堂記腸粉專門店 (已結業)

係雜誌和食評都有提及過D腸粉好滑好好味,咁岩又去開個邊,咁就梗係要燒試吓佢地既招牌,不過地點就比較偏僻.燒鴨拼叉燒-腸粉即叫即做,滑又有米香,皮薄函正魚片拚大蝦-魚片新鮮,蝦又爽甜鴨腎菜乾豬骨粥-粥底略為稀,有好多菜乾,大大件豬骨佢地重有好多種類的腸粉配料或粥底可供選擇,相比同類價錢的腸粉係酒樓食都要14-15元,但係堂記食就只需要11-14元,真係好抵食,不過地方就比較細,只做夜市.

看了網友食評終前來一試:菜乾豬骨粥如網友所說太希, 味道ok, 只有兩舊豬骨而已.燒鴨腸粉不錯, 燒鴨頗香腸粉又很滑, 好過很多酒樓, $14 一碟價錢合理.最差的地方係佢地方太偏僻, 我在倫敦廣場行過去都要行10-15 分鐘, 行到腳都軟, 相信不會時常去了.

前星期五食完車品品去練波，練完波，進度麻麻，始終無興趣學的東西，係好難上手的。好在同事有車，代我帶走套球具，我可以自由的在附近搵食。其實渡船角都有幾多好野食，先吃堂記。唔好睇夜夜地，人可不少，眼見應該有不少是司機大佬停低架車在吃東西。這裡是街邊舖，沒有冷氣，得幾把風扇在吹著。打波前已吃車品品，呢餐純粹夜消，所以只叫了菜乾豬骨粥同燒鴨腸。業乾豬肉粥一遍綠色，一看便知煲了一段時間。粥底偏稀，用菜乾來煲，是這樣的了。如果見好綿的菜乾粥，應是菜乾有菜乾煲，粥有粥煲的。喝口粥，菜乾味幾香，亦有隱約的陳皮味。除了不少的菜乾，其實其他粥料不多，只有幾片陳腎及兩舊豬骨。豬骨肉不多，味道卻不錯，唔知可唔可以淨食豬骨呢？拿來點腸粉醬油真不錯；燒鴨腸即叫即拉，新鮮熱辣，是好腸粉的第一大條件。腸粉滑又有米香，皮不太厚，燒鴨連皮，同腸粉配合得不錯。醬油甜度剛好，至怕甜過籠的腸粉醬油，都食得過。埋單25蚊，當然係經濟實惠。老實講，只係粥同腸粉，再好也不值得專程來，不過如果路過的話，值得一試~當然要唔怕熱至得。資料補充：呢度只做晚市，上午及中午都未開門。

我同老公以前住o係附近, 所以有機會試o下, 如果唔係都唔知呢度有間好o野食. 初時覺得好好奇, 呢間鋪成日都鬼死咁多人, 試過先知原來好好味, 仲估唔到一試頃情, 耐唔耐有機會便會去食, 我推介佢o既叉燒拼燒鵝腸同豬潤拼牛肉腸, 超正! (P.S. 我好多時都叫呢度o的腸粉+隔離鋪o既糖水(推介腐竹糖水)一齊食, very good!

We needed to take quite a long walk from MTR station to here. Of course, the food is worth this long walk.1.燒鵝/叉燒腸:8分, a nice combination, pretty fresh2.炸兩:8分, this is also pretty good. 腸粉is a must here.3.菜乾鴨腎豬骨粥:7分, of course only eating 腸粉would not be enough for us. this 豬骨粥has many materials inside.4.柴魚花生豬骨粥:6分, by comparison, this is less attractive.

假期第一日同男友千山萬水終於搵到. 其實唔係好隱蔽. 去到門口就不其然話. " o車...原來o係度"..叫了叉燒腸粉同炸兩. 推介炸兩. 好脆. 腸粉係即拉.個鼓油好香. 不過甜醬就好多油囉.而叉燒腸裡面的叉燒ok. 下次我會試下蔡生推介的燒鴨叉燒雙拼先得.順帶一提. 我地一坐低發覺鋪頭左右兩邊都好多的士大佬停車黎呢度開飯. 仲要個個大佬都傾緊食經. 嘩. 氣氛好好~好有共鳴. 個個都好鍾意搵食!

上兩星期黎呢度食, 魚片燒鴨腸---腸粉即叫即拉,腸粉幾通透,滑溜!魚片燒鴨都幾新鮮!菜乾鴨腎豬骨粥---味道幾濃,不錯!炸兩---都係即叫即做,油條亦相當脆!另外隔離果檔"立"味飯$18---亦不俗,幾足料!

間舖原來係電影大事件拍攝現場附近，唔識窿路都幾難搵到。話明係腸粉專門店，腸粉款式真係好多︰有雙蝦腸、牛肉腸、豬潤腸、燒鴨腸....仲可以雙拼，所以叫左燒鴨豬潤腸。兩種材料加埋口感好特別，以前從來都未食過咁既味道既腸粉。除左腸粉，粥都係推介之作。我試左菜乾鴨腎豬骨粥同柴魚花生豬骨粥，前者味道不錯，但係後者就較普通，食唔到有咩豬骨味。價錢唔算貴，大大碗粥都係11蚊，腸粉$14，都ok 啦!

堂記果然係腸粉專門店,因為餐牌上除左腸粉,就只有兩款地道粥品.外星人今次巳試晒佢最出名既款式.粥品有鴨腎菜乾同柴魚花生兩款.由於無味精關係,所以味道比較清淡.但料足.成舊豬骨上,花生亦很多.十蚊碗唔好期望太高,算是佳作.腸粉見師傳即叫即拉.分別叫左燒鴨臘腸,鮮蝦蝦米同豬潤牛肉.皮薄關係可見材料鋪得滿滿.鮮蝦真係原隻鮮蝦,蝦米亦大大粒.豬潤亦夠滑.如果鍾意食潤腸既話,外星人推介燒鴨臘腸.一點都不油.潤腸應該係好貨,因為食落去味道好新鮮同多汁.兩個人食左60 蚊但好飽,料鮮又無味精.加埋少許維港激光景, 抵到爛!但係隔離的士司機話有個客特登搭300蚊的士係元朗出黎食,會唔會誇張左d?

honey話食完糖水唔夠飽，又行去食腸粉，呢間野係咪咁出名ar，雖然擺街邊有好多人食，仲有好多人買食tim。honey叫左碗菜乾豬骨粥，d粥好稀又唔棉，佢話廟街好食好多。再叫一碟蝦米腸，我食左少少，質地略厚、口感唔係好滑、又淋又散。我見其他客另叫隔離糖水舖個d炒麵、蘿蔔榚同燒賣仲正，搵日試下。

腸粉滑嘟嘟、白雪雪，一望就知係正貨，個人覺得齋腸更能突出腸粉的滑白，蘸上麻醬、甜醬，便成為天下之美味。不過此店的特色腸粉又真係配搭得不錯，起碼唔駛吃來吃去都係叉腸、蝦腸、牛腸…咁悶！

專程去試, 叫左燒鵝豬潤腸. 可能我唔係成日食腸粉, 我真係唔覺得d腸粉本身好正, 反而覺得太腍pat pat喇, 夾得好辛苦. 我都係欣賞佢d餡料多d, 燒鵝配腸粉食幾香, 不過皮多過肉, 有d"un". 豬潤再嫩d更好.

最後一日係附近上夜班,總有點依依不捨,而又剛好把車泊係旁邊的停車場,反正last night, 但好熱,都係買返屋企食,都係買我至愛既鵝蝦腸,不過外賣唔收加一,而且豉油另上都幾細心,我45分鐘後返到屋企仲有微溫,沖杯茶慢慢歎,好正...........!

由於小弟即將轉往上環上班,要再去食腸粉的機會都好微,反正今日放工有小小時間,都想食多次.八點去到,好多人幾乎無位,但一個人好易話為,都係叫番最想食既燒鴨鮮蝦腸同皮旦廋肉粥,點知都出事.燒鴨鮮蝦腸:等左十五分鐘至到,d粉好鬆散,又唔滑,燒鴨唔香,好肥,直頭唔想食皮旦廋肉粥:兩者都cut成小粒,但皮旦唔係糖心(個人喜好),粥底唔綿(又係個人喜好)食左一半已經走人。

昨天食完,好像有點意猶未盡的感覺,放工後又心思思走去試,同尋日一樣,要左燒鵝鮮蝦腸,但係改為要柴魚花生粥,不過都係差d,下次唔會再要,點知唔夠飽,仲走去食碗麵加油菜~~~~~ crazy.