堂記腸粉專門店 (已結業)

我昨晚到此店食,聽講唔係經常開,算我好彩!食既係牛腸一大碟再加碟炸兩,即叫即做!有特色!腸粉到,d豉油係幾好味既,但係腸粉皮好厚,唔算係好滑,而且牛肉唔多,只係一碟好普通既腸粉吧!炸兩都係普通,唔見得條油炸鬼特別好食!

女人天生兩個胃,甜品胃雖已滿足到死,正常胃還有點空洞,月巴人提議到堂記吃即拉腸粉,想不到一眾美女也即時附和,她們的食力也不可低估。寒風微雨天氣下,客人比平時少,我們還可以選個路邊位置享用這款庶民美食!各人在餐牌中選了心水配搭,什麼叉燒蝦、燒鴨蝦、燒鴨臘腸、叉燒牛、叉燒燒鴨都點了!看到鄰桌的炸兩後又來一碟,再加菜乾豬骨粥一碗!!老闆製作腸粉次序似乎從點菜紙後面看上去,遲點的反而最先上桌,有趣有趣!!菜乾豬骨粥顏色淡綠,上桌時已聞到很香的菜乾香,大大件豬骨也煲至骨肉分離,粥底也相當綿滑,可見火候甚足!分享過這碗粥的美人也說很好吃。腸粉薄薄的炸兩份量頗少,不過卻是超讚!因為油條是脆的!!很久沒有吃過有脆油條的炸兩了!!意外驚喜之至!!腸粉陸續上桌,份量也較迷你,腸粉也是晶瑩薄薄的一層,外表相當油潤吸引。味道又以燒鴨臘腸、燒鴨叉燒較美味和特別!其餘的只是配搭特別,味道卻不算上好,尤其是用上玻璃蝦,味道和口感的確有點失色。而且豉油師傅偏重,還未走出渡船街已感到其威力,可以減少一點用量會好一點;終於試到這間腸粉專門店出品,水準的確可以一吃,不過要專程到來又真的不必了。

為什麼呢？已經兩次無開了．．聽說是很好吃的呢，今次行過圓方之後再經此地，終於開了門，亦讓我有機會去欣賞這店的即做腸粉！要了蝦腸和牛肉魚片腸，再加碟炸兩，其實腸粉本身又不是特別滑，勝在有新鮮的感覺，因為腸粉是即做的，仲要在你面前做！味道過人之處似乎在於個豉油，因為甜豉油的味道剛剛好，唔會太甜又唔會太咸！但係我又唔會推介大家嚟食，因為其實都唔算好好好味，最重要係，可能嚟到都無得食！

各位吃不到的不要灰心, 我們也是來第三次才品嚐到鴨腎菜干豬骨粥, 柴魚花生豬骨粥和叉燒蝦腸粉... 很好彩不用等位, 只是對腸粉要有些耐性! 整體好滿足, 佳節中吃得清淡點也不錯

講真,其實真係幾好食!講真,其實寫呢篇食評真係幾唔願!因為我摸左三次門釘,第四次先有得食,點介紹俾大家去??如果間食店營業時間不長唔係罪過,但請老闆清楚註明營業時間,如果唔係又耍我一次我真係好興!!如果推介,首選蝦牛腸,但其實賣點係即製真人show!

一個星期五的晚上，終於有緣來此一試。二人吃了魚片粥、豬骨粥、豬肝燒鴨腸粉、臘腸叉燒腸粉。粥的材料足、簡單、好味，沒有添加味精，是我那柸茶，應該說，是我那碗粥。至於腸粉，從未試過如此配撘，以豬肝燒鴨較好，味道不俗，互相輝映。臘腸叉燒中的叉燒被臘腸的味道蓋過，可有可無。臘腸配腸粉，原來可以很好吃。說實話，腸粉不算太滑，但即叫即做，賣點是新鮮，還有是材料配撘之多元化。不知是否有運，當晚十時四十分來到，剛有位，不用等。粥等了三五分鐘，腸粉等了七八分鐘，亦沒有不禮貌對待。不過當晚在佐敦裕華國貨附近買了半磅票子就被人'坤'，只得十粒左右。平時在不同地方買都有十幾二十粒。常去街市買菜的我有怎會不知，不過不想為了十元八塊在街上理論，下次不買就算了。

想試棠記好耐了，所以特登冒名去食。整體經驗嘛嘛。特登再去就免了，不過下次夾到時間又順路都可能會再幫趁嘅～應該讚就讚，應該彈就彈嘛。星期一去到，無開門，好奇怪。以為執咗，聽街坊說：「唔係成日開架，有馬跑就唔開。」星期三再去，又係無開，可能又跑馬呱（好明顯本人係唔跑馬嘅）。俾足恆心，終於星期六再去多一次，今次有開門啦！要排隊等位預咗。外賣都有條長龍（和私家車龍）。等了不久便可以入座，都算唔錯。一心想叫一碗白粥和一碟齋腸，居然話無得賣！白粥賣曬，腸粉唔得閒整喎。失了預算之餘仲嚇了一大跳。點解最基本的粥同腸粉都無！？唔知係我唔好彩定成日都係咁啦。免為其難，叫魚片粥和魚片腸粉。等嘢食來時聽到廚房叫：「外賣要暫停。」又嚇親我。唔通真係咁好生意，做都做唔撤？食物來了。啲腸粉的確即叫即整，好熱好滑。魚片粥都好熱好香好足料。我認為這店的糃粉的確好多款式好特別。聽到好多人叫有豬潤的粥。愛食豬潤的人我想真可以來試一下。不過要有足心理準備，皆因本人的經驗告訴我，店主是我行我素的人。鐘意開門就開門，又有可能無我想叫的嘢賣，來叫外賣都可能失望而回。我想大家都可以打電話來確認有無開門嘅，但店舖咁忙，睇怕佢地都唔會接

主人與奴隸獸在『堂記』食了腸粉後，明白到，有時候食好都要有耐性，因為落單後等待了30分鐘才有得食。1. 鴨腎菜干豬骨粥（HK$13）：好彩有碗粥食住先，粥底夠綿，夠火候，好味。2. 燒鴨併臘腸腸粉（HK$17）：非常惹味，好正。3. 豬潤併皮蛋腸粉（HK$13）：估唔到豬潤併皮蛋，味道非常配合，好『夾』。但係環境差D，有好多蟻。

今天晚上,本人與友人一行7人,專誠由九龍站步行廿分鐘往堂記,品嘗腸粉,怎料與上不禮貌對待!!由於鋪面沒有7人桌,我們經已耐心輪候至有六人桌離座及自行將鄰桌的吉椅安排給自己,但桌上的剩餘物還擺得滿桌子皆是,我們說了多次:店內員工也視而不見,只顧招呼其他已經入座的客人,我們是第一次來光顧,已經有這樣~相信我這一輩子也不會拿一毫子去嘗這樣的腸炒粉~員工的態度惡劣與否比起食物質素更重要!!

Today I eat the Shrimp Rice Roll.I wait for 15 mins and eat all around 2 min, same as other restaurant rice rollExpensive ! Small portion !Wait my time and moneyPlease don't come here to eat rice roll if you think here can make good rice roll same as Guangzhou!

無想像中的驚喜, 另有一位呀叔賣煎饟三寶, 我們以為同一店, 原來他從轉灣街口拿來, 又貴又唔好食($20)

外賣了一碗粥,鴨腎菜干豬骨粥.返到屋企打開個蓋,聞到好香好香的味道,突然使我食慾大增呀!粥身夠綿,幾好味,碗粥好香鴨腎味,但係又唔多覺鴨腎的存在咁濟,因為只好兩小片,真係好小的!!!豬骨亦不算多,但都好,起碼粥會多一點,菜干也夠淋,入味.正呀!

放工做完Gym，有點餓但又冇胃口，便想吃粥。記得曾經同我家大少爺專程找尋堂記但結果兜錯路找不到，今晚獨行反而順利到達目的地。理所當然要試它出名的菜乾豬骨粥和腸粉，得一個人但又想試多些口味，便問阿姐可不可以叫雙併(答案當然係可以啦！)，於是要了一碟燒鴨併豬潤腸粉。粥幾好，但比期望中略遜，味道略淡，菜乾多而豬骨少。隨即腸粉出場，腸粉皮雪白通透且油潤，隱然透視皮下的餡料，當真是白裡透紅，單是賣相已經值9分...咦?! 雙併唔係一條燒鴨腸併一條豬潤腸咩?(sorry, 係我"大鄉里") 不過燒鴨肉和豬潤"共處一腸"又出奇地配合，加上皮薄又滑，簡直食到停唔到口，三扒兩撥已報銷。恃住做咗Gym，阿Q地想有quota，便放肆地再叫碟蝦米併魚片腸，可惜莞茜太多蓋過了魚片應有的鮮甜，令這碟雙併腸扣了分。下次一定捲土重來，再嚐試其他的腸粉款式和配搭!

一碗菜乾豬骨粥加五碟腸粉，魚片、豬潤、牛肉、燒鴨同鮮蝦蝦米。阿姐即時笑笑口，眼望望，話一條友，食唔食得哂？我話一陣妳就知！先嚟碗粥，真材實料無添加劑，連舊骨都咁好味，啲腸粉就一一登場，最好味係魚片，味道清甜，出乎意外咁好食，其次就係豬潤，至於其他三樣都好食，不過就無魚片同豬潤咁大驚喜。嚟食靚腸，必先接受無冷氣、坐街邊，跟住做四等人，等位、等落單、等食、等俾錢！

大熱天時, 專誠到來一試, 為的只是一碗菜乾豬骨粥和一碟燒鴨腸。菜乾豬骨粥很夠味, 粥亦綿, 菜乾味濃得像喝菜乾湯一樣。燒鴨腸, 腸皮充滿米香, 很滑很軟己很可口, 內裏的燒鴨一般罷了。吃了兩碗菜乾豬骨粥和一碟燒鴨腸才三十餘元, 便宜得發笑。環境方面,真的不太乾淨, 有很多小小的蒼蠅飛來飛去, 說不定還會飛進你碗粥裏, 但欣賞這裏食物的人是不會介意的。