媽廢事叫餐太多野食食唔晒, 加上散叫其實都唔貴 所以決定散叫啊~ (多人D既話就可以叫套餐) 小食, 小菜, 湯同主食我地都有叫~ 乜都想試😝 先黎到既係前菜:: 夏味燻蛋$13/隻 OR $24/兩隻 🥚 煙燻味幾重, 但係唔難接受, 然後中間係完美的溏心狀態, 好好味~ 菜肉餛飩麵$50 轉淮山麵+$5 一上枱… 好驚訝, 使唔使咁大碗呀 😱😱 兩個人share都覺得多呀 淮山麵其實味道無乜特別, 但係比起普通麵條健康D~ 所以+$5都轉 : ) 菜肉餛飩有足足4粒呢, 而且每粒都好足料飽滿啊~ 不過同時餛飩皮都有少少厚 覺得如果可

抵食新派上海菜@夏麵館我很喜歡食上海野，今日和朋友去完SHOPPING後係太子搵食， 夏麵館是新派上海菜，有很多間分店，同樣永遠門口都是站滿等待的客人  8點幾到達，不夠20分鐘就入座了，非常幸運  我鐘意呢度乾淨企理，而且職員個個都好醒目又有禮貌  可散點或叫SET 散點的小菜都是幾十蚊一份，細細地的可以叫多幾款都唔會好貴  小籠包即叫即整，上桌時熱辣辣 皮薄饀靚，食既時候要小心爆汁呀  醬鴨，食起來唔會好硬的口感 非常入味，而食起來還帶點木的燻香氣味，份量也不少 生煎包又是非常之熱辣 入面同樣是爆汁的 必點的砂鍋獅子頭麵$70 一大份才$70 基本上一個人係食唔晒既 獅子頭好足料，肉質肥廋適中 麵條也好滑溜，口感爽滑，湯底夠熱

🎐熊妹最鐘意周圍揾著數💡，團購當然係一個好好的途徑。呢排俾熊妹發現《夏麵館》竟然都有推出團購優惠，可以以72折購買$100現金卷💵，熊妹一直都想試下《夏麵館》，因為係中菜入面熊妹最喜歡的上海菜，仲要最近係太子始創中心開左分店，近水樓台，仲唔fit哂熊妹3️⃣個願望？📌著數野緊係拉埋好姊妹奧莉花師奶同野口同學一齊開心分享喇。🥰📌餐廳都幾大，好多枱，7半黎到都好多人，好彩仲有廖廖數張4人吉枱，醒目的熊妹一早就要求安排左bb櫈俾我們親愛的娜娜👧🏻。📌經典招牌上海菜款款齊備，涼菜、砂鍋餛飩雞，炒年糕，包點，粗炒，菜飯，擔擔麵，酸辣湯，高力豆沙等等應有盡有，果然係正宗上海菜館，頓時令熊妹勾起新年時帶阿豬媽到上海遊歷的種種回憶。鮮肉小籠包，$38📌食上海菜點少得經典上海小籠包呢？皮薄多汁，熱辣辣蒸起真係要小心翼翼咁咬，以免湯汁爆出來燙傷唇舌👄。肉饀都好鮮味，唔會好油，點上紅醋的上海食法，酸酸地，好味！不過計返十蚊一件好似貴了一點。🤔自選涼菜（五小碟），$115📌上海菜的涼伴前菜絕對係上海菜的代表。有蒜香四季豆，涼伴小木耳，四喜烤夫，雞絲粉皮，鎮江水晶肉，虎皮素鴨，美味海蜇，糖醋小排，真係花多眼亂，熊妹

上海菜我一向都鐘意食今日四嗰人的lunch黎左哩間食，狂嗌野食「上海醬鴨」「燻蛋」「蟹粉小籠包」「酸辣湯」「水煮鱼」「排骨菜飯」同埋熱爆燻魚「上海醬鴨」配埋濃濃既醬汁不過嗰鴨皮多左啲，啲肉好少。「熱爆燻魚」原來係即叫即炸，上枱熱辣辣，因為食開既都係冷盤，熱辣辣又幾好食架喎「酸辣湯」就過辣左少少，但材料好足既「燻蛋」我好like呀，燻得岩岩好，蛋黃流心程度掌握得好好。「排骨菜飯」炸豬排唔會好厚粉，又唔會炸得好鞋「水煮鱼」好大盤，魚塊好大片，魚肉係嫩滑既，芽菜索哂啲辣味蟹粉小籠包」新鮮蒸出黎，大大粒，嗰皮就好厚下，所以麻麻地哩度座位闊落，係傾計聚餐既好地方。啲staff都好主動加菜，係落漏左單要follow up下

今日同一班親戚去食上海菜，由於今晩係同上年紀既嬸嬸食飯，所以都係食中菜比較穩陣。夏麵館好夠地方都有分店，平時午餐都會去食下，今晩就帶嬸嬸黎食飯啦。鮮肉小籠包 $38/4粒黎得上海菜館，小籠包一定要吃呀！見到小籠包既接位，全部好整。雖然個皮有點厚，不過入面有豐富既湯汁，加埋醋就正啦。蟹粉素雞 $60成日食好多肉，今日就食番個素菜先。淋滿左蟹粉既素雞，好吸引呀！素雞原來係豆腐，都幾特別。麻婆豆腐 $50嬸嬸牙唔好，佢喜歡食啲惹味又軟腍腍既嘢，咁麻婆豆腐就岩晒啦。份量都幾大碟，豆腐好嫩滑，送飯一流喎。香煎南瓜餅 $28最尾叫番個甜品南瓜餅，原來係炸，仲以為係蒸，甜甜地嫁。

位於太子的夏麵館，是一家深受街坊歡迎的上海菜館。這家店在香港設有多間分店，價格相宜，常有時令菜式推出，吸引大量客人光顧。糖醋魚塊 $72每次吃上海菜，糖醋魚塊是我首選菜式。 魚塊份量足，沾上厚厚的炸漿去炸，然後裏上甜甜的醬汁，稠密濃香，是小孩們的最愛，也是我的最愛唷。炸饅頭 $28/6個不顧你是大人，還是小孩，炸饅頭是不能抗拒的小吃呢。炸得香脆的饅頭，沾上甜膩煉奶，是人間美味呀。不過時日油溫不夠高，饅頭不夠香脆啦。蟹粉炒飯 $95最近是蟹粉推出的季節，蟹粉系菜式是不能不選的啦。慷慨份量的蟹粉醬，由客人親自淋上，真令人興奮呢。蟹粉量足，足以拌勻整碟大炒飯。炒飯炒得乾身，粒粒乾爽，飯粒軟糯，很不錯呢。紅油炒手 $38/6粒大大顆的紅油炒手，足料又飽足。幼滑的炒手皮，油份略重，豬肉餡料很香，辣度不高，可以更辣一點。