圓山台灣料理 (已結業)

地點好方便，地鐵站附近，環境乾淨，裝修感覺真係似係台灣餐廳食飯，好有地道感覺。一班朋友食飯傾計好適合。蚵仔煎好大份，但唔算厚所以都唔會好飽肚，口味酸酸甜甜，好開胃，有鮮味又唔會太腥，底部有蔥韮菜，材料足，有口感！屏東小炒皇整碟小菜非常豐富，有魷魚、蝦乾、魚乾、五花肉絲、蒜、蔥、，⋯蔥加韮菜好惹味，配搭飯食一流，有d食到停唔到，送酒都一流！海鮮鮮味又彈牙，最喜歡的餸菜。皮蛋肉鬆豆腐唐心皮蛋加上肉鬆，無得頂！豆腐好滑溜，配上鬆脆既肉鬆，好有口感，黏黏既唐心蛋，做前菜十分好！新竹炒米粉食左好多味道濃點的餸菜，再食番呢道米粉，清淡d,即刻平衡番，米粉好彈牙小小菜料炒，口感清新！

🌐台灣，是很多香港人去得最多的地方之一，我的同事剛從台灣工幹回來，也帶了些手信，言談間都圍繞著台灣的飲食文化，引得大家想即刻飛去台灣，有同事提議午膳到尖沙咀的圓山台灣料理，解解大家相思之苦。🍽餐廳在金巴利道，地下放了直額容易留意到。我們上到一樓，看到內部面積寬敞，裝修簡潔樸實，我們一行四人坐的枱夠六人坐，所以坐得特別輕鬆舒服。甫坐下，侍應便熱情遞上餐牌，並介紹午市選擇。我們四人選了午市商務4人套餐$428，包了一湯、三餸、三點心、一飯及甜品，份量足夠有餘：☘老火湯(西洋菜豬踭)果真是老火湯很濃郁香味，喝在口中感受家的味道。🥚蚵仔煎台灣風味小菜，蛋皮邊位煎得香脆，蚵仔舖得密密麻麻很滿足，加上了葱花更香。▫️台式八味脆豆腐外脆內嫩，有淡淡鹽香，一吃停不到口。🐟五味鮮魚是一道考功夫的菜餚，魚不能炸得過火，否則魚肉容易散開，亦不能炸得太短時間，否則魚肉未熟或不脆。此魚炸的恰到好處，咬落皮脆而魚肉很嫩滑，魚身淋上五柳汁，酸甜更惹味。🍚瑤柱蛋白炒飯飯炒得粒粒鮮明，我喜歡味道不會太鹽很合我的心意。🍬椰汁紫米露吃過小菜和三款點心，輪到甜品上場，椰汁紫米露椰香飄飄，紫米露滋潤養生，膳食纖維豐富，甜度適中，

圓山台灣料理位於尖沙咀美麗華旁邊，位置確實方便就腳，早知黎食過午市，不但抵食，食物質素及味道甚至比米芝蓮中菜好，所以今次特登黎試下晚飯既水準。侍應既服務態度一如既往咁友善，笑容可掬，而顧客中亦有不少是年輕情侶！《晚市套餐》套餐真心非常抵食! $328 可以自選四道菜，好多重點菜式都可以選擇到，相當吸引！先來前菜有爽口青瓜開開胃～《豆辨鮮魚》初初以為係麻婆豆腐，細看之下發現係我點既魚！面層既豆腐肉碎配飯食一流，而下層既魚雖然經過煎香，但唔會被上層既汁焗到毫無口感～《三杯雞》食台灣料理當然唔少得三杯雞！呢度既三杯雞下飯一流，麻油醬油份量恰到好處，雞件嫩滑惹味。《咕嚕黑豚肉》夏天最想食酸酸甜甜既野，咁呢個咕嚕肉就最好不過！黑豚肉有別於一般豬肉，肉質更細緻嫩滑，肉味較突出。《台式小炒》《極品流沙包 $35》不能錯過既仲有流沙包，每件都非常流心。見到流沙包既餡金黃色澤，已經垂涎欲滴！流沙餡不會太濃或太稀，質感滑溜而帶咸蛋黃香，味道偏甜。最後仲有足料紅豆沙，呢餐飯真係好唔錯又抵食！我同朋友都食得好滿足！

坊間食台灣菜的, 多是以牛肉麵, 小店為主, 如果要嘗試較傳統的台灣菜餐廳, 來尖沙咀的圓山吧。常常經過見到這間餐廳都覺得好奇, 今晚約了幾位朋友來試試, 環境像酒樓, 有電視。秘製麻雞湯: 雞湯煲得好濃郁的樣子, 也嗅到很香, 這麻油雞湯, 有頗明濕的酒味, 也用上一些老薑, 感覺很正宗, 雞的份量不少, 邊吃雞邊喝湯, 進補也, 女生很適合喝啊。蚵仔煎: 看樣子其實不太討好, 我也沒有見過蚵仔煎是將蠔仔先炸過的, 看樣子似乎和蛋沒有融為一體, 不過它卻是有內涵, 炸過的蠔仔很香口, 和蔥蛋一起吃很配合, 我們都搶著來吃呢。開陽高山菜: 我實在太懷念台灣的高山菜了, 便叫了這個菜, 這個似是黃牙白/娃娃菜的, 用上櫻花蝦煮, 味道較為清淡, 也理所當然的沒有台灣高山吃的菜那樣美味。鹽酥脆豆腐: 一道有驚喜的菜式, 因為豆腐非常滑, 鹽酥炸過, 外脆內嫩, 香得來又不覺得很熱氣, 讚!花雕蒸中蝦: 花雕味道非常濃郁, 而蝦隻亦十分新鮮, 肉質爽彈, 一點也不會霉, 開了邊食得很方便。芋頭椰汁西米露: 最後送的甜品, 也令眾人很滿意, 甜度適宜, 芋頭粒粒都幾多, 十分滿足。店員服務非常

圓山台灣料理系尖沙咀金巴利道，就系美麗華前少少，位置都幾便利。食台灣菜好多時都講緊牛肉麵/ 台式小食，比較岩年輕人，而呢啲台式小炒都幾岩一家大細去食。最抵一定系呢張$328/ $488/ $648既優惠自選小菜，分別可任選四/ 六/ 八道菜，除返開最平每道菜只需$81，有超強性價比。台式雙拼 (彰化鹽水鴨 & 鴨舌): 鹽水鴨好有台灣既味道，鴨件微咸，肉味幾香，肉質又夠爽滑，真系幾好食; 而鴨舌帶微微香辣，同樣入味，正!圓山招牌炒飯: 炒飯亦炒得非常出色，飯粒夠乾爽，能炒出一粒粒既質感。豉油比例岩岩好，色水夠靚又唔會過咸，調味剛好。而且仲有唔少蝦肉及叉燒，系非常好食既一個炒飯!台式小炒皇: 作為小炒皇，其實又同廣東小炒皇差不多，用韮菜花炒魷魚，蝦乾，炸銀魚仔及腰果等料，香口惹味，好有鑊氣!!!豆腐花 (桶): 木桶豆腐花整得超級幼滑，簡直系入口即融既質感，但系豆花味一般。

聽過圓山呢個名好耐，行街都經過樓下好多次，就係冇人介紹冇諗過試，今日終於有朋友約食飯，發現佢原來幾正宗，打開餐牌見到的都是值得回味的小菜，三杯雞、滷肉飯、皮蛋豆腐、好多選擇。同伴發板，兩個人食咗幾款小菜，首先叫咗台式涼拌窩筍絲，從四川菜做法不同，台式加麻汁，少少鹹。第二款涼菜花雕酸鴿，細細隻白鴿仔，花雕發揮的功效皮爽兼肉滑，好滋味。台式冰梅骨，好大條的一字骨，酸酸甜甜，又豐富，又有啖啖肉的口感，啱晒我哋呢啲大胃王。最後一人一碗擔仔麵擔仔新竹米粉，湯底一樣，肉操都一樣，我覺得米粉更加好食，因為幼身更加吸湯汁，同伴喜歡麵，認為口感更好。

母親節陪媽媽到茶樓「一盅兩件」是指定動作，可惜下星期要出差，陪不到媽媽，只好今日預祝了。圓山台灣料理，印象中已經開業多年，能夠在尖沙咀遊客區屹立不倒，水準肯定不錯，即管帶爸媽一試。沿著樓梯上二樓，頭上是大大個燈籠，頗雅緻。進去後卻是熱火朝天，侍應忙著招呼滿場茶客，好不熱鬧。我們要了【午巿商務 二人套餐 $248】，例湯、點心、小菜、麵食、甜品齊備，省卻煩惱。【足料老火例湯(兩位) - 冬瓜薏米煲瘦肉】湯是熱到冒煙，雖然是基本要求但不是很多餐廳做到。這湯也很合時宜，清熱解毒、利水消炎、祛濕解暑，最適合夏天喝。【即蒸點心 - 水晶鮮蝦餃】很多茶樓一籠蝦餃只有三粒，四粒的話是走運，這裡竟然有五粒，很驚喜，哈哈哈哈哈。餃皮煙韌厚薄適中，蝦肉好味道又爽彈，滿足。【即蒸點心 - 台式小籠包】又要比較一下，很多茶樓的小籠包都不好吃，縮了水般乾巴巴的。這裡是大大個，打開後是熱騰騰的湯汁，誠意十足。【精美小菜 - 沙茶牛肉】味道足夠濃而且肉質軟腍，滿盤牛肉份量超多。這「小菜」一點都不「小」。【精美小菜 - 屏東小炒皇】跟沙茶牛肉一樣都是份量很多，大部份是韭菜花，其餘是臘肉、蝦米、魷魚、蜆肉等等，不知是否

對食物有執著的人，可以為了一碗拉麵、一款刺身、一客清酒而飛去日本，也聽過朋友為了鴨舌、柯仔煎等小食飛台灣一轉。為的只是食物夠正宗、正派，而唔係為左遷就香港人而轉變成「港口味」。在香港，珍珠奶茶、台式小食店成行成市，但正宗的台灣料理卻不多，今天就黎尖沙咀圓山台灣料理一嘗正宗台灣菜。圓山台灣料理喺尖沙咀金巴利道，即美利華商場隔離，星期六日都比較多人，但好在餐廳地方夠大，黎到都唔駛排隊。午市選擇真多，有套餐、即蒸點心、精美小菜、涼菜小食、炒粉麵飯等等。Order左一窩椰子雞湯，椰子味道清香，又夠滋潤。這個湯窩看似不大，但卻又分到5-6碗，份量驚人。上茶樓食點心我最喜歡揀呢個安蝦咸水角，一客3件?!咦，點解少左件？原來我影緊個湯嘅時候，已經比阿媽夾左一件了。餡料有冬菇、豬肉碎、韭菜、蝦米等非常豐富，炸得夠香，口感一流。食點心又點可以無蝦餃呢？薄薄嘅水晶皮包裹住大大隻嘅鮮蝦，真係做到皮薄饀靚，而且一客5件，認真抵食。其實而家唔係好多地方有牛柏葉供應，見到點心紙有即刻剔左先。牛柏葉煮得幾爽口，薑蔥又夠入味。腸粉包著香脆油炸鬼，配上香濃花生醬或甜醬，就似我地平日食嘅係炸兩啦。黎到食台灣料理，梗係要試

記得對上一次光顧圓山，都已經係幾年前既事啦，當時香港既台灣菜選擇都唔係咁多，能夠O係香港食到台灣菜，係一件奢侈既事，呢一日途經舊地，估唔到餐廳已經在香港開業20年，而且仲有特別優惠，當然要一試啦。餐廳位於尖沙咀金巴利道，即係美麗華商場既旁邊，位置十分方便。進入餐廳，走上一條長長既樓梯，便會到達餐廳既內部。餐廳既開業20載優惠，就係呢個套餐啦。$328可以選4道風味菜，圍番每一道菜都係大約$80，真係好抵食。而甜品方面，沒有了港人很喜歡的芋圓，可算是一個違憾。茗茶每位收$16，而自擕酒水既開瓶費就係$100，價錢算係合理。台南肉醬豆腐呢個台南肉醬豆腐，其實同麻婆豆腐好相似，唯一唔同既地方相信係個辣度。呢個肉醬豆腐係唔辣既版本，豆腐做得好香滑，豆香亦都好足，味道偏咸，加一個白飯去襯托絕對係必然之選。台式小炒 呢個台式小炒 ，其實就好似炒雜菜咁，乜都有，包括有魷魚，蜆肉，魚乾，蝦米，同埋炒韭菜。口感都幾多元化，韭菜炒得好香，唔算多油，而魷魚既點綴亦都令成碟餸更有層次。五味鮮魚呢款五味鮮魚絕對係必點之選，好似松子魚一樣，用上酸酸甜甜既醬汁去烹煮，平時單點應該都要索價 >$200，而套餐

最近頻頻食泰菜/西餐，想話食特別d平時少食到既野，就揀左尖沙咀既圓山，吃傳統台灣菜，這家在尖沙咀多年了，食物質素有一定保證~晚上8時來到，下面那層差不多滿座了，目測多是大家庭，一家十口有老有嫩，吃飯吃蛋糕慶生的~柴娃娃，好歡樂~晚市茶芥每位$16，奉送一碟前菜，這晚的是拍青瓜，酸酸的，很開胃~蚵仔煎 $88這個必食堆介蚵仔煎比人感覺都是很油膩，而這個煎得香口完全不會覺油，雞香十足，蠔肉鮮甜，每顆都很飽滿~花雕蒸海中蝦 $238酒味香而不搶，蝦不算大隻，但每隻也有膏，味鮮爽口~皮蛋肉鬆豆腐 $75平時吃的這類皮蛋小吃，都是很多醬汁，淋滿皮蛋和豆腐，這個有點心思，豆腐雕成一個圓柱，醬汁釀在上面，另外加入了大量肉鬆~皮蛋算是溏心的，黃很大，豆腐嫩滑，肉鬆香口，整道菜口感個味道都很豐富~砂煲豉油雞這是店家推介的，結果真的很驚喜，那個豉油汁味道濃郁帶香甜，跟瑞士汁有點像，但這比較香，然後雞很入味，皮滑肉嫩，不肥不瘦，覺得這個汁不用來伴飯很浪費，所以即使很飽我們最後也點了個白飯吃~

朋友想念台灣的滋味，所以今晚聚餐就選了圓山台灣料理這間老字號餐廳位於尖沙咀諾士佛臺的斜路入口，位置十分方便。拾級而上到一樓，裝潢是很有台式飯店的風格，店員很快便幫我們安排好座位朋友在研究餐牌時，店員就送上熱茶和涼拌青瓜，不知是否已經饑腸轆轆的關係，這客涼拌青瓜味道意外的好吃哈哈 味道清甜爽脆，實在是醒胃之選前菜是台式四拼，有蛋黃小卷、鴨舌、鹽水雞和蠔油生腸，份量不少而且賣相十分精緻，愛吃台灣小食的朋友必點～鹽水雞表現不錯，口味適中不會偏鹹，雞肉大塊又好吃餐廳招牌菜式三杯雞，用上風味十足的砂鍋送上，乾燒的香氣撲鼻，不禁令人垂涎三尺趁著還熱騰騰冒著煙就趕快嚐一嚐，雞肉十分軟嫩多汁～雞肉充份吸收了醬汁，十分入味，很好下飯！這客是乾煎豬肝，堆滿成小山丘般的豬肝十分飽滿肥潤相當誘人豬肝雖然厚實但入口脆嫩，火侯拿捏得剛好，醬味很香很濃郁，吃起來不會膩，很讚再來是鹽酥脆豆腐，色澤金黃同樣沒令人失望！外酥內軟，豆腐滑溜非常，不消一會兒大家就將全碟啃光了最後以台灣炒A菜作結，加了蒜蓉更添惹味這裡食物水準和服務都不錯，店員很勤快親切，有機會會再到訪呢！

假日同朋友嚟到尖沙咀行街，經過金巴利道，見到有間台灣料理，店員熱情招攬，落力介紹食物。雖然係台灣料理店，但原來有點心食，中午想嘆返個熱茶點心，就上去試吓。上到嚟非常熱鬧，超過九成枱都坐滿客人。幸好早一步，唔係可能要等位了。蠔油生腸香港特色街頭小食好多，唔少都係內臟，而台灣人都好鍾意食內臟。大腸都會間中喺酒樓遇到，但生腸真係少之又少。近幾年都冇食過既生腸，竟然喺度遇到，梗係要叫。順帶一提，其實生腸唔係腸，而是豬既輸卵管。生腸本身冇乜味，主要係爽脆，最緊要係洗得乾淨同埋去左啲腸味，呢度冇用到薑絲，但都做到冇腥味，唔錯。再加少少蠔油去調味已經好好食。虎皮尖椒朋友好鍾意食，自己叫左一碟，原來係超大碟。我幫手食緊啲，應該走過油，惹味得嚟又唔辣。鹽水鴨用鹽水做，做到肥而不膩。肉質唔算嫩，而且有點太咸了。水晶鮮蝦餃一籠有5粒好少見，入面全部都係蝦、蝦、蝦，好爽口，冇加到半點肥豬肉充數架。蟹籽肉汁燒賣皇大大粒，好多蟹籽，夠足料。黃金蒜香蝦春卷大條、即炸，好香脆。薑茶湯圓一盅上，一開原來得三粒，太少了，起碼加多一粒啦。黑芝麻餡好好食，薑茶味夠濃，但三粒唔夠喉。店員雖然好忙，亦都幾熱情吓，除左中式點心、仲

吃貨之前就去左尖沙咀食正宗台灣菜 😄意想不到的全場爆滿😲呢間小菜唔錯🤤點了個二人套餐 兩個人食到捧住個肚走😁😺.1️⃣台式蚵仔煎 酥炸蚵仔 再用蛋煎香 加上胡椒粉 超好食 好酥脆 一定要趁熱食🤗👍2️⃣皮蛋肉鬆豆腐 呢個係冷盤 吃貨都係第一次食 三種沒想過拼埋一齊食係咁好食 肉鬆超香 口感豐富 要撈爆多肉鬆🤤3️⃣蛋黃肉 一磚蛋黃肉餅 肉餅唔乾身 食落juicy 唔咸 個肉餅汁有少少甜😃 肉餅撈飯一流啊🤗4️⃣台灣炒A菜 睇到炒A菜 好搞笑 就想試下 其實就係油麥菜😂😂5️⃣擔擔麵 滷肉飯 都唔錯 不過我地偏愛擔擔麵 手工麵 食落口感不錯👍另點 6️⃣極品流沙包 唔算太流沙 有小小失望🙍🏼 但蛋黃香 味道可以接受🤣========================三個90後吃貨會不斷開心share美食💓*喜歡睇我地美食分享的，不妨按👍及share，讓更多人睇到我地既post🙆🏼‍♀️*📍OpenRice: 3bad_foodies大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_尖沙咀美食推介.=======================

呢間台灣嘢就喺上諾士佛臺嗰條斜路旁邊平時飲嘢成日經過，不過今次先至第一次嚟食上到去生意都幾好，啲位幾闊落啲前菜、小菜幾特別，點咗幾樣全部都覺得好好食！【台式鹽酥豆腐】好多地方都有但係整得酥脆而又唔鹹到你生腎石就好少有連我咁唔好豆腐嘅人都食咗勁多粒 👍🏻【干煎豬肝】因為不嬲鍾意食內臟就試下，估唔到勁有驚喜！啲豬潤好厚身，嗰啲薄切嘅豬潤麵簡直無得比外層應該加咗蜜糖煎香，口感似鵝肝咁 creamy好耐無食過咁滿意嘅豬潤 😋【台式四拼】拼盤有雙拼至四拼四拼有齊鹽水鴨、蠔油生腸、蛋黃小卷同台式鴨舌蛋黃小卷靚就幾靚，不過味道就其餘嗰三樣出色啲尤其是生腸，非常爽口【蚵仔煎】嘅蚵仔係閩南話，其實即係蠔肉啲蚵仔係相當澎湃～打平睇啲蚵仔好肥美，好高㗎 😂蚵仔應該有爆香咗先煎，咁樣仲香口個蚵仔煎邊都好正【炒海瓜子】啲海瓜子比較厚肉，好食過炒蜆～

今日約了幾個朋友到尖沙咀美麗華商場見面聚舊， 在商場內coffee shop倾足了多個小時。又到晚飯時候， 想來想去不知想食什麼， 因為尖沙咀實在太多美食可選， 正當苦無頭緒之際， 腦海中忽然記得附近有間食台式料理的酒家叫圓山台灣料理， 幾年前家庭聚會食過一次 ，覺得食物質素不錯 ，就決定今晚再試試。進入餐廳,那股親切感湧在心頭, 因這裏的裝修和環境佈置與之前一樣, 雖然沒有愧麗堂皇裝潢，但座位闊落整潔，令食客進食時非常舒適。加上這裏的侍應非常健談， 大家開開心心進食， 有一種在家的感覺。餐牌介紹是日晚餐精選，套餐有abc三款，大家一次 選了b餐，盛惠788元正， 有多款餸菜，非常豐富， 認真超值抵食。這四人套餐菜色分別有:拼盤， 以鹽水鴨 、蠔油生腸 、麻辣鴨舌組成， 這款頭款在未食主菜之前略為合適，為大家味蕾先行熱一熱身。 鹽水鴨鹹鹹地，但肉質非常味美，佐酒一流。 蠔油生腸食落非常爽脆，口感滿足。 麻辣鴨舌值得一讚， 濃濃的鴨香味肉質帶點微微麻辣口感 ，簡直越食越開胃，正!基隆花枝羹， 聽其名名副其實是台灣料理食物一種， 材料非常豐富，而整碗羹稀濃度適中，入口鲜甜。阿里山桂竹筍,我