圓山台灣料理 (已結業)

人多食飯飲茶就最好不過，同事想食得特別d，所以就提議黎圓山食，讚佢有得食中式點心同台灣小菜。我地一行12人叫左4人餐同6人餐，分量合適，唔會食唔哂食大嘥鬼Big Waster。先黎碗蓮藕湯，有d師傅味(味精重左d)。蝦餃有成5粒咁多。味道正常，皮厚度口感適易。四季豆調味夠惹味，可惜油左少許。蚵仔煎一大底，蠔足料，賣相吸引，蛋同蠔融合在一起，煎得幾香，有焦邊，味道唔錯。麻辣鴨舌係凍盤黎，10小辣，鴨舌肉彈牙，幾開胃。鹽水鴨肉嫩，有陣陣酒香味，但無苦澀味。台南肉醬豆腐感覺似麻婆豆腐走辣，餸飯最適合不過。鹽酥雞個皮厚左d，肉質尚算嫩滑。雞煲夠重口味，正。五味鮮魚得甜酸咸味，仲有邊兩味呢?最後仲有每人一碗芋頭西米露，少甜，西米份量多，芋頭夠粉，大家都比like埋單每人$122，價錢合理。

圓山位於尖沙咀，係一間樓上台式菜館高雅嘅裝修，今次已係我第二次嘅光顧，當然有其優點，先令人有再吃念頭。睇吓餐牌簡麗嘅封面，內裡一定收藏種種佳餚台式冰梅骨---我就係比呢個名吸引住，何為冰梅，其實近似酸梅醬，估計當中加入左麥芽糖，所以睇落肉骨外似被薄冰包起，味道酸甜十分開胃。蚵仔煎，用料十足，粉漿感唔高，所以更顯蛋香加上重量級嘅蠔仔，同適量韮菜，倆者互相襯托滷肉，用左層次分明嘅三層肉，單看外表仲意為會好咸，但食落反而覺得味道偏淡，個人口味覺得咸啲或香料味重啲會更好，但值得一讚係，雖然係滷肉但絶無油膩感，而且底層豆腐吸盡滷汁嘅精華。宮廷葱油脆皮雞，脆皮炸子雞淋上了香葱油，未見特別驚喜，相信樟化鴨會更精彩酸菜桂魚片好好食，桂魚肉厚薄適中所以每塊都感嫩滑，唔會過熟，酸菜湯中加入粉絲同笋片酸中帶點清甜，我都食左三碗價錢方面也算公度，因為每碟份量也很多。所以會再來

奶奶生日，同事介紹我黎呢間台式料理店，本身擔心同長輩食台式野會唔會唔夠得體，但睇個餐牌，大部分菜色都好特別同有心思，雖然價錢算是中上消費，但非常值得！先黎麻油雞湯（半隻），我地4人每人飲左兩碗。第一啖感覺到濃濃的薑味，跟住雞肉的味道湧出來，湯頭豐硬又能暖身，好有水準！台式三併揀左蛋黃小卷、鴨舌同鹽水鴨。蛋黃小卷功夫野，裡面是加了豆角的咸蛋，外面是雞蛋白，配上沙律醬而食，口感清新而帶有淡淡的咸蛋香。鹽水鴨是我老公最喜歡的一道菜，鴨肉雪凍才切，連軟骨都可以咬開，配上白醋而食，好開胃。花雕蒸膏蟹，我覺得最好味既一道菜！極濃郁的花雕味，而且花雕酒與蟹互補，可解蟹涼性，最佳搭配！你睇下佢幾多膏，不得了～好好味！呢個係同事介紹既隱藏菜色，將食完的花雕蟹汁用黎炒新竹米粉，米粉吸收左花雕酒和膏蟹既鮮味，食完直頭想好似家燕姐咁轉身😂😂😂非常推介呢個隱藏菜色俾大家。秘製糖番薯黃心番薯加上蜜糖經過慢煮之後，每一舊番薯都好軟林好入味，唔算太甜，但一人一舊適可而止😝每道菜都唔易在外面食到，而且食物質素好高。當日平日仍然坐無虛席，多謝同事介紹，下次一定要再去試其他菜色。

店內分兩層，樓上是3個包廂，可以唱k打麻雀。樓下大廳設有不同大小的圓枱，這次坐在邊邊位置，感覺舒服。花雕蒸羔蟹，極多羔，蟹羔屬於硬身類，好啱我口味。本來擔心5個人share會唔夠食，但經理好好咁話夠嫁喇。原來上碟時蟹腳會再斬開6份，極細心。就算蒸煮過後仍然有好濃郁的花雕味，好正！水煮桂花魚，魚肉滑嫰，裡面的土豆粉偏硬身、鴨血好入味。做到油而不腻、辣而不燥、麻而不苦。稍為覺得油多左少少。但整體來說算高分。木桶豆腐花原個木桶上，好有風味。豆腐花好滑溜～可以自由配搭糖水或黃糖粉。大餐牌的食物好名貴同得體，而小餐牌既時令菜色亦好出色。推介俾大家😉

經常想食不同的茶菜式 今次想食台灣野在尖沙咀都算就腳一進去 就感到好像舊式台灣餐廳 想一下子到了台灣的感覺 其實是挺驚喜的叫了彰化鹽水鴨 例牌 $90有點咸 肉味不夠 但勝在啖啖肉台式炒聖子皇 $248好食 聖子新鮮又有鑊氣 同港式唔同係較甜 而且份量唔少蝦球湯伊面 $198 有好多蝦 我勁中意食蝦 超開心 而伊面味道都好好食 入味 唔會‘林’晒 同斷晒炒A菜 $75即係油麥菜 又甜又爽 又唔會好油 好味總括而言 呢餐好食又有風味 想轉下環境可以試

今日突然之間有啲想食中菜於是就同埋幾個朋友去咗尖沙咀一間都幾大但係比較隱蔽嘅中菜館食飯呢度比較有特色嘅就係分別有中式點心菜等等亦有台灣料理同埋一啲四川上海嘅菜式 可以話係集合左唔同類型鋪頭菜式今次嚟到我哋分別叫咗幾籠蝦餃奶皇包等等嘅點心覺得佢嘅奶皇包比較出色因為入邊食嘅時候仲係好熱亦都好香奶黃味同平時食開平平哋嘅奶皇包唔同另外我哋叫咗三隻鍋貼試吓 鍋貼都幾大隻隻咬落去嘅時候仲係好熱 入邊嘅肉食落去都幾juicy!難得嘅事我哋喺下午嘅時間去食但係都叫咗水煮魚 呢個水煮魚食落去好大碟可能夠4至5個人食 食落去麻辣味好重 一路食一路嗌晒過癮 但係就唔建議唔食得辣嘅朋友先啦 鍾意食辣嘅朋友可能會幾滿意 入邊分別有一啲蒟蒻魚同埋豬紅因為想有一啲澱粉質落肚我哋叫咗一個蛋白炒飯 價錢雖然比較貴但係份量都幾多同埋食落去幾香幾有鑊氣 酒樓黎講呢個炒飯質素都算中上 個人最鍾意嘅可能係呢一度嘅薑茶湯圓同埋胡椒酥餅 呢兩碟小菜雖然唔係咩特別菜但係普通嘅中式酒樓未必見到 同埋覺得佢嘅薑茶湯圓味道幾甜入邊嘅湯圓亦都有少少嘅薑味個人亦都好鍾意食湯圓 胡椒酥餅嘅外層亦都 好有口感食落有好多層好鬆化 同埋亦都幾大舊 價

想不到酒樓都可以食台灣小菜。嘆茶食蚵仔煎又真是第一次。餐牌上有好多不同類型的台灣經典小食，例如三杯雞、鹽酥雞、蚵仔煎，肉燥/滷肉飯等美食。餐廳好細心安排了二人及四人套餐讓食客選擇，而且價錢都較為划算。不過套餐沒有我想選的水煮桂花魚，所以今次就選擇了散點菜式。菜餚準備需時，等候期間可以先食青瓜醫下肚。第一道菜是酸菜海鮮湯。湯份量好多，海鮮材料都好足。用鮮蝦、魚肉🐟、蜆肉同魷魚煮製，湯味鮮甜之餘，又充滿酸菜香味，甜酸交集，好開胃。第二道蚵仔煎味道都不錯。蛋裡面放入大量蔥花，好香蔥味。蛋煎製過程沒有用大量油，所以蛋身不太油膩，質感結實。第三道及第四道菜分別是水煮桂花魚同三杯雞。這兩道菜非常惹味，食兩碗白飯也不是問題😆。水煮桂花魚有辣度選擇，愛吃辣而不能吃辣的可選小辣。辣味入口即止，不需要大量飲水解辣。裡面除左魚肉，還有豬紅同寛身薯粉，吸收哂湯底精華，非常入味。三杯雞味道濃郁，雞肉嫩滑，醬汁多不乾身👍🏼👍🏼👍🏼，正。

同爸爸提早慶祝生日，今次就去咗哩間酒樓式嘅台式餐館。啱哂鐘意飲茶嘅長輩。晚市以小菜小炒為主。種類好多樣化，花多眼亂，好唔容易先諗好食咩。台式食物點少得蚵仔煎。蚵仔煎size比起個頭仲要大，蛋味好香，𥚃面放咗好多餡料。哩塊蚵仔煎冇出邊食開嘅咁油膩，煎到好乾身，食多兩塊都唔會濟。三杯雞又係另一必點菜式，雞肉勁滑，醬汁味濃，勁惹味。水煮桂花魚叫咗個例牌，份量足以夠四五個人食。紅辣椒🌶鋪滿係魚上面，辣味十足。啱哂依家天氣涼涼地食。魚好新鮮，口感好滑又冇骨。酸菜海鮮湯都係第一次飲，湯味酸酸甜甜，好飲👍🏼。湯料海鮮都唔少，食到有魷魚、大蝦、魚同蜆。酸酸地愈飲愈開胃。哩到只提供台灣啤酒🍻。味道特別純，好飲。

有朋友推介圓山呢一間台灣野好好食於是就試吓試完之後我覺得佢講得絕對冇錯佢係嗌小菜同埋飯咁嘅形式嘅個裝修都比較似中式嘅餐廳咁我哋就揀咗自選風味套餐食個菜打下底先上到菜先至知道原來台灣A菜係指油麥菜我就覺得佢個油麥菜油膩左少少如果可以清淡啲就好啲啦跟住係台式小炒所謂嘅台式小丑其實就係魷魚酥加埋其他海鮮同埋韭菜花 蔥頭一齊炒好有鑊氣正！😍😍😍跟住落嚟就多好多肉啦我覺得其實我哋唔係好識嗌嗌哂啲類似嘅台式滷肉所以其實可以嗌其他試多啲嘅不過台式滷肉真係好好食用黎送飯可以食三碗台南肉醬豆腐其實一開頭想嘅時候呢我覺得比較似麻婆豆腐我就會驚呀會唔會好辣啦不過其實雖然睇落去都有啲辣椒食落口都有少少辣嘅不過可以接受到同埋其實個辣味呢先更開胃呀台式滷肉呢個滷得好入味你見到佢顏色比較深同埋每一舊都係五花腩嚟㗎！咬落去入口即溶不過如果食到下面 浸係汁入面嗰啲呢可能就會比較鹹所以要點一點走啲汁先至好放入口好特別嘅蚵仔煎因為平時喺出邊或者就算係台灣食到嘅蚵仔煎其實都係用太白粉溝出嚟呢度竟然係用蛋餅好驚喜好鍾意呢個新嘅配搭😍😍😍不過啲蚵仔就略嫌乾身咗啲如果有埋嘢飲就好啦好好胃口真係好岩送飯唔怪得朋友話好食😋😋😋😚

台灣人熱情好客，地道小菜，精緻點心，贏盡香港人歡心，去到圓山台灣料理，高朋滿座，耳邊盡是把酒言歡嘅聲音🥢🥂，很有喜慶嘅氣氛👏👏👏今天到來，花雕醉乳鴿是誘因，為了吃多幾款菜式，策略地點了二人套餐🥢🍚乳鴿大小合度，醇而不嗆，嫩滑鴨肉滲著酒香，非常入味，絕對值得我們垂青。滷水是台灣的拿手料理之一，薄切豬耳晶瑩爽脆，香料醬油、麻油特別吸引，每次咀嚼，滷水料齒頰留香，豬耳嘅軟骨口感，有趣得令你吃個不停。鹽酥雞，一籃子大大件，滋味咸香，酥炸外層，惹味可口。台灣肉醬豆腐，白滑豆腐，滿滿地被醬汁和肉碎包圍，每一湯匙足以令你扒多幾口飯，這時店員正好為我們換牒添茶，我連忙投訴二人餐的份量多得過份😂😂😂害得我又要増磅，想多吃兩款點心也容不下要食正宗台灣菜，到尖沙咀圓山真係太方便了， 可恨今天吃得太飽，誓言下次再來，重點將會是⭐台粵點心，流沙包、胡椒餅、糽油抄手.... 為左美食，我是絕對不會放棄的🤩🤩🤩

今日晏晝同屋企人想喺尖沙咀附近食少少點心 因為屋企人比較鍾意飲茶中式嘅食物 但係我個人就比較好台灣食物 經過見到呢間賣相好似茶樓嘅鋪頭竟然有鹽酥雞呢啲台灣食物 就走左入去試吓 一次滿足屋企人同自己嘅兩個願望我哋首先帶咗一啲點心 分別有奶皇包蝦餃燒賣等等呢啲傳統中式點心 呢啲傳統點心嘅質素都幾好食 特別印象深刻嘅就係佢嘅奶皇包 一咬落去入邊嘅奶黃真係熱辣辣 最緊要嘅係入面仲有鹹蛋黃 係我嘅最愛 覺得佢呢個奶皇包都幾出色大家嚟都可以叫試吓！ ！ ！另外我哋叫咗一啲炒腸粉 胡椒餅炸豆腐等等 其他茶樓比較少見嘅菜式 炒腸粉食落同宵夜鋪有嘅蛋炒腸粉差唔多 反而唔似中式茶樓嘅蝦米腸叉燒腸嗰啲類型 值得一題係佢嘅炸豆腐 呢度嘅咋豆腐細細粒渣粉啱啱好黐住豆腐 覺得佢炸得幾好 唔會好油 炸粉同埋豆腐亦都唔會分開晒！呢度嘅胡椒餅外皮好鬆化 不過食完就會有啲飽肚 建議可能幾個人share一舊食會好的！由於同行有個小朋友好鍾意食湯圓我哋就叫咗一個薑茶湯圓俾佢食 每碗湯圓有大概三粒因為想有少少澱粉質落肚於是我哋就叫咗一個蛋白炒飯 炒飯嘅份量都幾大碟 雖然價錢略貴但係食落都幾有鑊氣 質素都幾好因為自己比較鍾意食

今日夜晚喺尖沙咀附近行開突然之間有啲想食水煮魚同一時間又想食下 台灣鹽酥雞 朋友嗰頭話咁腌尖嗰頭就經過見到呢間鋪頭我哋亦都叫咗一啲台灣嘅小食包括小香腸鍋貼等等 整體質素都唔差為咗水煮魚同埋鹽酥雞黎冇理由唔叫㗎 一坐低就決定咗叫水煮魚$298 同鹽酥雞$98 水煮魚嘅呢個價錢有少少貴 但係呢間鋪頭嘅水煮魚比其他鋪頭嘅麻辣 辣椒同湯底都幾重手 同埋佢入邊有好多嘅豬紅同埋魚 仲有蒟蒻係底 鹽酥雞分量正正常常 食落炸粉同埋雞唔會分開 個人都幾滿意另外我哋見到餐牌有一個好得意嘅章油鴨 於是就叫左黎試吓啦 同我地食開嘅鴨唔同 佢嘅皮肉痴得好實 識落唔會好油膩同埋皮肉分離 側邊仲有幾舊饅頭仔俾我哋送黎食 都幾特別第一次食呢個味道嘅鴨不得不提嘅就係佢呢個炸豆腐 佢呢啲豆腐份量幾多同埋細細舊又唔會炸到好油 炸粉同埋豆腐亦都啱啱好痴住 所以覺得呢間鋪頭嘅炸物都幾好食話明有台灣野冇理由唔食下三杯雞 呢度嘅三杯雞份量幾多唯一不足可能係佢嘅雞比較多骨 但係都係大大嚿嘅 份量都算適中 總括嚟講 呢度又有台灣嘢又有一啲粵菜 啱哂係平時特別鍾意食台灣嗰啲小食但係又唔想全部都係台灣食物嘅朋友 所以依家都算係一間中粵台菜

近年黎比較多台灣小店同飲料店係香港開店， 但只係飲黑糖珍珠奶茶同食鹽酥雞排，食得多都會悶 。想正正式式食台灣本土菜， 兼且想坐得舒舒服服，故此圓山就成了我同朋友經常 聚腳的地方。餐廳 位置方便，就近地鐵站，由佐敦行過去又或者由尖沙咀行過去都十分近。 而且餐廳內在環境也很大， 一樓為散座二樓為獨立包廳， 多多人都可以容納得到。食物 種類豐富， 無論是 涼菜類、台灣小菜、四川菜式、 海鮮鮑參翅肚 、湯品及甜品等等， 包羅萬有迎合各人所需。三杯雞所謂三杯雞其實是一杯麻油，一杯酒，一杯醬油 造成的雞料理。 雞肉色澤誘人， 醬汁富有酒味，鹹甜香於一身的醬汁讓人秒殺不少白飯。蒜片黃花魚這道菜的最大特色在於黃花魚炸後外脆内滑的口感，魚肉口感鮮甜、脆嫩而不會過老。 魚肉與蒜片一同同炸， 濃濃的蒜香味滲透到魚肉的每一部分，非常出色。招牌鮑汁海鮮炒飯炒飯雖然簡單，但 飯炒得粒粒分明又夠鑊氣，卻不是人人也做得到， 而且加了鮑汁的炒飯味道更上一層樓， 最重要是飯的分量很多，海鮮如蝦仁和帶子也很新鮮。 加了菜脯粒和冬菇粒， 讓炒飯的層次更豐富。紫米露飯後飯店更送每人一碗紫米露，黑糯米配上椰奶，非常美味，讓人非常

香煎外婆蘿蔔糕喜愛食蘿蔔糕既我地, 覺得呢度既蘿蔔糕蘿蔔絲很足料。 食落都有重既蝦米味。 加上特製辣醬, 很唔錯。 值得一食。台灣肉醬豆腐呢個家常小菜。落生粉落得好, 所以個稀稠度唔錯。 有少少辣。 送飯好正。新會皮牛肉球家人最愛食呢樣。 次次去茶樓都會點。 呢個牛肉球好滑。 食落唔會太散椰子排骨湯一份有7-8碗。 飲完侍應會幫你添。 覺得好清潤好好飲。 金銀蛋浸時蔬時蔬好新鮮好脆仲叫左涼拌海蜇, 揚州抄飯和叉燒包。 質素味道都唔錯

圓山台灣料理位於尖沙咀諾士佛臺錢， 這次與朋友再次來到， 當然是為了吃台灣料理吧。 餐廳面積也頗大， 能容納很多人。 座椅與座椅之間 也不算太密， 坐得也頗舒服呢。今次和幾位朋友一起來到叫了幾款食物：台式小炒王台式小炒王材料豐富 ，有韮菜、蝦乾、魷魚等材料， 蝦乾和 魷魚乾的鮮味 鹹鹹香香，加上鑊氣十足，絕對要點。樟茶鴨樟茶鴨的製法繁複，經腌、燻、蒸、炸等四道工序製作而成， 最好當然要出街吃。 這裏的樟茶鴨皮酥脆， 鴨肉嫩滑， 配上軟包一起吃， 非常滋味。鮑汁海鮮炒飯鮑汁味道濃而不咸， 有味道得來炒飯又不會太濕， 加上蝦仁和帶子的份量也很多， 配上菜心粒， 味道和口感也非常一流。奶黃流沙包包子 即叫即蒸 ，非常軟綿，內餡富有鹹蛋香味 ，順著流淌，像流沙一樣瀉出， 真的要趁熱吃呢 。紫米露飯後 餐廳還送每人一碗紫米露甜品呢。