圓山台灣料理 (已結業)

every single dish is so good in this restaurant which makes me come once a week. I strongly recommend sichuan spicy fish head, steamed bun, chicken ...etc.

是日到美麗華返工，下午同同事去左圓山飲茶。第一次黎圓山，感覺同平時飲茶環境差不多，裝修唔見得好精𡟹，樓底都唔高，好普通。不過食過都同事都讚呢度食物不錯，而且唔太貴。我地一行三人，上左二樓的獨立房，竟然撞到叻哥陳百祥！！！我地點左招牌奶黃流沙包，腸粉，鳳爪，雞扎、春卷和炒飯。食物好快上枱，個流沙奶黃包熱辣辣，一撕開，啲流沙爆出黎，係我最鍾意嘅蛋黃漿，見到都開心。鳳爪炆得好稔好入味，一咬啲骨就分離，雞扎就正常水準，我欣賞嚿芋頭好粉，好好食。春卷新鮮即炸，脆卜卜，但因為熱氣，所以我無食好多，但係佢係好食，因為隻蝦好爽口。最後就叫左個瑤柱蛋白炒飯。啲飯炒得好乾身，粒粒分明，入面有菜遠粒，蛋白，瑤柱，簡單得黎真係好好食，我一個人食左2大碗。腸粉好滑，而且料又足，蝦大大隻又彈牙，食落口滑嘟嘟，同事大讚!第一次黎食圓山，感覺很不錯，價錢唔貴之餘，食物又有水準，雖然格局係一般茶樓，但食物就絕對出色。食完飯仲有個足料糖水送，成餐飯好圓滿呀，呢間會encore。

曾經在這附近工作，圓山是我們常到之處，是次特與舊同事在此聚頭。前菜台式四拼有咸水雞、鴨舌、生腸和蛋黃小卷。咸水雞肉質滑，不是太咸。麻辣鴨舌很腍，果然很辣。生腸用蠔油伴勻，食味不錯。最特別的要數蛋黃小卷，似蛋非蛋，蛋白其實是墨魚圈，釀了真的蛋黃，並加入蔥及火腿，墨魚爽身，蛋香又夾雜火腿的味道，頗有趣。湯水是阿里山烏魚湯。除了烏魚之外，還有芥菜及豆腐，清潤下火，夏天喝最適合不過。湯渣一大碟，醮點豉油吃亦不俗。炒劍荀以台式豆醬來炒，內有肉絲，浮現些微的辣，感覺沒那麼油膩，能提升食慾。涼瓜煮石斑是把去了骨的石斑炸透後，淋上涼瓜芡而成。難得的是斑肉經過油炸亦不會太老太實，反而覺得跟涼瓜芡不太協調，芡汁的味又入不了多少到魚肉裡；小人還是認為涼瓜用來炒其他肉類更為配襯。甜品有祕製糖蕃薯，風乾了的台灣地瓜以糖漬煮而成，入口是清甜的，我們一致給讚。事隔數載，再到圓山，喜見水準如昔，就如我們的友誼多年無變。

辣局因成員各有問題而停吃了兩個月,最終在六月頭的一夜終再重聚,今趟到圓山台灣料理一圓未吃的一餐,十分興奮和期待這夜蒞臨^0^圓山格局較近中菜酒樓,有大大個魚池,環境光猛也算企理非常~我用飲食網站訂位4位以上便可得到這客{涼拌茄子},大熱天時吃吓涼浸浸的茄子都幾爽吖,醬汁味道帶輕甜襯淡味茄子很合拍呢~{皮蛋肉鬆豆腐}$68,跟菜牌上的份量相比實在差太遠了吧!!只得一隻皮蛋,反而貴價的肉鬆又比得頗慷慨喎~溏心皮蛋加上嫩滑豆腐從來係好朋友,加埋香甜的醬油膏及惹味嘅豬肉鬆整件事來得太美妙喔!!{胡椒焗海中蝦}$228,上檯時胡椒香氣四溢,煲內有煮得夠乾身中蝦,肉質爽彈味道鮮甜,用上大量青,白胡椒泡出香味來~{滷肉}$108,有正義朋友喺道當然要叫份邪惡軸心之物啦!!份量不少的滷肉邪惡末臻完美,酥香亦未能滿足各位正義朋友啊!!{空運台灣烏魚子}$188,矜貴的烏魚子客得8片,配料有青蘋果,京蔥,蒜片等解膩之物,還有大有用途之物"沙律醬"最後當然係MC小兄妹嘅囊中物啦!!烏魚子鹹香惹味配合酸甜的青蘋

久違了的辣聚！其實我都不怎吃辣菜式了，這頓飯，擺明就是志在聚頭；啊，還有老人家又回鄉了，順便將兩隻也帶出來開餐，免得煩免得煮了。圓山地點很方便，位處熱鬧的 The Mira Mall 旁邊，走上一條樓梯就是。推著BB車的，原來也另有斜路可上。帶著小兄妹，首先就給他們吃飽，於是一來先點新竹米粉及肉燥飯各一，其中米粉稍為難咬，因此以肉燥飯較受歡迎。媽媽我愛吃皮蛋，另外肉鬆及豆腐也合小朋友胃口，故又點了皮蛋肉鬆豆腐。成品味道還好，就是皮蛋份量較少，只得一隻一開四，多一倍會開心很多！另一涼菜是姍姍來遲的泡辣雞脚，食友間有的說很辣，有的說不辣，我沒試未能為大家評解了。來吃台灣菜，也點了烏魚子。鹹鮮味重的烏魚子給配上青蘋果、蒜片、沙律醬及菜絲，感覺清新多了，組合不俗，而且吃剩的沙律醬可不得了了，是兩兄妹的最愛下飯佐料呢！全晚最期待是這胡椒焗中蝦，成品乾身、味香、惹味、可口，的確不錯，我不客氣吞了兩隻呢。也點了魯肉，成品用上肥瘦相間五花腩，肉質算鬆化加上香甜味道，算是討好，囝囝尤其吃得多。個人就更喜歡墊式的豆腐！還有份量甚多的水煮魚，紅湯中除了撈之不盡的大量魚片，又有粗薯粉、青瓜、芽菜及好吃筍片，感

夜晚晚係THE ONE睇完戲,就求其搵下附近有咩好食,見到有台灣野食,D FEEDBACK都唔錯,甘就黎試試啦因為已經宵夜時間, 所以無咩人,得兩檯客,同埋有宵夜折扣, 唔記得係咪8折,不過折完都仲係覺得有D唔抵叫左一個肉燥飯,一個就麵,味道唔錯, 份量唔算好多,咸水雞同咸蛋片,咸水雞比較UN,有D難咬,個蛋超薄青瓜小食,不過無咩味,好淡花枝肉湯, 有荀絲,有芽菜,花枝肉好少, 叫左一煲都唔知有無十舊,但係好似要二百左右一煲咸蛋肉餅,我覺得味道有D怪怪地另外仲有個海参,海参好好味,真係好正,份量又多,真心推介

一大班人食飯要諗食乜同埋臨時book位都幾煩，table map其實都幫到大家手。今次就食小妹好喜歡嘅台灣菜，圓山想試好耐，但少人又係試唔多，六至八個就係一個好好的配搭。前菜：台式四拼 ，小妹淺嚐了鹽水雞同蠔油生腸，味道偏清，但ok的。 台式鹽酥豆腐 ，好味，外表酥脆，內心細滑。涼拌茄子，小妹唔食，但飯腳話not bad。粉麵類：台南擔仔麵，湯底少油，去油後但味道其實幾清甜。麵質有咬感，肉燥當然good。台式燥肉飯，無肥膏點會好味，少少肥膏先夠香滑呢。 主菜：台灣炒A菜，爽。 紅糟豬手，煙煙靱靱，滑滑的，好強骨膠原呢。 秘制麻油雞湯，果然唔少嘢，雞味麻油味並存。 蚵仔煎，蚵仔配香䓤，香口。 甜品：即撞豆腐花，豆味重，清新。 擂沙湯丸，芝麻香濃，薑味重。 棗茸糕，I don't know。

之前同男友食過呢度嘅2人午市商務餐，對極品流沙包一試鍾情。今日相約男友跟好友再次光臨，3個人叫咗個4人餐，可以係餐紙上選3個點心，3個小菜同1個飯或者麵，另外餐跟一個燉湯同甜品。一開始先來燉湯，今日係椰子雪耳燉雞， 個湯好好味，夠濃，唔係清水咁之後就上台灣滷肉， 呢個肉唔太鹹，滷水味重，但略為失色係啲肉炸過，唔夠鬆，邊位較柴身。再嚟係鹽酥雞， 呢個雞口味較淡，個味再重啲會出色啲。再嚟就係豆瓣魚，魚欠缺鹹味，雪味較重，都幾失望。之後就到咗點心出場，我要咗必食極品流沙包，朋友要咗佢至愛小籠包同蝦餃。流沙包依然流沙，餡料重牛油同鹹蛋味，出面好難食到，只係今日個包皮差咗啲，唔夠軟，怕係蒸耐咗，有點失望，所以忍唔住同經理反映。再嚟就係炒新竹米粉，呢個米粉冇咩鑊氣，朋友唔太鐘意。最後甜品今日係南瓜西米露，呢個唔錯，唔太甜，讚呀!今餐整體冇第一次食咁有驚喜，可能因為流沙包失色，希望下次再食會好返啲! 是次餐費為450蚊，算係抵食。

係香港如果要選最愛的台菜店，我會選呢度。唔係指牛肉麵店，而係正宗台菜（不過其實做正宗台菜的地方好少）。以幫襯當日係閒日所見，都座無虛席，就知佢頗受老饕歡迎。 彰化鹽水鴨（$78例牌）係涼菜，有鹹香但唔係死鹹，有點似淡味d嘅臘鴨。肉質偏瘦，但唔韌，值得一試。 炒海瓜子（$88）厚肉又鮮甜，雖然唔係用豆豉炒，但都香氣十足。 蛋黃肉（$98）其實即鹹蛋肉餅，賣相同民聲的有幾分相似，但味道同質感好唔同。佢嘅免治豬肉少肥膏，肉質相對會實淨d，但食落依然滑。另外台式蒸肉餅味道係帶點甜，多食會膩，配清淡的番薯粥就最啱。 三杯雞（$128）用瓦煲上，熱辣得來又特別香，九層塔同薑都應記一功。雞件滑之餘入味，又唔會過鹹。 炒A菜（$75）真係唔建議點，唔係因為唔好食，而係太貴，成本只係幾蚊的油麥菜身價暴升幾十倍實在太誇張，不過咁，當所有菜式都係重口味的時候，有碟青菜清理一下口腔都好嘅。值唔值，大家自己評啦。 燥肉飯（$22）細細碗，呢個size就正宗喇，好怕白飯太多但肉碎同汁得少少。佢有唔少肥肉，係邪惡，但食落香好多，醬汁亦落得啱啱好。 擔仔麵（$22）都係細碗size，細過度小月添，兩啖就食完，不過正是

父親生日 就揀左台灣料理作為台灣女婿 尋找家鄉的味道環境: 小迫! 因為檯很多很密 但冷氣唔夠 好多客人都要求開大冷氣 但一論聽到答案:'已經開到最大'         最後就係 好嘈 人多地方細同間隔問題 好多回音 所有聲音都困住係到服務: OK 都勤快做野 遞手都應得快 美中不足係催落單食物: 可以話有50%台灣味 畢竟都為左迎合香港人都改左D味         炒米粉 - 好正 用肉燥D油去炒 好香 不過就無咩料        炒伊麵 - 點講呢 唔係唔好食 但 太鹹 全晚以佢為最鹹        海鮮湯 - 清清地好鮮 同料好多 分8碗 個個都有蛤仔        雜錦拼盤 - 生腸好爽口 唔會有怪味 蛋一定要加醬一齊食        香腸 - 落單個姐姐係甘不停介紹 於是叫左1份 well 係真係好食 應該係自己包 唔係拎工廠貨                  但太貴 得2條 薄切 要80蚊結論: 地方 食物 都會再黎         但價錢幾貴 令我卻步8人endup 食左$2500 

一行8人點了很多地道餸菜😜四色拼盤👍很不錯，鴨舌惹味，生腸夾脆!皮蛋豆腐，皮蛋靚，但份量少，價錢較貴!還有台灣菜必點的三杯雞和炒花甲，很地道，九層塔味又香又好味!點了碗肉燥飯，味道跟台灣吃的一樣，反而新竹炒米粉就一般，但金菇炆伊麵則有驚喜，伊麵不會太“林"，夠彈牙，好味道。另外，侍應推介燒香腸，味道是不錯的，但$88得兩條，確實很貴。最後介紹另外兩道較貴但很靠得住嘅芥菜花甲雞湯，很有台灣風味!另一款係糯米蒸蟹。蟹夠新鮮，但糯米飯太咸!整體來說很不錯呢!但美大不足是環境太嘈，冷氣又不太夠!

前菜皮蛋肉鬆豆腐，不錯的，不過有點偏冷…滷肉飯，肥肉跟台灣的有點到位，不過不失，不過飯粒太濕…流沙奶黃包，一籠三件，螢光的橘黃既色，賣相是不錯的，流心度和麵包質素ok，可惜有點偏乾身

這長週末約了幾位兄弟聚會, 很久沒有吃台灣菜了, 想起尖沙咀圓山, 便來一次台式料理。圓山的裝修像普通港式中菜酒家，沒特色可言。先點了皮蛋肉鬆豆腐 $68, 真實賣相跟菜牌圖片相去甚遠, 幸好皮蛋是溏心, 仍可一吃。彰化鹽水鴨 (半隻) ($148)肉質煮得軟腍, 有種油滑感, 咸味適中，不錯!滷肉 ($98)充滿肥油的豬肉，咬落很滑溜，但醬汁調得不夠濃郁，甜度和層次感都不足。台灣炒新竹米粉 ($98)炒得太硬, 又乾身，像水煮多過像炒, 失望!儘管埋單每位不用$200, 但如此普通水準, 很難叫人再來!

公眾假期的晚上，約了好友到尖沙咀吃台灣菜。學朱潔儀姐姐話齋，「圓山」我細細個就聽過佢個名啦，嗰時仲係成班同學一齊去食，都是在尖沙咀，位置就變得不一樣。這一餐我吃得非常少，總是提不起勁，「皮蛋肉鬆豆腐」$68「彰化鹽水鴨」$148 / 半隻 吃了一件，味道沒有那股令人討厭的鴨騷，不錯吃，同枱大家吃得津津有味。「滷肉」$98重口味之選，我覺得調味做得好，能夠做到濃油赤醬的神髄，五花肉是肥了一點，若能夠做到啤出油份，不會吃到滿嘴油，更加好。「炒A菜」$75「台灣炒新竹米粉」$98不明白，為何炒米粉收這個價，味道好一般，沒有什麼材料，米粉亦相當硬。吃時我建議可以加些滷肉汁，變好吃亦多添一些台灣風味。「即撞豆腐花」$68反高潮地甜品是最出色的，好明顯豆腐花不是台灣特色菜，但做到有豆香及滑溜，收貨有餘，今次真係吃得碗落喇。

臨近爸爸節，為了避免正日同人逼枱，所以提早食飯慶祝~TableMap訂座，先送一小碟前菜，原來是涼拌耳絲，點菜後才知道與我們點的爸爸節六人套餐內的四小併之一相同，不過質量不錯，豬耳爽口軟滑，味道夠，就當多吃一點吧~四小併還有鹽水鴨、蠔油生腸和麻辣鴨舌~ 鹽水鴨鹹味十足，皮薄而不肥，肉質實而不韌~ 豬小腸爽滑脆口，醬汁吊出鮮味~ 麻辣鴨舌麻而微辣，但始終不及台北老天祿的惹味~我們還多加了兩款前菜，先是泡椒豬手，皮爽肉嫩，辣而微酸，愈吃愈滋味  還有烏魚子，份量雖小，但質量搭夠，烏魚子烤得表面微焦香，慢嚼滲出甘香鮮味，配爽脆蘋果片減油膩，配大葱蒜片去腥氣，很好 套餐內的湯是這兒名氣不小的基隆花枝羹~ 一大窩，不只六人份量呢~ 湯羹質地有點像港式碗仔翅，但較味道較清而鮮，花枝滑爽口有鮮味，內裡更有條條魷魚肉 主菜方面，劍筍炒雙蚌，其實是桂花蚌和象拔蚌，前者爽脆有咬口，後者軟滑不老，劍筍則鮮甜爽口，三者互相配搭得很好~翡翠夏果安格斯，其實是西芹夏威夷果仁炒安格斯牛柳粒，牛柳粒果然肉味鮮嫩，雖瘦而有咬口，但又不至於韌~ 夏威夷果仁份量不少，夠香口，不過牙力不夠的，就少吃為妙了 花雕蒸羔蟹