影片
更多
2015-09-29
3066 浏览
係香港如果要選最愛的台菜店，我會選呢度。唔係指牛肉麵店，而係正宗台菜（不過其實做正宗台菜的地方好少）。以幫襯當日係閒日所見，都座無虛席，就知佢頗受老饕歡迎。 彰化鹽水鴨（$78例牌）係涼菜，有鹹香但唔係死鹹，有點似淡味d嘅臘鴨。肉質偏瘦，但唔韌，值得一試。 炒海瓜子（$88）厚肉又鮮甜，雖然唔係用豆豉炒，但都香氣十足。 蛋黃肉（$98）其實即鹹蛋肉餅，賣相同民聲的有幾分相似，但味道同質感好唔同。佢嘅免治豬肉少肥膏，肉質相對會實淨d，但食落依然滑。另外台式蒸肉餅味道係帶點甜，多食會膩，配清淡的番薯粥就最啱。 三杯雞（$128）用瓦煲上，熱辣得來又特別香，九層塔同薑都應記一功。雞件滑之餘入味，又唔會過鹹。 炒A菜（$75）真係唔建議點，唔係因為唔好食，而係太貴，成本只係幾蚊的油麥菜身價暴升幾十倍實在太誇張，不過咁，當所有菜式都係重口味的時候，有碟青菜清理一下口腔都好嘅。值唔值，大家自己評啦。 燥肉飯（$22）細細碗，呢個size就正宗喇，好怕白飯太多但肉碎同汁得少少。佢有唔少肥肉，係邪惡，但食落香好多，醬汁亦落得啱啱好。 擔仔麵（$22）都係細碗size，細過度小月添，兩啖就食完，不過正是
彰化鹽水鴨（$78例牌）係涼菜，有鹹香但唔係死鹹，有點似淡味d嘅臘鴨。肉質偏瘦，但唔韌，值得一試。
炒海瓜子（$88）厚肉又鮮甜，雖然唔係用豆豉炒，但都香氣十足。
蛋黃肉（$98）其實即鹹蛋肉餅，賣相同民聲的有幾分相似，但味道同質感好唔同。佢嘅免治豬肉少肥膏，肉質相對會實淨d，但食落依然滑。另外台式蒸肉餅味道係帶點甜，多食會膩，配清淡的番薯粥就最啱。
三杯雞（$128）用瓦煲上，熱辣得來又特別香，九層塔同薑都應記一功。雞件滑之餘入味，又唔會過鹹。
炒A菜（$75）真係唔建議點，唔係因為唔好食，而係太貴，成本只係幾蚊的油麥菜身價暴升幾十倍實在太誇張，不過咁，當所有菜式都係重口味的時候，有碟青菜清理一下口腔都好嘅。值唔值，大家自己評啦。
燥肉飯（$22）細細碗，呢個size就正宗喇，好怕白飯太多但肉碎同汁得少少。佢有唔少肥肉，係邪惡，但食落香好多，醬汁亦落得啱啱好。
擔仔麵（$22）都係細碗size，細過度小月添，兩啖就食完，不過正是少食多滋味，肉燥夠香，麵條爽滑，不俗。
值得去指數：
张贴
