堂記腸粉專門店 (已結業)

今日去咗試呢間, 要咗一碗鴨腎菜干豬骨粥, 同埋豬潤燒鴨腸粉, 粥是不錯, 味道適中。至於腸粉則沒有想像中那麼好吃, 塊皮有D削, 而且好似唔多食倒D燒鴨, 我覺得碟腸粉唔係太抵.

不知何故,總覺得入夜後的佐敦文匯街一帶,陰沉非常.步往去堂記吃腸粉時,在路上的腦海,不斷盤旋著Joy Division的經典She,s lost control,一段低迴bass intro....找到個位座下,人客不多,四圍環境,亦不見得是三山五嶽之地,稍能釋懷.病後胃口佳,先來個蝦腸拼燒鴨腸,再來碗柴魚花生粥.柴魚花生粥,粥底綿綿,但略欠火喉,嫌其不盡入味.用燒鴨作腸粉材料,坊間少見.燒鴨皮尚帶脆,皮下有點油脂,一口咬下,很甘香.腸粉皮拉得不過薄,帶點點煙齦的質感.另一道蝦腸,蝦肉沒甚味道.相比之下,失色不少.雖然並不是什麼天上有,地下無的質素,但起碼離去的一刻,不明來歷的壓力,亦因燒鴨腸,一掃而空.半夜三更吃腸粉,實在有另一番滋味.

今日同女朋友特登走o黎哩度食腸粉，地點真係有o的唔就腳，所以行o左一輪先搵到。環境就真係一般喇，好多o個o的蚊"之"仔，飛o黎飛去……都無辦法，鬼叫多人話好味，當然點都要試一試。坐低叫o左炸兩同燒鴨臘腸腸粉，仲有皮蛋瘦肉粥同鴨腎菜乾豬骨粥，o的豬骨粥都算唔錯，豬骨夠"淋"又唔韌，仲有豬軟骨o添；此外，o的炸兩o黎到就已經"淋"o左，麻麻地；戲肉當然係o的腸粉啦，未食之前已經見到皮薄餡靚，好似水晶咁靚，食落去真係有入口即溶o既感覺，唔係誇張。卒之唔夠喉再叫多個魚片瘦肉粥同叉燒腸，個叉燒腸亦都好入味，加上皮薄，所以加埋o的粥一齊放入口簡直係一流。

其實很多朋友都提起過堂記，但奈何時間配合不到，無緣一訪。是晚要到港景峰處理事情，事成後就走幾分鐘過來幫襯。人未坐下，已見舖外名車滿佈，牛記與西裝友共座一桌，各自修行，都幾公平。當然點是掛頭牌的豬潤燒鴨腸，外賣及堂食客戶較多加上即時拉制，差不多要十多分鐘才能上臺。名店的腸粉是想象得到的滑漏，而豬潤剛熟及火鴨皮與腸粉的匹配，真的是天衣無縫，但再細嚐反而米香未能凸出，這跟坊間的豬腸粉長短立馬可見。醬油味道清淡，配合這裡的腸粉著實不錯；但只算腸粉，在美心、利宛及坊間的酒樓早市的自制腸粉不比這裡遜色，但想深一層，此時此地此刻能有一碟如此有水準及價錢相宜的鮮制腸粉，口碑及名店的稱號多多小小有點天時地利及人和。

想黎呢度食野好耐但係一直match唔到d時間難得今日約左個fd 11點幾係jordan 當然要去試下啦叫左炸兩牛腸叉燒腸and 一碗咸蛋瘦肉粥粥一食落去好重味精味......至於炸兩係好脆but油炸鬼應該係番炸過黎如果唔係好難脆到佢個種地步牛腸同叉燒腸都唔錯係比起出面既酒樓好食好多但係又未至於好食到會特登黎......如果下次行開呢邊都會再試

最近先知道有呢間野，腸粉食得多，牛腸叉燒腸蝦腸度度都食倒，不過呢度有d比較特別既野食，就係燒鴨腸豬潤腸等等，今次食o左個燒鴨腸同豬潤腸，幾好食，即叫即整，d粉皮又夠薄，有機會可能去多次試埋其他，不過最衰呢間野唔就腳同埋只做晚市生意，星期日仲休息添。

早兩晚同老婆食宵夜, 見網上甘多評語, 諗住試下呢間,叫左皮旦廋肉粥, 炸兩, 蝦米腸, 可能抱著期望黎試, 結果.... 皮旦廋肉粥太咸, 好明顯係味精粥, 炸兩Ok 喇, 但冇乜驚喜,蝦米腸普通! 總括只可用不過不失黎形容! 如果路經都可以試下, 但又未至於要特登黎果隻!

見到各位對堂記腸粉讚口不絕, 今日專誠去試柴魚花生豬骨粥- 味道不錯, 豬骨入味蝦米腸- 普通燒鴨腸- 口感特別, 又不會太油膩, 值得一讚如果食物種類再多一點會更好

食完添記當然又要食下夜晚腸粉呢度而家早開左六點半就會開門叫左炸兩($8),叉燒併燒鴨腸($15), 臘腸豬潤腸($13)炸兩～可能希望越大,失望越大,可能因為一早整好,雖然皮仍然幾滑,但油炒鬼就已經唔脆,仲要自己用檯上面d醬汁時先滴出d油,朋友仔同我都以為睇錯左,落既係麻油添,而且已經無左新鮮熱辣既感覺叉燒併燒鴨腸～呢個簡直係極級推介,兩樣料都唔會好多肥膏,感覺一d都唔油又唔滯口,粉皮厚薄適中,有口感又滑,豉油唔太鹹或者太甜,唔會搶左腸粉既味道,唯一要彈係d豉油俾得太少臘腸豬潤腸～本來無打算叫呢個,但朋友仔話睇到牆上不少雜誌既介紹後想試下有幾正,先至追加呢個, 臘腸好似係用左潤腸,豬潤厚薄大細都適中,保留番少少口感又唔韌,但你食過叉燒併燒鴨後,你會覺得呢個只係second choice囉如果唔係個唔脆炸兩味道我會俾5分!!服務雖然唔係話好殷勤但勝在唔會好小家由得你邊食其他店舖既食物邊等佢整呢樣係我值得俾佢服務有4分既地方

今日叫咗個燒鴨豬潤腸,堂記腸粉無錯層皮真係整得幾好,又薄又滑,d豬潤都好滑,燒鴨也不錯,不過d豉油就末必人人like,起碼我唔係幾like,菜乾豬乾粥太淡,呀ma打煲嗰d重好食,但以小店有此水準腸粉,算係誠意之作!

由於星期六食齋食唔飽, "硬"係争少少, 所以決定轉戰去食腸粉, 五個人去咗食評非常好嘅堂記腸粉專門店, 其實呢到一d都唔難搵, 只要有張地圖就會好快搵到.坐底即叫:菜乾豬骨粥- 嚟到嗰陣時聞到好香, 有一大件豬骨, 菜乾都幾多, 味道好好, 唔會太淡, 不過如果可以杰番少少就最好, 因為我好鐘意食杰粥齋腸- 皮好滑好薄, 齋腸都可以整得咁好味燒鴨拼豬潤- 必叫, 兩隻味都好突出, 係一個好好嘅組合, 下次試下分開叫睇吓會有咩感覺魚片拼鮮蝦- 魚片ok, 蝦大隻彈牙, 不過如果連少少魚骨都驚嘅朋友就唔好叫魚片喇, 因為都食到唔少骨呢度其實都唔係淨係得腸粉同粥, 我見阿叔喺度哎有炸兩呀, 皮蛋呀, 糯米飯呀, 碗仔翅呀, 下次一定會試豉油都做得好出色, 甜甜地又唔咸, 但奇怪全部腸粉都係即叫即做, 但係嚟到嗰陣時又唔係咁熱, 只可以叫做暖, 不過就真係好好味

在【新假期】雜誌看過有關這店的介紹後就計劃要試一次，但這店只做晚市(六時半才開)，位置也不就腳，所以一直得講字。老公最近剛好要到佐敦區辦事，有一晚買了外賣給小頭一個驚喜。腸粉是即叫即做，非常新鮮。看圖可見粉皮又薄又晶瑩剔透，雖然外賣到家差不多45分鐘，但粉皮不會stick together，入口仍很滑，也沒有一大灘油在盒底。餡料有多款選擇，可參考此網址http://www.yiklung.net/blog/archives/2005/07/24/284/燒鴨餡真的很惹味，豬也相當不錯，豉油也有水準，不會過鹹或過甜，果然有獨到之處，值得一試。老公評語︰新鮮美味，有特色的名店，和其他有歷史、出名的食店一樣，有不少駕靚車專誠來光顧。

本來只係去添記食法包，食完法包仍有D餓，見到呢間腸粉食肆，睇落唔錯，所以去食。呢間的腸粉好特別，有鴨肉、臘腸、同其他幾特別的料，再食埋柴魚花生豬骨粥，埋單只要二十五元，抵又正！

果然名不虛傳，腸粉夠香夠軟又夠滑，醬油味道亦甚香濃且咸淡適中，絕非一般茶樓貨色可比！我嘗試了牛肉併燒鴨腸，燒鴨的味道極出，非常香口，伴以點點牛肉的軟滑口感，味道一流，而且價錢相當抵食！只可惜此店只在晚上七時半後才開業，要食便要等夜o的了~

無錯...又係腸粉...今次仲係雙拼腸粉添...死未? hahaha...燒鴨拼叉燒($15) - 食落口..比平時酒樓食的叉燒腸多左燒鴨味...竟然香口左好多...其實材料都唔係特別的出色, 但配搭出來的效果好好!魚片拚大蝦($14) - 魚片分佈得好平均, 食落口啖啖都有魚味...大蝦就一般, 我都唔知魚片拼乜好...女友話d腸粉好滑...我又食唔出...唉...失敗~鴨腎菜乾豬骨粥($11) - 無咩特別..食多碟腸粉罷啦=.======後記=====食完行過隔離埋單, 見到整腸粉條粉腸響度...食煙...間廚房又透明既...諗起d材料同d尼古丁混埋一起, 無哂胃口=.=