圓山台灣料理 (已結業)

感恩母親節，我們這一家同媽媽去食尖沙咀正宗台灣菜，圓山台灣料理。出名精緻烹調方法，我從來都未食過用香味俱全，材料新鮮。咁正宗嘅台灣菜😍貼心嘅濕紙巾放係你旁邊皮蛋肉鬆豆腐清新嘅白白滑滑豆腐，非常容易入口,平時唔太食皮蛋嘅我，都要試一試有幾Fresh，再加上肉鬆天衣無縫嘅配搭。近曰炎熱，食冰凍台灣花雕醉鴿最夾，紅燒乳鴿大家就食得多，咁有心思嘅花雕醉鴿，我真係第一次食，花雕香濃回味。這款川歸蝦湯，老少咸宜，大受小朋友歡迎，竹筒放湯十分特色大家一致好評,味道一飲就知藥材十足味濃郁，新鮮海蝦足料，大人細佬都飲嘅湯。這款看似簡單嘅台式蒜燒香腸男士們十分喜歡👍🏻香口多汁非常juicy 嘅香腸。台式炒蟶子皇一到就聞到好香嘅鍋氣，蟶子大隻鮮甜，爽口彈牙。屏東小炒有勁長嘅蝦乾同新鮮魷魚,我見到好似枱枱必點，送飯菜式炒A菜 菜葉翠綠爽口蚵仔煎蚵仔厚肉多汁簡單嘅台灣炒新竹米粉，食出廚師煮出臺灣人最愛嘅米粉一試難忘。

母親節正日，因為家母抱恙，未能慶祝，今星期再來補祝。兩老都是傳統人，喜愛中式食物。今次一家人去了尖沙咀的圓山慶祝。週日的中午，食客不多，又不會很吵，坐得舒舒服服。雖說是飲茶，但卻以小菜為主。台式小卷一個個像切開的雞蛋片，其實是用墨魚做的蛋白，加上加了火腿，蔥等配料的蛋黃，似蛋非蛋，十分特別。胡椒餅外型似义燒酥，味道則是胡椒餅。焗得酥脆，豬肉饀料又有胡椒香味，雖沒有炭烤香味，但整體仍算不俗。台式小籠包賣相與平時吃的小籠包沒有分別，同樣是大隻而內有肉汁。 這個小籠包皮薄但不易穿，夠熱，肉汁豐富，味道鮮甜，不錯。台灣花雕醉鴿醉雞吃得多，但醉鴿還是第一次。入口帶有淡淡的花雕酒味，肉質細密，與醉雞相比，又是另一番口味。豉油皇炒河與干炒牛河沒兩樣，只是沒有牛肉而已。炒河頗大碟，河粉炒得可以，尚算分明，不會很油膩。

滷肉飯、牛肉麵等台灣銅板美食隨處可見，反而我最心心念念既熱炒店就未曾聽聞，今晚就黎到主打台灣料理既圓山一探虛實。受本地台菜一致地平價快食既刻板印象影響，上樓後驚見幾十圍食客笑語盈盈，好有高檔酒樓既氣派，頓時有種耳目一新既感覺。晚市茗茶$16/位，另附前菜蒜蓉青瓜，以此裝潢黎講收費合理。一早鎖定左價錢相宜既自選四道風味菜套餐 ($328)，自選款式足足有三十九款，仲可以選擇加錢升級至另外十一款高級菜式，單單從中揀四款已經花多眼亂，完全唔需要睇散叫menu。三杯雞原煲開蓋後白煙裊裊、香氣四溢。 除左醬油、麻油之外，雞件有好濃郁既九層塔香味，帶甜既醬汁加埋鑊氣帶來既焦香，十分惹味。 用料亦幾有誠意，煲仔內有足半隻雞，肉質嫩滑有彈性，調味亦唔會太重，食到雞肉既鮮味。阿里山桂竹筍如果食過當造既台灣筍就知道返唔到轉頭，簡單白烚切開已經係一道名品。 基於情意結而叫既一道菜，當然同心目中既極品不可比擬，但幼嫩既阿里山桂竹筍同樣爽脆清甜，完全冇草青味或罐頭筍既怪味。配五花肉條同辣椒絲同炒，帶後勁既辣度、肥肉既甘香同竹筍既清爽相輔相成，的確好有鄉村料理既風味，忍唔住叫多碗白飯($14)撈汁食。脆皮大腸本來

雖然香港近排多咗好多台式食肆, 但最老牌又夠份量台灣飯店莫過於E一間~园山台灣料理。蛋黄肉~ E款蛋黃肉, 即係广東菜嘅鹹蛋黃啄豬肉餠, 賣相獨特, 把豬肉堆高放上蛋黄, 味道鮮, 非常入味, 点E款餸, ㄧ定要order個白飯, ㄧ啖白飯, ㄧ啖肉餅, 好有家嘅感覺!蚵仔煎~ 類似潮州煎蠔餅, 採用新鮮蠔仔, 再配蛋漿ㄧ起落鑊炸, 炸到金黃色的, 卜卜脆, 而蠔肉口感清甜, 而蠔肉處理手法都很不錯, 没有(潺), 也没有殼, 大家可以放心进食😌。鹽酥炸豆腐~ 粒粒像發光嘅金磚, 外脆內滑, 咸味適中, 火喉控制得ㄧ流! 仲非常惹味! 台湾花雕蒸开边蝦~ 用正宗台灣花雕酒炮製, 㕑司好有心思地把蝦开边蒸, 每啖都感覺到花雕酒嘅香味, 蝦肉新鮮又弹牙, 係不錯選擇!麻油雞湯~ ㄧ款滋補養顏補身嘅湯水, 材料滿滿, 份量十足, 还有少許米酒, 令這湯水更加有薬用嘅功效, 適合ㄧD怕凍嘅朋友, 直情係女仕恩物!不防喝多幾碗! 味道除了有濃郁嘅酒香外, 还有重重麻油雞香, 真係沒有介紹錯!园山台灣料理屹立係尖沙咀多年, 明白到老店嘅菜式同味道跟現在時尚料理截然不同, 我較喜愛老店菜式, 有家嘅

好耐冇嚟過呢間餐廳，記得以前係尖沙咀返工嘅時候好多時都鍾意係呢度食飯，但自從搬咗寫字樓之後就好少機會黎，結果今日因為生日飯嘅關係，令我有機會食返呢間老朋友之前一直最鍾意呢間餐廳做既醉鴿，每次黎都一定要食，鴿肉好嫰滑而且酒味好香濃，必試另外一個好鍾意飲嘅湯係川歸蝦湯，蝦好大隻而且佢好重藥材味，但係又唔會難入口，飲完成身感覺好舒服，好補另外一個自己好鍾意嘅小食就係干燒豬肝，份量算多而且食落好爽口，配合埋佢個汁感覺唔會好漏，鍾意食內臟嘅呢個一定要叫蚵仔煎都做得好出色，唔會覺得個餅皮索左好多油，而且蚵仔份量算多，做得好入味食完呢餐飯除咗帶翻起好多以前嘅回憶之外，亦都覺得呢間餐廳係尖沙咀可以保持到高水準，真係好難得

其實食台灣菜都唔一定係剩係得小食，可以舒舒服服坐喺酒樓度食正宗台灣菜☺️ 尖沙咀嘅「圓山台灣料理」已經有20年歷史，原本喺漢口道，而家搬咗去金巴利道～ 餐廳好似酒樓嘅格局，菜式選擇豐富，有套餐亦有海鮮，我哋兩個人叫咗個＄328嘅自選四度風味菜套餐，非常抵食👍🏻😵三杯雞用砂鍋上碟，熱辣辣，雞肉嫩滑，非常入味，味道香濃，酒味唔濃，就算唔飲酒嘅朋友食都冇問題～ 油泡鮮魚原條魚烹調，油泡嘅方式類似炸，魚肉外脆內軟，完全唔覺得好多油，仍然保持到魚肉嘅新鮮嫩滑口感，配上豉油汁唔錯，我哋成條食晒👍🏻😝台式小炒超級、超級足料😍，第一次食小炒王係肉多個菜😵 有蝦乾、腰果、帶子、蝦肉、菜莆、豆腐干、肉粒、西芹等等，非常、非常好味😋😋😋超級抵食，必點推介👍🏻👍🏻👍🏻咕嚕黑豚肉本身以為係普通嘅咕嚕肉，但係食落肉質真係比一般餐廳食到嘅更加嫩滑，更加腍，好味，果然咕嚕黑豚肉係唔同D嘅👍🏻😋甜品其實兩個人食四個餸已經係超級飽😝 不過女人係有第二個胃俾甜品嘅🤣 所以幾飽都要食甜品🤣 芋頭西米露好香滑，甜度剛剛好，有一粒粒嘅芋頭肉，煲得好腍，非常好味👍🏻 薑茶湯圓係芝麻湯圓，糖水薑味十足，甜度適中～ 椰香棗茸糕有五件，口

今日又可以喺尖沙咀呢邊做嘢，約埋喺呢頭返工兩個好朋友一齊食晏，最開心今日我哋食晏晝去咗一個叫圓山料理嘅地方，不嬲台灣菜坐係我心目中都係肉燥飯嗰啲，但係原來呢一間有台式嘅點心，而且款式都幾多，幾啱食！冷盤：花雕醉乳鴿 在下見識少！真係第一次食花雕醉乳鴿，之前食花雕雞，今次第一次食呢個花雕醉乳鴿，真係好難忘，覺得花雕嘅酒香而且清，味甜甜的，，同呢個乳鴿嘅肉香，十分之配！而且零舍開胃。秘製酒香豬膶燒賣又係開眼界的時候！第一次食豬潤燒賣，肥厚嘅豬膶，煮得好淋身，食落味道豐厚。飲茶，有幾可可以食到鳳梨酥！熱食係唔同啲，粉粉的外層之下，又香又軟又熱辣辣的餡料，口感好到不得了！甜甜的，令人感到好幸福的甜點。

想食到正宗又有特色嘅台灣菜 朋友嘅不二選擇係介紹我尼「圓山台灣料理」位置易搵方便 係the mira附近嘅馬路邊屹立環境係一般酒樓佈局 圓枱上都坐滿客人 十分熱鬧豬先生豬小姐叫左自選風味菜套餐加蘢招牌極品流沙包自選風味菜套餐有分四道 六道及八道菜倆個人當然係揀四道菜啦未叫野食前 店員先送上前菜蒜泥手拍青瓜 驚喜了蒜及調味突出夠味 青瓜爽脆入味第一道送上嘅小菜係台灣地道小食代表蚵仔煎煎到兩邊金黃實淨 賣相似係煎蛋餅多過似蚵仔煎 心想不妙怎知食落竟然有蚵仔煎應有嘅煙韌感 蠔肉算大粒 點上醬汁 真係有係台灣食嘅感覺鹽酥雞亦係台灣代表小食之一 點會唔叫先雞件炸得夠酥又夠脆 鹽酥風味濃食落唔會成口油但咸度真的有點過份啦 連豬小姐尼個重口味人士都覺得咸 如果咸度減番啲就更可口啦台灣A菜即係咩？台灣通們一定知嘅 油麥菜是也簡簡單單用蒜蓉炒已經足夠 爽脆翠綠嘅油麥菜入哂味 勁食同勁食 我要纖維！蛋黃肉外型好特別 肉餅山仔加粒咸蛋肉餅質感鬆軟柔潤 好juicy 肉汁包圍住整舊肉 送飯一流但同樣汁料方面偏咸 麻油味雖然香但太重 要送飯食 不能空口食澱粉質怪當然要叫飯又叫粉啦肉燥飯嘅肉同飯粒粒分明 口感有層

夏天熱辣辣，俾老媽子休息下 唔駛買餸煮飯咁辛苦。今晚又同老媽子👵🏼出街搵好野食🤗媽最愛中菜，上次同親戚飲茶，d 點心好有水準，今晚揀左依間餐廳晚上食小菜-今晚叫左三款小菜，每款都大大碟媽見到好開心，佢話抵食😂 -❤️虎皮尖椒 媽咪同我都超鍾意食青椒青椒有益之餘又有獨特既氣味有時夏天太熱冇咩胃口，就會簡單地買青椒整黎食。青椒份量多，色澤鮮亮帶少少甜酸，微微辣，爽口又開胃-❤️屏東小炒 數年前，同朋友去台灣，當地民宿主人帶我們吃過一次後，就一直念念不忘它的美味😋今日見到餐牌有，二話不說點黎試下屏東小炒既材料好豐富喔 有蝦米、白飯魚、蜆肉、韮菜、魷魚🦑、芹菜炒得夠鑊氣又唔油膩 伴飯一流而且還很正宗👍🏼最愛既韮菜比例佔最多-❤️溫室南瓜🎃炒鮑魚 日本溫室南瓜有著獨特的甜味肉質份外香甜，亦可連皮食用鵝黃色既南瓜肉，口感粉糯，帶纖絲口感有點像栗子鮑魚份量都多，而且挺爽口有水準既小菜👍🏼-今晚老媽子好滿意大滿足🤗

父母親口味偏愛中式，週末週日廣東式飲茶試了不少，上次經過圓山才知道原來中午有台式點心，很想帶父母試試，就襯臨近母親節一試新口味。週日的尖沙咀人客不太多，比商場酒樓動不動就要等一百幾十張枱實在好得多。四人坐六人枱實在很舒適，就算枱面多放幾籠點心亦不覺擠迫。飲茶先食蒸熱的點心讓父母暖暖肚。懷舊水晶鮮蝦餃蝦餃一籠有五隻，實在很少見。澄麵皮煙韌軟滑，鮮蝦餡爽口鮮甜。秘製酒香豬潤燒賣豬潤燒賣坊間酒樓買少見少，此點心有兩大塊豬潤，豬潤緊緊熟，入口雖然十分爽脆全無粉味，但帶有少少根，有點難以咬開。台式小籠包未知台式與上海小籠包的分別，不過此小籠包皮薄餡靚，肉汁豐富，熱得燙口。招牌極品流沙包流沙包一開二時奶黃餡立即湧出，非常流沙又不太甜，果然係招牌點心。冰鎮南非鮮鮑魚點心紙上有鮮鮑魚可揀，中午食鮑魚好像有點奢侈，但此鮑魚實在物有所值。鮑魚切片再放回殼內，鮑魚肉質柔軟，鮮甜彈牙，醬汁提味剛好，就算老人家食用亦可輕易咬開。台灣花雕醉鴿醉鴿帶有淡淡的酒香味，肉質細嫩爽滑，一行四人每人一件剛剛好。

今日有個朋友嚟咗搵我 佢係一個台灣人 但係就長期喺香港住 所以我覺得佢都幾掛住台灣既食物 所以就提議不如黎依到食下台灣野每次行過去諾士佛台飲酒嘅時候都會見到呢一間餐廳原來除咗有台灣食物之外仲有點心 但係因為我哋係夜晚嚟食所以已經冇晒點心啦今次我哋叫咗5樣食物 對於兩個人嚟㗎其實係有啲多 到最後都要拎走😂🥒涼拌萵筍絲依度嘅萵筍絲非常特別佢撈嗰個醬汁係酸酸甜甜咁樣比起平時其他餐廳會用嘅煮法例如好似辣椒炒 就非常唔同呢個食法比較開胃 令到之後嘅食慾大增！🐥🥚台式雙拼 拼嘅話大概有四五種選擇 今次我哋叫咗鹽水雞同埋蛋黃小卷鹽水雞雞皮好爽而且雞肉好滑蛋黃小卷就係入邊有火腿同埋蛋黃食完之後都唔知道白色嗰層其實係乜嘢 不過就爽爽地咁樣幾好食🐚蚵仔煎呢度食嘅蚵仔煎係我係香港食過嘅最好食嘅蛋邊煎得啱啱好燶燶地亦都會好脆而d蚵仔全部都好大隻同平時食到嘅size完全唔同店員仲會好細心咁幫你切成一小塊 等你易d夾！🐌炒海瓜子海瓜子其實有啲似係蜆但係佢嘅肉質就比較厚少少味道比較特別啲但係都係好食嘅我同我朋友都講唔出究竟用左咩調味料😅🌱炒A菜A菜其實就係炒油麥菜 上面加左少少蒜蓉好有獲氣好好食！😇

媽媽辛苦照顧我們，母親節是表達心意的時候，我煮飯唔叻，最容易做就是請佢出去食一餐，今日我帶佢去食台灣菜，圓山飯店。青瓜餐前小食的青瓜十分爽口，贈送的。鮑汁關東遼參扣鵝掌為了回報重錘出擊，每人一份鮑汁關東遼參扣鵝掌，見到有大半隻手指長的關東遼參色澤光亮，就知道炆得十分入味，鵝掌都唔失色，大家的骨膠原都非常豐富，媽咪皮膚靚靚心情好，受惠都是我們，鮑汁味道豐富，媽媽仲加左碗白飯送，美味鮑汁沒有浪費。高山野菌黑豚肉媽媽皮膚敏感，今日唔食得蝦蟹牛肉，只好選擇黑豚肉，配高山野菌，健康得體。滷肉飯媽媽十分欣賞滷肉飯，話有她上次旅行時食到的風味，特別喜歡台灣小吃小菜。

為興祝家人的生日晚,我們一家人到馳名台灣料理食晚飯。就快到母親節，大家可以考慮帶母親來興祝。老公話餐前小食好吸引，不防叫來食下，泡椒豬手。比相更大碟，老實說係真的幾辣，但辣下辣下幾好味道，豬手又幾淋好易咬。（$52）自選六道風味菜餐（$902）我奶奶摯愛第一道菜-胡椒焗中蝦，辣辣地，用原粒胡椒去焗非常香口，蝦肉彈牙，非常好味。另一碟到我最愛是-寶島照紅蟳，下面粉絲上面大大隻羔蟹，蟹肉一絲絲又多蟹，肉質肥美，粉絲吸收精華非常好食。另一道，台式炆海石斑，原來苦瓜炆石斑，非常有益健脾，我家人都十分喜愛。另外我們加台式滷肉飯，有少少似東坡肉，魯得非常入味，無油腻感。$25再來一碟是阿里山桂竹筍，不是辣的但爽口，非常可口。再來一碟咕嚕黑豚肉，這是生炒排骨高級版，黑豚肉更多肉汁，十分醒胃。最後一碟，宮庭蔥油脆皮雞半隻，炸到恰到好處，皮中又不油又保留雞肉肥美。（$198）價錢非常合理，每人$250一位，非常值得推介。

早排去了外遊，再加上近來有點忙，好耐沒有約同事一起吃飯，今天，剛巧大家午餐時間沒有約人，就去了尖沙咀吃午飯👻我們叫了個4人商務套餐、花枝丸及炒蟶子皇，每位只是百多元，商務套餐包括老火湯、多款點心、小菜、炒飯及甜品，真係抵食😻😻😻😋👍🏻西洋菜老火湯：味道香濃，真係落足料！我同事仲食到好大舊陳腎😋蒜香蝦春卷：夠大條之餘，仲啖啖鮮蝦肉。蝦餃：一籠有成5粒，蝦肉爽甜彈牙😻極品流沙包：內有足料咸蛋黃，正😻😋蚵仔煎： 蚵仔夠大粒，蛋煎得好香😻鹽酥脆豆腐：外皮鬆脆，豆腐嫰滑。五味鮮魚：魚肉鮮嫰，五味汁酸甜好吃👍🏻台式炒蟶子皇：蟶子份量很足，蟶子肉很鮮甜彈牙！😋👍🏻澎湖炸花枝丸：花枝丸好大粒😻彈牙好吃👍🏻椰汁芋頭紫米露：甜度適中，椰子香味濃郁😻

爸爸帶小天后嚟呢間台式料理食lunch話個豬潤燒賣好正但知道佢個女無辣不歡就問經理有無辣嘢食經理話水煮魚正😀 小天后緊係即刻話好啦😍 爸爸好醒咁叫佢加辣有啲人成日話太麻太辣遮哂食材嘅鮮味所以新唔新鮮無所謂其實係佢地食唔到辣啫~ 食到嘅人一定會分到麻味辣味鮮味鹹味 再將呢幾種味道融為一體咁欣賞😎 呢到嘅水煮桂花魚俾咗驚喜我！夠辣而且十分新鮮！唔知大家係咪同小天后一樣覺得桂花魚係最適合水煮㗎呢？不過可能小天后太重口味覺得佢需要鹹多少少~ 個底仲有好多芽菜、豬紅、薯粉同筍。加上呢個地方坐得舒服 員工態度好！推薦！