堂記腸粉專門店 (已結業)

其實d 腸粉真係麻麻地, 又唔算平, 要算最好食ge我唸唯有豬潤腸同埋鴨絲腸啦, 特別d, 唔係四圍有

我為超級腸粉迷，可一次食五碟腸粉面不改容！事關我原籍廣州，有全世界最正的腸粉由細食到大，但香港無好腸粉食，食似樣的腸粉最近都要去深圳…見咁多人話堂記好食，轉登叫男友泊底架車再搭的士來(怕迷路)今日天氣太熱只食左三碟腸粉&一碗粥香港style腸粉好食版本唔錯…無白行粥ok，無味精，真材實料，原汁原味我覺得D香港人食慣哂味精，食呢D粥話淡，其實呢D粥先至係有真正米味可惜，無冷氣，熱死人

很少來大角咀，來這附近食晚飯，又見之前食友話幾好，雖然自已食過二次都唔多得，還是決定再來試多次，看看是自已唔好彩，還是...看過餐牌後，最後我們選擇了皮蛋腸粉和蝦米鮮蝦腸粉。皮蛋腸粉- 奇奇怪怪的選擇，但竟然真係有喎，好、就試試！腸粉食得出是即拉的，唔會好淋，還帶有少少煙韌的感覺，雖然拉得唔夠薄，但都算可以接受；皮蛋又硬又無味，死實實，好難食；早之叫齋腸好過。蝦米鮮蝦腸粉- 蝦米完全沒有香味，而且好淋，感覺怪怪，唔好食；鮮蝦？完全唔新鮮，還有少少霉的感覺，實在...。食過三次都唔得，看來都係我唔好彩了，還是放棄再試好了！

店開7點, 我地6:30以經去到, 附近有無咩好行, 等等等等等…囉! 個個都讚, 我地梗係唔執輸, 等!兩人叫了菜乾粥及腸粉. 菜乾粥稀到死, 豬骨又無香味, 菜乾味更欠奉. 差勁、勁差!蝦米腸粉, 大粒蝦米都幾好味, 但腸粉就亳無米香, 麻麻地!山長水遠由灣仔去到, 點知是失望, 一定無下次!

蝦米腸粉($12):腸粉不算大碟,皮亦不算滑,勝在蝦米足,啖啖餡,未試過食咁多蝦米的蝦米腸,不過製作須時,食完碗粥腸粉都未弄好不是即叫即製嗎?為何腸粉不夠熱?菜乾鴨腎豬骨粥($13):似住家屋企煲的感覺,夠火喉,足料無味精,故清清淡淡,碗內有兩大舊豬骨,寧願俾少D無肉食的骨,俾多D粥腸粉餡有好多選擇,會再去試其他餡(好像晚上七時才開舖,星期日休息)

躍上的士，跟司機說：「渡船角街堂記。」怎料他聽後眐了一眐，再吐出一句：「還去堂記？人家巳關了門！」不想分辯，只無耐地說：「總之到附近停下就可以了。」心想，連堂記也弄不清搞不楚，算是什麼的士司機！在附近下車，轉了個街口，燈火通明的堂記便展現眼前。找個位置坐下，蠔鼓及豬潤皆缺，退而要了一碗菜乾豬骨粥及一碟燒鴨臘腸腸粉。菜乾粥色澤幾近綠油油，煲得火侯十足。菜乾味香，粥底不算綿，但沒有味精的踪影，巳甚為受落。老實說，在這午夜時份，能吃到一碗這麽真材實料的菜乾豬骨粥，怎不教人滿足！個人最怕溫溫吞吞的腸粉，這裡的，即叫即拉，新鮮熱辣，誠意十足。腸粉皮拉得很薄，滑溜晶瑩，是剔透得可清楚看到躺在皮下的豐富餡料。口感相當軟滑，鴨肉跟臘腸亦很對味，轉眼已被掃光。實在太美味，想再追加，可惜腸粉全已售罄。正感納悶之際，見一伙計經過，手上捧着一碟煎釀三寶，油香撲鼻，賣相誘人，原來是隔壁小店的傑作，當然不能錯過。「三寶」原來有「五寶」，分別是青椒、茄子、豆腐、青尖椒及魚蛋，份量十足。做得乾身不油膩，亦甚香口，是很有水準的煎釀。邊吃邊談，想起有餚無酒，又豈能盡興！連忙走到對面的便利店買罐大裝生力，啤酒配煎釀，方夠對

琴晚九點幾開車去堂記食消夜幾個月前其實已黎過,今次特登帶D Friend 黎試下九點半去到,已差不多坐滿晒人腸粉既種類都算幾多下,價錢亦都合理四個人叫左五碟腸粉只係等個呀姐幫我地落單已等左十五分鐘一路叫佢落單,佢一路就叫我地等陣等等下又冇件事喎仲好記得隔離有個女仔叫佢落單,佢仲講左句:"你摧我落單都冇用,廚房出唔切!"等左大半個鐘先有腸粉食唔知係咪整得太幹,覺得D腸粉好"爛"整體黎講,D服務同腸粉既質素都差左好多食消夜又少左一個地方lu

食完添記, 麻麻夠飽, 再過來堂記. 幾年無來了, 始終位置偏遠, 要來都幾麻煩.這裡係夜晚腸粉, 適合一眾夜訓人. 佢關門時已差不多係長者早茶的時段了. 坐在對牆的位置, 環境同衛生都係好一般, 亦看不到師傅表現即拉腸粉.都係要了一粥一腸粉.菜乾鴨腎豬骨粥: 7分, 味道淡淡的, 其實有點像飲菜乾豬骨湯. 料不太多, 以菜乾為主, 煲得算淋.以主打的粥來講, 又唔係好出色.叉燒燒鴨腸粉: 8分, 沒有叫掛頭牌的豬潤燒鴨腸, 始終不太好豬潤, 改了要文迪喜歡的叉燒. 依然等了一輪先有得食. 腸粉米香濃烈, 皮厚薄適中. 燒鴨熱熱的, 相當香口. 單聽燒鴨腸粉的配搭好像有點九唔搭八, 但燒鴨連皮食落口, 又不錯的. 來這裡一定要試一試, 至少其他地方很難試到.叉燒以肥豬肉為主, 唔係幾靚.係幾特別的腸粉, 但小弟覺得蓮香的還是好一點.或者這裡的最大賣點還是夜半腸粉這四個字.

最好係九龍區，個人覺得好食既真係得堂記同合益泰，唔知有無其他好或更好既推介下？今日又去o左堂記，無帶錶唔知原來未夠七點去到個店員見我行埋去已經同我講話要七點先開始整腸粉，同我講話不如落o左單先。上次叫兩碟都好似唔多夠喉，今次叫夠三碟，個人唔太鍾意叫雙併，所以叫燒鴨腸一碟+ 一碟豬潤腸+ 一碟臘腸腸，依然係好好食，第一次食臘腸腸原來係臘腸加潤腸黎，不過無乜野一樣鍾意食，三碟加埋$39，我諗我都係第一次只係食腸粉都食成$39，呢度份量真係比較小，所以先想問下有無d好味好抵食既推介下？ps︰相中下面兩碟係我已經食o左一條後先影，唔係間野偷工減料。

電視機上殘酷一丁唔係只係唱歌叻就得,太悶一樣要丁!今次呢間腸粉最特別係有得望住個廚師點樣做碟腸粉出嚟,原來用一塊布鋪上塊蒸板上面,再倒上一些粉水,掃平佢,都幾得意!剩係表演都值六十秒!蝦腸到了,皮較厚,但好食,因為個豉油正!八十秒!恭喜!

第一次真正坐車周圍去當然要去一個搭公交去不到的地方第一時間想起佐敦這個好像很街坊地道的地方搵路當然是指定節目加上時近深夜選擇固然有限就來個經典消夜套餐柴魚花生粥沽清只有豬骨粥供應再加一個燒鵝拼蝦腸燒鵝品質比蝦好很多燒鵝啖啖肉再加上新鮮即造的腸粉和豉油味道出奇的鮮相對之下豬骨粥便較淡味了豬骨也沒有太多骨髓可吃但送腸粉還是可以的街坊生意最令人懷念的就是鄰檔可以過檔叫賣嫌粥加腸粉不夠還可以買隔壁的鹽水鳳爪雞翼這就是人情風味了

好耐無黎過，上次買返屋企食都已經覺得正，今次試下堂食，因為佢地係即叫即做既所以感覺仲比上次正好多，叫返我最喜歡既燒鴨腸同豬潤腸各一碟，以腸粉黎講我個人覺得真係正到無話可說，餡又夠多皮又夠滑，差唔多可以算係無得彈，唯一彈既係份量好似小o左d，兩碟野食晒後都好似唔多見飽咁。

7/12(四) 7:30pm舊夢延續,由添式行過來堂記;此時段食客僅兩三臺,如常點了腸粉及粥品,皮蛋瘦肉粥$15,鴨腎菜乾豬骨粥$12,臘腸燒鴨腸粉$16,另加了炸兩$8.鴨腎菜乾豬骨粥--粥底稠度適中,不覺有味精的存在;鴨腎,菜乾,豬骨皆味道對辦.皮蛋瘦肉粥--跟另一粥品感覺截然不同,粥底極其綿滑,足料是其共同點,皮蛋煲至半溶,瘦肉肉質頗嫩滑帶鹹香,質素較優勝.臘腸燒鴨腸粉--份量縮了水,即製腸粉依然口感薄滑,唯不夠米香.臘腸燒鴨餡料新鮮.炸兩--腸粉雖則是即包,油條卻非新鮮貨,口感自然打了不少折扣,加上麻醬欠缺濃香,味道實在不濟!服務方面阿姐尚算招呼落力,唯食物水準難以保持!

11月24日21:30乘直巴到佐敦，便到這店來碗菜乾鴨腎豬骨粥和齋腸。醉翁之意不在腸粉，祇想嚐嚐純樸的菜乾粥。菜乾鴨腎豬骨粥：米花朵朵，白菜乾清純香味湧現，陳腎不失鹹香，未經高速煲洗禮的鹹豬骨淋而入味。腸粉：祇可用一字形容"滑"。題外話：灶君大人到訪最後一天，不陪晚飯，但仍要來兩杯鬼佬涼茶，20:00才離開深圳新巢。

order 左碗皮旦廋and牛肉腸粉皮旦廋: 粥欠火喉,不入味腸粉: 一般, 食落去凍ke..