圓山台灣料理 (已結業)

呢間位於尖沙咀既台灣料理好有特色！係酒樓既環境，好似去飲茶咁，但食物主要係台灣既地道菜式再結合中式點心，呢個概念幾有新鮮感！👍🏼 好似出面冇咩呢類型既餐廳。好適合一家大細或者同事們聚一聚。我緊係要叫台灣出名既菜式啦😎台式胡椒餅(大)$36 有三個，外層非常鬆化！入面有豬肉餡，胡椒味濃烈，好好食呀！.秘製酒香豬潤燒賣(特)$40 呢個係餐廳受歡迎既點心之一，見個配搭幾特別，就試一試先！豬潤好厚身，咬落去溢出肉汁，十分嫩滑呢🤤 燒賣既部分大大舊，好香既菇味，都係充滿肉汁，太讚了！食過一定會番尋味😍 .韮菜水餃(特)$40 皮薄、餡夠多！好juicy😋 水餃或雲吞愛好者吾可以錯過。午市商務 2人套餐 $248點心任選兩款 或 涼菜小食一款，我揀左鳳梨酥同台式小籠包，鳳梨酥有三件，上菜時係暖熱的, 好有新鮮出爐既感覺😍 入面夾有非常多既菠蘿蓉，味道剛好，有得食咁高質既鳳梨酥，好開心呀😁👏🏻而台式小龍包就比上海小龍包更大個，皮薄餡靚呢！入面充滿肉汁🤤 呢個絕對係encore之選👍🏼然後精美小菜任選兩款，我揀左三杯雞同口水雞。三杯雞都幾大份，好多雞肉食✌🏻 好香口惹味。口水雞更加好食！個麻辣做得好

呢排睇返上年去台灣大吃大喝既相之後，呢幾日都好想食台灣菜，星期日應承左女皇陪佢飲茶，咁就一於黎呢度啦呢度雖然叫“台灣料理”，但當中亦有提供不少點心，咁就可以達到女皇要飲茶食點心既同時，又可以滿足下我想食台菜既欲望啦原來午市有個“商務二人餐”HKd$248+10%，當中可以自選點心同小菜啵，仲有湯品同甜品，都幾抵啵所以我地就要左個二人餐之後再加左個台式涼菜“肉鬆皮蛋豆腐”HKd$65+10%同台灣小食“鳳梨酥(中點)”HKd$30+10%食野之前就飲返啖跟餐既靚湯先之後個餐個到可以揀兩款點心，我地就揀左“懷舊水晶鮮蝦蝦餃”同“招牌極品流沙包”呢到既點心做得非常唔錯鮮蝦蝦餃外皮晶瑩剔透、厚薄得宜，内餡既鮮蝦爽彈，一籠仲有5粒添而流沙包確係非一般既流心，佢既程度係湧出黎加上咸蛋黃既香，軟熟既包身，睇返相都相食而小菜方面都唔錯，前者惹味足味，加上有火座住黎食，温度keep住好好，風味十足而後者既剁椒魚頭辣中帶微甜，不如川式般辣，是台灣的口味，魚頭非常新鮮，同樣令人食得胃口大增而跟餐就左到台灣總會食到既肉燥飯同擔仔麵，當中肉燥飯香而不膩，正另加既肉鬆豆腐皮蛋係我食台灣菜常點既冷盤，雖然當中既用料

好耐之前已經知道圓山呢間台灣料理但一直都未有機會黎試下今次機緣巧合之下終於有機會同朋友嚟試下啦佢個位置好好,係諾士佛臺下面門口係一道小樓梯,係個度已經有人接待,服務好好入到去坐低,就問要咩茶,同埋有青瓜做前菜茶位同前菜好似係人頭$16見佢早排有$328 自選4個菜既套餐 本身想叫呢個套餐既 可惜已經無咗不過唔緊要 散叫自由度更加大首先上既菜係台式鹽酥豆腐 $82本身想叫鹽酥雞既,都係貴幾蚊豆腐好似無咁抵咁,點知,好有驚喜外面個層炸到好脆,唔會一夾就散,好考功夫入面豆腐好軟滑,而且估唔到佢會咁入味無後悔到試佢不過一定要趁熱食,豆腐凍左真係會無咁好食蚵仔煎 $88又係一道好有驚喜既菜係台灣試過蚵仔煎之後,已經無乜興趣再試見佢啲蚵仔煎幾愛歡迎,所以試下點估到佢比台灣個啲更加好味蚵仔夠哂大隻,而且唔會太生或者太腥個醬汁都調到好好,甜甜酸酸,好開胃,拎黎送飯都得三杯雞 $138成日都聽到三杯雞係台灣既地道小菜但我從來無係台灣食過,因為都無見到有邊間係特別好食圓山既三杯雞整得好惹味一上菜個時,啲香味出哂黎而且啲成隻雞都入哂味,以咸為主,但又唔會太膩不愧為招牌菜之一台南擔仔面$25台式肉燥飯 $25

啱啱去完台灣旅行，仲係好掛住台灣美食，去左尖沙咀依間台灣料理，又唔錯幾好食！楜椒焗中蝦一上枱已經勁香楜椒味！用沙煲焗，加左勁多楜椒，d蝦本身好大隻，肉質彈牙，食落都幾新鮮，用楜椒焗左好香又辣辣地，勁惹味！花雕蒸中蝦雖然都係中蝦，但係d蝦就細好多，開邊再用左花雕酒蒸，第一次咁食，個味好香，花雕酒帶倒蝦嘅鮮甜味！雖然d蝦細細隻但都有d膏，而且肉質偏爽口，好味！五味鮮魚條魚幾有驚喜！首先成條魚炸左，上面再淋上醬汁。條魚好厚肉，而且肉飯好嫩滑，炸過之後外皮好鬆脆，食落好有口感！而上面淋左酸酸甜甜嘅醬汁，味道啱啱好，食落好開胃，平時唔鐘意食魚嘅我都覺得好好味！三杯大卷同三杯雞個煮法一樣，但主菜就用左大尤魚。主要係用九層塔黎調味！大尤魚勁厚肉，煮到啱啱好，唔會覺得韌。不過用九層塔煮個味有小小搶。皮蛋肉鬆豆腐不嬲都好鐘意食皮蛋！依個皮蛋肉鬆豆腐好好味呀！豆腐好嫩滑，本身冇咩味道，但係配合皮蛋，皮蛋係流心嘅，蛋黃又勁香，再加上撈埋d肉鬆一齊食，d肉鬆又髮脆，成個層次好豐富。

每個禮拜都會係呢度附近嘅工聯會上堂，次次都經過呢間圓山台灣料理，一直都未有機會試，今日上完堂，約左朋友食飯，就近近地，係嚟呢度食啦！上完堂都八點幾，但呢度嘅人都幾多，勝在地方夠大，所以唔駛等就有位。嘢食種類好多，除左散叫外，仲有唔同嘅套餐俾你選擇。如果佢套餐包嘅食物唔啱食嘅話，仲可以自己加錢升級，配合自己需要。牆上貼左佢地既招牌菜，主要係海鮮！四人套餐菜甫蛋都算大塊同多料，鋪滿成隻碟。入邊有啲肉碎、葱花同埋菜甫。煎到嗰起焦，好香口。台灣鹵肉佢係我哋平時食開滷肉飯嘅鹵肉放大版，有啲似東坡肉。炆到好入味，好林，半肥瘦，好juicy個汁唔算好鹹，甜甜地，呢個鹵肉撈飯食一流！超鍾意食！五花腩，夠厚身！個底係齋筋，吸收啲汁嘅精華，好夠味！阿里山竹筍竹筍好爽口，無渣，用肉片去炒，有少少辣，食落好惹味！台灣A菜食甘多肉，點都要食個菜平衡下既！油麥菜用蒜蓉去炒，好香蒜蓉味。唔係好多油，較健康，好爽口。正！秘製糖蕃薯呢個係超愛！！食第一啖果時會覺得好甜，唔愛食甜野既人未必鍾意。但係我食到唔停得口！蕃薯熱辣辣，好林，好清甜！外邊沾滿左糖漿，痴痴地，兩者好夾！唔錯既台灣食物餐廳！服務都唔錯，下次上完堂再黎食

朋友聚會食飯 約左係尖沙咀嘅金巴利道揀咗呢間台灣料理雖然個名叫台灣料理 但係上到去感覺有啲似中菜館自選套餐選擇都幾多 我哋揀咗個六道風味菜餐前菜 青瓜 青新爽口先來嘅係 基隆花枝羹份量都幾多 我哋四個人都食唔晒酸酸地 幾開胃墨魚肉大大粒 爽口又彈牙之後就開始上小菜 速度都算幾快油泡鮮魚當晚嘅鮮魚係黃花魚魚肉經過油泡 熱辣辣 又脆口滷水大腸熱食 滷水味香濃 台灣A菜菜很新鮮 同嫩 炒得爽口麻婆豆腐豆腐很滑身 肉醬豐富 不過嗜辣既我覺得可以再辣的會更野味鹽酥雞新鮮炸起 香脆可口另外我哋叫咗個 口水雞 同 炒海瓜子口水雞肉質鮮嫩 炒海瓜子 其實即係炒蜆炒得香口 餐廳以台灣料理為題 滲入左中式風味 幾特別

星期日相約表姐去尖沙咀行街睇戲，睇完戲都已經成5點，見佢話想食台灣菜，又唔想孕婦行咁遠，二話不說帶左佢去圓山。 因為我地好早，六點零仲未好多人。一行四人，唔想諗食咩就直接點左$788的4人套餐。 鍾意呢度除了食物能保持水準，仲有因為服務好，所以都幾常黎食。拼盤先上，份量夠多。鹽水鴨夠肉厚，麻辣鴨舌同埋蠔油生腸夠爽口。表姐夫話啲鴨舌肉厚過佢係台灣食到的😆 生腸係我最愛，夠凍又夠爽脆，簡單點蠔油都好好食！ 台灣滷肉件件肉都正方形，脂肉分佈平均。入口即化，煮得稔身但唔會過咸，個汁好好送飯。 花枝羹足料又夠濃，食落口啖啖木耳、西芹、竹筍、枝竹、魚滑。熱辣辣帶微酸，暖身又開胃。阿里山桂竹筍辣辣地，腩肉豆豉一齊炒，惹味非常。蚵仔煎頗令人驚喜，一般的蚵仔煎，蠔仔的size較瘦削，然而這裏的蠔仔十分飽滿，而且滿佈葱香，雞蛋又夠厚實，配合起黎，好有口感，比起出面其他的，更啱我口味。來了個蒜蓉炒菜，爽脆得黎清清地。不得不讚個肉燥飯，雖然小小一碗，但肉燥帶豬油香，飯粒粒分明，加上個肉燥汁，撈飯令人食唔停口。 一整條黃花魚炸得香脆，但魚肉仍保持鮮嫩，加上甜酸汁，又係送飯之選。酒足飯飽，但仍然點了呢度嘅招牌流沙

台灣食物實在太討港人歡喜，台式料理不論是火鍋或是小食，餐廳都愈開愈多。今日朋友約到台式料理晚饍，於美麗華向後走一分鐘就到，沿樓梯上一層推門，店內格局跟酒樓無異，但裝潢上用了圓形做牆，設計獨特。因為只有我倆，所以點2-3款菜式每枱都有特別免費小食想食樟化鴨想食鹽水雞，原來有得雙拼，完全適合二人食用！樟化鴨非常薄皮，肉質爽實、有鴨香味及小小咸，點到即止，再配蒜粒白醋，更開胃 ; 鹽水雞原來好似我地平時食的白切雞，配薑油食。肉質好嫩滑貌似好簡單的台式鹽酥豆腐，其實功夫要好到家才做得好。小小粒方型，外皮薄而脆，內裏像牛奶般柔軟，咸度適中三杯杏鮑菰，平時街頭食法都是酥炸杏鮑菰，三杯做法未接觸過。原來用砂煲熱騰騰的盛載著，沒有噴煙也沒有攻鼻，但醬汁好深色、薑片爆得好香、蒜粒煮得好腍。入口時九層塔非常搶味，杏鮑菰又爽口又多汁，好入味又不缺菰鮮味一般到酒樓食飯當然加碗靚仔，但這裡可以加魯肉飯及新竹米粉。滷肉飯用的是兩大件五花腩，滷得非常入味，入口溶化，油香盡入飯中新竹米粉有兩款，一是擔仔湯米，一是炒米。因為兩人食關係，一小碗擔仔米就夠了。小小碗米粉內有肉碎、芽菜、蒜泥等很夠味，看似很油其實都只是表面一

放假日想去飲茶，又想食啲台式料理，結果就去咗尖沙咀嘅圓山台灣料理。假日茶市有點心供應，點心選擇都幾多，例如：鮑汁花生鳳爪（$36）汁底偏甜，花生同鳳爪都炆得幾淋幾入味。懷舊水晶鮮蝦餃（$40）一籠有五隻，蝦餃皮晶凝通透，蝦肉都幾爽實。招牌極品流沙包（$36）輕輕一咬，蛋黃如瀑布般流晒出嚟，好澎湃。椰香棗茸糕（$30）好香嘅紅棗味，飯後甜點必吃。因為我想食台灣菜，我仲叫咗：蚵仔煎（$88）加入蛋黃漿同蔥花而煎成嘅蚵仔煎，蛋香味十足，蚵仔炸過仲香口啲。蛋黃小卷（$70）呢個簡直係台灣版嘅分子料理，其實就係鹹蛋黃加魷魚圈。鹹蛋嘅濃郁配上魷魚嘅鮮味，口感幾特別。台式蒜燒香腸（$88）每次去親台灣夜市必買嘅燒香腸，呢度燒香切片後配上蒜片，超級惹味。

早幾日約左班朋友係尖沙咀食飯，佢地話想食台灣菜所以試下依間，係尖沙咀好難得搵到間坐得好舒服同傾到計嘅地方食台灣菜。圓山招牌炒飯 ($148)呢個招牌炒飯材料非常豐富，有蝦粒、叉燒、蝦米、蜆肉、煙肉同埋魷魚！未試過食一個炒飯咁多料！炒飯炒得色澤均衡並不是一件容易嘅事，這個炒飯就可以做到啦。加上飯粒炒得粒粒分明，口感煙韌，令人一試難忘。台式肉燥扒茄子 ($98)呢個好特别，同一般嘅魚香茄子完全唔同層次。茄子應該煎過嚟，所以外面好脆口，而咬落去竟然係腍而入味。伴埋肉燥好好味，撈飯食一流。屏東小炒 ($118)呢道菜帶有台灣地道味。蝦乾同魷魚帶鹹香，翠綠嘅韭菜好爽口，整體炒得好有鑊氣，惹味十足。 如果加埋枝冰凍嘅啤酒簡直一流呀！極品流沙包 ($35)我最鍾意食流沙包，可惜一客得三件。包好鬆軟，夠晒熱辣辣，一打開裡面金黃色嘅奶黃就流岀嚟喇，小心辣嘴呀。呢個真係萬分好食呀！

談起台灣菜必定會聯想起鹵肉飯、鹽酥雞和珍珠奶茶，今晩寶寶就帶了我和兩位朋友來到這間在尖沙嘴新開的台灣菜，感覺像中式的酒樓，與其他台灣餐廳完全不同感覺。先來冷盤小食皮蛋肉鬆豆腐 ($75)，豆腐沒有百福豆腐那麼滑溜，但卻有濃郁的黃豆香味，口感更佳。配上肉鬆和皮蛋非常味道很夾。台式鹽水鵝 ($85) 肉很厚身，而且嫩滑多汁，不用太多調味料已很夠味了。主食是酸菜桂魚片湯米 ($188)，還真的很大窩，是四人份量呢～ 桂魚片很厚肉鮮甜，湯底鹹鹹酸酸的令人開胃，我也忍不住把湯全喝光了。用的是幼身的米粉，爽滑幼細帶韌感，是必點之選。甜品就吃了即撞豆腐花 ($88)，一桶大概分到六碗。白雪雪的豆腐花帶著濃郁的黃豆味，隨意加上糖漿和黃糖，味道一流。熱騰騰般在這寒冷的天氣下吃就是好不過了。

今日舊同學約埋我去尖沙咀食飯聚下舊，佢地訂左圓山台灣料理。店裏裝修有點似中式酒樓，食店都幾大，食物除了台灣菜也有中菜。青瓜小食：好爽口！咕嚕黑豚肉有口感，黑豚肉比普通豬肉鮮味，酸甜度適中，不錯！胡椒焗中蝦：用勁多胡椒焗蝦又加左辣椒，以為好辣，食落又吾會好辣，有胡椒的香味，少少辣，蝦好彈牙，十分惹味！脆皮大腸，大腸皮炸得香脆，將一片大腸夾一粒蒜頭，再點特製醬汁食，非常美味。台南担仔麵，麵好滑，加有肉碎醬汁的湯底，味道不會太濃。楊州炒飯，用义燒和蝦等切粒炒，飯粒粒分明又夠味，材料比其他食店豐富，好味道。即撞豆腐花：用木桶仔載住上枱，豆腐花真的好滑，要輕力筆出來，一口一口滑溜溜的食，令人回味。

早幾日放工舊同事約左我食飯，佢話帶我食台灣菜～就係叫做圓山台灣料理，地點方便，近美麗華商場，金巴利道。一開始，我地叫左個拼盤，有鹽水鴨、蠔油生腸、麻辣鴨舌～個鹽水鴨真係好好食，無咩骨，d 肉又柔嫩，味道好鮮香，依家諗返都回味無窮~蠔油生腸洗得好乾淨，食落爽口，而麻辣鴨舌愈食味愈重，非常刺激。另外，我地點左個台灣滷肉，ｄ滷水汁好入味，啖啖肉都好香!台灣燥肉飯，燥肉汁香又濃，唔錯！基隆花枝羹，味道少少酸，非常醒胃，仲好暖胃，入面仲有冬菇絲、芹菜絲、筍絲餡，口感爽脆；nice!點左碟台灣炒A菜，炒完好爽口，食落清清地，唔錯~仲有條黃花魚，煎得好香脆，入面肉汁多口感亦嫩滑！   OVERALL 環境、服務都好好, 值得再黎, 下次食下其他野, 始終2個人好難叫得多野食.   

尋晚去左尖咀果頭行街，之後經過圓山呢間台灣餐廳，同行朋友話想試～一上去侍應服務好好，比左碟青瓜我地，然後我地就叫野食。叫左個小食，泡椒豬手，辣辣地，愈食愈開胃，正！之後當然要點左台式蚵仔煎，粉漿比例ok，表面睇到焦香酥脆既麵衣，食到順滑口感同埋滋味既蚵仔！另外仲叫左個阿里山桂竹筍，肉脆而多汁，加左少少豬肉，美味非常！仲有點左個基隆花枝羹，入面好足料，好有鮮味，花枝丸口感彈牙，一定要飲。最後叫左個擔仔麵，麵用油麵，配以肉燥，食完好有飽肚感～朋友同我都好滿意呢餐飯！

係香港真係甚少食到台灣菜，近排發現到間有台灣小菜食，有得飲早茶，一於帶媽媽黎試下。午市商務2人套餐 $248🥢麻辣鴨舌充滿麻香又辣得過癮，用黎送酒一流。🥢漁香茄子漁香茄子就食得多，但第一次食呢種味道，帶酸、帶微甜、帶辣，非常開胃，媽媽十分鐘意，話用黎送飯就更正。🥢阿里山桂竹筍媽媽喜歡茄子，但我更愛食竹筍，味美爽口，帶微辣夠惹味。🥢擔仔麵湯底帶麻香，麵既份量都幾多，但本身唔太愛呢種麵既質感，幸好底部有韭菜令麵更好食。🥄足料老火靚湯日日湯款唔同，今日材料有猴頭菇、茶樹菇、紅蘿蔔、雞肉、豬肉，十分足料，清甜好飲。🥢是日甜品芋頭西米露係我愛既一道甜品，口感細軟，口味香甜暖笠笠。🥢招牌極品溜沙飽 $36流沙效果十分強大，未完全打開已經狂湧出來，帶淡淡蛋黃香味。🥢雲南野生雜菌腸粉 $36雜菌爽口，事先煮過，調味得很好，加上腸粉夠滑溜，十分推介。🥢香煎芋頭糕 $36太耐無食過芋頭糕，忍唔住叫返碟。濃郁芋頭味不斷撲鼻而來，食落芋頭多過粉，真材實料好味道丫。今餐真係好飽肚，滿載而歸，整體食物質素都好滿意，估唔到係香港都食到美味台灣菜。