影片
更多
2018-05-07
33 浏览
假日同朋友嚟到尖沙咀行街，經過金巴利道，見到有間台灣料理，店員熱情招攬，落力介紹食物。雖然係台灣料理店，但原來有點心食，中午想嘆返個熱茶點心，就上去試吓。上到嚟非常熱鬧，超過九成枱都坐滿客人。幸好早一步，唔係可能要等位了。蠔油生腸香港特色街頭小食好多，唔少都係內臟，而台灣人都好鍾意食內臟。大腸都會間中喺酒樓遇到，但生腸真係少之又少。近幾年都冇食過既生腸，竟然喺度遇到，梗係要叫。順帶一提，其實生腸唔係腸，而是豬既輸卵管。生腸本身冇乜味，主要係爽脆，最緊要係洗得乾淨同埋去左啲腸味，呢度冇用到薑絲，但都做到冇腥味，唔錯。再加少少蠔油去調味已經好好食。虎皮尖椒朋友好鍾意食，自己叫左一碟，原來係超大碟。我幫手食緊啲，應該走過油，惹味得嚟又唔辣。鹽水鴨用鹽水做，做到肥而不膩。肉質唔算嫩，而且有點太咸了。水晶鮮蝦餃一籠有5粒好少見，入面全部都係蝦、蝦、蝦，好爽口，冇加到半點肥豬肉充數架。蟹籽肉汁燒賣皇大大粒，好多蟹籽，夠足料。黃金蒜香蝦春卷大條、即炸，好香脆。薑茶湯圓一盅上，一開原來得三粒，太少了，起碼加多一粒啦。黑芝麻餡好好食，薑茶味夠濃，但三粒唔夠喉。店員雖然好忙，亦都幾熱情吓，除左中式點心、仲
上到嚟非常熱鬧，超過九成枱都坐滿客人。幸好早一步，唔係可能要等位了。
蠔油生腸
香港特色街頭小食好多，唔少都係內臟，而台灣人都好鍾意食內臟。大腸都會間中喺酒樓遇到，但生腸真係少之又少。近幾年都冇食過既生腸，竟然喺度遇到，梗係要叫。順帶一提，其實生腸唔係腸，而是豬既輸卵管。生腸本身冇乜味，主要係爽脆，最緊要係洗得乾淨同埋去左啲腸味，呢度冇用到薑絲，但都做到冇腥味，唔錯。再加少少蠔油去調味已經好好食。
虎皮尖椒朋友好鍾意食，自己叫左一碟，原來係超大碟。我幫手食緊啲，應該走過油，惹味得嚟又唔辣。
鹽水鴨
用鹽水做，做到肥而不膩。肉質唔算嫩，而且有點太咸了。
水晶鮮蝦餃一籠有5粒好少見，入面全部都係蝦、蝦、蝦，好爽口，冇加到半點肥豬肉充數架。
蟹籽肉汁燒賣皇大大粒，好多蟹籽，夠足料。
黃金蒜香蝦春卷
大條、即炸，好香脆。
薑茶湯圓一盅上，一開原來得三粒，太少了，起碼加多一粒啦。黑芝麻餡好好食，薑茶味夠濃，但三粒唔夠喉。
店員雖然好忙，亦都幾熱情吓，除左中式點心、仲有啲台式小菜，以後飲茶又多一個選擇了。
张贴
