堂記腸粉專門店 (已結業)

昨天見到有人提及此店,而今晚放工又口癢,行左成二十分鐘至到,十點幾,唔係好多人,不過好熱,見好多唔同配搭既腸粉,本身較喜好蝦腸,燒鵝又得意,一於黎個雙拼再加碗鴨腎菜乾豬骨粥鮮蝦燒鵝腸,正,筆者食腸粉標準係要皮薄,口感要滑,有米味,豉油又唔可以太搶味,其實好多酒樓都整到成口粉,反而好差,此店豉油唔太甜,但好似細碟小小,燒鵝無骨而且香,滑,鮮蝦就'拿'過,有小小味,不過無傷大雅,依然好高水準($14)~~~平平平鴨腎菜乾豬骨粥就唔係咁好,無里火氣,可能係用真空煲焗出黎,下次試下其他粥($11)~~~~一般

今晚去到八文樓, 打定主意是要食堂記粉麵的炸雲吞, 七點幾八點去到, 少人喎, 就食完雲吞和蔥花撈麵, 再來食腸粉, 一碟燒鴨豬潤雙拼, 一碟魚片, 今次係第一次幫襯堂記的魚片腸粉, 哇! 又香又滑...元茜好香, 魚片好滑! 燒鴨和豬潤都一樣咁好, 不過還是覺得單拼味道更特出!平時宵夜來食, 一定好多人要等好耐, 有時又無位, 今晚人少少, 腸粉又來得快, 食得特別好味!跟住再去食漆記法式三文治...

宵夜，問左伙計有咩好食,，聽佢介紹，order了叉燒燒鴨腸($14)同埋鴨腎菜乾豬骨粥($11)。粥幾足料，冇落味精乜滯，淡口d，夜ma ma，清清地都唔錯。不過，食到尾都幾水下……粥底可以再好d。腸粉應是即叫即整，都唔錯，算係食得過。

鐘意食腸粉的，一定要試下呢間野。重點推介: 豬潤腸，叉燒腸，燒鵝腸。其實重有好多款，又可以雙拼。真得試試，不過只開夜晚，星期日休息。

由於我男友住係附近，所以耐唔耐就會食下。我個人來說是十分十分愛吃腸粉的，所以腸粉專門店正合我口味。佢d腸粉即叫即整，旺起上黎真係要等好耐下架，好多人仲專登車黎買外賣(因為間舖好細，木檯係行人路，似大排檔feel)。佢有好多餡料選擇，任你發揮創意去配搭，我就多數要叉燒拼燒鵝，單拼$11，雙拼$18(唔係好記得)，佢d豉油好好味架。除左腸粉，佢只係得豬骨粥叫，都唔錯架。但記住佢星期日係休息，同埋只係開夜晚。如果食齋腸，我就會去隔離個間糖水舖食勒(另見食評)。