圓山台灣料理 (已結業)

今天老闆請食晚飯，他選了尖沙咀金巴利道的圓山台灣料理。他說這店不只有台灣菜，也有其他菜式，味道一都不錯。地方都很大，酒樓式的設計，台灣料理很少有甘大地方。餐前小食胡椒焗中蝦：海蝦大隻又新鮮，用瓦煲盛載，放入大量胡椒和少許辣椒焗熟，蝦肉彈牙又入味，香噴噴的胡椒香帶少辣味，真的是美味佳餚！咕嚕黑豚肉：用黑豚肉做咕嚕肉，啖啖肉又冇骨，配料有三色椒和菠蘿，味道酸酸甜甜，美味極了。三杯雞：醬汁濃郁惹味，雞肉入味有口感。脆皮大腸：大腸炸得很香脆，點些酸甜汁更好味，而且大腸已去掉肥膏，食得比較健康又美味！楊州炒飯：真材實料的炒飯，有义燒、蝦、芥蘭粒，夠鑊氣，好味道。蝦球炆伊麵：大大隻蝦球好爽口，伊麵軟硬適中又入味，值得一試。即撞豆腐花：可以說是經典豆腐花，即叫即撞，而家真係好少地方有得食，非常滑溜，可以加黃糖、糖水食，超正！椰汁紅豆糕：紅豆林甜，椰汁味香，不太甜。

晚上下班後與友人相約同行尖沙咀兼食飯, 由於友人想吃中菜, 我們在美麗華附近找到了這家台式餐廳試試~雖則是平日夜晚, 但是餐廳已不泛人客~不過地方夠大~見好多一家大小都來吃飯~餐廳提供超值菜單, 食物的選擇都算多！我們自由配搭四款小菜都是$300元左右!! 都幾抵食!!還有2人餐, 不過相對上面的menu, 小菜自選比較岩我們心水多D~可以自由選擇想吃的~ 而且價錢又平少少~各款中式甜品非常吸引, 當中更有我至愛的紅棗糕!!!!!（椰香棗茸糕）就座後沒多夠, 點完茶後店員隨即送上前菜，是蒜香青瓜! (I like it!!) 掛住食, 下圖是吃到一半才影相的~ 所以份量不少其實~青瓜味道清甜，口感爽脆~ 蒜蓉好香, 好開胃的一款前菜~ 不過略嫌油了一點~先來蚵仔煎~ 看外表便知與台灣的蚵仔煎不同, 但又不是港式的蠔仔餅~ 是餐廳自創款haha!!蚵仔被炸過, 都幾大粒, 炸完了變鬆鬆脆脆的; 蛋都幾香, 配搭大蔥一起吃, 味道也不錯~ 而且是熱辣辣, 不過我還是較喜歡吃蠔仔本來的質感, 如果蠔仔沒有炸過便好了~~ 這道五味鮮魚是整條魚原條上的! 而魚的size也不少啊~ 店員之後會再幫

很久沒有吃台菜， 一時瘋狂吃火鍋一時不停接著吃日本菜。 今晚途經尖沙咀同事介紹近諾士佛臺有間坐得幾舒服的台灣菜。 時間尚早六點多便到達， 店鋪裝修果然有啲排場，光猛舒適。 餐牌介紹很多地道特色台菜， 還有生猛海鮮。 價錢屬於中上， 不過都接近滿座， 難道是股市日日創新高效應?酒樓格局茶介唔少得， 拍青瓜爽脆 開胃。我們兩大一小叫了一個二人套餐。先來兩個燉湯 ， 個燉盅唔算細size， 有啲份量。好正呀keep到熱辣辣上枱， 有我最愛的雞腳，木瓜，豬骨，香甜夠火候， 飲咗成個人暖曬又舒喉。接着來的是冷盤。肉鬆皮蛋豆腐。肉鬆份量很多，帶甜又鬆散， 唔會實的的痴埋一嚿， 皮蛋香又糖心， 配上滑豆腐口感味道都唔錯。阿里山鮮竹筍。 竹筍切得幼細和 一些滷肉絲同炒。 筍味很突出，個芡汁很濃味。蛋黃肉。又厚又高的一座鹹蛋肉餅山。 肉餅可能混入了酒， 很重味， 送飯一流。 肉餅難得咁厚身都咁滑，但又竟沒看見肥豬肉粒，厲害!蚵仔煎。 台菜不能少的一款美食。 蚵仔先用粉漿包著煎炸過，和粉漿一起煎形態比較固定， 蘸些甜辣醬添鮮味更具特色。 雞蛋如果可以厚身一些會有較多的蛋香。期待的魯肉飯到了。 鹵煮得香口的

今晚同家人黎左圓山台灣料理晚飯，呢度有多款小菜選擇，除左台灣菜仲有四川菜式，幾有趣。呢度既套餐都幾抵食。涼拌茄子好開胃，茄子煮得好淋，配埋醬汁唔錯。而三杯雞係用鍋上，雞既份量去幾多，用左好多香料幾惹味，不過雞肉就唔夠滑。然後呢個石燒黑豚肉好特別，沙鍋入面真係有幾舊石頭，所以滑度一直keep到好熱！黑豚肉幾嫩滑，個汁辣辣地。而炒A菜平時較少食，好大碟好爽口。食台灣野當然要點翻個肉燥飯啦！肉燥味道唔錯不過份量少左d xd

窩夫與蝦子餅日前光顧永年士多的尖沙咀新店，留意到附近已開業多年的圓山台灣料理，便找到去試試看。點了一客午市商務二人套餐($248)，另外再加了一些點心。套餐其中可選點心兩款或涼菜小食一款，窩夫選了涼菜蛋黃小卷。蛋黃小卷看似烚蛋切片，但其實「蛋白」部分是魷魚圈，「蛋黃」部分則由鹹蛋黃、火腿和青豆做成，味道沒有預期中鹹和濃，蘸點沙律醬來吃又會帶出不同層次的味道。套餐的足料老火靚湯是木瓜雪耳雞腳湯，煲得很濃很夠火喉，一點也不肥膩，感覺很滋潤。套餐裡的台南擔仔麵，比窩夫與蝦子餅在台北吃的簡單，麵上只有肉燥和幾條芽菜，肉燥充滿鹹香，拌麵一流。另一台灣菜必吃的還有肉燥飯，這裡的肉燥肥肉比例較少，吃後罪惡感較少。套餐可選兩款精美小菜，三杯雞是其中一個選擇。三杯雞一上桌便香氣撲鼻，尤其九層塔的味道香濃，非常惹味好吃。蚵仔煎是另一款精美小菜，蚵仔粒粒炸過，再加蔥粒蛋漿煎香，蛋黃顔色偏黃，蛋味濃郁。接下來是點心時間，先來招牌雪影叉燒包(大點$36)，包皮厚薄適中，叉燒餡不會太鹹，水準之作。點台式胡椒餅(大點$36)是要懷緬一下當日窩夫與蝦子餅同遊台北饒河街夜市的時光。懷舊水晶鮮蝦餃(特點$40)一籠有五隻

通常吃台灣菜的都是小店很少有料理式(中式酒樓)的餐廳地方非常易找就在Knutsford旁邊想不到在鬧市中上樓梯後是另一片天雖然是酒樓感覺但很企理有圓形卡位也有不同套餐選擇自選四款看似多 但勝在都是小食款2位選自選六款應該都可以完成台灣小菜選擇 菜式感覺authentic四川菜式都有 雖覺得怪怪但聽說四川人很親台中國南方的人口音用字跟北京不一樣聽上來有點台 沒有仔細研究但作為吃貨 多選擇總是好的見到雙拼必定要點朋友喜歡鹽水雞 我也愛生腸鹽水雞不會很硬 生腸要點蠔油比較好味蚵仔煎很脆蚵仔本身炸好 再加蛋漿及配菜煎很香口 其實不點醬都很對味很想吃麻婆豆腐 份量算多豆腐很滑 醬料不一樣 辣中帶麻是我喜歡的味道 下飯超開胃想點白飯時看到肉燥飯 當然要點肉燥是台灣吃到的味道在台灣讀書的時候 幾乎每天都吃的朋友點了新竹米粉 也是立即KO一碗的狀態價錢也很便宜 好想再吃甜品雖然甜品的選擇都好飽肚流沙包及甜蕃薯流沙包是剛蒸好 多年酒樓經驗 流沙包不是每一家都做得好要有蛋香 還吃得到蛋黃起沙的質感糖蕃薯口感很dense 非常實在的感覺本以為是拉絲的蕃薯口感綿密 味道香甜可惜太飽 如果一班朋友吃會更好姐姐

剛剛去完台灣返嚟，已經非常懷念台灣嘅美食 幸好公司附近有呢間一直想試嘅圓山台式料理 所以同同事喺午市嘅時候黎嘆番吓 午市點心套餐$178 呢個點心套餐好適合二人分享 套餐包四款點心兩碗肉燥飯同埋兩盅燉湯 《招牌雪影叉燒包》 非常有水準! 比起海港城新開既xx館$60一籠既叉燒包好食得多  包面焗得香脆，中間叉燒餡料份量十足 叉燒汁又夠多，真係食過番尋味！ 《台式胡椒餅》  胡椒餅好似葉既形狀，本來以為平平無奇  估唔到咬落去既時候外層好似酥餅咁 中間既肉充滿肉汁 咀嚼時感覺到胡椒既惹味！ 《台式小籠包》  小籠包比起我喺台北機場食既好食好多！ 呢客小籠包粒粒都好多汁好甜美 記住要趁熱食！ 《金網肉汁煎鍋貼》 鍋貼是另一推介既點心  從來未見過咁漲卜卜既鍋貼 真係好大隻好肥美! 《紅蘿蔔豬骨湯》  湯幾甜，飲完唔會口渴 《肉燥飯》 《台式雙拼-鹽水鴨+蛋黃小卷》  鹽水鴨肉質幼嫩扎實 無諗過鴨肉可以做到咁細緻 蛋黃小卷感覺好似魚肉腸 帶彈牙口感 《鹽酥雞》  相比起以上咁多種食物 呢碟鹽酥雞就顯得較為遜色 鹽酥雞每件都比街頭食到嘅大 入口雖然酥脆但比較油膩 --------

約咗人去 The One 睇戲，時間尚早，於是乎走去圓山食飯先，幫襯過一次，水準唔錯，所以再幫襯。點咗客宮庭蔥油脆皮雞半隻，屏東小炒同台式肉燥飯。由於未到晚飯時間，得我地一台客，包場！脆皮雞睇上去已經感覺處理得過咗火，食入口皮脆，但肉質乾身咗d，而且味道亦都咸咗d。屏東小炒有蝦乾，哂乾嘅豬肉，鮮魷，九菜(好似).... 等等，重點係每款食材都口感都比較偏硬，如果有胃痛千萬唔好點哩款小菜。台式肉燥飯同上次食過嘅一樣保持水準，不過細碗咗，好彩唔係太肚餓，啱啱好夠飽。幫襯咗兩次，兩次感覺服務員都好有禮貌，而且，聽聞哩間圓山好易撞見藝員名人，雖然我唔係追星組，但如果撞見的話，多一個茶餘飯后話題都無壞啦！下次幫襯時點其他小菜，希望唔會失望。

台灣癮起，和朋友們就搵間台式飯店聚聚……餐前小食青瓜爽脆，我們大愛花生魚仔，花生很香口，開胃效果一流。花雕醉乳鴿本身想食碎雞，可惜此店沒有供應冷盤醉雞，於是退而其次點了這味醉乳鴿了。乳鴿size略細，但又比bb鴿大啲，肉係少啲，但味道一流，酒味濃得嚟又不苦澀，大家都食得啜啜聲。鹽酥雞一般般，大家想念豪大大多點。湯浸皇帝菜清甜鮮嫩，有炸蒜頭，對蒜頭控來說是個驚喜。蚵仔煎蚵仔先炸後煎，起初大家都覺得賣相很一般，還猜疑究竟有否蠔仔味。一入口甚有驚喜！雖然唔似傳統台式的那種咁濕，但出奇地好味，炸脆了的蚵仔特別香，加上韮菜和蔥花，重口味之台灣感覺。冰梅骨起初大家滿有期待的，希望酸酸甜甜，肉質鬆化，點知比預期中差，味道沒有特別甜和酸，肉排肉質很硬身，而且有點點怪味，大家都覺得是雪藏味。魯肉飯x4碗仔上，細細碗，味道一般，可能漏單關係，遲遲未上枱，大家的胃口都細了。酸菜煮黃花魚我們一行6人，經理介紹我們吃大size，說大size更便宜，係相對地便宜的，但份量真是唔惹少。當日6個食力女生勉強完成任務。此道菜係全晚之首選，魚片嫩滑，鮮甜，完完無骨，酸菜湯底有粉絲，粉絲索晒魚味和酸味，非常可口。但都有一

星期二晚同3個朋友黎食晚飯，openrice book 位送咗碟涼伴茄子，good!之前無留意價錢，原來間野都幾貴所以叫咗d比較平既~ 涼伴雙併要咗鴨舌併蛋(唔記得個名), 有4條瘦瘦既鴨舌同幾片蛋，味道可以。蛤蜊湯偏鹹無咩鮮味。。。炒A菜份量足。三柸雞好入味好香，可惜份量少而且無咩肉都係骨。。。再加個肉燥飯and肉燥米，啱啱好食完去第二度食甜品其實佢地仲有好多海鮮，可能好好食不過應該好貴，科科

坐得舒服的傳統台灣餐廳，侍應服務也很貼心,食物大致上也不錯，我們三個人，點了二人餐$368,鹽酥雞，台灣A菜，雜炒豬耳絲，擔擔麵，台式炒雜菜絲，例湯。再另加台式兩食併盤，已非常足夠。整體菜式味道不錯，中規中矩，没有太大驚喜，餐廳位置方便，在尖沙咀就腳地點，沒有侷束人多等位的感覺，也沒人摧你埋單交枱，確是飯局的好選擇。台式併盤

六個好友約食晚飯，約咗好耐終於都約到。有好友介紹我地食台灣菜，佢話食過好食，又可以坐得耐，唔會趕人走，地點又算方便，咁就一於試下啦~我哋一行六人，上網book 左7:30pm 枱, 原來上網book 枱有野送~ 下面會講~7: 15pm 到，唔使等直入，環境都幾舒服，中式酒樓咁，比左張圓枱我哋~睇下餐牌先，有好多款野食揀喎~我哋最後決定散叫，唔食套餐~ 首先係送既涼拌茄子~台式雙拼 - 麻辣鴨舌拼蛋黃小卷 ，麻辣鴨舌唔太辣，麻度適中，幾岩我。蛋黃小卷就幾得意，作為一個冷盤唔錯~蚵仔煎 - 食台灣野，點少得蚵仔煎，呢個炸得幾香口，食得出每粒蚵仔都包層粉先炸，先有呢個效果~脆皮大腸 - 炸得乾身唔油膩，但份量少啲，唔夠喉~台灣a菜 - 正正常常一碟菜三杯雞 - 呢個味道幾濃，用黎撈飯食就好啲澎湖炸花枝丸 - 花枝丸上枱得5粒，雖然都大粒，但我覺得百幾蚊個餸得5粒少左啲囉。朋友就comment 話味道如果唔點個醬，好似淡咗啲，無咩味~台灣燥肉飯 - 燥肉汁香濃台南擔仔麵 - 我覺得面果啲都係燥肉黎既~ 即燥肉麵~蕃薯粥魯肉飯服務一般，我地最後走既時候，有位侍應迎面黎都特登避開我地，怪怪的~

38婦女節，我哋四位姊妹決定要聚一聚，先在開飯啦訂位，我哋訂咗7:30，由於其中一位被迫要OT咁我哋b唯有等埋佢啦，等咗好耐侍應都冇催我哋落單，齊腳後我哋叫咗，小食拼盤(蠔油生腸，鴨舌，小蛋餅)，三杯雞，水煮鱼，乾扁四季豆，蚵仔煎，台灣燒香腸，薑湯雞腰子，樣樣都好食，環境唔嘈吵，坐得舒服

好耐好耐都冇去過哩間餐廳, 印象中貴同唔特別. 今次有朋友生日, 點名去哩間. 今次去到印象大改變, 服務好, 食物好, 價錢仲好reasonable.我地6個女仔都算大食, 但係我地都只係叫左個4人餐同一碟蝦, 一個菜. 已十分之飽! 質素高, 超抵食! 會再去!

星期日我倆去The One影吓IQ博士，之後係附近搜尋美食，行行下見到有間台灣料理，門口楝咗塊廣告拉架布，寫住「新鮮即製台粵特色點心」。廣東、潮洲、京滬茶就飲得多嘞，未嚐過台灣茶喎！心郁郁之下，再望吓張點心紙，見下午茶時間由14:00至16:30，而價錢又經濟實惠: 小點$16，中點$22，大點$28，特點$32，頂點$42，茗茶每位$7，點心仲蠻多款式呢！兩點零鐘，時間啱啱好，女接待員話依家上去已經係下午茶時段了，我倆接過張飛仔後，舉步上樓去……「圓山」料理嘅格局佈置跟其他酒樓沒甚分別，地方唔算大，客人亦唔多，二人行可以坐到四人枱，實在舒適！細問侍應姐姐有咩茶，答案係大路嘅普洱、壽湄、鐵觀金等茶葉，仲以為有另類添！呢間料理除咗有大家平時食開嘅點心之外，仲有台式地道小食、點心及套餐供應添！作為點心控嘅我倆，今餐當然又係齋食點心喇……1.招牌極品溜沙包(大): 外型極為普通，咬開包子後，内裡爆漿嘅金黃流沙饀，就傾流而出了，流質沙沙的，軟綿香甜！2.懷舊水晶鮮蝦餃(特): 平時食開一籠四隻蝦餃，但呢度竟然有一籠五隻啊！水晶外皮，晶瑩彈牙，抵食！3.鳳梨酥(中): 一啖咬下，外層極之酥脆鬆化